La Taverna

营业中

休息中

2008年9月5日晚飯第一次正式約會, 目的是慶祝大家升職加薪, 地點就是這間充滿意大利小店風情的La Taverna... 剛於6月到過意大利, 很懷念意大利食物及食肆的氣氛…所以當時還未是男友的友人相約食飯時, 二話不說就選了意大利菜, 在西貢及尖沙咀兩者間選擇, 為求就腳, 結果就選了La Taverna…一入店已被內裡的裝潢吸引, 真的有8成與當地的意大利餐廳相似…心想我地既選擇一d都冇錯…兩人一共點了2頭盤 + 2主菜 + 1甜品, 友人亦自備澳洲Shiraz紅酒,1. Parma Ham – 一般, 沒有太大驚喜2. Squid with Garlic & White Sauce – 超失望, 賣相及味道就好像中式酒樓的蒜蓉炒墨魚仔, 仲要加埋翠玉瓜一起炒, 點都估唔到會係咁3. Spag Vongole – 算係較有水準, spag夠彈牙, 味道幾香4. 燉煮牛膝with Risotto – 都唔錯, 牛膝煮得夠腍, Risotto味道亦很好5. Tiramisu – 食落滿口冰碎, 味道一般, 好失望男友話可以再幫襯, 因為環境氣氛真係唔錯, 但係就食物水準而言, 我

一年後重來 水準依然蜆湯 豆湯 橄欖油大蒜辣椒意粉 番茄醬焗署蓉pasta 味道分明意粉有嚼勁招呼不錯

地方雖小, 但不會太逼, 有家庭式的感覺. 可能是星期一, 人客不多,不會感到焗促.火腿蜜瓜 : 蜜瓜 好甜. 火腿咸味剛好.意大利雲吞: 好好味蜆意粉 : 蜆連殼, 冇沙, 蒜頭味好香, 味道不錯. 因為客少, 所以不會有被催促交枱的感覺.而且環境清靜, 所以適合和朋友傾計.

看到動人的seafood risotto pics,熱愛義大利菜的我們即刻決定去試，於是一個懶洋洋的晌午，放下課本，乘興而去。然而——是次的午餐經歷，實在是大失所望。首先端上的是蒜茸牛油麵包，熱烘烘，外身很脆，內裏較軟，加上淡淡蒜香，又不油膩，非常不錯。頭盤還好，是自助形勢，雖說味道著實普通，但不可苛求，畢竟lunch set只78蚊。不過頗有意見的是蒸蛋（形似芝士餅）太太太咸，好似醃過……問題出在main course…侍者端上來時就發現嚴重不對勁，seafood risotto如湯飯？湯汁去哪了呢？好吧，這個暫不追究，海鮮蜆殼倒是有好幾個，可是內裏有肉的只得兩個，於是我想可能其餘的藏在飯中了吧，可是仔細揾都未揾到一點點……不禁想，烹製前殼裏面有肉的嗎？至於朋友的主菜，看相就沒有胃口了，朋友話只吃出蒜味和鹹味……吃得太難過，於是另叫了Tiramisu做補償，大概是之前太失望，覺得這件甜品整體來講還算美味，只不過更似雪糕，好似雪了很久，比較硬。至於酒味和咖啡味，仔細品嘗也還是能嘗出來的。最後的Cappuccino，算是香濃，average水準。環境確實優雅（裝修很有異國懷舊情調，屋頂設

隱身在亞士厘道盡頭的La Tavenra,多年來,一直走漏眼.年前打對面的"肥天使",你執佢未執.餐廳入到內還要下幾級樓梯,環境有如身處在古堡內改裝的餐館一樣,骨子裏滲出點點意大利鄉下之土味,挺有點浪漫滿屋的感覺.其不刻意經營的舊,單看架上已封塵的餐酒,椅輩上皮背的"西瓜皮",正是經得起歲月的痕跡.如果入黑前來,店內播著Portishead之"All Mine"的話,大約會有種錯摸的匹配.這一切也是小弟之假切,當前還是要吃午飯.小弟頭盤要個自助Antipasti,任添任吃,不過十年也不會refill一次.頭盤也有茄子,釀青椒,沙律,甚至乎用巴馬臣當水牛芝士的貨色.基本上,不能太大苛求.主菜就要個Mix seafood risotto,濃凋如湯飯,正常,其湯汁充滿海鮮的鮮甜味,每一粒意大利飯也很咬口,將湯汁的精華索到殆盡,其海鮮如蜆,墨魚仔等,非常足料,絕不欺場.到最後,吃到一粒不剩,大滿足.E小姐的茄醬黑橄欖螺絲粉,相對較單調.當其他人在亞士厘其他單位逼餐死,我倆在這個環境下施然進餐,歎下慢板....時晨一到,步出亞士厘道,由意大利到尖沙咀,原來只是一窗之隔....

