影片
更多
2021-05-31
3250 浏览
今日又去 Monterey開餐，今次揀咗最近商場電梯、又靠近海濱的「La Rosabelle」。雖然並非對正海邊單車徑，風景稍為遜色；但仍然前臨開陽景致，又有露天用餐區，秋涼時份仍然是很好的選擇 ⋯⋯ 但在炎炎夏日（包括用餐當天），當然選擇室內、有冷氣涼浸浸的用餐空間。門口大大個 lunch set 餐牌，標明只在星期一至五供應，但原來今日（星期六）也有。印象中上次經過時曾經問過侍應，星期六、日及公眾假期是沒有 lunch set 的，唔通餐廳改了政策？唔知什麼原因，今日這個商場的大部份餐廳皆沒有太多客人。記得之前每個週末來到，每間餐廳都是坐滿客人的 ⋯⋯ 到底點解呢？但正正因為冇太多客人，才可以細心觀察餐廳的室內裝潢。裝修風格模仿16、17世紀的歐洲小酒館；當然，用料較講究、亦加入了古典及貴族大宅元素，並非完全參照粗糙殘破的古老歐洲小酒館。牆上掛了幾幅油畫，貫徹餐廳的裝修主題。全部都不是名家作品，筆者就只認得這一幅拿破崙騎馬畫像⋯⋯ 當然全部都是複製品，甚至只是影印本。單點餐牌的主菜定價與同款午餐比較，貴了30% 左右；唔知道份量係唔係又多啲？Garlic Bread ($48) 表
門口大大個 lunch set 餐牌，標明只在星期一至五供應，但原來今日（星期六）也有。印象中上次經過時曾經問過侍應，星期六、日及公眾假期是沒有 lunch set 的，唔通餐廳改了政策？
唔知什麼原因，今日這個商場的大部份餐廳皆沒有太多客人。記得之前每個週末來到，每間餐廳都是坐滿客人的 ⋯⋯ 到底點解呢？但正正因為冇太多客人，才可以細心觀察餐廳的室內裝潢。裝修風格模仿16、17世紀的歐洲小酒館；當然，用料較講究、亦加入了古典及貴族大宅元素，並非完全參照粗糙殘破的古老歐洲小酒館。
牆上掛了幾幅油畫，貫徹餐廳的裝修主題。全部都不是名家作品，筆者就只認得這一幅拿破崙騎馬畫像⋯⋯ 當然全部都是複製品，甚至只是影印本。
單點餐牌的主菜定價與同款午餐比較，貴了30% 左右；唔知道份量係唔係又多啲？
Garlic Bread ($48) 表面塗滿了蒜蓉香草牛油，只嫌淺綠色有點奇怪，令人想起鬼口水，有點影響食慾。法式長麵包表皮烘得夠香脆，但麵包表面就未夠金黃，烘焗時間長一些會更好。
Garlic Bread
$48
21 浏览
0 赞好
0 留言
Carbonara ($108) 賣相麻麻地，醬汁顏色太白，唔夠鮮黃，感覺上雞蛋黃份量唔夠多、或者用了白殻雞蛋。煙肉份量雖然相當多，但只是普通薄片煙肉。最大賣點是舖在意大利麵表面的芝士碎十分足料，趁熱馬上與意大利麵及醬汁拌勻半；芝士溶化後醬汁變得稠身。味道較預期中好，醬汁濃稠、有芝士香味；但一如所料，稍欠蛋香。意大利麵口感不錯，有彈性、有咬口；煙肉碎片尺寸適中，就只嫌唔係厚身煙肉。以這個價錢及餐廳環境，這碟 Carbonara 算超值。
Carbonara
$108
13 浏览
0 赞好
0 留言
一向唔係太鍾意食美式燒豬仔骨，印象中，真正好味道的美式燒豬仔骨寥寥可數。Grilled Baby Back Ribs ($168) 一如絕大多數的美式餐廳出品，味道一般而已。肉質軟腍得有點過分，除了完全唔黏骨頭之外，入口質感也失去了肉類應有的彈性；肉味一般，被封在排骨表面那一層又厚身、又濃稠、又重口味的BBQ醬汁所掩蓋。如果唔係屋企人鍾意食，一定唔會揀。
Grilled Baby Back Ribs
$168
6 浏览
0 赞好
0 留言
Grilled Spring Chicken ($168) 烤得雞皮香脆，內裏雞肉充滿肉汁。春雞細細隻，較大隻燒雞好食得多；肉質更嫰滑，香草及醃料更入味。
Grilled Spring Chicken
$168
14 浏览
0 赞好
0 留言
呢排每逢週末差不多都去呢個商場嘅餐廳開飯，平均質素都幾好，只是價位唔便宜，亦缺少較大眾化的茶餐廳；可能附近一帶的新屋苑都是中產住客吧？不過，都想定個目標，整個商場的每間餐廳都要最少光顅一次！下次幫襯邊一間呢？
张贴
