LAB EAT Restaurant & Bar (T.O.P This is Our Place)

营业中

休息中

在人山人海的旺角，想舒舒服服地歎一餐午餐，最好便是來到T.O.P.這個商場，5樓上面找到這間Lab Eat。雖然人客也算多，但這裡環境舒適，座位闊落沒有焗促感，令人放鬆到心情。紅菜頭酥皮盒子這個前菜款式算是新穎，平日可以選擇的通常是沙律或者餐湯，酥皮香脆鬆化，紅菜頭爽口清甜健康。炭燒美國安格斯肉眼五成生熟度的肉眼扒燒得有水準，肉汁豐富肉質嫩滑，沒有多餘的血水滲出。香煎比目魚柳伴燒南瓜比目魚扒的魚皮煎得香脆吸引，魚肉鮮甜嫩滑，燒南瓜吸收了魚汁的精華，又香又甜。蕃薯條蕃薯條比一般的薯條粗身，炸得香脆亦較為薯條清甜。炭燒美國露筍味道清新怡人又清甜，但是這碟份量有點少呢。花生布朗尼蛋糕這款brownie佈滿花生碎，可以增加口感之餘亦可以減低肥膩罪惡感，甜度適中較為健康。藍莓芝士餅保持到芝士的香濃卻不會過甜，是健康又美味之選。

今日同好朋友吃晚餐，來到很久沒來的旺角區。原來旺中商場已搖身一變，變成時尚型格的新商場啦。朋友推介下，我們來到頂層的Lat Eat。我已聽到餐廳的名字好多次，今晚終於有機會一嚐啦。 餐廳的環境很舒適，我們被安排坐在窗邊，才發現原來餐廳在室外坐位，很適合朋友Chill一下，喝一杯，好好放鬆一下呀。 煎法國鴨肝配焦糖鳳梨和奇異果 $168 服務員推介我們品嚐煎法國鴨肝，賣相好精美，使我們更期待今晚之後的菜式。鴨肝不會煎過火，切開猶如牛扒質感，留有少少咬感，加上水果，吃起來不膩，好好食呀。 美國和牛西冷 $598 朋友好想食和牛西冷，西冷扒好大一塊，兩人分享好滿足呀。西冷煎至五成熟，香噴噴，每一個部位也好好味。我們看到當晚不少客人也有柯打一份呀。 法式蘋果批配香草雪糕 $108 法式蘋果批的造型好像拿破崙，上層是肉桂蘋果啫喱，中層有吉士忌廉，下層有酥皮盒，加上香草雪糕非常美味！

黎到旺角，想黎試呢間好耐，今日終於黎到，即日打電話book, 店員話88折優惠要早1日上open rice訂，所就冇上網book, 原來係可以即日book...唔緊要，不過希望員工講真野啦！2個人叫左杯薑味菠蘿雞尾酒+煙霧汽球(+$30), Cosmopolitan, 黑松露磨菇湯，3件海膽多士，海鮮併盤。薑味菠蘿雞尾酒+煙霧汽球(+$30)噴完汽球3秒就爆左,想影相都影唔到，咁就冇左$30,味道唔錯既，唔會太甜，好淡酒精味，啱女仔飲。Cosmopolitan, 睇drink list個樣係藍色有泡先叫黎影相，個樣唔同左，但味道都唔錯既，足夠酒精味，濃過上一杯雞尾酒。黑松露磨菇湯，非常淡既黑松露味，有香濃磨菇味，好夠熱，但有d失望海膽多士，加拿大海膽好新鮮同鮮甜，每件多士有2片海膽，麵包搽左蒜蓉牛油，所以好香同好軟熟，唔會搶左味，面頭有幼葱碎，如果改為黑松露醬/黑魚子醬三文魚子會更加夾，而其中有1件多士深色d, 其中1件多士有d苦味，整體算唔錯，味蕾好滿足海鮮併盤，全部海鮮都係僅僅熟，入面有刺身口感，非常軟熟唔會韌，面頭都有焦香味，紅蝦油佈滿整碟海鮮，極鮮味美！真係一滴都唔想嘥，龍蝦非

今日生日老公book左餐廳同我周圍去食😋第一站黎左旺角呢間西餐廳，有落地玻璃陽光曬到入黎幾舒服，環境都幾舒適。坐窗邊享受下陽光☀️舒服～同老公一人叫一個set lunch，沙律同湯都可以試哂😛南瓜湯好濃郁，南瓜打溶哂好杰身好好味。而沙律個醬汁酸酸甜甜好開胃👍🏻主菜我叫左呢個炭燒黑毛豬，一切就已經知道好林身，而且好多肉汁完全唔乾身。而老公就叫左呢個安格斯肉眼，份量好大塊，肉質好嫩，而且牛味好出，煎得岩岩好唔會過熟。最後食埋甜品成個set lunch好豐富，呢到既甜品唔算太甜好適合女士食🤣唔多糖份。

