LAB EAT Restaurant & Bar (T.O.P This is Our Place)

营业中

休息中

年幾前去過Lab eat分店留下不俗印象，水準以上嘅西餐唔難搵，最難得嘅係菜式加添左活力創意，想嘆番晚就成為左我腦中閃過嘅選擇。日本帶子刺身薄片及海膽 ($268)賣相好澎湃，海膽同帶子鮮味爆錶，即使有簡單調味都完全cum唔住個鮮甜味，份量仲多到食極都有。 食材新鮮係第一步，好欣賞大廚配搭成個組合好有心機，醬汁係日式酸汁加少少橄欖油，面頭仲有三文魚籽、海膽醬同紫菜碎等，味道十分豐富，有種食緊omakase既水準。炭燒28天乾式熟成西班牙黑毛豬鞍  ($598 set)個人覺得西餐級數既一個小分水嶺就係睇佢煎既豬扒做唔做到嫩滑多汁，呢度絕對合格有餘。 兩塊豬鞍油脂分佈唔同都一樣咁好食，肥d個塊夠甘香，瘦d個塊又鎖到肉汁夠juicy，肉味濃郁。卡邦尼扁意粉 ($258)意粉煮得岩岩好夠彈牙，一撈起見到沾滿濃厚既蛋汁就食慾大增，食落果然creamy充滿蛋香，配埋口感似西班牙腸既厚煙肉好香口。白酒煮澳洲藍青口 ($228)平時baby青口就食得多，估唔到大青口都可以煮得咁嫩口，白酒汁同各種香料都好香，仲食到淡淡既忌廉奶味。 食到底有大量奶白色既青口湯，空口飲都唔會好咸，如果上埋多士點汁就更加完

Blue Mussels大大隻份量夠多，清得好乾淨、唔會甩頭甩骨。 調味真心做得好好，一般西餐都做得偏咸同重口，佢夠惹味得黎唔會好油膩，食到個鮮味。意想不到西餐都做到咁正既刺身，Scallop Carpaccio可以話完勝我近期食過既日本野，一啖放入口覺得好夾，清新鮮美。Iberico Pork Rack厚切有肉汁，肥膏唔會太多，近骨既位特別嫩滑多汁。  豬鞍已經醃過，點埋芥末醬好夾。 底下仲有紅蘿蔔、薯角、紅辣椒，非常足料。Cheddar Cheese Cake上台就影左個story，煙燻效果超靚，甜度岩岩好，芝士味濃又唔會膩。叫左兩杯lab eat blaster，可以揀有冇酒精都得，視覺效果超得意，好似係杯野飲上面吹泡泡咁，淨係拍片都已經值回票價。  當然飲品味道都唔差，幾天然唔會怪味，帶女朋友黎一定滿意。

難得完peak，約埋一齊奮鬥嘅同事放工黎同事想試好耐嘅lab eat慰勞自己講到明要刷餐勁，所以就豪揀咗個海鮮拼盤，另外嗌咗個頭盤、意粉同甜品。望到隔離飲酒咁過癮又嗌咗杯rose wine過下口癮🥰海鮮拼盤話咁快就上咗海鮮種類好多，無論想食乜都有咁☺️最正係鮑魚，有咬口又唔會韌生蠔洗得好乾淨，拼盤嘅生蠔亦偏向濃少少海水味另外青口又係大大隻，龍蝦已經拆好食落好方便，唔使驚食到無曬儀態😂煙燻鵪鶉真係好驚喜！🌟🌟🌟如果本身鍾意食煙燻味嘅人一定會鍾意細細隻脾真係每一啖都充滿煙燻味啲羅勒葉絕對錦上添花，中和咗煙燻嘅鹹香又帶點清爽。卡邦尼嘅份量絕對係超大方每一條都沾滿濃郁卡邦尼醬，食開濃味嘅朋友會好滿足！好彩我地兩個人分黎食，唔係實爆曬quota不過如果分開3-4個人食就會無咁滯🤣🤣🤣Perfect嘅dinner點可以無甜品啊！雪糕造型好搞笑，真係成舊粟米咁🤣食落雪糕嘅粟米味好natural，唔係咩死甜/假嘅味微甜嘅雪糕配側邊嘅海面蛋糕又幾有口感 同埋可以避免淨係食雪糕咁單一🤣 整體黎講係又啱打卡，又可以食到啲幾特別嘅雪糕🥰🥰🥰Lab Eat嘅服務真係值得一讚，侍應一見到無水就會即刻refill，上

