Kailash Parbat

营业中

休息中

朋友話食印度野，好啊！上網揀咗一間比較high ranking 去試，一心諗住點個咖喱雞或牛配印度薄餅，原來呢間係食素既印度餐廳，打開Menu ,如果冇圖都唔知係乜，最後點左個咖喱係由黑豆和扁豆再加入牛油和奶油煮既，餸牛油同蒜蓉薄餅食，唔算辣，配薄餅係好食，蒜蓉薄餅比較香，啲侍應仲不停叫我地用手食，用手食🤣其實印度仲有咩名菜？ ·

因為朋友推薦所以跟佢試下印度菜🙈第一次係香港試正宗印度野一入到去見到好多印度local係到食緊野 而waiter都係local所以等位既時候就更加期待好彩唔洗等好耐 就已經可以安排入坐😍Paneer Tikka $95呢碟因爲見好多香港人都推介 所以我同朋友都叫左佢其實係印度式既奶酪 分別用綠辣醬同紅辣醬醃製 食落其實完全唔辣不過我唔係好食得出有咩分別只係覺得其中一隻個味濃少少連埋旁邊既蔬菜一齊食更正😍入面既質感比我想像中硬 似平時食開既豆腐不過個味都好出既 配埋個醬融合得好好 會食上癮😛Paneer Tikka Lababdar $85Stuffed Paratha $45然後就當然叫左個馬薩拉同餡餅啦呢款係奶酪番茄馬薩拉 入面都加左幾舊頭先食完既奶酪😆好醬好濃食得出加左好多材料入去煮 配埋個餡餅真係一流個餅其實有四隻味:薯仔、印度芝士、芝士、雜菜而我地當然選擇左印度芝士特別d食落其實唔係好食得出 可能因為加左d醬落去但起碼個芝士唔會令個餅太漏整體上都係唔錯既👍🏻Bambaiya Dahi Puri $75最後再叫多左碟圓脆餅因為我地太睇少我地個胃 所以最後翻叫翻本身都想食既前菜一上

我基本上都冇咩食過印度菜，因為成日都怕佢會好重口味，個人又唔特別鐘意佢嘅用嘅香料味，所以都唔太會考慮食。但今次朋友主動提出要試下，話見人地講呢間印度菜唔係好重口味又唔錯所以想試下，就抱住去挑戰下嘅心態試一試。入到黎見到顧客都幾平均，local 同印度人差不多各佔一半，睇黎係又岩香港人又滿足到食開印度野嘅人。冇咩食過印度野嘅我地除左naan 之外就唔知有咩值得食嘅菜式，所以D野食全部都係上openrice 見人地推介咩菜式就叫咩野食完之後先發現我地叫嘅所有野都有奶酪睇黎奶酪係佢地好常用嘅食材？第一個係我見到人地寫嘅開胃菜。首先佢嘅賣相已經好吸引，好有心機咁裝飾。食落酸酸甜甜，相對酸比甜多，係令你忍唔住食完 一啖再一啖。入面嘅內餡都有好多，炸得脆脆地配上醬汁，口感配搭好好。出奇地係佢食落唔會有好漏嘅感覺，唔好比佢外表嚇親～之後就叫左呢個印度粘土烤特色奶酪。見其他人相對係叫蘑菇比較多，不過聽到烤奶酪個名好正咁，所以就忍唔住叫黎試下。佢有種顏色嘅烤奶酪。兩者嘅分別唔算好大，不過相對覺得綠色係清淡少少，香料味冇咁重，感覺清新D。不過其實橙色都唔係真係好重口味，只係顏色比較鮮豔。講左咁多其實我係覺

第一次食印度素菜，估唔到別有一番風味！原來食素都可以有甘多唔同嘅口感，一樣食出幾重滋味～🤤印度餐廳嘅menu都特別有風情😆又有好多唔同口味嘅印度包簡～當然唔少得唔同款式嘅咖哩同馬薩拉啦🤤最適合同印度包沾住d咖哩汁黎食👍🏻野飲方面一如既往甘叫左杯芒果奶昔（我至愛❤️，去到邊都要叫番杯～） 呢間餐廳嘅芒果奶昔絕對係我飲過頭三好飲嘅！fresh嘅感覺就好似放左鮮芒果入你個口度甘😆呢個醬帶少少甜，而且mix左印度香料，所以味道就更加濃厚👍🏻沾住餐包食就一流啦蔬菜湯比我想像中咸，但係飲多幾啖竟然習慣左呢個重口味，仲開始越飲越中意呢種味道🤣呢個絕對係餐廳嘅王牌推介！醬汁濃郁，少少甜加咸嘅mixture，重點係當中有幾塊奶酪！咬起上黎配上醬汁嘅融合絕對係對味蕾嘅享受🤤當然唔少得叫番幾塊印度包👍🏻塊塊都脆卜卜😛最後，黎到印度餐廳就一定要叫番個咖哩🤣呢個咖哩算係小辣，唔太食得辣嘅人都可以接受到～而且咖哩汁都十分濃郁，配上印度香料就更加刺激味蕾🤤讚👍🏻最後幫我地食過嘅菜影番張大合照❤️估唔到素菜都可以甘好味！🤡

