La Kaffa (已結業)

大學時期好中意食既一間cafe，1130落堂去食個brunch就岩岩好又平又好食! 難得今日黎到見有位，一於食佢啦! 點知見到menu上面既set大部分都已經唔係以前食開既野，除左all day breakfast依家仲有意粉。我就揀左個咩都有既餐，成七十蚊其實好貴...所謂既all day breakfast入面只係得兩塊好硬既多士，少蛋，茄子同翠肉瓜，茄汁豆蕃茄同一堆沙律菜，介有一條腸仔同兩塊煙三文魚，其實好頹@@味道黎講成份野都淡而無味，搞到我係咁點茄汁黎食，又唔飽又貴!學咩人偽文青，下次都係食個常餐開心啲!

一直都喜歡這小店 位置好 開場又舒服 食物抵又好味 支持左四五年次次都食all day breakfast 今次見有D飽叫個tea set 價錢其實同all day 差不多 不過份量同內容差得遠叫左三文魚沙律牛角包 加錢草莓奶茶 結果三文魚一塊 沙律醬同幾粒洋蔥 我又不吃洋蔥的 所以... 完全感受唔到沙律的存在 連條菜 蕃茄都無 失望不過味道是還好的 煙三文魚不會難食得去邊至於奶茶 底下有草莓醬而不是草莓粒 跟餐牌不符 不過味道都係ok的 女孩子都ok的味道 奶茶都好喝的 成個tea 味道是還可的 只係呢個價錢唔抵lol ~~ 呢道還是我會來的餐廳 不過慎選食物 及撞彩la 食物一時時會失手. 

平時行過都見到好多人，所以我同同事就早少少去霸位，一行5人拼一拼木台都坐得幾舒服，不過就坐得太近廚房，食完有陣油煙味。我叫左有egg benedict既 all day breakfast 配熱紅茶。egg benedict真係好好食，一切落去，蛋黃就慢慢流出，配上English muffin的口感同火腿既香，一啖放在落口真係好正！ 另外，熱紅茶都出奇地好飲，平時飲開既熱紅茶好多都茶味太重，但依杯就茶味同蜂蜜味道平衡，而且口感仲好細滑。另外加$8可以有多士.

日日番工都趕頭趕命, 唔好話食早餐, 飲啖水都冇時間.星期日訓到黃朝百晏, 點都食番個"早餐"補下數先!因為好想食薯餅就揀呢個$54蚊餐腸仔係豬肉腸, 麻麻地, 好鬼淋...都係牛肉腸好食d.有3塊麥多士, 小量沙律菜, 奄列. 正正常常啦轉凍奶茶, 加4蚊 睇menu好似好少野咁, 但其實我係食唔曬.

難得今日day off, 去左朋友屋企hea, 去左呢間食早餐！整體黎講都還可以，只係價錢唔係話最平，一個早餐都差唔多50蚊，但食物質素唔錯！ 今次揀左個A2嘅辣肉腸All Day Breakfast, 煎蛋個人認為煎得好好！有蛋黃汁，又唔會太生。辣肉腸好食，可以試下，不過多士淡左啲，啲糖粉唔夠多，所以味道係淡口，如果可以多啲糖份就更好！其實All Day Breakfast睇落係簡單嘅食物，但係愈簡單嘅食物就愈顯得需要功夫！今次佢地嘅煎蛋係值得一讚！環境就始終係場商埸，坐得冇咁舒服。。。總體呢間都可以，係有少少heart 嘅，只係多士可以再好DD

趕時間，諗住快食。朋友建議再來這裡！上次食all-day breakfast, 唔係幾好食！今次食意粉。選了『阿費度煙肉意粉』，意粉適中，夠煙韌，不會太淋，算有口感。白汁味道是奶味較重的種類，個人不太喜歡奶味重的白汁，不過我都算接受到！煙肉味道ok， 不過未夠香口，整體算不錯。配飲熱咖啡加$4，咖啡仍然有水準！

