La Mensa Grill & Bar (Plaza 88)

营业中

休息中

荃灣勁chill酒吧多國菜餐廳牛肉意大利千層麵 $155正宗嘅千層麵真心推介，入面有碎牛肉、意大利麵、奶油調味醬，每一款都超級滋味，最頂層舖住咗半溶芝士仲可以拉絲，入口濃厚芝味，然後每一層一層都夠晒足料，意大利扁麵同埋惹味牛肉夾埋係層層上口感一流，配上奶油更加香氣迫人，食落去一口整體都好豐富，真係回味無窮！意大利辣香腸披薩 $165香噴噴嘅Pizza可以俾你自行決定厚皮定薄皮，用料新鮮夠晒足料，有切片意大利辣香腸、橄欖、新鮮羅勒、馬蘇里拉芝士、番茄醬，今次雖然揀咗薄皮，但係配料都唔會有小，薄皮pizza食落去口感更加香脆，咬落去喺吹口嘅餅底度慢慢滲透住蕃茄醬芝士同埋辣肉腸嘅香氣，所有嘢喺你個味蕾一併爆發，真係愈食愈享受！加一服務費La Mensa Grill & Bar (Plaza 88) (荃灣)荃灣楊屋道88號Plaza 88地下5-7號舖

之前收到cold mail, 見到Plaza88有間食店有手撕豬手食。所以就相約朋友去試食。預約餐廳時，地點約莫已知道在荃城天地2期隔離。地點不近不遠。由荃灣西站步行約8到10分鐘。到達88Plaza要問路先知道餐在商廈外面。一到步，2位後生女接待。服務很causal。如果喜歡專業服務嘅餐廳服務要慎重考慮。😉因為第1次嚟，所以只叫咗2樣食品。一客漢堡包配薯條。一個推薦pizza。漢堡包肉是雪藏肉。如果喜歡吃新鮮肉就要慎重慎重考慮考慮。😁炸薯條有一股雞油騷味。🙃🙂🙃🫠Pizza可以揀厚或薄批底。還不錯的。👍🏻👍🏻👍🏻👍🏻經理見我地食完係度傾計就自動波俾個dessert meun我地。其實經歷咗2樣食物後，已經沒意欲想食甜品囉！🤭🤭🤭🤭埋單時問後生女待應沒有85折嗎？她回覆要吃滿499元才可以享有85折優惠。好吧！那就埋單走人好了。因為已經唔會再order第3樣食品或作額外消費了。😉😉😉😉😉

呢間餐廳環境幾舒服，令人好放鬆！而且午餐價錢都唔貴，好適合平日午飯嘅選擇。午市套餐包括沙律或者餐湯同埋飲品，我揀咗餐湯同麵包。今日嘅餐湯係蘑菇湯，味道濃郁。我試咗咖哩雞配烤餅$125！咖哩雞肉嫩滑多汁，配上熱辣辣又大塊嘅烤餅，味道真係好搭配。咖哩嘅香辣味道同烤餅軟綿綿，好味😋另外，我仲試咗烤羅非魚配海鮮蛤蜊同大蒜麵包$120！羅非魚烤得剛剛好，肉質鮮嫩，配上豐富嘅海鮮蛤蜊同香蒜味嘅麵包，味道真係好豐富。每一口都充滿咗海鮮嘅鮮味同大蒜嘅香氣，令人食到停唔到口。如果你想加多$20，仲可以加購小食，我揀咗炸薯條！薯條炸得金黃酥脆，真係好好味。整體而言，呢間餐廳午餐真係物超所值！環境舒適，食物美味又唔貴。如果你想食一個平實又滿足嘅午餐，呢度絕對係一個好選擇！

今日朋友話想搵個地方坐耐啲傾計，openrice搵下發現喺荃新天地行前少少呢間幾靚嘅Fushion西餐，仲有室內外座位！環境幾舒服🤍仲有幾多唔同嘅選擇，印度菜/西班牙菜/西餐都有🫣🌟 Chicken Nachos $140唔算好餓又想搵嘢咬，嗌Nachos就啱晒啦！濃郁風味嘅粟米片加上清爽嘅牛油果醬&酸忌廉，仲有啲生洋蔥、蕃茄、墨西哥辣椒增加口感，惹味又開胃，真係忍唔住一啖接一啖咁食唔停！🌟 Beef Lasagna $155千層麵層次豐富，配上大量邪惡嘅拉絲芝士，中間焗得軟心，牛肉經過炒煮後，令整個肉醬更惹味。配上千層麵奶油醬以及加埋濃郁香，口感豐富，幸福感max!!!! 係值得比Quota去食嘅一道菜😻

