La Kaffa (已結業)

早幾日同個朋友去食晚餐,見到呢間野有全日早餐同埋D員工幾有禮貌,幾好笑容,就去試下啦! 間野有兩邊可以坐,一邊係扶手電梯底,一邊就係鋪頭入面,我地就坐左係鋪頭入面!我地叫左兩樣野,第一樣係野茵忌廉意大利飯!個賣相唔錯,入口有好重既奶油味,D飯唔算太硬,幾易入口,好岩香港人既口味!佢加左D洋蔥落去煮,令到個飯更加香。而且佢個份量都算幾大,個餐跟一杯餐飲,我地叫左一杯奶茶。店員話係台灣風格既,入口個奶味好重好香,唔算太甜....好似真係去左台灣咁!最後仲有叫左個全日早餐,有薯餅、香腸、沙拉等等,仲有個忌廉湯跟埋。個薯餅好香脆,唔會炸到好油。個沙拉D菜算幾新鮮.....overall黎講都算幾好!美中不足既係個toast唔太夠熱。食左咁多野兩個人都係118蚊,食到好飽,值得一試!

第一次到第一城食飯 就見到一間幾特別既餐廳 有all day breakfast食！當然要試下！今次我就叫左個all day breakfast $52火箭沙拉菜 多士 奄列夾蘑菇同西椒 德國腸 薯餅 好惹味！如果想健康d 多士可轉wheat toast份all day breakfast份量好足夠 我當晚餐都好飽肚 十分滿意！另外值得一提係杯奶茶 正宗台式奶茶味 奶味好濃郁 十分香滑！今次雖然只係試左個all day breakfast期待下次的食物

今日同有人去第一城，經過見到有間食漢堡的格調唔錯，就同朋友試吓啦。嗰度有好多唔同種類嘅飲品例如咖啡就奶茶、紅茶，兩個人傾吓計靜靜地嘅幾好。嘢食來講，我見到有個特級漢堡餐，有個安格斯牛肉同埋蘑菇都係我嘅首選，咁我同朋友一人就叫咗一個餐食個餐就包咗個野熱飲同埋餐湯都係60幾蚊一個晚餐算經濟。原來呢度仲有個全日供應嘅早餐，不過夜晚我好少食朝頭早嘅嘢所以我都係食返個漢堡穩陣啲。個漢堡一想到枱，就有個沙律薯皇作配菜，個漢堡我叫咗七成熟。個沙律食落去都幾清新有少少醋味應該係加左啲醋汁。個漢堡一到咗第一時間睇下佢個安格斯牛係點嘅樣，裏面有塊芝士，厚厚的牛，番茄生菜，賣相望落去同麥當勞嘅漢堡包冇乜分別，係個牛肉比較厚。識落覺得嗰個牛嗰個汁都唔錯，啲牛肉都尚算可以，安格斯牛嘅牛汁都鎖在喺個牛入邊，都算juice 。開頭我見到兩個餐裏面嘅分別就只係多咗個蘑菇，一心諗住個蘑菇會係個包入邊，原來蘑菇只係配菜可以俾你選擇點樣食飯，個套餐一上到枱，我同我朋友都對忙笑，我想法可能同我朋友一樣，最後我都會有將啲蘑菇放左落個包糧未食，食落都幾好爽爽甜甜的。食咗成個套餐再飲番杯低糖紅茶都算幾消化下。

今日放工後，去咗第一城搵嘢食，見到有間Cafe望落好似幾唔錯，就同男朋友坐低左。環境相當開揚，採用落地大玻璃設計，另外喺cafe出面、商場中心有更多座位。男朋友點左份「頂級安格斯煙肉牛肉蘑菇漢堡」，估唔到份量都幾足夠，有炸薯角、沙律，仲跟一碗餐湯，男朋友話食得飽佢喎！我點嘅係全店最豐富嘅全日早餐，有特濃班尼迪蛋、法蘭克福腸、辣味香腸、紐倫堡腸、牛仔腸、脆香煙肉、脆薯餅、炒蘑菇、粟米粒，每樣仲要打孖上，相當豐富！餐湯係南瓜紅蘿蔔忌廉湯，做得幾出色，南瓜味好出。最令人驚喜嘅係個草莓沙冰，草莓味好濃，甜度恰到好處，好好飲啊！下次有機會再嚟，一定會試吓佢嘅意粉同埋冬日煲飯，價錢又唔貴，成日嚟都得啦！

