La Kaffa (已結業)

要去石門做野，但果度係工業區，印象中只有工廠食堂，冇乜好野食，咁點算呢？唯有先去第一城食個中午飯，祭祭五臓。喺第一城中心見倒有間西餐廳叫La Kaffa ，走埋去望下Menu ，見倒有好多All Day Breakfast 嘅選擇喎，最重要係見倒我好like 嘅Egg Benedict ，仲話係特濃，即刻點左個最貴嘅All Day Breakfast嚟食 ，盛惠HK$108，仲點埋杯宇治紅豆抹茶，呢個配撘嘅熱量點止夠All Day 用，直情係2days 都夠用呀！！！室內座位唔多，在商場中心亦設有座位，整體餐廳環境叫做唔錯。香腸有辣有唔辣，薯塊香脆，但呢個All Day 最好嘅地方係好多沙律菜同粟米，邪惡中都帶有健康元素。有特濃Egg Benedict 係我點All Day Breakfast 嘅主因，蛋面嘅黃醬汁真係超濃味，不過就唔係傳統嘅荷蘭醬咁有濃郁嘅牛油味，而係有濃郁嘅蜜糖芥辣味道，水煮蛋亦都相當軟滑流心，雖然並非傳統味道，但都不失美味。整體嚟講除左煙肉鹹左啲之外，其實所有用食材都幾唔錯。至於飲品宇治紅豆抹茶，由於我叫左少奶少甜，成杯野變得好稀，唔知似乜，唔怪得人嘅，鬼叫自己唔

假日黎到第一城，悶悶地打算搵地方坐下，經過就見到一個超巨形落地玻璃banner,係咁就被佢吸引左走入去試試!呢間叫 La Kaffa既小餐廳，舖位細細 但夠晒精緻，望落食物都算吸引!最近假日開始迷上吃 all day breakfast! 呢度嘅all day breakfast我覺得選擇種類算好多 價錢亦都好相宜， 而下午茶嘅餐牌價錢更加係超級抵食!飲品選擇亦都少， 全部都係一啲特色飲品餐廳內嘅座位唔算多， 而且都人山人海除咗餐廳入面嘅座位，餐廳亦都將一啲枱凳擺放於商場範圍我點了A4餐，是（ 煙三文魚班尼迪蛋、 脆香煙肉、 粟米粒、茄汁焗豆）盛惠$60元，賣相精美，煙肉煎香得恰到好處，不會太燶及 太鹹，份量十足。這個班尼迪蛋可以講係呢個餐既重點，因為佢呢個蛋香十足，而且一切開立即流出蛋漿，而蛋漿流到包面同埋煙三文魚一齊食真係滋味無窮!太太點左T6餐 （吉列魚柳配薯角） 32大元，魚柳炸到金黃色唔會太乾外脆內軟，而薯角剛炸起所以特別好味!而太太加錢轉左餐飲，芒果味特飲， 果味濃而且好多椰果，夏日消暑一流!

今日黎呢度食西餐..見到個價錢都好合理..我地叫左個忌廉野菌意大利飯..米飯粒粒分別..好香忌廉味..配埋野菌..清清地..食落口感好好..煙三文魚凱撒沙律..上面既三文魚好大塊..夠足料..配埋沙律菜..好清新..食得健康d..博洛尼肉醬意意粉..個汁酸酸甜甜..好開胃..食完一啖會想再食..好唔錯..另外套餐加$6有兩塊蒜蓉包..炸到剛剛好..脆脆地..最後叫左杯荔枝紅茶特飲..好香荔枝味👍🏽

呢間見到好多分店..今次近近地..放工黎第一城呢間試下..半自助式甘..睇餐牌..order完拎個號碼..就有人送野食過黎..叫左個All day breakfast..勁大碟..有egg benedict..個流心蛋超正..夠正宗..腸仔..蘑菇粟米薯餅多士..應有盡有..食一份都夠晒飽..另外再叫左個意粉..溫泉蛋卡邦尼意粉..好濃忌廉味..份量唔算多..加埋火腿..上面有埋溫泉蛋..蛋汁融入意粉..一流..一客4件香草雞翼..炸到好香好脆..絕不馬虎..配埋旁邊既沙律菜..食落無甘熱氣😂跟餐送左忌廉湯..有粟米粒..係我最鐘意既濃郁餐湯..仲有百香芒果沙冰..飲完夠晒涼快..👍🏽

