La Mensa Grill & Bar (Plaza 88)

营业中

休息中

位置：La Mensa Grill & Bar (Plaza 88) (荃灣)荃灣楊屋道88號Plaza 88地下5-7號舖(唔洗行入商場，間舖係商場外圍）食後感：高質浪漫西餐廳，每碟份量都好大份，味道都唔錯。眼見侍應全部係外國人，待客都非常有禮。味道：精選餐湯（松露蘑菇）（$75）忌廉黑松露湯，黑松露勁香，奶味濃郁，配埋蒜茸包，正到爆，佢蒜茸包焗到岩岩好，食落唔會介口。野生蘑菇意大利麵（$142）餐湯已經咁正，本身以為同餐湯一樣味，點知呢個意粉更加有驚喜，蘑菇味超突出，份量又多，食到好滿足。牛油咖喱雞（$182）唔食得辣既朋友要小心啦，佢應該有十小至三小辣咁辣，牛油雞唔會太重香料味，配埋塊印度蒜茸烤餅，塊烤餅重長過塊面，小小酸小小辣，好惹味。甜品香草焦糖布丁（$80）依個甜品係凍既，布丁夠滑夠奶，配埋焦糖脆面，好有口感。蘋果金寶（$80）蘋果酸甜度岩岩好，件數又夠多，食落有小小八角味，食完即卡消滯。好味指數：蘑菇意粉世一，下次再黎我一定要食返蘑菇意粉

食完覺得呢度係lunch 既幾好選擇，野食好食，地方夠大又坐得舒服，約人傾計食野不二選擇Set lunch 都幾多選擇，包餐湯或沙律，主菜同飲品，樣樣都好吸引！個蒜蓉包暖暖地，好脆，好香蒜蓉味！蔬菜湯夠濃又滑。加左個韓醬雞翼剛炸起，超熱，外皮炸脆，內裡既肉好嫩滑！點埋辣辣地既韓醬，好惹味！主菜叫左rib eye steak 好大塊，都算厚身，唔會太薄，食落有口感。牛扒煎到好香，切開入面好嫩滑，稔稔的，好香牛味！yummy!配菜既薯條係粗薯，炸到卜卜脆，好味！芝士蛋糕芝士味好濃，好幼滑，配合士多啤梨醬既香甜味，兩者好夾，好好味！呢個+$20，抵食！士多啤梨奶昔外表已經好吸入，飲落係香甜既士多啤梨味，仲食到粒粒果肉，好好味！好滿足既一餐！

今日同朋友嚟呢個商場玩完室內活動就順便食埋晚飯，揀咗呢間都好有氣氛嘅西餐廳，呢到樓底好高，位置闊落，係好好嘅聚會地方揀左墨西哥油炸玉米餅同埋手撕豬肉pizza，等食物期間留意到餐廳都好有聖誕氣氛，好寫意轉頭食物就準備好，其實個油炸玉米餅（Quesadilla）唔係炸咁油膩，佢係用煎香嘅玉米餅上下夾住芝士同埋配料喺中間食落係外脆內軟，裏面嘅配料亦都非常之香，有芝士同雞肉，而且佢仲會配埋牛油果醬，蕃茄莎莎醬同埋酸奶油配搭一齊食，所以每啖都有唔同嘅味道同口感，呢個唔係咁多餐廳都有得食所以值得推介至於個手撕豬肉pizza，貌相同樣非常美觀吸引，批底似手拉批底，有少許咬勁同厚底，比起美式薄餅勁好食。Pizza好香，除左手撕豬肉仲有好多配料，洋蔥，芫茜辣椒同埋墨西哥胡椒，食落非常濃香又惹味，好滋味令人忍唔住一件又一件咁食。