行開旺角T.O.P. ，見到頂層有呢間LAB睇落好似唔錯，所以就同女朋友簡左呢一間餐廳食LUNCH 。我地簡左呢個LUNCH SET，睇見佢有兩個價錢，一個係2 COURSES 嘅價錢，一個就係3COURSES 嘅價錢，既然價錢唔係差太遠，咁梗係食個豐富D 啦，事關可能又就黎限制堂食，唔知幾時會再有得出街食LU。我嘅MAIN COURSE 簡左炭燒西班牙黑毛豬及慢煮杏鮑菇。呢個豬扒燒得岩岩好，可以食得出廚師火喉控制嘅功夫，豬扒唔會因為厚切而燒唔熟，又或者因為燒得太耐而變乾。一切開就見到粉嫩嘅肉色，就知咬入口肉質一定唔會嚡，而味道本身已經有少少鹽去調味，唔駛專登去沾醬汁食，但如果嫌味道太淡的話都可以沾上隨附嘅醬汁。炭燒美國安格斯肉眼牛扒簡左五成熟，格網嘅燒法令牛扒表面出現靚靚又整齊嘅格網花紋，切開後可以睇到微紅嘅肉質，而且唔會有過多嘅血水流出，唔錯。牛扒咬落肉質嫩滑，牛味濃郁。side dish 就簡左甜蕃薯條同埋燒露筍。頭盤就當然係沙律加餐湯啦😁最後食埋個甜品就飽晒

很久沒有外出，今次去了旺角購物，順便食午餐！我們在TOP商場看到了這間餐廳，就試試，餐廳感覺寧靜，位置寬闊。 正值中午的時候，所以我們可以選擇午市套餐。呢個係午市套餐嘅餐牌上面有多個菜式可以選擇，最後同男朋友各自叫咗一個set。今次頭盤我哋選擇咗是日餐湯同埋牛油果吞拿魚他他。餐湯係番茄南瓜湯，蕃茄味非常濃郁而且口感非常滑。而牛油果配吞拿魚他他味道非常清新，牛油果嘅味道唔會掩蓋左吞拿魚他他嘅味道反而激發出吞拿魚他他嘅鮮味。這兩個頭盤都令人非常開胃👍🏻👍🏻因為男朋友非常喜歡食牛，所以主菜佢二話不說叫咗炭燒美國安格斯肉眼。這個主菜擺盤簡單而又精美，廚師將調味嘅鹽同埋芥辣擺得非常漂亮。牛扒非常大塊，肉質非常亂畫容易切開，切開後牛扒嘅顏色非常好是我們喜歡食的狀態。牛扒食落有濃郁的牛味，而且炭燒的味道恰到好處。是有質素的主菜。而我嘅主菜就係慢煮啤酒美國豬仔骨,豬仔骨嘅份量非常足夠, 除咗配菜之外仲有兩款醬汁作調味之用。豬仔骨處理得非常之好肉質軟熟，好容易就可以將佢切開。唔會有一種好難處理嘅感覺。醬汁雖然不太吃到啤酒味，但係豬仔骨味道是好吃的。最後以一杯咖啡作結尾。總結餐廳環境非常寬闊,適合兩個人或

Narcissus $ 78奶白色煙霧球狀,，呈淺粉紅色，入口有荔枝，玫瑰清香,味道較甜生蠔海水味不算濃，味道鮮甜黑毛豬嫩滑厚肉，每啖都係鮮甜嘅肉汁，肉嫩唔會過老，每次嚟都會吃一個。另外個甜唔真係好啱我食，食水果都覺得好香濃水果未，不過有敏感牙齒就要小心啲，會好凍好凍。最後覺得啲服務好貼心，生日慶祝都一流 ,望住咁靚嘅環境真係可以留多一陣。同埋價錢都錢係中高價，都值得再嚟。每次餐牌都有新驚喜，我食咁多次都未厭。

呢間餐廳竟然揀左係旺角最新嘅商場開業，仲有室外Area，一定要試試佢～一坐低就來左一個熱辣辣餐包，點油醋味道好夾，麵包熱熱地加埋酸酸的醋即刻好開胃。我地仲點左杯Mocktail，杯酒上面仲會打一個大泡泡，岩哂最鐘意打卡嘅人，非常instagramable。之後叫左一個小食，就係鵝肝。鵝肝煎得岩岩好，外香內滑，加埋啲醬料同配料一啖食，味道就更加豐富。主食方面我地點左蕃茄意粉，加上面頭一片片的薄刨芝士，令到味道更濃郁，成碟清哂唔夠喉！最後甜品方面，又係好豐富嘅配搭，有雪糕，酥皮同蘋果蓉，所有野搭在一齊又有幾豐富嘅效果，為呢一餐畫上完美句號。來旺角又想食有質素的西餐，呢一度都會係一個好嘅選擇！

