La Mensa Grill & Bar (Plaza 88)

营业中

休息中

I recently visited this restaurant and was profoundly disheartened to discover that they do not provide any warm or hot drinking water, irrespective of the circumstances. The only alternatives presented were still or sparkling water at room temperature, which struck me as an undue inconvenience and a blatant means for the establishment to augment its profits. As a patron who has a distinct preference for warm water, I found this policy to be a considerable disappointment and a significant letdow

算係幾高質嘅墨西哥菜，環境舒服又夠Chill，服務態度都唔錯，侍應會埋黎問你啲食物嘅Feedback。.佢地嘅羊肉咖哩真心唔錯！咖哩香料好夠層次，微微辣吊到羊肉鮮味，肉質煮到軟腍又唔會「鞋口」，撈飯食啖啖都入味。.至於牛肉burger就啖啖肉，塊漢堡扒厚身多汁，咬落仲有炭燒香，麵包烘得脆身，加埋洋蔥同芝士做餡料，整體好香好Juicy。兩道菜分量都足料，薯條仲可以點埋羊肉咖喱醬，有另一番風味！同埋食完無乜油膩感。價錢方面中規中矩，可以再encore！

閒日約了幾位朋友吃午飯，環境舒適不錯。我們點了兩客澳洲黑安格斯牛排，一客挪威香煎三文魚，一客意式芝士烤雞扒。朋友最近出暗瘡，所以想將薯條換上薯蓉，侍應也樂於為我們轉。餐湯很濃很多料；水牛芝士沙拉個樣幾吸引，菜幾好。三文魚有點淡，不過朋友不食太咸，所以可以接受；牛扒點了 medium 熟，但上來一客很生咬唔開，另一客就全熟 (well done) ；至於烤雞扒，確有點失望，因為實質是吉列雞扒，正中朋友出暗瘡要害 ，完全不是烤。向侍應查詢她回覆這是 Chicken Parmigiana，還說若果要退，她就要賠。我們看上去就完全不覺雞扒是烤出來，朋友最終唯有去皮食。

適合大班朋友食飯飲酒傾偈的好地方作為開胃菜SESAME CRUSTED TUNA CHUNKS芝麻吞拿魚魚塊Serevd with mango Salsa 配芒果莎莎醬芝麻的香味慢慢滲透吞拿魚魚塊MEAT PLATTER 肉類拼盤Grilled chicken breast, crumbled sausage, lamb rack, beef steak & grilled vegetables烤雞胸肉, 碎香腸, 羊架, 牛排和烤蔬菜拼盤吾係好值呢個價錢牛排叫medium 變左well done 得個羊架做得可以之外其他肉類都係一般蔬菜係有用油烤過不過吾理解點解會係生菜🥲GRILLED BARRAMUNDI FILLET烤鱸魚片Broccoli, Green peas & mashed potato西蘭花, 青豆和薯泥鱸魚做得出色的

午餐包前菜、主菜、餐茶，可另加$20要是日甜品。前菜三選一，是日湯品、水牛芝士沙律、自家製肉丸，要咗湯同沙律。是日湯品係 seafood soup，飲落係蟹肉蕃茄忌廉湯，蟹肉（不是仿蟹柳）比預期中多，蕃茄忌廉湯稀傑度適中，味道微酸，不錯。水牛芝士沙律，沙律菜新鮮，車厘茄爽甜，水牛芝士滑但味淡，配埋黑醋汁，酸酸甜甜，十分開胃。意式芝士烤雞扒（$125）烤雞扒幾大塊，麵包糠好薄，烤得十分香脆，零油膩，雞肉軟嫩。雞扒上面舖上茄蓉及芝士，味道唔算濃郁。一刀打直切開，一啖有齊芝士（拉絲）、茄蓉（清爽）、雞肉（脆口+軟嫩），多重口感。配菜有即炸薯條，洒上少少辣粉，香口惹味。黑松露蘑菇薄餅（$125）廿零分鐘上枱，約10吋大，預切八塊。未食已經聞到好香嘅菇味，食落菇味更濃。薄餅餅底鬆軟得嚟又有𡁻口。薄餅配料只有三樣嘢，芝士、蘑菇、黑松露醬，雖然如此簡單，但味道亦十分出色，熱辣辣即焗嘅 pizza 沒有難吃的理由。熱咖啡，微苦帶微酸，奶係熱的（加分）。

