La Kaffa (已結業)

經過沙田第一城，就是被柜枱的大幅海報吸引……幾款新推出的咖啡凍特飲，我揀咗朱古力鮮奶咖啡，看一看錶，就到晚飯時間，倒不如叫個晚餐，知道這兒的All Day Breakfast好出名，但晚餐又不想吃早餐，於是就點了香草忌廉海鮮意大利飯。說回咖啡凍就是咖啡啫喱，口感似香草凍但有咖啡味，呈長條狀、咖啡凍份量足，從杯外看沉低時有點似珍奶的珍珠，配合好多cream的朱古力味鮮奶咖啡，味道層次更加豐富，亦不會過甜，大大杯幾啱我飲。原價$32的特飲，叫埋晚餐就只收$24，更加抵飲。而海鮮意大利粉飯身不太硬，是改良版港式口味，青口、蜆肉、蝦、菇……配料都有，香草忌廉芝士味不算濃，食後冇口渴感。店舖落單位置雖細但座位好多，分店內雅座和商場大堂座，要找個好位絕對不是問題，堂食也坐得舒服。

特色/賣點係all day breakfast同西式輕食下午茶？份量都真係幾少，純粹女生食個tea休息下就夠嘅，男仔完全唔飽！坐位都幾迫，同隔離枱位置好近。漢堡飽無醬喺入面，好乾啊！！！

早幾日前去個朋友去文化館輕鬆一日遊，之前就去左第一城食all day breakfast，聽聞幾豐富，就一心去試試見到個餐廳勁多餐有漢堡，all day breakfast，多士等等我就叫左個最大份既all day breakfast 有Egg benedict，水煮蛋岩岩好整到流心，好吸引，而上面有荷蘭醬，可能份量太多，偏酸，自己要調教一下份量，碟中間放左各款各樣既腸，啖啖都係肉，岩哂我哩d食肉獸麵包夠哂鬆脆：巨型薯餅可算係成個早餐一大賣點，個薯餅勁厚身，食落口好脆亦好有口質！飲品方面叫左杯expresso，expresso有點偏酸，但提神度十足，整天都十分精神 

話說露比家住第一城附近~所以時時來這邊覓食！星期天晏起身就食個。。all day breakfast啦！叫了這個。。有 Egg benedict 的~非常之豐富！只係腸仔都有 4 款喇~腸仔都煎得香，有肉味！來試試主角。。一切開，就有蛋汁漏出黎喇~蛋和火腿煮得剛剛好！如果muffin可以更火農就好了~煙肉，蘑菇，粟米粒都好香口~為整個餐生色不少！配合一杯凍飲，朱古力鮮奶咖啡！朱古力味濃郁，鮮奶令其更香滑，又沒有蓋去咖啡味！冰冰涼涼，好味道！星期天的。。優閒，美味之選~

諗住輕輕鬆鬆weekend下午茶時食個all day breakfast la,點知要咩無咩想食benedict,又話無，連muffin都無...咁食其他野囉，見呢間野個價平過平時市區咁多~(港島人大驚少怪...)兩個人食三樣野，食完仲食得落dinner牛角包夾煙三文魚碎蛋沙律。以前返學成日食牛角包夾芝腿估唔到下午茶時間食，牛角包仲ok新鮮喎夾碎蛋好好味，煙三文魚絕對提升晒個包嘅味道！少少咸燒雞扒漢堡配炸薯角。薯角好新鮮仲辣手咖，好脆個包就細左少少，塊芝士唔夠熔~熔d會好食d!塊燒雞扒燒得好正，夠juicy!伴碟嘅沙律菜係有黑醋咖燒雞扒沙律嘅雞表面加左mixed herbs去燒，好惹味，但入面就比較乾D沙律菜都有黑醋，仲有蕃茄同洋葱，成件事即刻無咁油膩

有朋友住係第一城新居入伙,我地成班人上佢屋企house warming第一城雖然真係幾遠,又唔係幾就腳,不過去一次半次都ok上去之前食番個brunch先見呢度有all day breakfast,好似幾正咁,就試下All Day Breakfast呢度既All Day Breakfast都有好多選擇同配搭因為個人喜歡食茄汁豆,所以加左$8叫多個茄汁豆Egg Benedict都係我愛吃既食物之一隻蛋好流心,個muffin都係軟熟既不過蛋下面塊火腿味道好淡!!而多士幾脆,薯餅好厚身,外皮炸到金黃色,但唔算太油而整個餐都係好淡,或者係走健康路線卦腸同磨菇味道都好淡,冇咩調味就當清清地食一餐啦!飲品叫左個朱古力mocha沙冰賣相幾靚,夠大杯cream夠多,入面仲有oreo碎,有誠意