Lab Eat是我一直期待的餐廳。只因早已聽聞其美輪美奐的菜色，與創新的作風。今次難得與朋友飯局，就到旺角的分店盡興一下。選擇旺角店，卻換來更寬闊的空間，因為它位於商場的頂樓，獨有露台，景觀開揚，特別好Mood。先來鬆軟的餐包作熱身，再來就品嚐生蠔頭盤，侍應提議先試愛爾蘭的Gigas品種($59)，蠔味鮮甜，海水味較淡，肉質爽脆。再試法國Tatihou($59)，海水味較濃，但不搶口，蠔肉口感更豐富。 而主菜就充滿驚喜，全因炭燒法國羊扒330g配香草烤薯仔（$348)盡顯廚師功架。全因羊烤至6成熟，令羊易入口，有肉味而不臊，難得。Litchi & Rose CocktailWaiter 噴上水晶球般的泡沫，十分夢幻。然後， 芝士卡邦尼意粉登場時，侍應真的拿了原隻大芝士，盛載著熱辣辣的意粉。驚喜過後，親身感受，發現麵條硬度剛剛好，而且意粉由內到外，都充滿濃郁的芝士味，令人一試難忘。最後以法式蘋果批香草雪糕 ($108)作一個甜美句號。這一餐視覺和味覺，都十分滿足

自從T.O.P起旺角開咗，我同朋友都經常到那裏逛街。每次經過Lab Eat 都比佢地嘅餐廳環境吸引到。適逢朋友剛從外地回來，就去慶祝一下！我們首先點了四隻生蠔。兩款生蠔嘅海水味重，十分新鮮。至於飲品方面，我哋點左一杯Margarita 同埋Narcissus。侍應會用煙燻槍在飲品上加上一個白色煙霧球狀，非常漂亮。我非常喜歡Narcissus 這杯！入口有淡淡的荔枝和玫瑰香味，非常易入口。主菜方面，西班牙黑毛豬肉質鮮嫩，還保留了很多肉汁！份量也很足夠，有整整兩件， 十分抵吃。另外，我們還點了卡邦尼意粉。上菜時，侍應會先將意粉放入芝士裏炒拌，意粉充分吸收了芝士的精華，配合煙肉和蘑菇一起吃，味道層次更上一層樓。最後，我們以香甜清新的蘋果批為這頓晚餐畫上完美的句號。

位於旺角的LAB EAT Restaurant & Bar ，是一間超有人氣的西餐廳。尖沙咀總店已經開業多年，在業界聲譽良好，至今受到無數客人好評，在疫情期間依然日日爆滿，非常火紅呢。 餐廳由資深的西餐主廚團隊坐鎮，採用五星級酒店食材，並以大無畏的實驗精神，把廚房變成實驗室Lab，不斷創作不斷研究，研發出多款美味佳餚。 店舖環境寬敞，設有室外和室內坐位，餐桌寬闊，一大班朋友吃飯，或與愛人撐枱腳，也很合適呀。 我們點選兩份前菜、兩份主菜和一份甜點，全部都非常好吃，質素令人滿意，值得通通推薦給大家。 60個月西班牙黑毛豬火腿 $298/40g 西班牙黑毛豬火腿，脂肪比例剛好，不會過肥過瘦，入口有脂肪的甘香，同時有火腿的鹹香。配上大量多汁鮮甜的哈密瓜，可以減去膩感。 美國和牛西冷 $598/400g 充滿炭烤香氣的美國和牛西冷，呈上時傳來滿滿的牛香肉香，令人唾涎欲滴。和牛西冷又大又厚，表面的炭烤格紋令整塊牛肉更加吸引。肉質結實，咀嚼間肉汁溢出，回味無窮。附旁的炸薯角，外脆內軟，一口接一口，美味得完全不能自拔。 芝士卡邦尼意粉 $168超級誇張的卡邦尼意粉，惹味無比! 店員會把法國羊奶芝士帶到

第一次嚟到旺角lab eat。首先被餐廳的裝潢吸引了 :座位舒適 、燈光柔和 、裝修 新穎雅緻。侍應見個朋友還沒來 ，詢問我是否先要點麵包 ，吃著等，很細心喔~首先是uni toast， 非常足料 ，而且夠鮮甜， 絕對令食客有信心 。然後 熱熔芝士很吸睛，因為是侍應會即場加上 熱熔芝士 在蔬菜 和cold cut上面 ,味道也很不錯。 焗田螺很香， 蒜蓉醬調味剛剛好。 多出來的醬料配合 碟旁多士一起吃， 真的食不停口 ，推薦。點了兩杯飲品cosmopolitan和Litchi & love 。店員提議 加 波波，我們都大惑不解。好啦，就試下。 原來是酒杯上加上個氣体做的球體! 勁靚!  較喜歡後者的味道， 果味 比較 自然。 龍蝦尾意大利飯 :特別欣賞意大利飯 ，因為吸收了不少醬汁， 濃而不膩，好食 。龍蝦尾超大， 也是打卡必備。整個用餐體驗都非常滿意， 好想讚這裏的服務每個侍應 都很有禮， 而且待客細心 ，令我們賓至如歸。