估唔到今次俾我喺荃灣搵到餐廳有Chill E.A.T. 優惠，不過出咗少少問題。我入去顯示俾店員知我經 Dining City app 訂位，2位店員面上出現多個問號？佢哋搵店經理過嚟，佢話要影低訂枱電郵內容，之後俾咗lunch set餐牌我，價錢同Chill E.A.T. 個午餐價一樣，HK$148/位+10%服務費，但內容不太一樣。店經理話暫時未做到那個優惠，只可以提供類似嘅午餐。咁好啦，人都坐底咗，肚巳餓，唯有叫嘢食吧😅🧀🍅 Burrata Salad 番茄布拉塔沙拉． 原個布拉塔芝士，巳一開四咁切開，冰爽美味，配搭車厘茄和黑醋汁，非常清新開胃🐟🥦 Pan Fried Barramundi with Roasted Vegetables 香煎澳洲鱸魚配烤蔬菜． 魚皮煎得鹹香脆口，魚肉鮮嫩多汁． 蔬菜種類多，烤熟同而保持水份多汁，好味😋☕️ Coffee with Milk 咖啡伴牛奶． 咖啡其實味道正常，但加分係因為牛奶係熱辣辣的，與咖啡嘅溫度一樣，令加奶後杯咖啡都係熱的🥕🍰 Carrot Cake 蘿蔔蛋糕． 呢件蛋糕，我等咗30分鐘，遲遲都未到，問店經理，佢先問我：「

-喺荃灣西一個細商場，估唔到平日lunch去都差唔多full哂，之前weekend晚餐都去過一次氣氛好好😛 4 course set lunchStarter: 沙律 🥗/ 湯 🥣 嗰日嘅餐湯係蘑菇湯，飲得出係用蘑菇🍄‍🟫同忌廉blend 出嚟幾香濃同有啲蘑菇嘅碎粒🫶🏻Main course: 🥩 新西蘭Ribeye $125牛扒嘅份量幾大cp 值好高，而且有炭燒嘅香氣，牛味都唔錯，不過生熟掌握上唔係咁好，一塊7成熟嘅都ok 另一塊5成熟嘅就有啲位太生有啲位過熟🙈 薯條🍟好香脆同熱辣辣，整體黎講都推介😚🐓 芝士焗雞胸 $120本身以為係烤焗雞胸，但原來面頭都有啲炸衣🙈 雖然偏薄身，但係整體上保持到肉質幾嫩有驚喜👍🏻Drink 🍹 Dessert 🍰甜品係幾有特色嘅蛋糕，面頭有啲cream cheese同jam，蛋糕偏濕潤、唔會好甜，幾好味😋📍La Mensa Grill & Bar荃灣楊屋道88號Plaza 88地下5-7號舖

今日好開心同屋企人去咗一間好高質素嘅西餐廳，環境優美，位置響啟德，一出西鐵站就到，非常方便，好適合一家大細，情侶嚟食飯，而且環境優美，衛生程度高，有情調，有格調，裝修好靚，仲有大大個電視機睇足球，真係好啱夜晚過嚟食飯吹水，而且仲可以有酒吧叫走，有唔錯嘅地方可以輕鬆吓，真係值得推介呀，而且呢度嘅食物質素好高，呢度有好多意粉扒類選擇，我哋叫咗一個意大利卡邦尼意粉，非常好食，卡邦尼汁，超好味，超入味，而且份量唔錯，仲有佢哋嘅雞肉墨西哥玉米片，超級好食呀，上面鋪咗好多嘅雞肉，全部都係廚聯多汁，而且仲加埋佢哋嘅醬汁，全部都係由新鮮嘅洋蔥，蕃茄，仲有香料配製，所以食落去好有口感，真係好正，而且pizza個size好大，可以同朋友分享，值得推介👍👍👍💓