呢間西餐廳之前都嚟過 覺得坐得舒服嘢食又好食 所以同朋友再嚟一次!一開始有餐包 餐包嘅質地軟熟得黎又煙韌 仲有黑醋同橄欖油俾我哋點 作為前菜 酸酸地幾開胃之後我哋要咗兩隻生蠔配埋白酒 生蠔都好肥美 creamy 海水味好重 相當新鮮👍另外點左一份蟹肉牛油果沙律 分量十足 蟹肉夠鮮甜 配上牛油果嘅清新 好夾😋再點左一客焗田螺 田螺好爽口鮮甜 上面有黑松露點綴 更顯鮮味👍下面亦有薯蓉 好綿好滑👍主菜方面要左法式黃油雞 我同朋友好好彩 因為點完之後聽到侍應話已經冇晒 我哋嗌到最後一份🤣呢個黃油雞肉下面有啲小米 店員同我哋講煮嘅時候 雞既精華會落去米度 所以都好入味！而雞肉仍然好juicy 煮得剛剛好 唔會太乾🖖🏼最後要咗個芝士蛋糕做結尾 一上菜嘅時候有個蓋蓋住 所以一打開好大煙 😛呢個甜品嘅伴碟係燒溶左既棉花糖 有炭燒嘅香味同棉花糖嘅甜味😋芝士蛋糕亦相當足料 上面係一粒粒原粒芝士 所以整個芝士蛋糕都有好香濃芝士味 中意芝士既朋友一定中意！

途經旺角想食西餐，但旺角環境同氣氛好嘅西餐廳選擇唔多，最後簡咗呢間。室內寬敞，枱與枱之間都有足夠嘅距離，雲石枱加沙發椅，坐得舒適，室外氣氛更好，適合朋友聚會和情侶談心🥰首先係西餐一定有嘅餐包配黑醋同橄欖油，表面硬身內裏鬆軟😋法國生蠔- 海水味重，過後鮮甜，蠔肉厚身Creamy😌牛油果蟹肉沙律- 好重嘅牛油果味🥑 蟹肉肉質好實，啖啖肉，有蟹肉嘅鮮味法式黑松露香草焗田螺- 淡淡嘅黑松露同香草醬，唔會蓋過田螺本身嘅味道，口感層次豐富👍🏼主菜係法式黃油雞- 黃油雞底下有啲小米可配搭一齊食，雞皮燒得非常香脆，雞肉嫩滑，旁邊仲有芥辣醬可以提升雞肉嘅味道🍗最後甜品係cheese cake- 軟滑Creamy，蛋糕面加咗一粒粒燒香咗嘅芝士，令到芝士味更濃，配上隔離cream一齊食，口感更加豐富😋

Blue Monday 要食好啲。先要一杯餐酒，$88 價錢都合理。其實佢仲有好多好靚嘅cocktail，不過我都係鍾意平實嘅紅酒白酒一開始先有兩片法包，暖暖的都幾鬆軟，配醋和橄欖油食～然後要決定頭盤，有好多選擇！左諗右諗我哋最後決定要黑松露焗法國田螺～ 一份有六隻，加青菜薯蓉！ 田螺塞滿黑松露醬，黑松露味道香濃，青菜薯蓉口感幼滑，而且青菜味減低左肥膩嘅感覺之後就到主菜。主菜點左炭燒西班牙羊扒，七成熟，火喉控制得剛剛好，羊肉係鮮嫩嘅粉紅色，好好食！ 羊肉燒到外層焦香，入面嘅羊肉保持juicy！另一個主菜係西班牙龍蝦尾意大利飯，龍蝦尾啖啖肉，味道好鮮甜！龍蝦尾上面有少少微辣嘅調味料，更加帶出龍蝦嘅鮮味，撈埋落意大利飯嗰度食亦好惹味！ 呢個飯份量好多，食完之後勁飽甜品唯有留返下次