Lab Eat 位於旺角T.O.P 商場5樓，呢間餐廳主打新穎菜式，行相對高檔嘅路線，但價錢可接受。平日放工嚟到，見到都差唔多坐滿人，但又好彩啱啱有位。先講講環境，餐廳有現場歌手表演，好似仲有得點歌，唔知係唔係日日都有表演。呢個環境配埋音樂，令人放鬆。音樂又唔會好嘈，邊食邊聽，真係幾舒暢。焗芝士蘑菇蟹肉 (⭐⭐⭐⭐⭐)溫度非常足夠，一攞起見到厚厚既芝士，十分香濃，散發出令人垂涎嘅味道。羊架 (⭐⭐⭐⭐⭐)羊架係主菜，一共三件，再配埋薯仔、菜等等嘅配料，賣相非常吸引。平時唔係特別好羊嘅朋友，應該都會覺得啱食，因為冇羊果陣羶味。Cocktail酒精類特飲 (⭐⭐⭐⭐💢)點左兩杯Cocktail酒精類特飲，顏色幾特別，一杯粉紅、一個杯黃色，甜甜地，易入口。個飲品非常特別，注入啲氣體令到Cocktail嘅杯身產生左一層泡泡。泡泡會一路發大，直至到爆開為止。呢個時候當然係打卡嘅時候喇！其實餐牌上既特色cocktail下次有機會都想點。總括而言，這間餐廳食材優質，而且環境特別，仲有個露天位置，十分不錯。~~~~~~~~~~~~~~~~~~~~~~~~~  Lab Eat 旺角彌敦道700號T.O.

我們都是西餐喜好者，這些年來試過不少餐廳了。今日又是我們一起試餐廳的日子，來到了旺角 Lab Eat。地點非常好找，就在地鐵站口的T.O.P 5樓。餐廳很大，有室內及室外位置。我們選擇了室內位置，也很舒服。🔸️海膽多士 ~Uni Toast好大塊海膽，而且好鮮甜，每一口都是幸福。我和同伴相望一眼，彼此認同這開胃菜。🔸️熱熔芝士 ~Raclette Cheese店員上菜時，會拿來一大塊熱熔芝士， 刮出一大堆芝士。芝士配合蔬菜、莎樂美腸等，又幾襯喎。這道菜夠3個人或以上吃，因為比較大碟。🔸️cocktail 見不見到cocktail上有個波？ 點整就賣個關子。🤫 這個真令人好開心，而且吸引了附近食客的目光。我不愛太甜，覺得可以減甜少少。🔸️龍蝦尾意大利飯 ~Lobster risotto嘩，一上菜我就嘩嘩聲。好大條龍蝦尾，仲要係已經起左肉，好方便食客。龍蝦肉質不錯，最好吃的是意大利飯，索哂精華之餘，再加上特製醬料，混合在一起好夾，吃不停。🔸️ 72%朱古力球伴高溫熱情果汁 香草雪糕及椰糖脆脆 ~ chocolate ball朱古力ball ball好靚，原來要把它摧毀後才吃。🤣 波波溶化後，會見到內

同朋友兩個係平日嘅晚上嚟旺角，第一次食呢間，係朋友介紹嘅。餐廳環境寬躺，私隱度較高，服務員嘅態度都非常友善用心。一開始先來個包作為前菜，麵包鬆脆軟身整得唔錯生蠔一共有兩件，蠔身體積都幾大，食落新鮮甜美，幫助開胃。本身見有幾款海鮮，下次有機會都想試下。焗芝士蘑菇蟹肉，蘑菇配芝士幾特別，蘑菇尤其香口，再加埋埋蟹肉味道就好正，賣相唔錯。芝士卡邦尼意粉，特別之處在於芝士唔係一早整好落意粉，而係係你面前用大大件芝士同意粉撈埋一齊，咁樣令芝士唔會凝固左。意粉份量都唔少，最鍾意就係佢啲煙肉粒，厚厚咁，同意粉配搭得唔錯。點少得甜品，甜品係黑加倫子雪糕，再加牛油餅底曲奇。一啖雪糕、一啖牛油餅，係令人難忘嘅一道fusion菜。整體而言，係令人滿足既一餐。