去食之前都有看過D comment，但係試完之後，只得一句:絕無下次！d食物都OK，環境亦OK，d service就真係超級差，尤其係那個染髮的waiter，同黑幫流氓一樣，對d客呼喝不待止，仲要兇佢！請呢d伙記，d菜幾正都冇用；我仲以為自己去旺角某茶餐廳呀！咁既服務態度，全世界任何地方都不能接受。我絕不建議我的朋友到此一試！

和薑餅人週五晚出去食飯慶祝, 是夜選擇意大利菜.此餐廳在地下一層, 進入後感覺像洞穴般, 內佈置氣氛都唔錯, 幾cozy.Waiter多為上年紀一輩, 態度唔冷唔熱.枱與枱之間太逼, 出入不太方便.點了白酒和蒜蓉包作開頭, 白酒易入口, 蒜蓉包脆但唔夠香.Appetizer 要了fried baby squid. 普通, squid唔夠鮮味, 也唔夠爽口彈牙.Main course 要了porcini risotto and salmon ravioli. Risotto 唔錯, 飯唔會爛蓉蓉, 有咬口, 菇味可再濃郁些.Ravioli 邊位有些硬, 像不太熟, 但salmon餡很香嫩, 配上不膩的白汁很輕易吃完.Waiter recommended tiramisu as our dessert. 但這tiramisu 雪得硬兼有冰碎粒, 似吃雪糕多些, 沒有了tiramisu之幼滑細膩, not good…個人鍾意Rughetta Ristorante多D.

10.3.2007 (Sat)我同朋友一行6人去喱間意大利餐廳食dinner，見佢裝修o.k.，裏面感覺懷舊浪漫，真係冇諗過service會咁差。一入到去，有個uncle級waiter招呼我。佢問我要蒜茸包定法包，我仲以為送，點知埋單先知要收錢，佢收我3客價錢($84)，好彩蒜茸包好食，如果唔係就唔抵！我最後點5樣，唔計蒜茸包，個侍應猛話我會唔夠食，但我冇理佢。我叫uncle比個drink list 我睇，佢都費事理我，只話一般凍檸茶.....都會有，咁即係算點，態度真係好一般，但食都o.k.，而且份量真係算細碟。蒜茸包($28一客)熱辣辣，好味，好新鮮，唔係早就烘定，而好香脆。Ravioli al salmone 三文魚雲吞($135)(Pasta rolls filled with salmon covered with a creamy sauce)見個樣時，我以為會好奶味，食落又幾好，裏面有三文魚茸，加埋雲吞皮，好有咬感，唔錯！Spag Vongole ($130)(有蜆、香草、少少檸檬汁、橄欖油、白酒& 意粉)鮮蜆意粉，意粉好爽口，味道o.k.喎！Risotto Mushr

午餐可以要2-course 或3-course：Antipasto Misto Buffet all'Italiana 有Mozzarella 芝士蕃茄沙律、芝士焗肉醬青椒、鷹嘴豆沙律…清清淡淡，簡簡單單。一人可有至少四件蒜蓉多士：用的不是蒜蓉牛油，而是自己磨的蒜蓉- 新鮮，但可能會覺得淡口。不消一會便上熱騰騰的主菜Risotto alla Marinara：意大利蕃茄雜錦海鮮飯的broth 應該有酒同洋蔥，味道有點像bouillabaisse - 鹹鮮得來又柔和；蕃茄（還是茄膏？）完全融入湯底，絕對不留痕跡；米，相信是Arborio Rice，煮咗咁耐，依然「有型有格」- 企身得來又得盡湯內精華，口感、味道豐富- 它還是令risotto creamy 起來的重要完素呢。份量看似很少，但海鮮（蜆、青口、墨魚、蝦）跟飯比例是一比一，十分足料，十分飽肚。想試埋Semifreddo（Partly frozen caramel cream infused with toffee coated pralines）的，但著實太飽，吃不下。Cappuccino 的presentation 不錯，但味

須知老字號,但服務如此惡劣,食物點好味都真的不會有下次.1.Cannelloni $135~~似千層麵咁,但唔會有太多芝士,所以唔太滯.味道幾好.2.Lamb Chop $185~~一般啫,而且份量唔夠,又無伴菜.3.Cappuccino $35~~與外間飲的無太大分別.最後叫waiter介紹甜品,佢話無,叫我們自己看menu.那些老臣子真過份.

近期穿插酒店的意大利餐\廳，都是商務式細緻的菜式，想起家庭式意大利料理也可以很不錯，於是拉了阿妹來試試。幾十年的老店，意大利籍的老闆不時返老家休養或四出旅遊，半退休的生活蠻不錯。任你是家庭小店，意大利人餐\前都總要有antipasti，簡單的幾款前菜放在檯上，加$15任你吃，非什麼驚世之作，煎茄子、芝士番茄、車厘茄，但放在這裡卻又入形入格。主菜分別點了海鮮risotto及烤魷魚，前者長身的意大利米，海鮮汁味算不上濃，光澤十足，口感一般。聞說意大利人愛吃octopus，露天餐\廳總有不同做法的魷魚賣，此品加了醬汁、牛油來煮，住家feel，口感都是一般。阿妹問道：「正宗嗎？」，住家菜各家都有不同煮法，就如蒸肉餅，妳家煮的與咱家煮的都有少少分別，只可以說，這裡是幾有心做的家常，好不好吃見仁見志。說到吃她的態度總是「香港無好野」，呢個妹有排教，十年後希望會改變她的態度。