同朋友行荃新天地二期，心血來潮想探索下睇下附近係咩環境，無啦啦就發現原來行前多少少附近就有一個叫Plaza 88嘅商場，經過見到呢間裝修非常之有格調嘅La Mensa Grill & Bar！除咗餐廳佈置到好有聖誕氣氛之外，呢到食物選擇亦好多，有墨西哥菜、亞洲菜、意大利菜等等，就決定同朋友坐低食下啦～美國肋眼扒💰HK$37014盎司肋眼扒肉好厚超大塊，七成熟剛剛好，唔會太生又唔會太老，勁Juicy，點埋黑椒汁更惹味！薯條炸到黃金酥脆，香脆可口，旁邊嘅沙律菜可以中和一下食肉太多嘅油膩感，整體味道都相當之唔錯～牛肉意大利千層麵💰HK$155最推薦呢個千層麵，熱辣辣新鮮出爐，勁多芝士，望住勁多拉絲嘅感覺好治癒，牛肉味香濃，啲牛肉醬酸酸甜甜加埋口感軟糯嘅麵片，絕對值得一試～Mango Smoothie💰HK$75賣相好靚，飲落唔會好甜，比較偏重牛奶味，個味道好似食緊芒果布甸咁，好好飲～整體來講，呢到環境舒適，而且食物又美味，真係好適合放假或者收工之後過嚟chill一chill～

食品不錯, 可是有極差極差的用餐經驗, 事緣我地今日在別的app用了折扣和coupon訂座用餐完畢埋單的時候, 餐廳經理竟然說coupon不能使用, 但事實我們訂座的時候確實有使用到而且有截圖為証但餐廳經理說什麼系統用不到, 藉詞推塘, 堅持說不能用, 最離譜竟然叫我地報警, 態度直頭不知所謂警察到了建議我地到平台及消委會投訴, 之後我地一定用報案紙再到相關機構follow up

Plaza 88 地下的餐廳 位置不起眼 偏偏一入餐廳就見到好多人聚會緊。餐廳內待應都係外國人。Calamari Ring魷魚圈 $135魷魚炸得好香 肉厚但不靭 輕微鹽調味就已經帶出鮮味US Ribeye Steak 美國肋眼排14 oz $370 助眼排肉厚，五成熟煎得剛剛好，唔過老肉邊煎到好脆口，但中間肉質仲可以保留軟嫩，外脆內軟，一流！伴菜沙律唔錯，可以一解膩感，薯條正常發揮。Prosciutto E Funghi 蘑菇火腿Pizza Thin $168Pizza 叫左薄底，勁多芝士Pizza 面不手軟，放上大大片意大利火腿，但略微太大塊，單獨食係會少少咸。但配上火箭菜，餅底一齊食就好食，出色！火腿獨特香味依舊濃厚。

行過見到原先知荃灣都有酒吧餐廳，仲要有戶外同室內位，感覺幾有外國渡假feel。雖然唔算好近mtr，係荃灣站同荃灣西站中間，但附近有屋苑，感覺幾方便同唔難搵。戶外既位置都幾舒適，唔近馬路，非常pet friendly。當日見到有隻好cute但好大隻既黑狗仔。裝修風格有點復古既感覺，但無話好似油尖旺酒吧咁黑沉沉，感覺幾輕鬆自在。呢日係平日同時間尚早，唔洗等位直入。Seafood Paella 海鮮飯$210材料同賣相都十分豐富，，飯既軟度剛好，每粒飯粒都被帶有海鮮味既蕃茄汁包裹住，滋味！蝦好大隻，仲輕輕燒過，有油香。Lamb Curry 咖哩羊肉配烤餅$135望落去同印度餐廳食既差唔多樣，味道都有差不多既水準。Nann溫度好夠，而且香而不膩。同朋友分享同配啤酒食就最perfect啦。

住荃灣既同事推介呢間酒吧餐廳，讚食物水評高同埋好有酒吧放假chill既氣氛。見呢日黎開荃灣探朋友，當然要捉埋個朋友黎試下。室外位方便有毛孩既朋友仔。室內環境就比巿區既酒吧寧靜，見有唔少一家大細既食客。呢度提供既菜式都幾國際化，例如有印度既：Lamb Curry 咖哩羊肉配烤餅咖哩既辣度係X仔10小辣，羊羶味不強，口味都幾大眾化。烤餅感覺幾有印度風味，傾向薄同埋有陣牛油香，口感彈牙，麵皮也很有層次，唔會被咖哩羊肉既味道完全蓋過。味道幾岩我口味，唔洗10分鐘就KO左半份。Grilled Barramundi Fillet 烤澳洲肺魚片賣相幾靚，無論味道、口感同色菜都好繽紛，只係我影相技術還正進步中。第一次食澳洲肺魚片，佢絲滑既口感好正，烤過既魚皮仲有時會酥脆既效果。環境氣氛都好Chill，就算有好多食客，都夠寧靜傾密計。餐牌既選擇不少。仲有甜品。