作為土生土長嘅香港人，見到印度人嘅機會已經唔多，食印度菜更加係少之又少。 朋友介紹之下第一次食印度菜，今次嘅體驗都幾新鮮。Stuffed paratha $45食印度菜又點少得食佢嘅薄餅，呢個薄餅有既餡薯仔、印度芝士、芝士同埋雜菜三種選擇，雖然唔知印度嘅風味大概係點，但係同一般食開嘅薄餅真係有好大分別，啲芝士味好濃郁同埋好香。Cheesy corn tomato soup $45呢個湯有重料嘅芝士，鍾意芝士嘅一定要試！雖然材料唔係特別獨特，但芝士同個湯就配合得非常好，飲落去有啲似夏威夷pizza嘅風味，非常吸引！Tikki chaat $80呢個拼盤就有薯角、乳酪、青椒同埋香料。食落去就好似加咗薯片嘅乳酪咁，酸酸甜甜幾開胃。而且仲有幾款將比你自己配搭，適合各人嘅口味。Bengali rasmalai $60呢個貌似係一杯雪糕，其實係羊奶溝芝士。羊奶非常之香同清新，係一流嘅甜品！

前排睇咗套印度戲，對印度的野食都好有興趣，今晚決定食印度菜。上到餐廳，感覺同平時的「典型」印度餐廳好唔同。地方裝修好靚，有印度特式的飯壺做掛飾，靚得㴝又好特別。枱與枱之間算隔得開，坐得好舒服。個晚有幾枱都係印度人食睇餐牌先知係環球連鎖，印度最多地方有。香港好似得呢間（我諗，好似係）原本睇緊個英文menu, 後來個staff俾本中文menu我地，插圖好有印度特色，同埋中文易明好多正當我地苦惱緊食咩，staff好有禮貌問我地洗唔洗推薦！so sweet! 我一心諗住食炸圓脆餅！（因為套戲主角係好鐘意食，我都想知幾好味！）食個陣要加薄荷水同羅望子醬，加幾多隨意。外皮脆脆，幾好味！焗磨菇，中間夾咗芝士，口感好好。忍唔住連續食咗勁多舊奶酪蕃茄馬薩拉 Paneer Tikka Lababdar， 配Garlic Naan(質地有少少似包，我個人鐘意呢隻多過脆餅）個馬薩拉叫咗少辣，味道好有層次，又有香料味，好好送餅。下次想試正常辣。飲品叫咗mango lassi 同拉茶。拉茶有驚喜！好滑，茶味濃，又有香料味！值得推薦！佢地有hi tea Menu，好多選擇，可以試好多款！

今晚去了一間印度素食餐廳Kailash Parbat.一進門就比它的佈置所吸引，餐廳中掛了很多煲、鑊、飯壺等幾特別。印度烤蘑菇串燒，名就話係串燒其實係冇竹籤穿着的，係用兩粒蘑菇夾着我認為是蛋黃的東西在中間，味道一流！蘑菇質感爽脆帶有微辣配合蛋黃的香十分之夾。薯仔咖哩角味道複雜，酸甜辣集於一身，十分美味。奶酪蕃茄馬薩拉，很多枱都有點，食到香草咖哩中加有蕃茄很開胃烤餅質感外脆內軟熟不是死硬骨骨的那款包，如果效餅不夠可令該order多1分烤餅伴咖哩，我們吃不晒的咖喱還可把包拿回家吃。友善的侍應還教我們正確食法，首先潷一湯羹咖哩加上一件奶酪後放在印度烤餅上一起放落口。豐富味蕾！最後我還點了一樽印度芒果奶昔，好好味！下次約多幾個朋友就可以叫多款食物，整體而言食物非常有水準如果喜歡作新嚐試就可以嚟呢間印度素食餐廳試一試😉

係尖沙咀行開街寶勒行好多印度中東餐廳未試過就決定試下啦一入去環境好靚好有印度風情但同時又好modern原來呢間野係全球都好多分店Menu成本旅遊書咁好靚啊！第一道菜叫左印度薯蓉咖哩角好多醬汁 但同咖哩角好夾店員好有耐性介紹每組汁印度咖哩角同港式唔同佢係一大舊三角錐體咁外表香脆 薯蓉香軟襯埋甜酸醬汁好夾第二道叫左烤蘑菇一上菜已經好香香料味原來釀左蛋黃入菇入面香菇烤完仍然好多汁好彈牙加上蛋黃軟滑好特別第三道叫左奶酪蕃茄馬薩拉(?)配上馬薩拉芝士烤餅奶酪大大舊好好食！好cheesy咖哩唔係好辣但非常好食我地太飽食唔哂好味到要打包拎返屋企送麵包烤餅係有芝士餡 冇咩特別 但都好食 煙un 仲有杯芒果奶昔呢杯野好多層次好有驚喜芒果甜甜酸酸 仲食到一粒粒香草好大陣茴香味 真係好特別食物整體非常高質價錢都偏貴 份量雖不多 但好飽肚推薦👍🏻