今次係我第一次寫食評呀！19/10我同男友四周年，左睇右揀，男友終於訂左呢間意大利餐廳。先說它的裝修，真係幾懷舊幾浪漫，好喜歡天花的酒樽，好靚。但waiter既態度就一般，叫他們介紹食Ｄ乜，馬馬虎虎咁既。整晚，我都手拿著相機不斷拍，心情靚靚。哈哈！我倆點左：前菜：班馬火腿配蜜瓜，火腿幾咸香，配蜜瓜都ＯＫ喎；湯：一個海鮮湯，一個意大利素菜湯，海鮮湯好鮮甜濃味，正！素菜湯都好味，值得推介；主菜：燒羊架，海鮮大會，燒羊架值得一試，海鮮大會則一般。無吃甜品，因為見款式不多，或者下次再試過喇。呢晚過得非常難忘，在餐廳內見到不同種族既人，我地既對面有一大台８人的外國客，都係上了年紀的食客，他們不時跟我對望，笑笑口，跟我說：beautiful flowers, you are sweet... 還問我們為何有花，為何慶祝？男友答左佢地，我們４周年。大家都在笑，好sweet，一男士笑著說，手指著他旁邊既婦人，we are 40 years already... 好開心，他們為我倆拍手，臨走時又跟我們說：enjoy you dinner, congratulations...have a nice da

終於同3姑慶祝生日啦!俾了幾間餐廳佢揀，佢話cheap兄同kc食過lunch都贊好，就決定呢間。但係我心諗，幾年前食過，水準麻麻，今次就當俾多次機會佢。除了餐前的法包外，侍應叔叔還極力推介蒜茸包，兩款包熱辣辣非常不錯。法包外脆內軟，感覺非常新鮮，不似是早已烘定、蒜茸包亦是又香又脆。凱撒沙律-是一道簡單沙律，應該唔會失水準。炒雜菌-用了蒜蓉牛油，味道好香，不會因太重牛油，而感覺過膩。墨魚汁Risotto-初時我好期望有”飛豬”的水準，最後非常失望。煮得好乾好乾，完全沒有墨汁的鮮味，亦沒有芝士香，只得一個鹹字。而且煮得好生，飯中間是硬的，不是那種有嚼口的感覺。我相信我一定會煮得好過佢。蜆肉扁意粉-落單時已講明改天使麵，來到時係扁粉，侍應叔叔話佢o地叫呢d做天使麵，唔係化???味道又係偏鹹，不過意粉煮得尚算正宗，不會過腍，有咬口。燒羊扒-是薄薄的三塊羊扒。完全食唔出呢件就是羊。味道與一般香港西餐廳幾十蚊一個扒餐沒有分別。食過頭盤、主菜後，對甜品亦不太抱有期望Tiramisu-像是由冰箱拎出來，口感似雪榚多一點，咖啡味及酒味亦欠奉。意大利拿破崙雪榚-食得出質感係雪榚，但食唔出是什麼味道的雪榚。

其實不是第一次來，但與男士來吃飯，更是吃午飯的話，就是第一次。這裡裝修雅致，暗暗的燈光加上四周典雅的佈置，好有北意大利鄉村餐廳的感覺。好像之前來的都是與女伴到來，是日三條友仔，似黑幫講數還多一點。午餐分澱粉質及肉類的餐牌，前菜都可選湯或自助式頭盤Antipasto，包餐飲價錢由78至88元，以這環境，都不算貴。Antipasto選擇不及晚市的多，但都有釀青椒、釀茄子、蛋餅、油浸魚、黑橄欖、薯仔沙律等等，其中半圓型的還以為是mozerella cheese，但原來只是半隻蛋加沙律醬，空歡喜一場。都幾豐富，作為一個午餐的頭盤併盤，已超額完成。主菜方面，叫了焗芝士莧菜寬麵、奶油豬肉及烤芝士魷魚，賣相認真，看起來也相當不錯。最喜歡的是奶油豬肉，這味意大利農村菜，美味之處不在肉而在白汁內，白汁香濃，有隱約白酒的甜香味及牛油香，配上冬菇，味道真不錯。剩下的白汁，也給我用剩下的蒜蓉包礁來吃了；烤芝士魷魚也不錯，魷魚肉質幾鮮美，口感不錯；莧菜麵加入了不少的芝士及蕃茄肉醬去焗，味道夠濃郁，如果一個人吃，難免是膩了一點，與人分吃就剛好。餐後的熱咖啡，幾香濃，那柄斜掛在杯邊的匙羹，是神來之筆。這餐吃得滿意，

the ambience is great! not grand, but cozy so i felt very comfortable eating there.the palmar ham with melons is a must-try!the bread was good. the escargots were alright.the cream sauce of the pasta and the veal was very very creamy.the tiramisu was good.the sangria was almost the best that i've ever had.i recommend this restaurant who likes to have good food. yummy! gonna try out its lunch another time.