今日同女朋友黎到荃灣Plaza88呢邊食野, 因為星期五晚驚多人食, 我地一早就book定位黎到見到間餐廳都幾full, 好多人食, 有分室內同室外位我地一人點左個菜, 分別點左卡邦尼意粉同埋蘑菇瑞士漢堡首先, 卡邦尼意粉,意粉煮得岩岩好, 都彈牙, 卡邦尼汁好濃，可以好掛到係意粉上面, 幾出色 跟著係蘑菇牛肉漢堡, 呢個漢堡黎到個陣大大個, 外觀100分!牛肉漢堡扒煎得香嫩多汁, 搭配埋好厚既大啡菇, 口感就好似一塊好厚既扒咁, 但係又唔會好膩, 加埋蕃茄同埋生菜, 口感好豐富, 味道都好好漢堡既麵包都鬆軟, 如果你係個漢堡迷, 呢個蘑菇牛肉漢堡絕對會令你愛不釋手!跟漢堡既就仲有薯條, 上黎個陣仲係熱辣辣, 應該係新鮮炸起, 咬落去仲好脆, 粗度都幾好, 幾有口感, 唔錯總體來說, 呢間餐廳既食物都好食, 而且餐廳既環境都幾好, 會一路播著歌, 今日隔離枱生日上蛋糕個陣仲播生日歌, 待應既服務態度都好好, 不過就要講英文溝通, 如果你搵緊一個有氣氛, 又好食既餐廳, 我強烈推薦你黎呢間餐廳一試, 絕對唔會失望

荃灣一間西式餐廳👍🏻主要由外籍人士打理老世員工都好nice💕💕🥳晏就既set lunch都好抵食有湯/沙律🥗 連飲coffee 唔系普通粉沖既latte mocha都唔洗加錢😮平時西餐廳加咖啡都系要加十幾蚊🥰前菜-salad 前菜都用一大碟去裝！有心思！而且煙三文魚份量都唔少 有3/4大塊Rib Pork色澤誘人，豬l排骨經過烤製後肉質非常嫩滑多汁，入口即化，加埋個醬汁perfect🎉🎉搭配薯條，薯條炸得恰到好處，外酥內軟，口感香脆可口滿足👍🏻值得一試甜品時間🥰🥰蘋果金寶外層主要用麥片再包裹住蘋果餡料，搭配vanilla ice cream 冰火交溶🔥🥶蘋果餡料酸酸地，同雪糕既甜搭配 唔錯環境唔錯👍🏻價錢性價比👍🏻👍🏻👍🏻值得一試

今晚覓食到荃灣西，發現Plaza 88有間酒吧餐廳餐牌有墨西哥taco, pizza, 意大利麵, 咖哩, 牛扒, , 沙律等等,有提供咖啡和多款酒類, 有cocktail, whisky, 白酒, 啤酒供應MEXICAN TACO （CHICKEN / PULLED PORK / BEEF） $130 / $135 / $140烘得微暖的soft shell , 牛油果醬, 酸忌廉 , 蕃茄莎莎 , 再配埋自選餡料3揀1 （雞肉 / 手撕豬肉 / 牛肉) , 我揀嘅呢款係雞肉, 之後隨心加少少鮮檸檬汁, 味道清新, 別有一番風味WILD MUSHROOM LINGUINE $142松露油和蘑菇味道好濃郁, 每條幼身扁意粉都掛上濃稠醬汁, creamy濃厚, 扁意粉分量多, 一碟都已經容易飽肚! 性價比高!!👍🏻*～**～**～*～**～**～*～**～**～*～**～💌地址：La Mensa Grill & Bar (Plaza 88) (荃灣)荃灣楊屋道88號Plaza 88地下5-7號舖*～**～**～*～**～**～*～**～**～*～**～