博洛尼肉醬意粉 $52簡簡單單既顏色 味道酸酸甜甜 完全係侵佔左舌尖 質感剛剛好 唔太淋唔太硬 食完仲好開胃 好想食多幾啖先停手 夏天有呢d刺激食肉慾既食物 我諗我會經常食.All Day Breakfast $98Breakfast唔一定要早餐先食 可以係晚餐食都得 同埋份量唔一定少 有唔同既腸 有唔同既享受 (法蘭克福腸 辣味香腸 紐倫堡腸 牛肉腸) 仲有好香脆既薯餅 講到重點就係個Benedict Eggs 一口流落曬個口度 好滿足 雖然大部分都要簡單野 但擺埋一齊就好夾. 荔枝紅茶梳打 $28荔枝味係香 但飲落唔太甜 唔似出面勁甜既假荔枝味 而且佢仲有d蘆薈粒粒 飲野之餘又有野咬下 蘆薈食完仲有d潤潤地既感覺 唔錯喔

約左朋友去第一城下午茶,開業5年多,La Kaffa除左鋪內有約20個座位。另一半有更多座位設於商場中心,開揚但不會受到太大嘈吵,因為經過的人都唔會停留系附近。呢度8點就開門,一早就可以享受all day breakfast 嘆杯咖啡～特價下午茶餐3-6pm,價錢$28-$55,配熱奶茶,熱低糖紅茶/綠茶,可加錢轉咖啡或特飲。B2$66,安格斯蘑菇漢堡,麵包烘過,漢堡半攤開讓客人更容易食,超多蘑菇可自行加上漢堡上食漢堡牛味香少肉汁,有咬口,香濃既芝士如果再溶多少少就好了,仲有蕃茄。薯角外脆內軟又大舊。仲有碟加左白醋同糖既酸瓜粒,我超中意食!!A9$56,Fried Fish炸粉薄身,金黃香脆,肉質仍非常嫩滑,入面又多汁,好juicy。沙律菜還算新鮮,炒蛋很香滑,半熟狀態是我的最愛。配上牛油烘多士,超正,還有一小碟茄汁焗豆。食到飽飽,配熱低糖紅茶,香濃既大吉嶺紅茶幫忙消消滯～加$4凍咖啡,淺烘焙香味,少奶少糖,幾好。

第一城聽落好遠，又要轉火車又要轉馬鐵，但今日去其實唔洗半個鐘，原來都唔係太遠而且第一城有種感覺似遠離左煩囂既感覺對上一次黎La Kaffa食早餐已經係上兩年既事，果陣all day breakfast無而家咁普及，而家差唔多間間西式餐廳都，但大部份都收得好貴下，動輒都八九十。今次到訪，呢到既早餐依然可以keep住五十幾蚊就有，當然有豪華增量版咁就要九十至百令蚊。由於想食奄列唔想食普通炒蛋，所以係火腿奄列同蘑菇甜椒奄列之間揀，最後揀左比較少食既後者！但呢個餐無我最中意既薯餅見到下面原來可以加$8配薯餅，當然唔放過啦本身個餐係包左個大蘑菇奄列、火腿片兩小片、牛仔腸兩條、茄汁焗豆、甜粟米粒粒、麥香多士兩片，主角奄列份量頗大，佔左半隻碟咁濟，但唔太嫩滑，始終佢唔係炒蛋就係唔同d ge!同埋應該唔係即叫即煎但內裏餡料都食到唔少甜椒同蘑菇既。至於火腿同腸仔都較淡味，微微煎香左所以唔太油，無咩特別。粟米粒粒同茄汁豆量唔太多但都好重要屬於all day breakfast既核心成員反而個人幾中意片多士，烤得香脆，雖然佢有白多士，但呢個會香得多！其實另外包類仲可以揀法式多士!!!不過本身有多士就無理由再