黎開第一城呢頭，午餐係La kaffa 開餐～豐富All day breakfast係一天的原動力All day breakfast$52有火箭沙律菜，茄汁豆，奄列，德國腸，薯餅，多士。奄列夾住蘑菇同西椒，夠晒健康炒蛋底唔算太油,入面材料夠!可以揀WHEAT TOAST, 冇白面包咁肥份量足夠，食完已夠飽,賣相同味道不錯加埋低糖綠茶暖粒粒。跟SET不用加錢,而且少少甜唔會太淡仲有飯或者意粉揀，留返下次試。

第一城向來係多學校聚集之地，但係café都唔少架上次黎過la kaffa食野覺得唔錯，今次再光臨，果然冇令我失望呀香辣茄蓉海鮮意粉＄68海鮮好豐富，有蜆重有大大隻蝦添熱辣辣食到陣陣蕃茄香，可能係就香港人口味既關係，唔算太辣如果辣d會惹味d栗米汁焗豬扒飯 $58粒粒栗米香，飯粒充滿濃濃既白汁，上面重有層厚厚的芝士添豬扒一d都唔硬，肉質唔錯溫泉蛋卡邦尼意粉 $54朋友點左呢個，佢覺得個溫泉蛋好讚呀all day breakfast $52賣相好靚，火腿芝士奄列好嫩滑，充滿蛋香薯餅脆口，牛仔腸相當香，同全麥多士一齊食係絕配將腸同栗米粒點蛋汁食別有一番風味煎蛋好靚今餐食得好滿足，我下次一定介紹多d friend黎幫襯

Weekend來個La Kaffa All day Breakfast🌞最鍾意呢到既French Toast💕 絕對係抵食之選 around $50-60/ person only! 已經兩三年冇再黎食 依然咁好食😢芝士煙肉蛋omellete!!! 有薯餅唔係好見到有芝士，不過蛋味重Egg Benedict!! 麵包好軟熟～粟米好好味。蛋黃啊啊啊啊流心！！不過上面既醬太多紅豆奶茶 超級大杯！不過過甜。好多款慢慢揀～～一定會再黎

週末最啱就係訓飽飽後食個豐富既早餐特濃班尼迪蛋 $54la kaffa既全日早餐份量幾大，有兩件班尼迪蛋、沙律菜、茄汁豆、粟米同煙肉火腿片。蛋略嫌太多醋味，麵包夠軟熟，粟米同茄汁豆都係罐頭。如果將煙肉火腿片改為煙肉會更好，因為加工肉無煙肉原本既質感同風味。蛋黃無咩蛋香。奶茶平時香濃好飲，有台式奶茶風味，但叫左少甜就變得好稀。

其實經過呢間舖好多次, 無論咩時間都見有好多人食, 而今次如果唔係個fd話嚟呢度食, 我都仲未食過all day breakfast, 呢次係第一次~我覺得all day breakfast唔係太抵食, 一堆腸加其他濕碎嘢, 就收你一百幾十蚊, 我今次叫呢個叫做平d, 可能冇咁多腸掛? 我fd叫果份差不多成舊水, 其實唔係太值囉~呢份平價些少的all day breakfast, 有1份奄列、1塊薯餅、2塊多士(半塊)、1堆沙律菜、1啖茄汁豆、1杯熱低糖綠茶, 全部嘢正常嚟講都唔會有咩差錯, 如果咁都難食的話, 真係唔好學人做廚, 對呢份餐冇乜期望, 所以冇失望, 主要嚟呢度食, 係可以吹一下水, 又冇人理咁解, 如果吹水, 真係一個唔錯的地方~

老公每週得一日假期 又想訓懶覺又想食個豐盛嘅早餐 老公係openrice睇到呢間coffe有all day breakfast 岩晒我地喇 訓到十二點鐘先起身 搭的士過黎食返個靚早餐 真係幸福～

約了沙田好友兩公婆聚會，因為星期日唔敢去市中心，大家就近去第一城，朋友喜歡咖啡！所以揀咗呢間咖啡店！去到原來係商場地下中央地方放了桌椅，店內都有座位！我在中央位置揀了張4人枱！淺木傢私！桌椅唔迫！等到朋友到先去落單！要自己去到櫃臺落單比錢！可以八達通比錢！All Day Breakfast($98)好大份！賣相幾靚！特濃班尼迪蛋：賣相唔錯，但煮得過熟，蛋黃完全唔流心！蛋白彈牙！蛋黃醬細滑！墊底嘅火腿鹹香，加埋鬆餅煙韌！味道ok!法蘭克福腸、辣味香腸、紐倫堡腸、牛仔腸：幾款腸一堆，款款試下，香腸彈牙唔韌，不過每款嘅味道唔係好分到！味道幾好！脆香煙肉：自己對煙肉唔特別鍾意，切少許試下，呢度比較硬！味道鹹香！脆薯餅：三角薯餅炸得香脆！點茄汁好味！炒蘑菇：罐頭蘑菇片好碎，又唔香，一般粟米粒：餐牌有，但上菜時發現無，轉咗一堆沙律菜，沙律菜爽脆！正常！加細沙律（$12）沙律菜新鮮爽脆，以有甘苦味嘅菜為主！黑醋汁幾濃，酸酸地開胃！好味！頂級安格斯牛肉漢堡（$62）一個漢堡攤開一碟！麵包烘過，芝士片濃香，漢堡牛肉肉質比較散，無乜肉汁，蕃茄新鮮，青瓜醬酸酸地開胃！拌碟嘅沙律菜爽脆！味道ok蒜香煙三文魚意