去到荃灣 嚟到88廣場 想飲杯嘢. 可以嚟呢 一 間 La mensa. 到裝修 好靚 夜晚坐喺度飲杯嘢好有氣氛. 也可以坐戶外 享受下新鮮空氣. 七點鐘已經接近爆 場海鮮飯，seafood paella 用了非常豐富藏紅米飯 香腸 鮮蝦 魷魚 青口 魚等配料. 青口好新鮮 充滿海水味的鮮味. 個飯底炒到一粒粒金香 用上意大利飯 非常之 煙韌 好味. 咬落好好咬口long island 酒未濃鬱 一啖飲落去透心涼的感覺 再飲多一啖 已經感覺到微微的 酒意呢度有得坐戶外 好舒服

住荃灣嘅朋友生日去咗荃灣88廣場嘅一間酒吧餐廳食晚飯，西鐵站行10分鐘左右就到。餐廳設有室外同室內座位， 室外座位係高枱，我坐室內卡位，座位十分闊落舒服，同朋友chill住咁飲兩杯好正。餐牌嘢食好多元化，有好多特色fusion菜式，要飲兩杯絕對不缺下酒菜。啤酒有happy hour & non happy hour price, 就啱happy hour時就會抵啲，我哋嚟到剛好過咗happy hour時間，美食當前加上同朋友慶生又點可以唔飲兩杯呢。同朋友睇住個餐牌心大心細好多嘢想食，可惜兩條友食唔到幾多嘢，最後放棄咗意粉同pizza揀咗西班牙海鮮飯，飲啤酒點又可以唔揀豬手呢，另一主菜就揀咗脆皮豬手。西班牙海鮮飯海鮮飯賣相好靚，五顏六色嘅擺盤令到成件事生色不少，材料有蝦、魷魚、蜆、青口、辣肉腸等等。米飯吸收曬海鮮鮮甜嘅湯汁，飯粒粒分明但飯粒係唔硬嘅，軟硬適中。味道有濃濃海鮮味之外仲有滿滿嘅香草香味，味道好有層次，各種海鮮都煮得剛剛好唔會因為過熟而好韌。脆皮豬手豬手去骨碎上十分細心，同樣都係份量十足，配菜有粟米、咸酸菜同薯仔沙律。豬皮炸得脆卜卜，口感似足鬆脆嘅燒腩仔皮，唔會太咸同太油，餸啤

近排朋友想食下西餐又想近近地係荃灣食咁橋經過plaza 88就見到依間餐廳好彩仲有位就試下😊環境舒服坐位唔係好密密麻麻好岩閨蜜/朋友/大家庭聚會當日都有不少人慶祝生日🤣🤣🤣🤣今日食左Lamb Cutlets ～Medium個肉呢完全唔羶啊，仲要係勁腍啦啱啱好超正仲要超大份，差啲食唔晒Chicken Mushroom Risotto blogger佢嘅材料好足夠，同埋味道啱啱好啲飯粒又係好有咬口雞肉粒好嫩👍👍👍Ham n Pineapple Pizza-Thick Crust雖然叫的批，算係普通材料好多地方都有但！依間我覺得做得好好！佢嘅皮好脆啦，熱辣辣超好味超有口感仲要比我想像中大份😂🤣🤣飲品方面叫了Vanilla Smoothie and Chocolate Smoothie 嘩，依兩個呢簡直係對佢另眼相看我預計可能會中伏啦，好甜啦但係佢完全唔係囉，係勁舒服啦飲落去仲要係唔漏嘅超想再嗌多一杯😂😂😂真心讚！本身以為餐廳唔多款揀，但一睇Menu，發現都多款式選擇！下次經過再黎食😋佢哋嘅服務態度其實都好好㗎，當你自拍嘅時候佢哋都會問你使唔使幫手同埋有好多嘢佢哋都會自動自覺幫你例如換碟呀超N

><自然光透過玻璃滲進餐廳 相對影相打卡會靚d 而且環境幾舒服Linguine Vongole(150)將每隻打開咗嘅蜆肉圍住碟邊砌成幾圈中間放入卷好了嘅扁意粉 擺盤好靚 檸檬牛油醬汁很惹味 酸甜車厘茄喚醒一下味蕾Apple Crumble(80)烘焗到脆身嘅碎燕麥片本身肉桂跟蘋果十分搭配配上一大球雲呢拿雪糕冰火交融 口感豐富Espresso(40)><><><><><><><><><><La Mensa Grill & Bar 荃灣楊屋道88號Plaza 88地下5-7號舖

