La Rosabelle Bar & Grill (MONTEREY Place)

营业中

休息中

上網睇呢一間餐廳有咁多好評，於是我哋係星期六三個人嚟咗呢間餐廳試試，我吔總共嗌左一個margarita pizza, scallop truffle risotto 同埋mussel pot served with fries.首先，pizza($108) 個味還好，幾cheesy，但係無乜蕃茄味，感覺似超市買完返屋企焗一樣第二，mussels with fries ($168)既汁唔錯，但係啲mussels好重雪味，食落去好唔新鮮，一粒粒既口感，一啲都唔彈牙。仲有，薯條跟既茄汁味道好奇怪，好似過期咁，我本身係一個鍾意茄汁既人，但我完全食唔落。等三，scallops truffle risotto ($158) 個飯好硬，無乜truffle味，而且個帶子好似啫喱咁，我未似過咁難食既risotto!整體來講價錢唔係太貴，但我哋一定唔會再嚟

餐廳裝修得幾靚，好有歐洲風格～法式青口鍋配炸薯條 • HKD$168一兜青口有成二十隻左右😯而且本身以為浸唔到汁嗰d會冇味，但其實唔會😳青口雖然係急凍，但都仲幾新鮮👍🏽薯條係即炸，完全冇油溢味～法式燉羊膝配薯蓉 • HKD$228肉質超淋，用叉輕輕一拉都已經離骨，唔會食到好論盡👍🏽羊好入味，而且本身浸羊味都好濃，我個人係好中意嘅😋個gravy味道唔會太搶，但又幾有肉香味～薯蓉係creamy得黎會留返有少少薯仔粒，所以食落口感多d層次🤤

☕️️ Cafe for chilling — La Rosabelle Bar & Grill ✨ #90cp將軍澳篇 #90cpCafe篇➖➖➖➖➖又係嚟到將軍澳海旁附近 今次就揀咗呢一間西餐廳 諗住入去試吓🤭 見到佢價錢都唔算貴 不過食完之後真係有啲失望🤢美味指數 😋: ⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️(五粒星為滿分💯)🔸 Pizza Margherita $108佢係一個set 有餐湯亦都有嘢飲 其實價錢都算OK🤔 呢個都等咗好一段時間先嚟 而且全場冇人 出餐速度就有少少慢🙈 講返正題先 pizza 講真比我想像中普通😵 普通道同你平時喺某間連鎖pizza 店食嘅嘢基本上冇乜分別 但係又未至於唔好食嘅😕 🔸 Mushroom Risotto $108好老實都係失望而回🤢 佢嘅飯個汁有啲過分粘 明知道口感食落去太黐口 而且味道都唔算好濃 唔係幾啱我個人嘅口味🤔 至於佢嘅飯質 比較偏淋 蘑菇都算多嘅 但整體來講都唔係好啱個人口味😵💰Total: $238✅ 老實講佢環境係OK 而且服務態度講真都算幾好

第一次黎食晚餐已經叫攞親攞野都叫幾次先會攞。第二次來食野只係叫攞茄汁叫到食完先記得攞。第三次來食Lunch set.2:04已經到歺廳。叫3個餐3杯野飲。呢樣無個樣無。已經轉款。叫2個burger 餐。一個豬骨歺。等左30分鐘。都只來左杯咖啡。啲員工又唔用紙寫單。一直等。吹幾次原來係漏單。先重新再下單.等足45分鐘先來兩個湯同沙津。同未來兩杯飲品。餐具又唔俾。要行入去問佢攞。再等到一個鐘先來兩個餐。但仲爭個burger歺未到。隔離枱遲來嘅叫漢堡都到。全程足足問左10次以上等左足足over1個鐘15分鐘都無來過。之後仲話等2分鐘會到.最後都係無來。就叫佢取消啦。取消佢地就識得即時取消。啲員工真係完全唔掂到。講咁多次淨係識ok。無一個人去跟進。聽完就行左去。我話已經等左over一個鐘.佢仲話one hours?重點係咁多個員工我都問過。無一個去跟。呢間野以後都唔會再幫襯。服務差不堪。

又到週末當然都出外走走，見到有間古典特色風格的La Rosabelle Bar & Grill，就忍不住進內嚐嚐。餐廳更提供Lunch Set 優惠，價錢由$108 - $228 相當抵食。餐廳採用歐洲古典風格，牆上掛有不少油畫，加上玻璃吊燈、還有原木樓梯，給人典雅復古嘅感覺。法式青口窩配炸薯條來到時已聞到香噴噴的味道，忌廉、白酒配合得剛剛好，味道都滲進青口中，令青口更顯鮮味；而薯條熱辣辣，香脆又可口。炭燒豬仔骨配薯條大大塊炭燒豬仔骨塗濃稠的醬汁，令豬仔骨經炭燒令保持肉質嫩身不柴口，再加上香濃的醬汁酸酸甜甜，真係越食越開胃，食到停唔到口。