La Kaffa 位於第一城廣場的一個小角落，主要提供英式 all day breakfast、漢堡、咖啡等。下午茶餐大多 $30-50，包數款指定飲品，不算很貴。這裡的 eggs benedict 只是 $32，非常便宜！Eggs benedict 的精髓在於它的水煮蛋，時間温度都要拿揑好，而這份 poached eggs 也做得不錯，切下去即流出大量蛋黃。English muffin 有點淋，個人覺得可以先烘一烘。沙律菜加入油醋而非沙律醬，是健康的選擇。吉列魚柳的份量很小，但論味道方面還是不錯的。魚和薯角都非常脆，炸的時間和程度調較得恰到好處，亦能維持它的熱度。薯角鹹鹹香香，如果有多些便好了。凍飲品需加 $4。這杯凍奶茶的味道跟坊間喝到的不同，給人一種清甜的感覺，有點像台式奶茶，但叫了少甜仍是很甜，下次還是叫微甜好了。另外，這杯凍奶茶以膠杯盛載（其他飲品沒有），令我很奇怪，這樣不環保的做法，要減分～整體，下午茶的食物份量小，但看在價錢不貴，也算抵食的。但如果想吃得飽，還是建議 all day breakfast 應該會比較好～

最近同個朋友喺沙田試咗呢間La kaffa餐廳，人流唔算多，地方比較寧靜，而且餐廳劃分咗室外同室內，非常寬敞。呢間餐廳全日早餐款式繁多，我試左一個煙肉，茄汁豆，沙律，溫泉蛋嘅全日早餐，賣相吸精之餘又好食，份量亦唔算細份，當晚餐亦唔錯。白汁煙三文魚都味道不錯，食材用心製作，三文魚味道唔會太腥，而且大大塊，份量都算大份。田園咖啡真係要試試，香滑濃郁，味道芬香噗鼻，非常醒神，而且又唔太甜。另外，仲試咗杯店長推介嘅Oreo紅豆奶茶，面頭舖滿Oreo餅碎，入口即有香滑嘅紅豆味道，而奶茶亦非常濃郁，好飲到不得了。

呢排係沙田第一城試咗間食西式嘅餐廳，類型似大家樂，係先到收銀處點餐，然後再由侍應送餐過黎，非常方便！而款式都非常多，價錢唔算貴，仲免收加一添！餐廳喺係商埸地下，分左室內同室外，地方整潔寬敞，而且唔會好侷促，最啱食Tea閒聊。我同朋友試咗一個白洒蜆肉意粉，份量大大份，有白洒味道濃郁，而且滿有白汁芝士粉嘅香濃味道。再配鮮甜蜆肉同入口彈牙嘅意粉，而蜆肉嘅份量都算多，飽肚之餘又好食，真係一試難忘呀！另外仲試咗一個芝士脆薯角都係$38，芝士味道十足濃郁，薯角份量亦算大份，可以夠兩至三人享用。另外+$12蚊仲可以轉特飲或各式特式飲品，我試咗一個特濃焦糖朱古力，果然味道濃郁，朱古力非常香滑，而且焦糖味道入口亦唔太甜。

第一次來到沙田分店的La Kaffa, 食物種類及氣氛有別於其他分店。店鋪是中型的咖啡店，佈置簡約，消費模式為先點餐及付款，後再自找座位。座位分佈店內及商場大堂。雖然是晚餐時段點，但我仍想吃簡單一點，所以選了頂級安格斯煙肉牛肉蘑菇漢堡及煙三文魚凱撒沙津。漢堡夾著芝士、煙肉、厚身的牛肉漢堡，份量十足，味道juicy。連蘑菇也不夠位置擠進包內，只能放在一旁。伴碟的配菜除了薯角，還有酸菜及沙津菜，不僅醒胃，更能大增食欲。原本以為三文魚凱撒沙津只是小食，但上枱的份量足夠做主食，還附送忌簾蘑菇湯。煙三文魚雖只有二件，但外形甚為大件頭，足有五六寸長，連麵包糠也比一般大件。夏威夷果仁鮮奶咖啡，牛奶味香濃，溫度適中。起初本想吃簡約晚餐卻變成了豐富飽肚的晚膳。