朋友生日，今日就同佢到Lab eat 慶祝生日。餐廳位於T.O.P, 連接地鐵站，非常方便每人有一個紙袋放口罩。先來一個法式軟包配黑醋橄欖油，外脆內軟。生蠔size 不算好大，但蠔肉新鮮脆嫩，有兩款醬汁，如果想濃味點可以配紅色的雞尾酒汁，而我就喜歡配白醋汁，酸酸地，又不會蓋過蠔的鮮味食生蠔🦪，配杯白酒真係perfect🤗阿拉斯加長腳蟹肉牛油果沙律牛油果🥑控必食，滿滿牛油果和沙律菜，好味又有營，加上鮮甜蟹肉，味道層次提升。另一邊食法係抹茶粉灑上牛油果，抹茶粉帶有少少海苔鮮味，估不到和牛油果很夾。西班牙龍蝦尾意大利飯賣相非常吸引，擺盤明顯花過心思，由上而下，一層層，整個畫面都很美。師傅把整件蝦肉起岀，方便客人食用，不廢力已可品嚐鮮甜彈牙的龍蝦。飯嘅汁由龍蝦調製的，飯呈金黃色，龍蝦味突岀。超厚肉，爽口彈牙28天熟成西班牙黑毛豬鞍 未食已聞到好香烤肉味，烤至八成熟左右，切開肉色粉嫩，咬落肉汁豐富，啖啖肉，非常軟嫩不嚡口煙薰日式車打芝士蛋糕芝士蛋糕用玻璃蓋著岀場，揭蓋後由煙霧中現身，很夢幻☺️蛋糕軟身，滿滿芝士香，蛋糕上鋪滿粒粒車打芝士，口感軟糯，正

我和我的他今日都放假，大好嘅休息日，與其在家懶洋洋的，不如出去食個豐富下午茶，再逛逛吧😁揀咗去旺角行吓，經常經過T.O.P.，入面都好多食肆，是次揀選咗呢家餐廳🤩5點左右到達，餐廳其實都有好多款下午茶餐，但今日想富貴一下，所以揀選咗每位$358嘅NIBBLES & CHILL💰首先出場嘅係法國生蠔🦪有海水嘅鮮味，質感係爽滑類，好鮮甜😋海膽多士。呢款好出色！因為海膽微冷，味道好香濃，而蒜香多士好夠熱，但完全唔燶，多士脆得嚟仲有少少煙韌😱咁樣嘅配搭真係無敵🤤煙燻法國鵪鶉肶。每人有2隻，我的他話隻肶算好大隻！係大鵪鶉嚟🤣煙燻好香口，鹹香味濃，肉質好嫩滑👏👏黑松露焗法國田螺。田螺係我最愛嘅菜式之一，又係熱辣辣的，松露味好濃郁，田螺隻隻都肥大肉厚，香噴噴嘅薯蓉墊底，加上香脆紫薯片配襯，深深感受到貴氣嘅感覺🥰48個月西班牙黑毛豬火腿。本來我不太喜歡食Parma Ham，主要係太大陣味，但呢度嘅黑毛豬火腿唔會有太強勁嘅味道，亦食到甘香火腿味，加上哈密瓜好甜好多汁，咁樣配襯又真係唔錯喎👍皇帝蟹肉蕃茄濃湯。呢個湯真係好味到一個點！除了好夠熱外，湯底我唔識分蝦定蟹味，非常之濃！肯定有好多膏同熬製多時，所以

