Lady M

营业中

休息中

LadyM登陸香港後，掀起一道熱潮。即使現在，每日仍然要排長龍。 這裏的蛋糕一塊蛋糕賣68-75元, 主打千層蛋糕。今天一放工到來排隊，點知所有口味都賣晒，只剩下焦糖口味蛋糕，想食玫瑰味想食玫瑰味，真是想食都冇得食。限定蛋糕 - 海鹽焦糖千層蛋糕 $78蛋糕造型精美，滑滑的棕色焦糖配上白色忌廉，形成強烈的顔色對比，外型十分吸引。而班戟皮真的好薄好薄！薄到1mm! 我數過，件旦糕有成23層班戟皮！班戟皮好香滑，而且朱古力味十足，每一層都夾有薄薄的忌廉。忌廉十分輕身，口感軟滑，配上香甜的焦糖topping, 整件旦糕的味道十分甜美，仲滿有拖肥的味道，但海鹽的味道就唔多覺。整體而言，味道十分好，但未致於震攝的魅力，造型精美，可以一試。

成日都經過海港城嘅Lady M，但每次都好多人排隊，唔講以為唔洗錢，但咁多人試又咁多人話正，冇理由唔試，咁岩屋企人生日，所以就成個訂，不過就比較貴，下次都唔捨得再買。今次買嘅人玫瑰千層蛋糕，因為成個買，佢有比埋乾冰，所以都keep到2-3個鐘，個盒同個紙袋仲幾靚。入正題，但蛋糕係好靚，影相一流。口感好有層次，噡噡都有好香嘅玫瑰味，每一層都好薄，蛋味香，食完唔會覺得好濟好甜。不過成個買嘅價錢實在太貴，雖然好食，但下次都未必會成個買，都係買一件好d

身為一個港女，lady m簡直係我最愛🤣🤣冇左我最愛既伯爵茶千層，出左個海鹽焦糖千層，唔知代唔代替到我心中伯爵茶既地位。-答案係，代替唔到🤣🤣🤣首先佢個味道好甜，唔太岩我，而且冇之前伯爵茶個個香味，但依然一貫Lady m既佢作風，皮薄cream滑，其實佢都係好好味，只係冇伯爵茶咁好食🤣幾時會出返伯爵茶味比我😿😿😿

食物满分！一如以往，色香味美皆一流水准。這次试的是玫瑰千层糕，香港限定的口味喔！😌🤤上面粉红色的就是玫瑰果冻，薄薄的一层，玫瑰味不會太重，沒有蓋掉本身的忌廉香氣，玫瑰的味道也很天然，吃腻了原味千层糕却又想要继续吃千层糕可以选择这个😂 蛋糕的皮和奶油做的非常好。奶油很浓郁，让我想起Creamia冰淇淋的味道！他们家应该用同样的奶源吧！皮挺身不软不湿，他们的蛋糕明明不是现做，却在放置一天过后（我晚上快关店时去吃的）仍然能保持这个口感，师傅的功力也真的太强🙇🏻‍♀️最后吃完还再叫了原味千层糕一个，人生第一次一次过吃两大片蛋糕🙈

Lady M....我又黎喇.....🤤🤤🤤今次Order左四種味道嘅Cake...《Green Tea Checkers》期待左好耐，終於食到喇，最愛抹茶味，面頭果層抹茶醬，抹茶味又夠濃，又夠厚。下午茶時間，一件Cake,一杯Tea，仲唔係prefect match蛋糕一格格，色彩相當豐富，影相呃Like 絕對一流👍🏻《Salted Caramel Millie crepes》《Rose Millie Crepes》

以20層班戟皮，加玫瑰忌廉，兩者相間而成，最上層是一層晶瑩剔透的玫瑰啫喱，再加上可食用的玫塊乾花瓣。整件蛋糕散發著香甜的玫瑰味，但味道很清新，不是那種很濃俗的玫瑰味，就連不是玫瑰控如我也吃不停口。清清淡淡的味道，一個人KO一件也不會覺得肥膩。就是柚子蜜加疏打水，沒有甚麽特別，但也算是沒有選擇中的選擇，因為飲品真的沒有甚麽可以選擇。總結：整體而言還算不錯，起碼招牌的千層蛋糕還是很有水準的，不過飲品就不用寄望太多了。另外店面沒有太多店員，等了很久才有人清潔上手留下的物品。

Had Lady M for more than 20 times in my life and it is still the best cake I have ever tried. The queue was not too long that day, so me and my boyfriend decided to go for it after dinner. My recent favourite is the rose cake, then comes with the originall! People who has not yet give lady M a chance really should try it out!