又到咗同友人相聚嘅一晚，今晚選址荃灣，餐廳近荃新天地，旺中帶靜，晚飯時間都坐滿哂！坐低先叫個沙律享用，呢個係Prawn mango avocado salad, 超大盤好足料！！淨係牛油果同芒果都成排上，夠哂食唔洗爭，爽口嘅蝦肉同酸酸地嘅沙律菜一齊食好fresh~~友人要求點嘅Chicken nachos, 又係好大盤好抵食！nachos 好脆，同啲芝士醬焗埋一齊實在太正！點埋秘製sauce 根本停唔到口！Main course 叫咗個Ham in pineapple pizza , 賣相好地道，新鮮即焗，而且係薄批，同批面嘅餸比例剛剛好，口感好正！甜品 share 個Sunday chocolates , brownies 嘅朱古力味超濃！

生蠔美味，晚餐食品ok，服務態度都好好。不過，重點係呢間”bar”可以接受小朋友，如果唔介意周圍都係小朋友聲音的話，可以一試。 不過，我個人認為失咗食西餐嘅氣氛。

今日難得去荃灣行街經過呢間西餐廳 見到佢裝修幾靚 就決定入去食晚餐👍🏻大部分店員都係講英文我聽到有一位店員都識講中文所以唔使驚落單出現問題👍🏻主食我就揀咗卡邦尼意粉🤤嘢飲我就揀咗熱嘅洋甘菊茶(chamomile tea甜品揀咗朱古力新地🤤首先上嘅係洋甘菊茶佢唔係淨係畀一杯茶你佢有埋茶壺連茶包 可以自己refill仲有埋檸檬 可以畀你自己調味跟住上嘅喺卡邦尼意粉放咗好重嘅芝士👍🏻煙肉脆卜卜食落去味道鹹鹹地又好香最後上嘅係甜品朱古力新地令我好驚喜嘅係佢嘅份量好足有三個雪糕球 仲有幾塊brownie雪糕球係朱古力同雲呢拿味上面加咗朱古力醬同士多啤梨醬味道超級正brownie入面有一啲杏仁 味道超級濃🤤🤤

荃灣西各個商場以天橋連接，行到最後去到Plaza88都有唔少餐廳地下有間西餐廳🍴La Mensa Gill &Bra餐廳氣氛好chill🥂適合一大班朋友食飯飲酒傾吓偈叫咗Meat lover Pizza 🍕 呢款Homemade pizza好多料有火腿、意大利臘腸、香腸、雞肉、意大利辣香腸、芝麻菜啖啖肉配燒烤醬，仲有半溶芝士做到拉芝效果🧀Pizza揀咗厚批，配料又豐富，食2塊都好滿足🤤另外Korean Chicken Wings都好出色🤟🏻即叫即炸，外皮超香脆！肉質keep到嫩滑有肉汁沾韓式甜酸醬，味道更豐富🍴

荃灣西鐵開通之後，附近陸續發展一系列新樓盤，連接海濱長廊，周末來散步，在附近午餐。店舖位於新樓盤地下，全新裝修，配合明亮的窗戶，令室內特別明亮。長木餐枱與紅色格仔暗紋皮梳化椅顯得特別高貴。餐廳空間足夠，位置寬躺舒適，適合一班朋友或三五知己談心。卡邦尼意粉$143：以煙肉、蛋黃、帕瑪森芝士、奶油沙士和意大利麵為主要成分。當我第一口嚐到這道意粉時，我立刻被它的濃郁奶油味所吸引。奶油沙士與帕瑪森芝士的結合創造了一種豐富的奶油口感，與煙肉的鹹香味相得益彰。蛋黃則為整道菜增添了額外的豐富度和柔滑口感。意大利麵煮得恰到好處，齒感適中。吃到尾聲會略顯乾身少少影響口感。松露蘑菇pizza$175，這道pizza以黑松露醬、三重蘑菇和馬蘇里拉芝士為特色。用一個高腳架子盛載上枱，非常有架勢。Pizza有薄批和厚批可選，薄批較香脆，厚批較有嚼勁。我們選的是薄批。一口咬下去，我能感受到黑松露醬的濃郁味道，它與蘑菇的鮮美相互融合。pizza的餅底香脆可口。而面層的火箭菜非常豐富，苦甘的味道與薄餅相得益彰，帶來另一番風味。餐廳有提供水。服務加分。