👾講返服務先一入到餐廳 侍應會立刻幫手倒醋同橄欖油餐檯佈置優雅 問有咩介紹 侍應都會細心推介下新出既菜式用餐期間 亦會好勤力還碟同餐具 服務100分👾環境方面：可以見到每張檯都有自己既一個空間非常合適同一班朋友約出黎食飯 keep up 環境更唔會太雜亂仲有室外餐椅 加上燈光裝飾亦適合情人出黎撐檯腳👾餐前麵包及跟餐白酒👾果木煙燻法國鵪鶉髀（$168/6pcs）好香煙熏味嘅鵪鶉髀雖然味道同乳鴿有少少相似但咬落啲肉好有彈性一細件好適合share plate 做前菜同九層塔一齊食幾清新🌿👾焗智利白鱈魚柳(200g)$398舊魚好大舊 好飽肚怕魚骨嘅人唔使驚 食左成舊都冇骨🤩味道比較清淡所以一定要配埋醬汁一齊食個底仲有粒粒薏米 好似飯咁 幾得意又健康🤪👾北海道粟米雪糕及海棉蛋糕$128一上碟真係wow 左聲仿真度💯💯十足十舊粟米咁 好靚 打卡able😻雪糕唔會唔太甜 有淡淡粟米味🍨

平日想搵坐得舒服啲、高檔少少嘅餐廳，都好少會諗起旺角，多數只會去尖沙咀或者港島...前排喺IG見到呢間野，先知原來旺角都有高質餐廳，於是搵咗個平日夜晚嚟試吓~餐廳好寬敞，仲有戶外位有啲燈飾咁，感覺好靚好chill～我哋就選擇左坐室內，每張枱之間都有足夠距離，坐得都幾舒服。首先叫咗兩杯嘢飲，因為最開始係喺IG見到杯野被吸引的☺️ Narcissus好香玫瑰味，另一杯係four leaf clover 個顏色漸層真係好靚！上桌時會用煙槍整兩個波波，之後拼埋一齊形成一座拱橋，呢個時候一定要拎定手機出嚟拍片🤣睇完啲gimmick野，開始入正題食嘢啦。第一道starter龍蝦牛油果他他，底層粒粒龍蝦肉好爽甜，面頭嘅牛油果蓉好香滑，加上個sauce酸酸甜甜，真係好適合開胃。鵝肝香口得嚟唔會好油膩，食咗兩道前菜已經覺得呢間餐廳嘅原材料幾新鮮，質素唔錯。主菜叫咗舞松茸黑松露risotto，一上菜聞到陣香味已經好驚艷。好深刻係，上菜嗰位Staff好可愛，佢帶住少許興奮嘅語氣同我地介紹呢道菜，話”上面有啲mascarpone cheese真係好香㗎，記得要撈勻先食，會令成個risotto 更香滑” 感覺呢度

今天妹妹請我來到這家位於旺角T.O.P.商場內的靚西餐廳享用晚餐，環境當然舒適又有情調，而且服務殷勤，食物更不用多說了，超讚的~先來個頭盤餐包，醮上黑醋和橄欖油，開胃下先~法國塔蒂生蠔蠔肉細滑，肉質爽脆飽滿，味道層次豐富，每口都富有濃厚海水鮮味和礦物味道。蟹肉牛油果沙律這個沙律非常出色，沙律菜清新爽脆，而且混和了牛油果蓉，吃下去每口沙律菜都非常柔滑。牛油果肉質細膩，味道鮮美，口感柔軟綿滑，絕對大讚。龍蝦意大利飯龍蝦肉已預先從龍蝦殼剝離，龍蝦肉超厚身，口感彈牙，味道鮮甜。米飯吸收了香濃的龍蝦汁味，米飲的硬芯半熟感很有意大利特式。西班牙黑毛豬黑毛豬很有驚喜，7成熟，採用慢煮手法烹調，能鎖住肉汁，外脆內軟，每口都肉汁豐富， 肉質滑嫩有韌性，口感細嫩，絕對推介!車打芝士蛋糕微鹹的車打芝士粒配香軟的芝士蛋糕，增加蛋糕口感，煙韌可口，而且蛋糕口感軟糯，再三回味。

今日第一次嚟食，環境同味道都唔錯，尤其是個黑毛豬柳，好好味。西班牙八爪魚蟹膏意大利飯好食，賣相又靚。12小時慢煮澳洲M5 和牛牛小排就一般，唔合我口味。熱溶法國流心芝士火腿香腸幾特別。可惜法國春雞賣晒試唔到。服務都好好，值得支持!