喺荃灣行街，經過Plaza 88 時見到呢間餐廳裝修唔錯，睇落好chill! 仲有好多聖誕🎄裝飾，好有氣氛🥳再睇下餐牌，午市套餐包餐湯/沙律和餐茶，仲可以加錢要小食和甜品，價錢非常相宜。🤗我同朋友午市時間到達，就一人叫一客午市套餐先😎 我地叫咗Ribeye Steak及Spaghetti Bolognese， 飲品叫咗Iced Mocha同Iced Americano 。 套餐包餐湯或者沙律，我地兩客都跟餐湯🤤🤤餐湯仲跟咗一塊蒜容法包！ 正！🤡Ribeye Steak- 可以揀熟成度！我地揀三成，唔會over 或under cooked, 好岩我地口味😝😝Spaghetti Bolognese- 肉醬帶有唔少肉碎，意粉煮得Al dente! 好味！Iced Mocha- 有少少微苦，唔太甜，唔錯！Iced Americano - 正常發揮😋😋😋食到咁上下，見到隔離枱的芝士蛋糕望落好吸引，再見到原來除咗芝士蛋糕仲有朱古力brownie 揀，於是就加錢叫咗各一🤩🤩 滿足下女人既甜品胃🥳🥳Cheesecake - 係偏硬既芝士蛋糕，類似new York cheesecake 面頭有士多啤梨🍓

今日帶小朋友去荃灣玩通常親子遊都係去愉景新城因為夠Baby Friendly 又多BB嘢買今次去咗一個比較新嘅商場就係映日灣隔離嘅plaza 88入邊有個好大嘅playhouse 同小朋友放完電 夜晚就搵餐廳醫肚大人細路都玩到咁攰 就梗係唔想郁喺返呢個商場度覓食行行吓就見到呢一間餐廳 喺G/F佢環境好chill 可以坐室內亦可以坐戶外如果係Couple咁嚟 一定揀室外 又有氣氛，依家啲天氣又唔太熱唔太凍我哋今次同B嚟 就坐返入面好彩我哋都比較早 啱啱仲有兩張枱本身以為呢啲咁有feel嘅餐廳應該都唔會太Baby Friendly點知一去到 waiter就好有禮貌咁搬埋BB凳仲要幫我抹埋呢樣真係未食，已經加晒分🤣媽媽們應該會懂的另一樣嘢令到呢間餐廳好啱帶小朋友嚟嘅係佢有一部超級大電視！仲要播緊兒童節目估唔到呢啲咁有氣氛 好似bar咁嘅西餐廳會咁Baby friendly🤣Bb睇到入晒神 我哋就可以專心睇Menu嗌嘢食如果係同friend嚟 佢嘅happy hour同埋生蠔餐都真係好抵食！我見在場都唔少人又嗌我哋同小朋友 就嗌返一啲熱食我哋嗌呢三碟courses都十分之有水準！10分10分推

想係荃灣飲嘢，搵間酒吧餐廳可以坐得舒舒服服真係唔容易，啲食物通常只係炸薯條、意粉呢啲簡單嘢。今次搵到plaza88呢頭搵到呢間唔錯嘅酒吧餐廳。餐廳係plaza88地面，係商場係入唔到去，要係外圍入口入去，餐廳樓底好高，有餐枱有高枱，全部都係南亞女侍應，要用英文溝通。主要食有pizza、意粉、漢堡包。Pizza有好多口味，又有厚薄揀，唔似加熱啲半成品，幾有誠意。我哋叫嗰個Meat Lover，有salami 、雞肉、火腿、豬肉，絕對滿足胃口。另外叫嗰個肉醬千層麵都做得幾好，熱辣辣，芝士又多，比起一般連所店更加好。