日前，應國內朋友之約前往海港城「Lady M」茶敘，並冀一嚐其瘋魔中外的各欵千層蛋糕。去到目的地已見長長的人龍，喧嘩的群眾聚集，心中已一沉，暗禱食物要過份被宣傳誇大及熱情渲染就罷了！幸好國內的朋友一早收到風，在龍頭已佔一席有利的位置；所以，很快便得已安排入内。首先嚐了一件綠茶蛋糕，細觀其外型，可見其製作精巧，頗具心思，亦考功夫！但食物並不只求外觀，亦要試其真之味。細嚐之下，不覺爾爾，並如外傳的那麼好味道，且近乎淡而無味？又試另一種朱咕叻千層蛋糕，其味道亦同出一轍，只有食朱咕叻的味道，而無蛋糕之應有味道呢！故亦無再試下去的價值及勇氣，而蛋糕的價錢亦偏高，有嘩眾取寵之意，性價比不值！有感很多食店亦為盛名所累，亦因擴展過份膨脹，細作而變為大量生產，致大失水準，殊為可惜呢！

究竟大家咁辛苦排長龍食呢間野為咩？好食嗎？我唔太覺得，我要咗個海鹽千層蛋糕同一杯百爵茶個蛋糕無咩味，完全唔香，但一件蛋糕加一杯茶，要$130，仲要排隊等位，我覺得係一啲都唔值由於性價比太低，我一定一定要比劣評我絕對覺得咁多人黎，係跟風、廣告效應，去既人尤其多係國內人，即旅客，邊間出名就去試我都跟風去咗，但我諗我唔會再去，$75一件無味既蛋糕加排隊，真係當我儍既，我去星巴x食件朱古力蛋糕加杯咖啡都係$80左右

今日同表姐系尖沙咀海運大廈果度shopping,行完街肚仔有少少餓，見平時lady M的千層蛋糕平時大排長龍，難得今日冇咩人排隊，於是就去買來試下系咪咁好味先。海鹽焦糖千層蛋糕，有成二三十層朱古力皮膚組成，每層都有少量的cream,濃厚的焦糖味，千層蛋糕又不會太甜，味道適中。抹茶千層蛋糕好香抹茶味。

每次經過海港城 都見到LadyM永遠都有人排緊隊今次夜晚8點幾都唔例外 一樣要排隊😢呢個時間已經剩番三種口味既千層蛋糕抹茶 玫瑰 焦糖最後揀左抹茶同埋玫瑰味既千層蛋糕食落口 抹茶味好濃 但唔會太甜 鍾意抹茶既朋友一定岩！不過就無咩太大驚喜😂 但都係好食我就最推薦玫瑰口味 佢既口感同味道都好有層次而且係真係有好香既玫瑰味🌹食完原全唔會濟相比起抹茶 佢比想像中好食好多！一定要試玫瑰口味我亦叫左杯涷既rose latte但係大失所望樣就好令 滿心期待但味道就好唔得！好淡 甜味又無咩 玫瑰味亦無咩 連奶味都無同飲水差唔多🙄又唔係平 下次唔會試飲品但佢既千層蛋糕的確係值得後打排隊食下無論打卡定為左hightea都咁岩而且service都幾好

本身自己唔太好甜品，蛋糕之款的食品！但見個個都話好好味，又話要排好耐隊！而有一日同老公行街經過，見難得無乜人排，就買左兩件最出名的原味千層糕，同伯爵茶千層蛋糕!包裝仲好好，連埋一包乾冰放入盒到，剛剛好夠我一個鐘車程回家先食原味真係不得不吃，因為勁香蛋味再帶有D焦糖味,每一層都夠薄夠多，層層都分明，入面夾有忌廉真係勁滑!!一啖一啖食，真係好回味，一點也不會太膩太甜！而清香的伯爵茶味，真心好味，唔會太甜！

食飯時間黎食，算唔太多人，大概前面等4~5張枱15~20分鐘左右啦。今次主要黎試我期待已久既兩隻新味-玫瑰同海鹽焦糖玫瑰味主要he自上面層啫喱蛋糕本身好似原味咁如果鍾意玫瑰花味既朋友可以一試，但係我就一次就夠喇，下次會揀返原味，因為原味d cream 冇比玫瑰味蓋過，會香D 好食D海鹽焦糖千層見到佢個樣。。。就擔心會唔會好甜但係一食落～嘩！好好味呀如果大家有食過樂家杏仁糖，而又好鍾意食～請快D 黎試！其實真係唔會太甜，陣焦糖味好衝擊！但係。。。其實我最愛還是earl grey....earl grey 食落口係會有升天既感覺咖。以上呢兩件暫時未有。。。。earl grey, 你會唔會再返黎咖？

近期流行Lady M這個蛋糕品牌，身為千層蛋糕嘅愛好者，當然要去試一試。聽聞最受歡迎嘅喺海鹽焦糖千層蛋糕。第一次黎，就試試佢先。可以見到，其賣相精緻。而且蛋糕是由20層左右嘅朱古力餅皮組成，每層隔著幼滑嘅忌廉。濃厚嘅焦糖味，配上少量嘅海鹽咸味，更能帶出焦糖嘅香甜。蛋糕整體甜度適中。士多啤梨海綿蛋糕也不錯。其賣相同樣精緻，甜度也適中。蛋糕中間兩層忌廉，也是包含一粒粒士多啤梨果肉。海線蛋糕也非常綿軟。真的不錯。

早陣子絲打蜜月完後，約定小人茶敍派手信，兩名女生很自然的選擇Lady M。千層蛋糕乃店之名物，焉能錯過。我們挑了玫瑰味和伯爵茶味的，配合高貴的絲打。原來蛋糕不是蛋糕，是一層班戟夾著一層忌廉而做成的千層，好特別好煙靭的口感，更可省卻蛋糕的甜膩。玫瑰味的有一層玫瑰啫喱在上面，錣以玫瑰花瓣，美麗而清香。至於伯爵茶味的真的很香很伯爵茶，好像吃著凝固了的伯爵茶，同樣清香無比，吃完一整件再喝口濃清茶，是一流的享受！每一口都是幸福！