La Kaffa (已結業)

到置富第一城，探訪朋友，之後就在附近的商場找吃。來到這個店子，被色彩豐富，卻不鮮艷的裝修所吸引。還有可以坐在店內，店外的坐位感覺有種休閒，非常特別。餐牌有多個，約半個成年人的高度，很是吸引。選擇我喜愛韓式味道，韓式泡菜炒雞柳意粉。調味品，餐具等，是半自助式，可以自行取用。坐下不久，就已經送上點選的食品及飲品。韓式泡菜炒雞柳意粉，保持泡菜獨特的酸辣，比在韓國食過為淡，很合適港人口味。原以為沖淡泡菜味道，當中有蕃茄碎粒，蕃茄的清香，中和泡菜的酸辣，卻又有蕃茄味道，配合泡菜的酸辣，雞肉夾著泡菜及蕃茄味，入口沒有肉類的膩口感，還帶著肉汁。粗意粉，很有口感，個人很愛。台式奶茶，奶味濃厚，奶香入口變得豐富，凍飲甜味適中，比一般連鎖店更吸引。置富第一城平時甚少到來，卻想不到隱藏這小小的咖啡店，卻有著不平凡的味道，在市區怎樣也找不到這種配合，難道要專誠到訪，才可一再品嚐？可是這樣的休閒，這樣的美味，專程到來，也不失為樂事。

難得今日媽媽唔使湊孫，我又放假，終於可以兩母女撐爛隻枱腳。媽媽話之前去第一城接細佬去興趣班個陣試過呢間cafe唔錯，所以就同佢黎左La Kaffa喇。門面大而整潔，有室內室外，但所謂室外都係係第一城範圍內，係有冷氣既，可以放心。午市有set lunch, 竟然仲有我至愛既all day breakfast!夏威夷果仁鮮奶咖啡咖啡味香濃，鮮奶比例剛好令到入口好滑，淡淡既果仁香係喉嚨度上番黎水果茶超搞笑水果茶，入面竟然放左香蕉媽媽見到即時唔想飲，但估唔到味道超夾。全日早餐因為媽媽鍾意食牛仔腸我鍾意班尼迪蛋所以就叫左呢個set。薯餅，多士，煙肉夠香脆，蘑菇炒得夠香但略嫌乾身班尼迪蛋最治愈既畫面，蛋黃流超多，配埋酸酸甜甜既醬汁香濃黑松露焗龍利柳飯係炒飯底，上枱仲係“滋滋聲“，超香既黑松露味，仲要滿滿的芝士，簡直大滿足埋單都係200蚊有找，咁好食而又坐得舒服，下次放假都自己黎呢邊hea下先

放假日，訓到自然醒，男人又打黎話要OT,反正無無聊聊，就決定打比媽咪入沙田搵佢食個lunch再返娘家食晚飯媽咪帶路，話食過呢間餐廳唔錯，見都幾多人食，一於就試下佢餐牌勁多選擇，眼花撩亂香濃黑松露焗龍利柳飯超香黑松露味，醬汁亦十分濃郁，最難得係龍利柳處理得好好，一啲雪藏味都冇全日早餐超豐富！媽咪勁開心，班尼迪蛋生熟度岩岩好，薯餅無油溢味，連磨菇都用牛油炒到好香！絕對係心機之作夏威夷果仁鮮奶咖啡充滿果仁香氣，咖啡味濃郁得黎帶好香鮮奶味。同媽咪食住慢慢傾，舒舒服服，悠閒既一餐lunch~~

潮流所需，現在的屋村越來越多小型cafe店進駐。不管剛入社會或是上了年紀的退休人仕，個個都想拎著杯咖啡扮中産今天難得放假去第一城探朋友，想突然飲杯咖啡，朋友就帶我落商場的La kaffaLa kaffa位於第一城中心地下位置，輪近mcdxxxxx餐廳采用開放式設計，自己揾好位再去counter買食物，之後店員會親自送餐荔枝紅茶 $14喝下有浸浸的荔枝味道，當堂透心涼，底下還有椰果非常有咬口三文魚凱撒沙律 $56點個沙律清新一下，沙律汁夠曬多，好fresh!炸雞翼配法多士 $28雞翼炸得十分香脆可口，比多兩隻就好了另外的西多配糖霜，味道也不錯。安格斯煙肉牛肉蘑菇漢堡 $72呷下漢堡肉汁爆出，牛味濃郁，越食越好味。配上即炸的薯角和沙律菜，夠曬抵食想不到如此小型的cafe也能做出這般美味的漢堡包