All day breakfast在香港流行多年，一直熱潮未減。上班之前想對自己好一點，來一個豐富早餐。這個好像是最豐富的選項($98)，有最愛的egg benedict和薯餅。食物水準正常，多士還是溫熱的，不是放久了又冷又硬的那種，egg benedict是意常不到的合符我口味，荷蘭醬有檸檬香但不會太酸，薯餅又熱又脆，香腸那些也不過不失。飲品方面，點了杯原粒草莓奶茶，喝起來，應該是珍珠奶茶粉沖泡的那一種，但不會很甜。原粒草莓實在令人驚喜，粒粒草莓果肉，配上奶茶原來很好喝。難怪這裡在平日的早上也那麼多客人。

今天來到沙田第一城都不知食甚麼好，看到有La Kaffa，之前到過北角分店感覺不錯，所有便一試這家分店了。在店內用餐的位置比較少，還好店外也有不少檯，放心是有冷氣的。All Day Breakfast我怕太大份會吃不完，所以便要了意粉。在收銀處點餐後店員會給你一個號碼，之後可以乖乖到座位等店員為你送餐了。有自助調味架可以自行加點芝士粉或是辣椒汁。咖啡凍朱古力咖啡 $32點了主食後特式飲品可以減$8，所以最後這杯咖啡只須$24。入口感覺朱古力味比咖啡還要濃一點，混入忌廉後甜度剛好了。底層有很多似是涼粉的QQ啫喱，食落原來是朱古力味的。黑松露香菇意粉 $54一上檯便聞到黑松露香氣，芳香撲鼻，起初還覺得這個意粉很細碟，沒想到食完後我已很飽了。香菇為意粉增添了更多口感，唯一希望是意粉的彈性可以再強一點。最後埋單不用$80，一個意粉加上特飲，算是合理收費吧~

第一城的La Kaffa，是一間 All day Breakfast 專門餐廳店今天和朋友一同遠遠來到吃晚餐，才知道原來第一城的商場非常之大明園西街2-6號明苑中心地下第一城中心地下G93B號店舖烏溪沙路8號迎海薈2樓4號舖荃華街3號悅來坊地下G29-G30A號舖一嗚路23號牽晴間購物廣場地下G30號舖A4 All Day Breakfast $60和朋友一樣點選同一個餐A4全日早餐包括:煙三文魚班尼迪蛋，粟米，茄汁豆，煙肉套餐包一杯熱奶茶，綠茶，紅茶煙三文魚班尼迪蛋滿佈荷蘭醬，濃稠帶酸，醬汁份量並不少水煮蛋一隻切開呈半熟狀態，一隻呈流心狀態，配上荷蘭醬，蛋味濃郁特岀。而鬆餠包濕潤不乾，帶點驚喜茄汁豆則煮得太久，呈微焦微乾樣子粟米不算飽滿，而沙律菜以黑醋調味，味道不錯

而家好多餐廳都好興食ALL DAY BREAKFAST, 哈哈...咁啱今日經過沙田第一城見到有得食, 於是就去睇下有幾好食, 因為平時我會覺得唔夠飽, 唔可以當正餐呢到係有少少自助既形式, 首先自己睇好想食咩, 之後就去比錢, 跟住就會有人送餐比你GA LA!!就係拎住呢個牌搵個靚位, 之後就會有人送餐黎GA LA呢2柸野飲+$4 就有得飲GA LA, 一柸係低糖綠茶同即磨COFFEE.YEAH 我最想試既ALL DAY BREAKFAST 黎啦, 有全麥既多士, 沙律, 薯餅, 粟米, 火腿芝士奄列, 牛仔腸, 茄汁焗豆. 有齊哂各種營養呀. 嘩.....估唔到每樣少少都可以夠哂飽呀真係而朋友就叫左個溫泉蛋卡邦尼意粉, WAO....個溫泉蛋勁正呀.  動L呢個香烤蒜蓉包+$6就有啦, 啱啱焗起, 勁香脆, 正估唔到真係可以當正餐食架, 嘻嘻, 下次再試下其他先