將軍澳海濱近排係新興嘅好去處難得近排唔洗O咁耐T，就決定去chill返下！星期一嘅夜晚都好多人食黎到嘅時候都有7成滿人。意大利辣肉腸Pizza $148好大塊Pizza上枱嘅時候係新鮮出爐熱辣辣，啲芝士仲可以拉絲！食落都唔會好齋～黑松露醬帶子意大利麵 $148好香嘅黑松露味而且食得出帶子好新鮮同埋大大粒，碟上面仲有啲小帶子粒～望落好似好小咁，但其實係好飽～坐左係室外，傾下計吹下海風，慢慢食下野，咁就過左一晚了～

#將軍澳‼️ 古典風西餐廳 ‼️≡將軍澳海傍近年開咗好多新餐廳，除咗coffee shop仲有唔少西餐廳～每次經過都見到哩間室外嘅位坐滿晒，早排就一於去試吓～佢嘅lunch set好抵食😍Lunch set 包 湯/沙律，主菜，飲品～而且可以揀坐outdoor或indoor，兩種唔同style☺️≡佢嘅食物份量大大份，好夠食😆Carbonara $108味道濃郁又夠creamy～Mussel Pot served with fries $168大大煲，有好多隻青口而且佢係用牛油白酒汁嚟煮，好香～ 記得用薯條點啲汁嚟食☺️頭盤可以揀湯或者沙律🥗都好大兜！經過記得試吓啦！————————————#LaRosabelle 〰️ La Rosabelle Bar & Grill 〰️Shop G6, G/F, MONTEREY Place, 23 Tong Chun Street, O'South Coast, Tseung Kwan O————————————

今日去一間位於將軍澳新熱點南塘傲嘅西餐廳【La Rosebelle Gill and Bar】呢度係古典歐洲風🎻環境Vintage到不得了，室內每個角落係📸影相位，室外又可以吹住微微海風享受晚餐，食飽飽仲可以去附近海濱散散步，好寫意架！今次有攝影大大晴天公仔係度，梗係有靚相睇啦~💜👧🏻CACA今次食D咩?🍽Grilled Baby Back Ribs：超大塊嘅豬仔骨，配上酸酸甜甜燒汁，肉質夠軟又好味骨同肉輕易分開，食得好方便，配菜有我喜愛嘅粗薯條呀~🍽Spaghetti Vongole：洋蔥蒜蓉配上鮮甜蜆肉，清香味美，意粉亦係我喜歡嘅軟韌度。🍸Cranberry Juice & Orange Juice

古典歐式設計裝潢，營造出一種優雅高貴的氣質。在華麗復古的裝飾如油畫、壁爐、鏡子、蠟燭壁燈、木樓梯、水晶燈的環境下進餐，慢慢地享受著這高雅貴族的氣氛。餐點方面點了一個卡邦尼意粉和炸魚薯條，卡邦尼意大利粉 $135，上面佈滿芝士碎和煙肉，蛋黃芝士醬汁香濃很有蛋香，鹹香濃厚又夠creamy，意粉火候剛剛好，口感煙韌有嚼勁。炸魚薯條 $148，炸魚非常大塊，份量十足，魚外皮炸得很香脆、魚肉厚實又能保持濕潤也有魚鮮味，薯條是我喜愛的粗薯條，炸得金黃香脆又不會油膩，吃不停口。飲品點了菠蘿汁和蘋果汁，夠fresh，作為餐後飲品很適合。

將軍澳而家真係多咗好多好野食，而且好多都有outdoor，宜家呢個天氣坐出邊啱啱好又舒服💗 我地去左一間就係正donki樓下，食完就可以上去行🤩Weekend午餐會跟餐湯或者沙律，湯比較稠而且青豆味都幾重，朋友就唔太鐘意，但味道唔差～去到主菜我地揀左一個 mushroom risotto ($108) 同mussel pot with fries ($168) share黎食，超鐘意呢碗青口個cream sauce!! 好香濃而且好鮮甜，如果有埋包可以點汁食應該會更加正！risotto份量都幾多，口感好煙韌，而且芝士同松露味恰到好處，唔會覺得好漏見室內環境都幾靚，下次可以黎試埋個晚市～