好耐冇過黎第一城做野lu 今日做完野 同朋友過黎食餐下午茶先 轉頭去大會堂睇表演😀見到係第一城樓下有間小型cafe 餐廳入面位置唔算多 但可以坐出商場即時寬敞好多😀朋友食左個意式肉腸意粉 意粉偏辣 但好香口 意粉亦煮得剛剛好唔會太硬或太軟我叫左個雜菌沙津 個沙津比我想像中大 好多雜菌😍沙津菜又新鮮 加左少許黑胡椒 非常惹味熱Capuccino 係呢d cafe 真係永遠都咁好飲熱辣辣 好香的咖啡味道 為我既下午茶完美作結😄😄😄😄😀

平日先黎放假，個個朋友都要返工，我唯有自私食啦😂今日出左去第一城，因為想食All day breakfast😂 🤣行行下見La Kaffa, 呢到可以坐出面又可以坐店入面，見今日咁好天仲有啲太陽射入店，於是就入去坐啦😂大約二點半呢個時候黎到，勁多選擇!咩都想食!花多眼亂😂最後決定叫個最豐富既!特濃班尼迪蛋，香煎雞扒，法蘭克福腸，辣味香腸，香脆煙肉，脆薯餅，茄汁焗豆，粟米粒同全麥多士。仲加左$12蚊要多個沙律!呢個餐轉飲凍奶茶仲唔洗加錢!!🤣🤣🤣🤣因為我唔食茄汁焗豆既，職員話可以轉粟米，變左有二份😅依家對一對先知…好似無比到煙肉我🙄🙄明明話唔要茄汁豆又比左我…因為唔想浪費就比返佢地，好彩都換返粟米🤓班尼迪蛋係流心架!二隻都流十分好食配個芥末汁good fit👍 薯餅好脆而不油👍雞扒好大塊，雞皮係脆架😋😋個辣肉腸真係好辣，食左少少頂唔順，如果鐘意食辣既朋友可以一試!多士有二塊，都係焗過,不過要即食，否則凍左就唔好食了😆呢個set 份量好多，其實可以二個人食都得，鬼叫我大食咩😂另加十二蚊既沙律就不過不失，落左啲醋令淡味沙律更清新👍杯凍奶茶都唔簡單，絕對唔係茶餐廳果隻，係台灣奶茶😍😍😍唔係度度

呢間餐廳既格局都幾特別！一半座位係舖頭入面，另一半座位係商場既open area既位置，雖然係咁，但坐open area亦都唔會覺得嘈，反而有一種寬敞既感覺！我地叫左一個set，安格斯牛漢堡包。漢堡包既size唔算大，味道都ok，但略嫌太乾，唔夠醬／汁。配菜除左有薯角，亦都有少少沙律菜，感覺fresh一點。之後我地再加左個小食，香草雞翼。香草既味道唔算好出，雞翼就炸得乾身左d！整體黎講，我覺得食物既質素一般，可以有進步既空間！例如漢堡包上面既芝士可以先加少少熱，等芝士溶溶地再上碟，相信咁樣成個漢堡會加好多分！

星期日，同朋友去完游水，黎附近第一城食嘢。可以坐出面或者坐入面都得，點左百香果紅茶，好甜。就算攪混左都係好甜。我鐘意。三文魚凱撒沙律，沙律菜切到啱啱好，容易食，三文魚好大塊。味道唔錯。頂級安格斯煙肉蘑菇漢堡包，漢堡唔係好大個，下午茶份量，有好多沙律菜，蘑菇唔係隔離係漢堡包入面而係分開喺沙律入面。漢堡好多汁，有薯塊，味道唔錯。美國薯塊配墨西哥脆片牛油果醬墨西哥脆片好少好細塊易入口，好多牛油果醬，美國薯塊好香脆，有薯仔味。