星期五提早收工，人生一大樂事。下午四時半，跟七時的晚飯約尚有一段時間，不吃個下午茶愧對自己。附近的選擇有限，隨便選了間cafe。特價下午茶餐，正如其名，價錢實惠。吉列豬扒、班尼迪蛋都是＄30餘元，比大家樂更抵食。當然，不要期望太高。Openrice見到的照片也不太吸引。法式芝士吐司配薯角多士用大大塊麥包，烘得暖暖的，又輕又脆，看似大份，但不會太飽肚，做下午茶不錯。夾著混色芝士，有淺色的mozzarella和深色的cheddar，在淡淡的麥香襯托下，焗至軟身的芝士夠香夠突出。簡單卻好吃。剛炸好的薯角外脆內軟，大大啖的薯肉，不算太乾。外層的調味惹味，跟內裡的薯仔平衡。煙熏三文魚碎蛋沙律醬吐司夾著蕃茄、生菜、碎蛋沙律和煙三文魚，卻不及簡簡單單的芝士好吃。三文魚淡而乾，沒有煙熏味，更沒有魚味、油香，在多士裡零存在感。碎蛋沙律跟蕃茄、生菜的配搭，難以出錯，還可以。十勝紅豆奶茶台式飲品風格，奶味很重，紅豆極甜，非常一般。白葡萄沙冰沙律反沒想像般甜，白葡萄味輕淡，沒有人造的糖漿。看著窗外的陽光，喝著冰涼的沙冰，都幾爽快。純粹為了消磨時間，毫無期待地來到，沒想到食物都幾滿意，飲品則一般。細細間店，陽光

近日《城寨英雄》大熱播，故事背景中的九龍城寨是英國管治期間九龍區的一個獨立、自給自足的小城。一直覺得沙田第一城就如同現代版的九龍城寨一樣應有盡有，只是並非「三不管」，也沒有兩代八極宗師在這裡保護居民。在《城寨英雄》裡，外面的黑勢力千方百計想走進城寨。在第一城這個開揚的沙田小城，身為外來人的我，也一樣想走進城裡，展開一場尋找美食的故事。利用Openrice APP搜尋一圈後，這間位處商場中央的La Kaffa引起了我的注意。店舖採取近似快餐店的開放式設計，上圖是點餐櫃檯，內裡只有數個位置。食客購買食物後大多坐在店面對出的一個區域，感覺就像是商場的休憩處。La Kaffa的店面風格有著英式田園風味，其菜單自然也以英式食物為主。作為Signature的All Day Breakfast種類繁多，另外亦有牛角酥、漢堡、意大利粉及沙律等各種西式美食。飲品方面，這個作為主打的咖啡凍朱古力咖啡正好符合我熱愛咖啡的喜好，儘管試試是否真有所稱的「煥然一新的清涼口感」。飲品來了，從外形來看實在是有點失望。雖說圖文不相符是意料中事，但端上來的時候上面的忌廉卻已所剩無幾，而且不知道是否杯子不同的關係，底下的咖

這天去完威爾斯親王醫院，在附近第一城中心找東西吃，找到了這間cafe，有我喜歡的All day breakfast，而且價格便宜。煙三文魚班尼迪蛋配熱綠茶$60賣相十分吸引，顏色繽紛。Egg benedict的水煮蛋很流心，一切開蛋漿馬上流出；荷蘭醬有點太濃太多，蓋過了其他味道，足以拿來伴沙律吃有餘；英式鬆餅略嫌不夠香。配菜有兩大片煙肉、沙律、粟米粒和茄汁豆。煙肉煎得非常香脆，夾在egg benedict內一起吃口感味道更勝一籌。$60一份還配熱飲！簡直是超值！蕃茄辣肉腸意粉$60+凍綠茶$4+蒜蓉包$6還以為只有辣肉腸是辣的，殊不知整個意粉都是微辣的，頗開胃，蒜蓉包亦蠻香，但跟All day breakfast相比略為失色。餐廳雖小，座位不多，但環境整潔舒適，而且晚餐來說非常便宜！值得再去～

端午節假期同Honey 二人行街街, 一於去嘆Cafe嘆過夠沙田靜中帶旺, 是假期的好去處看見這家簡單舒適的Cafe, 我們便看看餐牌, 入去點一些食物來分享先來一個全日早餐, 有我最喜愛的炒磨菇, 小小沙律菜, 全麥包可配牛油, 炒蛋夠滑溜, 而腸仔是Honey 的至愛我們加配蒜香煙三文魚意粉, 蒜泥香味濃, 煙三文魚味道也很出, 如果可以多2片就最好, 但由於今時今日, 價錢主導, 老實説, 這家食店已經非常貨真價實的再嘆一杯凍咖啡, 真是快活到呢!