食all-day breakfast做晚餐，有法式多士，炒磨菇，辣味腸，煎雙蛋，焗豆和沙律菜。其實呢啲基本野真係無咩難度，最緊要都係選料和熱度。稍嫌沙律菜不夠質量但都過得去，但法式多士唔夠熱就變得好難食，件多士嗰樣望落去幾靚㗎，但弊在唔熱呢。加$4飲咖啡，咖啡味道就幾好，好有咖啡香，又夠滑！

Sunday魔靈去咗游水，游完水就約埋朋友去食晏，朋友話佢星期日好多時都去第一城食All day breakfast，好，又跟你去一次。La Kaffa的舖面唔大，但佢租用埋出面商場嘅open area，夾夾埋埋有成幾十個座位，但無得攞飛等位，要自己搵位。星期日中午時間都幾多人，好彩等咗5分鐘左右就有位，即刻走去買嘢食先。All day breakfast有好多選擇，真係暈都頭埋，最後叫咗A3A3全日早餐：薯餅、大麥多士、牛仔腸、芝士奄列（＄４３）薯餅係全碟最出色嘅一樣，好香薯味，炸得夠脆亦唔油，唔係嗰啲食完都唔知係咪嗰種假薯餅。多士嘅麥味好香，焗嘅時間亦啱啱好，少少脆口亦唔太燶。牛仔腸沒甚特別，食完都唔記得好食定唔好食芝士奄列我覺得時間煎過時，蛋唔滑又偏咸，失色。最後要啡係沙律菜，唔新鮮，試咗一舊我就唔再食。薄荷朱古力（另加$21）果然飲品比食物出色，朱古力非常香濃，啖啖的薄荷味混合朱古力的香味，一直都認為兩者非常夾，加$21都值。皇后就點咗個意粉雞肉香油意粉（價錢唔記得因為太太自己買。。。速逃。。。）雞肉煮得好腍，一啲都唔「骸」，香草味濃郁，而意粉是中常硬度的那種，配襯香草欖油就F

去完醫院做身體檢查，為左填補我空左十幾個鐘未食早餐的胃，就搵下附近有咩食。附近都係得第一城比較多餐廳，見La Kaffa唔使等位座位又幾舒服，就揀呢間了~睇黎間餐廳主打all day breakfast, 早餐款式唔少，佔左餐牌三分一。叫左個A5,有班尼迪蛋，煙肉，茄汁焗豆和粟米粒，附送飲品$49。我揀了熱蜂蜜綠茶。另外呢度有得加錢自選配料，我加錢要法蘭克福腸，所以總共$57。早餐大約等左十零分鐘就上桌。蜂蜜綠茶正正常常，早餐都足料，原來重有沙律伴碟，感覺幾健康。由於第一次食班尼迪蛋，冇得同其他地方比較。只能話味道幾好，蛋上面的醬酸酸地幾好味，岩哂我呢個餓左成個朝早餓到胃口都冇左的人。不過如果中間夾住個塊火腿可以煎一煎就更香更好啦，同埋塊包都可以烘一烘，會脆身啲。唔知關唔關天氣問題事，雖然係冬天，但其實我坐室內，就唔凍嘅，早餐亦唔係等好耐，但岩岩上桌個下覺得份早餐已經唔算好熱，食左冇耐就變凍了。早餐呢樣野始終熱辣辣食最好味，如果可以煮熱啲再上桌就更好啦。呢度都算坐得舒服，冇咩人的時候可以慢慢坐，享受一下悠閒的下午。

這間店係屋苑入面既, 有點難搵去到無乜人, 有好多位, 環境唔錯, 幾靜同朋友一人叫左一個有 BENEDICT EGG既試下, 好豐富 右邊個杯朋友話OK 無咩特別左邊個杯係抹茶紅豆  抹茶味好濃! 正!食到好飽, 好滿足

小弟其實一直都想試下All Day Breakfast係咪好似D FD講到咁好食呢～？於是果日放假就搵下附近邊度有(家住廣源) 就揾到間係第一城有得食ALL Day Breakfast既Cafe～由於係平日的關係冇咩人，落到去有大把位坐 我同個FD各點左個黎食 價錢唔算太貴 包埋野飲都係50蚊左右D野食大約等左15分鐘到先黎，有D耐 個肚打哂鼓外表睇落不錯 更加挑起我的食慾 首先講個包，一般的麥包 冇太大特別個薯餅幾脆同埋幾厚 同個奄列做得唔錯又厚料