今晚去第一城探朋友，之後一同到 La Kaffa 來個休閒晚膳。All day breakfast : 份量十足，有班尼迪蛋兩件、法蘭克福腸、紐倫堡腸、辣味香腸、牛仔腸、脆香煙肉、脆薯餅、炒蘑菇、及粟米粒，再配以沙律菜。份量足不在話下，一個大男人都夠吃，而喜歡香腸的朋友正如我會更感滿足，可一次過品嚐四款特色肉腸呢。煙三文魚凱撒沙律 : 煙三文魚有兩大片，魚肉飽滿及有煙燻香味。再配以清新的生菜沙律及脆香麵包粒，恰到好處。咖啡凍朱古力鮮奶咖啡 : 其實這是凍Mocha入面加上咖啡果凍粒，朱古力及咖啡的比例剛好，冰涼清涼很是好喝。想在沙田市區吃個 All Day Breakfast 及嘆杯凍咖咖啡又不想走太遠，這裡也是一個選擇。

晚餐時間又想食早餐，即時想起這間有全日早餐售賣的cafe。這店鋪内外都設有枱椅，枱與枱之間的空間很寬敞。店內座位賦有休閒情調，店外座位則像外國露天廣場茶座般開揚。我們一行二人點了兩個套餐。點餐程序係先到收銀處點餐及付款，然後店員會給予一個坐枱號碼牌子，再返回坐位上將號碼牌子放於枱上，等待送餐。第一個點的當然是全日早餐。這裏有多款全日早餐，我們選了A9經典英式炸魚、嫩滑炒蛋、茄汁焗豆、廚師沙律、全麥多士 $56 及加$8配了法蘭克福腸。廚師沙律的醬汁係黑醋，十分醒胃。嫩滑炒蛋果然十分嫩滑，有滑滑的蛋漿包着較熟的蛋餅，蛋好像有淡淡鮮奶味般。魚柳炸得很脆。我們還點了白酒蜆肉意大利粉$60，分量很多。意大利粉很爽身，又滑嘟嘟。清得來又很香。蜆肉頗多，還有洋蔥及菇菌做配菜，很豐富。每個套餐都配有餐湯及餐飲。餐湯係粟米忌廉湯。餐飲我們選了熱奶茶。奶茶好滑，奶味及茶味特別，茶唔會有澀味，溢出茶香，奶味濃且份量適中，同一般餐廳唔同，很喜歡啊！這裏的出餐速度實在令人讚嘆地快，不用5分鐘，全部食品及飲品已送到枱上，賣相還相當精美。這裏的食物質素不俗，價錢又大眾化，怪不得晚上八時多仍然差不多座無虛席。

星期六下午時份到了沙田第一城探朋友。。跟朋友到了第一城覓食。。。第一城餐廳眾多。。最後被呢間la kaffa吸引了。。因為有多款不同食物選擇。。而且價錢便宜這餐廳是自己到收銀處點餐。。。下單後。。會付上一個號碼牌。。當食物準備好後，侍應會把食物送上。。。餐廳提供的座位數目很多。。有的座位在餐廳內的。。。有的則位於商場內。。坐得都十分舒適。。餐廳提供all day breakfast, burger, pasta, salad等等我們所點的低糖綠茶。。。綠茶味很重。。而且還是低糖，不會太甜。。健康一點。。我點的烤雞沙律。。。雞件十分厚肉。。而且外皮香脆，雞肉嫩滑。。配上爽脆的青菜。。十分fresh...另外我十分欣賞這個沙律十分健康。。因為沒有用上沙律醬。。改配了醋。。醋的味道帶點微酸。。。不會破壞菜本身的青草味。。。整個沙律十分健康，清新。。而且蔬菜的種類都很多，有生菜，青瓜，蕃茄，洋蔥等。。完全不會覺得口感悶。。朋友所點的雞肉蕃茄意粉。。。蕃茄味很香很fresh。。。意粉混入了蕃茄汁當中。。令意粉更為滋味。。。十分濕潤。。這個意粉十分清新。。很岩悶熱潮濕的天氣。。因為令胃口都得以刺激

Shatin is an area that i seldom came as it was in the outskirts area. Because of some work event today, I happened to be around that area. After finishing some work, I went to City one plaza for my early dinner. This plaza is surrounded by public housing and not near to MTR station. In the end, i decided to enter into this cafe. Their signature dishes is their all day breakfast. Even their all-day breakfast also have several selections. They do offer burger set, fresh salad and pasta as well. As