我一行3人下晏去食下午茶，3點一齊落單，飲品就好快送到，叫左跟餐送嘅無糖綠茶，好苦澀，的確無加糖；頭兩份餐差唔多3點半前送到，我果份餐就4:15都未有，由3點半開始問份餐有未，問左幾次，3:50話我知5分鐘內會送上黎，同行兩個朋友都已經食飽；4點再問，都冇答覆，4:15再問，話再要等10分鐘，原本食下午茶，晚餐時間都黎緊，有乜理由要人等個半鐘都未有得食，最後冇要到個餐，退錢走人。

今天跟男朋友去了第一城，即使已經到下午兩時多的時間，這間 la kaffa 咖啡店鋪仍然差唔多full booking～ 一看原來這裡有套餐吃, 除了漢堡，意粉外還有多款all day breakfast, 正合我既心意呢度係半自助式, 點餐付款後就拿著牌子找位坐, 有waiter 會送餐上來～ 我地叫了一個有Egg benedict的all day breakfast, 和一客黑松露蘑菇意粉餐～餐飲則點了奶茶和咖啡～餐飲很快就先送上, 奶茶相當香滑奶味濃, 係勁好飲嗰隻～ 而且原來嗰杯上面有列明飲時要注意的地方，包括最好在兩個小時內飲完，而且印製得很美麗，看得出老闆份人好細心先上Egg benedict muffin, 賣相很討好 蛋不是糖心蛋而是溫泉蛋, 很嫩滑, 放在烘熱的英式烘鬆餅上, 一咬開蛋汁漫漫吸著鬆餅吃, 再伴些煙肉和沙律菜吃, 口感很豐富，一個字，正！黑松露蘑菇意粉看上去不算大碟, 但吃落份量也很足夠～意粉夠彈牙, 汁料濃厚, 吃下去有黑松露的濃香, 然後蘑菇芝士白汁的味道再慢慢透出, 很有層次呢兩個餐只是百多元, 在商場吃算是經濟了～ 吃完東西店員會來收碟, 員工態

平時早餐就食得多 都唔差 可以接受的 但晚餐就未食過 所以就試下啦 叫左個安格斯漢堡包餐 一上枱 我同我朋友們都O哂咀😦😮不得了 但漢堡包細到呢 薯條又得幾條 最離譜就係啲菜 完全係烚完加多幾滳汁就上碟 哩碟野完全係hea我 見到都火滾👎🏽😡😡 先講漢堡扒 收銀問我要幾成熟 我話要五成熟 出到嚟 七成熟😥😕漢堡包皮唔夠軟熟 芝士唔夠溶化 小妹我都幾鐘意食burgers的 但今次真係接受唔到 薯條好粗都脆的 係正常的 我無諗過一間店舖晚餐係得咁少款 小食方面係得雞翼有得揀 但係又無得買的 另外 晚餐真係唔掂 唔怪得 得咁少人去 經過今晚個餐 真係好失望😞😔以後都唔會再去幫襯！

平時比較少黎第一城，估唔到都幾多野食㨂左呢間食西餐既cafe la kaffa位都幾多幾大，坐得幾舒服All day breakfast 煎雙蛋、紐倫堡腸、脆香煙肉、脆薯餅 $48Two fried eggs, sausage nurnberger, Crispy bacon, harsh browns新鮮沙律菜加左酸甜既黑醋汁，都幾開胃煙肉煎得好香脆，不過油份多左d薯餅脆卜卜，又唔太油膩，兩大塊都幾飽肚最鐘意係煎雙蛋蛋白好滑，一切開就流出蛋漿，蛋味香濃食腸仔時點d蛋漿食口感更佳意式蕃茄雞柳意粉 ＄60意粉幾煙韌，軟硬度適中調味出色，蕃茄既鮮味好突出如果雞柳煎下會更加香低糖綠茶 ＋＄4一d都唔甜但係凍冰冰非常解渴，健康之選熱咖啡＋＄4咖啡香四溢，飲完重好提神添

第一次來第一城, 想不到有很多餐廳, 喜歡Cafe的我選擇了這裡。這裡有餐廳內和外即商場中央的座位, 而我坐在餐廳內。選了特濃egg benedict。輕輕一切, 蛋液緩緩流出, 流心度佳。蛋白非常嫩滑, muffin暖暖的很煙韌, 配上特濃微酸的荷蘭醬, 好吃得不得了!! 煙肉大大塊, 但咸了點, 而且不夠脆口。還有焗豆、粟米和沙律菜, 這份all day breakfast真的很豐富, 吃完心情開心了不少!!魔力雙人舞冰咖啡是latte加上咖啡啫喱, 很特別! 咖啡啫喱小顆小顆的, 煙煙韌韌, 很有咬口, 咖啡味不太濃, 帶少許甜味, 份量不少, 不喜歡咀嚼的人可能不太喜歡。latte很順滑亦有咖啡香, 不會苦澀, 不錯!這裏環境舒適休閒, 食物質素好而價格相宜, 值得推介!