是晚放工後要等男朋友，便到公司附近的第一城消磨時間。由於已有2星期沒有喝咖啡了，心想反正有很多時間，不如靜靜坐下來品味咖啡吧~喝咖啡的話，第一城的選擇也不少，大路的MCafe & Starbucks 都有，但看見這間La Kaffa 打著世界級優質Arabica咖啡豆的旗號，便決定一試是否有誠意的咖啡店。店裡的咖啡選擇不多，其中"莊園咖啡"吸引了我目光。問店員這是一款怎樣的咖啡， 店員答:「普通咖啡」  (心想「Are u kidding me?!」)店員可能見我聽完呆了，便多補一句 :「加點奶」。 (心想「下？答完我了？」)，我問:「那跟Latte的分別是什麼?」店員說:「umm... 這個加奶粉，Latte...加鮮奶」(哦~~）最後還是Order了 Latte, 因為我想奶粉不合我口味。選擇了堂食後，便找了近柱的坐位，等待我的咖啡~ 店員送來了一杯用紙杯裝著的咖啡， 心裡很驚訝，便問:「堂食沒有用瓷杯裝的咖啡嗎？」店員回答:「沒有，我們只有紙杯的」(心裡很疑惑「為什麼咖啡廳只有外賣杯」)不喜歡外賣杯是因為紙杯會影響咖啡的味道，不過算了吧，點了還是得喝~打開杯蓋，喝了第一口，心中便

All day breakfast都算食得多 哩一間都算係最平最平民嘅選擇 雖然品質唔係好高 但都算滿意啦 份早餐有薯餅 2隻egg benedict 仲有粟米香腸果D 都算多野食 雖然都係D好簡單嘅食材 all day breakfast就好睇D細節位做得好唔好 食落塊薯餅都叫做脆 唔會凍冰冰又淋咁 不過egg benedict舊麵包就有D淋 不過哩個價錢都滿意架啦

店入面設計有格調咁岩係附近同同學做完service, 就黎試下個all day breakfast因為之前係網上面同聽朋友都有提到呢間野, 咁岩做完野就黎試下,望落menu, 覺得好貴, 但係心到自我說服自已一分錢一分貨呢可能, 我就叫左個all day breakfast,豪一次啦出左糧,個fd就叫左個意粉。all day breakfast就等得比較耐, 可能多野要煮既關係啦, 終於整好啦, 急不及待試下啦, 個賣相唔錯, 蛋煎得好令, 多士夠味,加埋茄汁豆一齊食 d腸唔會太咸, 杯朱古力好飲,整體上除左貴左d之外都OK另外，我都試左d fd個意粉, 意粉煙煙韌韌, 好入味, 個fd話杯奶茶好飲,唔會太甜, 好滑, 可能落多左奶, 整體上, 意粉價錢合理d

這天早上, 又回到威爾斯等待, 文迪轉了到待產房那邊, 甚麼也不能作, 唯一只能夠等待, 相信不少爸爸也曾經有過這心情. 既然是等待, 那不如來第一城找個地方休息一下. 想起之前產檢曾經跟文迪來La Kaffa吃午餐, 整體感覺還不俗, 那就在這裡喝杯咖啡.看看餐牌, 早上十一點半前還有早餐供應, 那就來個早餐吧.全麥多士 + 蛋 $28: 6.5分, 既然是輕盈早餐, 份量當然不太大, 全麥多士不算太香脆, 熱度總算對辦. 炒蛋水準只是一般, 至於英式焗豆就是沒有甚麼高低的項目, 反而烤蕃茄是幾香甜的.提拉米蘇咖啡 $22: 7分, 天氣那麼熱, 還是要杯凍咖啡吧, 就選了提拉米蘇咖啡, 咖啡是幾香濃的, 但提拉米蘇味道就不太明顯了.等待的時間是最漫長的, 尤其是等待自己的小天使出生的, 這天早上在La Kaffa的等待, 就是這樣一回事. 還好有杯提拉米蘇咖啡, 讓自己清一清醒, 再面對日後的挑戰吧.