懶得出去九龍區食野，諗住近近地同朋友搵間餐廳吹水hea下，見到呢間La Kaffa都有好幾間分店，應該算有保証，就一於去試下。唔係好熟第一城啲商場，搵咗一陣先見到間餐廳。望一望餐牌，大約$50-60包埋野飲，價錢都幾相宜。點咗個安格斯牛肉漢堡，友人就點咗個港女egg Benedict。平日中午過咗食飯時間，人流唔係太多，坐係商場內嘅座位都幾舒適。飲品好快就上咗，我杯即磨咖啡(左)好似稍淡，但友人杯奶茶(右)反而喜出望外地好飲，好香嘅奶味又唔會過甜，比起平日普通茶餐廳嘅更好飲👍🏻👍🏻試咗少少egg Benedict，一切開有濃濃嘅蛋醬流出，點啲包嚟食都唔錯。我覺得醬有點太多，友人反而覺得醬多先好味，大家口味不同～個漢堡未算熱到溶到塊芝士，不過塊漢堡反而幾岩我口味，唔會係太實太硬，份量亦足料。以呢個價錢同環境嚟講，下次都值得再嚟！

今日公司無咩做，可以補返半日假，1點半就鬆人好耐未試過近近地行去第一城食個午餐，食肆好多，但坐得舒服d、感覺優閒d、又可以食得豐富d其實選擇就唔多，行左大個圈終於比我見到間似樣既-La-Kaffa。岩岩午市過後，店內有足夠坐位食完唔洗滾水碌腳走選擇都好多元化，款款都好吸引，好難選擇最後揀左E2全日早餐$88，魔力雙人咖啡$36，跟餐特色咖啡可減$8，普通凍飲+$4、熱飲免費真係唔好睇少呢碟野，$88真係值回票價，腸都有三款共4條、法式多士配糖霜有三塊、有煙肉、炒磨菇、薯餅、沙律，絕對飽過食一個午餐咖啡，比我預期好飲，夠濃味，就算冰溶左亦唔會變稀，咖啡凍同咖啡好夾，好有咬口煙肉肥瘦適中唔會好乾好硬，好味！薯餅超脆，好好食，外脆內軟！炒菇亦都好鐘意，好有黑胡椒味好野味茄汁豆就稍咸少少。法式多士太多了三塊，好難食得曬，如果減少一塊，加多少少菜/粟米/車厘茄之類會更好

星期日放假休休閒行一天想食得舒適自在就嚟到第一城商場食番個all day breakfast.間餐廳佈局幾靚幾有特色，採取 快餐店形式自己上次買,買完之後就取個號碼牌。價錢唔係貴60元左右就有一個set。我自己就叫咗一個炸魚柳all day breakfast。 朋友就叫咗一個 蘑菇黑椒意粉。個蘑菇黑椒意粉意粉軟硬適中咬落彈牙蘑菇味好鮮嫩。 配小小黑椒好惹味， 之後就講下個忌廉湯哥忌廉湯都幾好味嘅龍蝦食得出來金寶湯哈哈。之後到港杯奶茶杯奶茶好聯盟配上冰凍冰粒好解渴新鮮冰極魚柳all day breakfast魚柳氏即炸的最脆的外脆內軟， 角炒蛋好重蛋黃味食得出是北海道貨。埋單唔使百二蚊抵到爛