星期六放假lunch試咗喺荃灣嘅La Mensa Grill & Bar，係一間非常值得一試嘅西餐廳。佢哋嘅菜式不單只多選擇，連環境都好有特色，坐得舒服，真係一次良好嘅用餐體驗。首先，講下佢哋嘅Mexican Taco，揀咗手撕豬肉。呢款墨西哥炸玉米餅，外皮酥脆得嚟唔會太油，豬肉質地腍滑，配合上佢哋獨特嘅醬汁，既香又唔膩口。特別值得一提嘅係，佢哋嘅手撕豬肉做得非常入味，每一啖都令人回味無窮。份量有3大舊，食完3舊想繼續食😂。再講講佢哋嘅Linguine vongole，即係蛤蜊義大利麵。呢個菜式絕對係海鮮愛好者嘅最愛。麵條做到恰到好處嘅彈性，每一根都吸收咗滿滿嘅海鮮鮮味。蛤蜊嘅新鮮程度一流，佢哋嘅海鮮味道濃郁得嚟唔會太重，真係嚟自海嘅鮮味。加上細心調製嘅醬汁，唔單止提升咗整體嘅味道，仲令蛤蜊嘅鮮味更加突出。蛤蜊一d都唔孤寒，圍滿碟2圈。餐廳嘅服務亦非常到位，環境舒適，無論係同朋友聚餐，定係同家人一齊享受一個悠閒嘅一餐，La Mensa Grill & Bar都非常適合。

咁岩去完朋友屋企經過荃灣 同朋友試下呢到嘅西餐 入到去waiter都係講英文，當下有dd緊張🙈🙈（主要係我太耐無講英文了🫢） 諗左陣我地叫左兩個set lunch，有湯、大蒜麵包、主菜同飲品🤔前菜：忌廉湯配大蒜麵包 🤩我朋友本身唔係特別好忌廉湯，但佢飲完都覺得個湯清新唔油膩，口感順滑，帶有淡淡嘅奶香味，好好入口👍🏻配埋大蒜麵包嘅香脆，好啱沾湯食🤤主菜：烤豬排搭配薯蓉+田園沙律🤪個豬排烤得不錯，唔乾，烤得香脆肉都叫嫩，主打啖啖肉👍🏻特別鐘意嘅係每啖都食到有濃濃嘅炭燒香味🤤薯蓉都非常好味🤤綿軟香滑，仲有少少薯粒係入面，有啲咬口，豐富口感👍🏻加埋清新爽口嘅田園沙律令到整體嘅感覺唔會太重口，啱啱好👍🏻主菜：泰國春雞配茉莉香米😃 （本身想叫M1可惜佢話無💔🥲）好在春雞燒得都叫外脆內軟，配埋醬汁幾惹味！幾特別👍🏻 係西式餐廳食到泰式風情野飲品：拿鐵咖啡（朋友飲熱檸水🤣）咖啡濃郁香醇，而不苦澀👍🏻最後我無加糖都覺得味道足夠👍🏻整體黎講，幾欣賞啲食物嘅份量啱啱好，唔會太多太少👍🏻環境亦都算闊落，坐得舒服👍🏻不過可惜我之後急著走，唔係真係想坐多陣🙈🙈

想係荃灣飲嘢，搵間酒吧餐廳可以坐得舒舒服服真係唔容易，啲食物通常只係炸薯條、意粉呢啲簡單嘢。今次搵到plaza88呢頭搵到呢間唔錯嘅酒吧餐廳。餐廳係plaza88地面，係商場係入唔到去，要係外圍入口入去，餐廳樓底好高，有餐枱有高枱，全部都係南亞女侍應，要用英文溝通。主要食有pizza、意粉、漢堡包。Pizza有好多口味，又有厚薄揀，唔似加熱啲半成品，幾有誠意。我哋叫嗰個Meat Lover，有salami 、雞肉、火腿、豬肉，絕對滿足胃口。另外叫嗰個肉醬千層麵都做得幾好，熱辣辣，芝士又多，比起一般連所店更加好。

失望餐廳服務員共一男一女都冇笑容問任何問題都要refer唔知係咪兩個都第一日返工咁食物質素正常但加左咁多次價只可以話佢質素係要正常先對得住佢個價格仲記得..兩年前新開既時候 食物好食員工服務好環境舒服而家…不了冇下次