餐廳環境寬敞，舒服，服務員態度好好！一齊睇吓個餐單先！==============做為開胃菜，佢地有一道好好味嘅大蝦芒果牛油果沙拉。呢道沙拉入面，新鮮嘅大蝦肉質鮮嫩，同芒果同牛油果一齊食清新甜美，口感好豐富。沙拉醬微酸微甜，提升咗整道菜嘅風味。每一口都可以品嚐到蝦肉嘅鮮美、芒果嘅果香同牛油果嘅爽脆，口感層次好豐富。食完呢道菜令人胃口大開。佢地嘅比薩係為肉食愛好者準備嘅。呢款肉類比薩絕對係肉食愛好者嘅天堂！佢包含火腿、意大利肉腸、香腸、雞肉同意大利辣肉腸，帶嚟豐富嘅肉類風味。脆身厚實嘅餅底配埋濃郁嘅蕃茄醬同芝士，口感絕佳。每一口都充滿各種肉類嘅香氣同口感，好好味，令人無法抗拒！佢地嘅三文治揀咗頂級牛排。牛排嘅熟度可以按照個人口味揀，我哋揀咗五分熟。三文治入面仲加埋蕃茄、洋蔥同煙肉。牛排煎得啱啱好，保持住肉質嘅嫩滑同多汁。蕃茄同洋蔥帶嚟清新嘅口感同微妙嘅甜味，煙肉嘅鹹香增添咗層次。三文治口感豐富，麵包脆身，內餡飽滿。每一口都充滿牛排嘅風味同配料嘅完美搭配。最後係甜品，佢地嘅香草焦糖布丁。作為飯後甜品，呢個布丁滿足甜食愛好者嘅需要。布丁順滑細膩，口感濃郁。焦糖醬融化喺上面，帶嚟濃郁嘅焦糖香氣

餐廳環境非常之舒服同埋寬敞，服務員態度亦都好好。一齊睇吓個餐單先！==========================做為開胃菜，佢地有一道好好味嘅大蝦芒果牛油果沙拉。呢道沙拉入面，新鮮嘅大蝦肉質鮮嫩，同芒果同牛油果一齊食清新甜美，口感好豐富。沙拉醬微酸微甜，提升咗整道菜嘅風味。每一口都可以品嚐到蝦肉嘅鮮美、芒果嘅果香同牛油果嘅爽脆，口感層次好豐富。食完呢道菜令人胃口大開。佢地嘅比薩係為肉食愛好者準備嘅。呢款肉類比薩絕對係肉食愛好者嘅天堂！佢包含火腿、意大利肉腸、香腸、雞肉同意大利辣肉腸，帶嚟豐富嘅肉類風味。脆身厚實嘅餅底配埋濃郁嘅蕃茄醬同芝士，口感絕佳。每一口都充滿各種肉類嘅香氣同口感，好好味，令人無法抗拒！佢地嘅三文治揀咗頂級牛排。牛排嘅熟度可以按照個人口味揀，我哋揀咗五分熟。三文治入面仲加埋蕃茄、洋蔥同煙肉。牛排煎得啱啱好，保持住肉質嘅嫩滑同多汁。蕃茄同洋蔥帶嚟清新嘅口感同微妙嘅甜味，煙肉嘅鹹香增添咗層次。三文治口感豐富，麵包脆身，內餡飽滿。每一口都充滿牛排嘅風味同配料嘅完美搭配。最後係甜品，佢地嘅香草焦糖布丁。作為飯後甜品，呢個布丁滿足甜食愛好者嘅需要。布丁順滑細膩，口感濃郁。