今日放假，難得K先生下午又有空檔，便決定運動後，去公司附近一起食午餐。選擇了這間La Kaffe沒有特別原因，主要是不知食甚麼菜色而已。自從一年前畢業後，已經很久沒有在這餐廳食午餐了。今天來到，發現午餐多了很多選擇呢！除了從前的All day breakfast外，還多了漢堡餐、意粉類、和焗飯等。 下午12:45左右，由於其他學校、辦公室仍未放飯，所以座位有很多， 我們選擇了較入的位置，感覺較為有私隱，食得比較自在。 最後我們點了焗豬扒飯配凍咖啡和煙三文魚班尼狄蛋餐配熱奶茶。 餐點很快便送到。焗豬扒飯的賣相很'澎湃'！秘製醬汁滿瀉，每一口飯都能沾上大量醬汁，而且香氣撲鼻，令人垂涎欲滴。醬汁有別於普通大型連鎖食店，味道比較溫和易入口，配上焗得軟稔的豬扒和白飯，很值得一試！ 班尼狄蛋的荷蘭汁調校得很好，滑滑的質地配上微酸帶甜的味道， 與波蛋的蛋液、鮮味的煙三文魚及鬆軟的鬆餅一起食，感覺很滿足！ 而且伴碟的粟米和沙律菜的份量都很充足，絕不欺場呢！ 凍咖啡的味道像白咖啡，但因為被冰粒沖淡了味道，變得不太特別。 另外，熱奶茶比一年前的改善了，因為一年前的甜味很重很假， 如今的甜味減少

岩岩係第一城玩完，又攰又餓到不得了，見到有間cafe ,都未試過即管試下，而且見到價錢又唔係貴喎，當然更加要試下，叫左個松子雞肉炒意粉，天氣咁氣，食呢個剛剛好，不用要濃烈醬汁，但已經足夠夠晒味，雞肉亦切好晒件，够味而且不會太乾，意粉軟硬度剛好，整體好好味因為所有都好原味，再要推介下我杯特飲，咖啡冰沙，咖啡味不會太濃，即係唔苦，仲好香滑，冰沙唔會溝淡晒d咖啡味，再加上香滑忌廉，就算唔飲咖啡既人士都岩飲，超香滑美味涼快。超正正

平時好少去沙田，難得一場泥到就一於食埋飯先走啦！呢間餐廳其實好多分店，但一次都未試過。所以就今次試下。佢地嘅廚師推介係日日都唔同嫁，所以唔洗怕會食到厭啦！今次點了份吉列咖哩飯配炒滑蛋。賣相好吸引呀，由其係隻蛋，完全睇得出係滑蛋泥，食落去半熟的感覺，好滑好嫩。而咖哩汁係日式咖哩，唔會好辣好濃味，但係都好夠味道喔，配埋個飯真係一流呀！而吉列炸版都好脆，外脆內柔，蝦肉夾住都好新鮮的。飲品點了可可碎片冰沙，是咖啡類別的。賣相一流，而且可可碎片係Oreo碎來的，咖啡很滑很香，配搭埋忌廉在面就更加香滑啦

在沙田第一城跟客戶交收完畢後已經是下午二時有多了, 在商場行了一圏, 發現有很多不同的食肆. 選擇了一間比較開揚的西餐廳, 地方又大又闊. 店面相當整齊清潔, 光線足充, 坐位亦很多. 跟朋友一樣, 第一時間看到的就是巨形菜單. 原來是先選購食物, 店員會交上號碼牌, 食物隨後會有店員送上. 食物款色主要有三個種類, 包括全日早餐, 意粉或飯和漢堡. 價錢大約在港50至90之間, 亦可以要求額外配料. 是次午飯點了B3頂級安格斯煙肉牛肉蘑菇漢堡加凍齋啡走甜及A10香煎雞扒,嫩滑炒蛋,茄汁焗豆,廚師沙律及全麥多士加凍奶茶. 上菜時間很短, 大約5分鐘內所點食物已經到齊了.漢堡賣相十分美觀可口, 漢堡扒相當厚, 煙肉有兩塊,再加上一整片芝士以及蔬菜醬汁夾在芝麻包中間. 吃落牛肉味十分濃郁, 煙肉非常香口, 再搭上芝士提升口感味道, 那種滿口肉味的感覺絶對是食肉獸一直所响往的. 配菜包括薯角, 酸甜青瓜粒, 炒蘑菇及沙律菜. 各自配菜的質素也很高, 薯角外脆內軟, 青瓜粒酸酸甜甜很能夠中和滿口肉味, 蘑菇概香且甜, 沙律菜亦加上陳醋可增加食慾. 咖啡方面味道比較清淡, 有咖啡的香同時沒有苦味