La Mensa位於荃灣Plaza88地下，餐廳設有室內外座位，環境舒服😌牛肉意大利千層麵 $155看似很少，但份量多👍🏻千層麵層層分明，裡有碎牛肉有咬口，芝士份量多，有少少拉絲的效果。配有沙律菜和三色椒，沙律菜新鮮鮮甜爽脆😋😋肉類愛好者披薩 $170配料有火腿、意大利臘腸、香腸、雞肉、意大利辣香腸、燒烤醬和芝麻菜。餡料和味道都一樣好吸引，份量夠多，而且醬汁好均勻鋪滿在Pizza👍🏻。餐牌如下

搭車經過 都會望到呢一間餐廳 今晚收工 決定同同事嚟Chill下📍La Mensa Grill & Bar (Plaza 88) (荃灣)荃灣楊屋道88號Plaza 88地下5-7號舖原來入夜後 餐廳更吸睛😍落地玻璃加埋天花板波波吊燈 睇完個Menu嗌咗兩個主菜✨BUTTER CHICKEN CURRY 牛油咖哩雞燒烤雞塊、奶油印度香料醬配大蒜烤餅🤤雞肉嫰滑咖喱甜甜酸酸帶有辣味 味道好有層次 簡直顛覆咗我嘅味蕾 配埋Garlic Naan 熱辣辣脆卜卜 一流✨SPAGHETTI WITH MEATBALLS肉丸意大利麵香濃番茄醬 蕃茄醬加入蒜蓉意粉彈牙✨Cosmopolitin✨Fruit Punch✨Cosmopolitin 係我最最最愛嘅伏特加調酒去餐廳用膳 除左食環境氣氛 食物味道職員嘅服務態度亦係令我再次光顧的原因呢間餐廳各方面嘅質素都好高👍🏽搵晚收工必定再來Chill🥂

平時好少可行埋去呢邊，今日就想試下新野就發現呢間野，個環境感覺都唔錯，幾好feel，就入左去試試了。 室內個裝修幾有格調，覺得平時就算唔食飯都可以黎飲返杯野，chiil下。 🟩 Seafood risotto rice我好鍾意食risotto，所以叫左呢個黎試下，portion好大，入面有滿滿既海鮮，而且佢用奶油蕃茄醬黎燴飯，好香口，入面仲有幾粒蕃茄仔，酸酸地幾開胃。 🟦 Seafood special pizza因為我地咁岩夜晚都唔想食肉，叫個pizza都係海鮮味為主，呢度有得揀thick / thin 既批底，我就叫左比較crispy 啲既thin 批，感覺無咁滯。佢個批邊烤得岩岩好，有少少燶邊，咬落都好脆好有口感，幾好食。 🟪 Drink 我地叫左一杯Fruit Punch 同 Cosmoplitian，打算都試下有酒精同無酒精既分別，飲品質素OK 唔會好似溝左大量既水好快變淡，食西餐飲返杯做ending，感覺一流。

最近聽朋友嘅推介，話位於荃灣嘅一間西餐廳好值得嘗試。本身鍾意食西餐嘅我就當然唔會錯過啦，今次就趁着放假嘅時段嚟呢度享受下。餐廳嘅環境其實都坐得幾舒服，唔單止座位寬躺，而且有自然光照落嚟。跟住就講吓我當日食嘅美食。Chicken Mushroom Risotto我本身都好鍾意食意大利飯，今次就選擇左餐廳嘅雞肉蘑菇意大利飯。飯粒熱辣辣，成功帶出到松露香味。我覺得口感比較符合正宗意大利飯，因為夠晒有咬口，而且雞肉粒好嫩。另外蘑菇嘅香味都提升左意大利飯嘅質素，好高水準。Seafood Special Pizza至於Pizza方面，餐廳可以俾我哋選擇要厚批定薄批，難得嗰日胃口咁好，我就當然要咗個厚批啦。我覺得用呢個價錢可以食到呢個份量嘅Pizza其實真係好化算，另外味道都一樣好吸引。海鮮份量夠晒多，而且醬汁都好均勻咁鋪滿喺Pizza上面，令到當中嘅調味相當有風味。同朋友一齊分享呢個Pizza真係好正㗎。另外都發現原來餐廳對附近嘅街坊都好貼心，只要你係喺荃灣order嘅話，就可以享有免費送餐嘅服務。如果大家都鍾意食西餐嘅話，不妨嚟呢度試吓啦。