放寬咗限聚令就忍唔住同好耐冇見嘅朋友食飯聚下，所以揀間環境舒服又啱同朋友傾偈嘅餐廳聚下，去到發現真係環境唔錯，而且仲有戶外位可以坐低飲酒傾偈，氣氛幾好。餐包落左單冇幾耐就好快上餐包，仲配左橄欖油同埋黑醋可以沾飽食，酸酸地好開胃，而且個包仲好軟熟同埋暖。瑞士芝士焗法式洋蔥湯個洋蔥湯真係好足料，每一啖都可以食到洋蔥，而且味道好濃郁之餘鹹淡啱啱好。上面加了兩片芝士，有輕微烘過。焗智利白鱈魚柳白鱈魚柳好厚，但入面煮熟哂之餘，仲係好滑又多汁。加埋新鮮檸檬汁落塊魚到，魚味更突出，味道酸酸地好清新。LAB Eat 朱古力三重奏個甜品真係好靚，侍應會係你面前燒著張紅紙，好似變魔術咁。佢有齊心太軟，雪糕同opera蛋糕，滿足哂食甜品的慾望。而且心太軟仲係熱辣辣，而且雪糕放左一陣都唔會溶。

西餐食都多，但好有娛樂性的餐廳真係未試過，呢個餐廳唔只環境靚，坐得舒服，佢上菜的方式有好華麗的感覺，真係打卡一流。/牛肝菌湯配黑松露泡沫🌟雖然外表睇落平凡，但係食落口好香。而且有好多切碎了的牛肝菌粒，食落每一口更加有口感。/熱熔法國流心芝士配香草烤薯及西班牙辣肉腸、火腿🌟侍應係眼前刮熱溶咗的芝士落去碗度，身為愛芝士人士真係見到都流哂口水，火腿同辣肉腸唔會話好鹹，如果配埋白酒食就正啦。佢仲有啲火箭菜、蘆荀、紅蘿蔔，清新得黎健康好多。/廿八天熟成西班牙黑毛豬鞍🌟豬鞍都食得多，但熟成豬鞍真係好少見，咬落去肉質好柔軟嫩滑，加埋mustard sauce更加惹味好食，仲要有兩大塊，份量十足。/Emerald Love🌟這是沒有酒精的 signature cocktail，入面有青檸與檸檬汁，所以味道好清新，而且仲有漸變色好靚。Pink Perfume🌟係 volka底的 cocktail， 成杯粉紅色真係好靚！😍加了番石榴汁同檸檬汁所以甜甜地，酒味唔會太濃，岩哂女士飲。/

今日約咗一個好耐冇見嘅舊同事，難得可以出嚟聚下梗係要搵啲舒適又傾到計嘅地方，佢介紹咗T.O.P 5樓呢間餐廳，話食物有特色又坐得舒適。餐廳舖位夠深，擺放多張餐枱之餘不失空間感，仲有戶外座位同酒吧，感覺幾悠閒。睇Menu有個海膽多士好吸引，即管叫嚟試吓，嚟到真係有一嘩一聲嘅感覺！因為多士上嘅海膽係超超超級大片！差不多淹沒成塊多士面層!大大片嘅海膽完全填滿口腔，令人食落特別滿足！另一樣覺得好好食嘅係Lab Eat Carbonanra，聽落好似好普通，其實係有驚喜㗎！Carbonara醬汁做得非常香滑，而且蛋汁夠靚，睇見掛喺麵條上金黃色又有光澤嘅醬汁已經流晒口水！另外佢嘅煙肉同平時食到嘅唔同，呢間餐廳用嘅似係風乾火腿粒，厚身d又有咬口，而且特別香濃油潤，超好味的！聽講呢度甜品都幾出名，叫咗件大家都鍾意食嘅cheese cake試吓。甜品有個靚靚嘅玻璃瓶蓋住，並注滿煙霧，有一種神秘感! 侍應生一邊慢慢拎開玻璃瓶一邊左右搖晃，令煙霧慢慢散出，芝士蛋糕好似o係仙境一樣慢慢呈現，有創意又有美感！蛋糕面層有烤焗過嘅芝士粒，味道更濃郁，飾碟上既乾莓平衡膩感，好有心思~