朋友屋企附近真係愈開愈多餐廳👍🏻！今日又過嚟探訪一下，然後去La Rosabelle食晚餐。La Rosabelle位於將軍澳Waterfront，感覺好chill～分別有戶外同室內座位。室外環境舒適，有微風吹送。室內裝潢古典風，氣氛典雅。我們點了兩個Main，分別係Mushroom Risotto同Grilled French Spring Chicken。雜菌菇燴意大利飯 $138上枱時已經聞到香氣四溢，好吸引。意大利飯綿滑飽滿，味道濃郁又creamy。烤法國春雞 $168春雞肉質嫩滑，烤焗出來又香又不肥膩。加上香脆的幼薯條，很好吃。

平日夜晚嚟食個西餐先，呢間我第二次食啦😆設室內同室外座位，估唔到平日夜晚都咁多人，仲幾多人坐室外添🤣·✨𝐵𝑢𝑡𝑡𝑒𝑟 𝑐𝑙𝑎𝑚𝑠 𝑝𝑜𝑡 𝑤𝑖𝑡ℎ 𝑓𝑟𝑖𝑒𝑠 牛油白酒煮蜆配薯條 $168蜆煲幾大煲，好多隻，煲底有牛油白酒汁，幾香架，要點汁嚟食先好食😆但略嫌兩三隻食到有沙🙈薯條🍟係粗薯，熱辣辣，份量多😙除咗蜆煲，都有青口煲供選擇🤣·✨𝐹𝑟𝑒𝑛𝑐ℎ-𝑠𝑡𝑦𝑙𝑒 𝑙𝑎𝑚𝑏 𝑠ℎ𝑎𝑛𝑘 法式燉羊膝配薯蓉 $228平時少食羊膝就試下佢啦，賣相不錯，羊膝好大隻，切開係好多肉🤣羊膝原來食落口係好嫩滑，仲唔會膻，嫩滑到好似食緊雞髀肉咁🍗😍要點下佢附帶嘅汁，配埋薯蓉都幾夾☺️·🌟兩個main course分量幾大，我哋最後都食唔晒啲羊🙈食物質素真心不錯，環境都幾好，坐室外可以帶埋狗仔，不過價錢方面就略貴少少，間中食下都ok😆

一直都知道將軍澳海旁嗰邊多咗好多新餐廳進駐，但係到今日先有時間過去行下，揀食咩嘅時候見到哩間餐廳入面既裝修勁有歐洲古堡風格，好岩打卡😆所以就決定入去試一試啦。餐廳既地下同牆身都用左木製品，加上皮製梳化，同埋仿製壁爐，望落好有古典既味道，最特別既係餐廳入面有一條木製樓梯，啱晒鐘意打卡既人。🎈美國安格斯肉眼牛扒（Medium）🥩牛扒會配上沙律菜同炸薯條，同時附上兩種醬汁。牛扒厚身大塊，肥瘦適中，食落口充滿肉汁，肉亦都唔會靭，值得推介👍🏻沙律🥗係火箭菜配小番茄🍅淋上黑醋，酸酸地好開胃。而薯條係我最鍾意既粗薯條，食落口好滿足，🍟唔會炸得太乾，亦唔油膩。🎈龍蝦意粉🦞意粉上面有半隻龍蝦，龍蝦肉食落非常爽口彈牙，有淡淡既香草味，食得出好新鮮。而意粉亦用上龍蝦忌廉汁同切到一粒粒既蝦肉、洋蔥🧅一齊烹煮，所以意粉食落去好creamy，而且幾乎每啖都食到蝦肉或洋蔥粒。🎈Lychee Mojito🍹調酒師特調飲品，哩杯Mojito青檸同薄荷味好突出，味道較清新，微甜。🎈Special Drink（酒精）🍸哩杯亦係調酒師特調飲品，青瓜味好突出，酒味唔太濃，飲落都幾Fresh。整體黎講，哩餐晚餐真係幾高質，因為食

The staff is friendly here but the food is just NO WAY. The mushroom risotto may look nice, but it’s so poorly cooked that you can’t even tell whether it’s rice or not. Apart from the mushroom itself, the risotto is simply tasteless. If you sit outside, they’ll just give you paper box and plate for the food and it definitely worsens the food quality. Totally not worth the price.

今日試吓富歐洲色彩嘅餐廳，餐牌裏面都主要係傳統嘅西餐！我哋今日一家人出嚟食飯雖然係情人節唔係佢冇規定一定要食情人節餐！訂咗枱就真係準時比枱！藍青口配薯條望落去個樣就好好啦，但係青口都係比較鹹左一啲！我覺得佢唔係用新鮮個青口煮，我，如果唔係個價錢應該要再貴啲煙肉漢堡包就中規中矩！漢堡扒唔夠juicy！燒完條鱸魚尚算新鮮，都有炭烤嘅味道！最後唔夠就加咗個洋蔥圈，全部最好食嘅嘢！好鬆脆咁，最鍾意個醬，有淡芝士味！咖啡麻麻地！