今日星期五約咗一班朋友食飯經過尖沙咀寶勒巷 樓下有好多印度人喺度推介樓上嘅印度餐廳 我哋未食過 於是走上去試下😆 餐廳裝修得很精緻 入面全部都係印度籍嘅侍應同經理 感覺好地道 而且佢哋都好友善 會主動上前推介一啲特別嘅印度菜式😝原來呢間印度素菜喺世界各地有分店 係連鎖店🙈 Manhcow soup $45 呢個係印度嘅菜湯入面有紅蘿蔔香草多種唔同嘅蔬菜 味道帶點酸辣 十分開胃😙 另外仲有啲脆薯條可以點 好味！奶酪番茄馬蕯拉 $85 呢個咖喱係最好食嘅一道菜 以鮮蕃茄同傳統香料 佢嘅奶酪好特別 口感好似豆腐乾🤤 我哋叫咗大蒜芝士烤餅 微熱 鬆軟香脆可口 配合一齊食 簡直絕配！ 傳統印度素咖喱 $85 傳統香料份量多過番茄 仍有像豆腐乾般的奶酪🧀 味道較辣 呢個都唔錯 但個人比較喜歡奶酪蕃茄！後尾發覺叫左太多咖喱 烤餅每份得一大塊 份量較少 下次可以叫多d 烤餅🤔 芒果奶昔 加入咗香草 同平時味道唔同 可能有啲人會覺得較重口味😝

今日放工之後去尖沙咀行街，朋友就推介左呢間印度餐廳。入到間餐廳，覺得個環境非常好，佢既裝修好摩登，同平時去既印度餐廳感覺好唔一樣。餐廳入面大部分都係印度人，我諗呢到既印度菜應該都幾正宗。打開餐牌，有好多選擇，好似主菜同小食咁，唔知點揀好，所以我地就揀左menu上面既推介菜式。另外，侍應亦都好nice，會主動介紹菜式比我地。侍應推介左咖哩薯仔包，呢個菜式擺得好精緻，佢既咖哩有少少辣，用黎點包簡直係一流。另外，我地仲點左蕃茄酪馬薩拉，佢呢道菜唔會太辣，唔知係為左迎合香港人既口味定本身都係咁呢！馬薩拉入面有好多奶酪，佢係長方形既，唔會好濃，淡淡地，食多幾舊都唔膩。因為配馬薩拉，所以就叫左牛油烤餅，但係食完烤餅之後，仲有啲馬薩拉，所以就叫多左知大蒜烤餅。總括黎講，呢間既印度菜水準都幾高。

話說印度老虎仔一索得男後，回鄉省親，要等到２月才返港。這段日子就没有嚐到咖哩了。無奈，咖哩癮又發作！老虎仔經鴨舌推介尖咀這邊的印度餐廳，原來就在公司附近，所以今晚就在此晚餐。門面招牌展示不同顏色的咖哩，應該是有一定水準的印度餐廳。而餐廳除了印度人職員，還以印度煮食用具和餐盒作裝飾。枱面有基本餐具，但樽裝水是要另外收費。幸好，這裡還會提供清水。　Saag Paneer　　餐牌寫著：奶酪菠菜，即是印度芝士菠菜咖哩。青BB咖哩是菠菜打蓉似芝麻糊，加青辣椒，小茴香，蒜，洋蔥和已變成粉未的特別香料，再加薑絲。其實餐廳可以調校不同辣度及香料濃度，但這份青色咖哩是標準濃度。個人覺得只是中等辣度，總之不覺得Dry。印度芝士口感似硬豆腐／腐乳跟彈牙魚蛋的混合體，也要慢慢咀嚼才會感覺到淡淡的奶味。Naan原味　　　享受咖哩當然要配烤餅，只有NAAN才可以好好襯托出Saag Paneer的美味之處。而原味NAAN味道較淡，才不會影響到咖哩的風味。手感：熱烘烘的NAAN，上方軟身，底部較硬脆。以烤爐燒出來的NAAN，底部加熱較強，所以較硬脆。其硬度足以舀起一部份Saag Paneer。口感＆味道：NAAN上軟

以印度素食餐廳嚟講，依間嘅裝潢都顯得好文青。餐廳嘅侍應都非常友善，向我哋推薦唔同類型嘅菜式。我哋點咗特色薯蓉餡咖哩角，香辣口味非常惹味。外脆內軟，配上鷹嘴豆醬，香氣十足。奶酪蕃茄馬薩拉係店員推薦嘅菜式，都係經典嘅印度菜。入面有幾大塊嘅奶酪，淡淡嘅奶香同柔軟嘅口感。另外我哋點咗烤餅同蒜香口味嘅餅，兩個邊邊都烤出焦脆，内裡柔軟，配上馬蕯拉就一百分。必點嘅芒果奶昔，加入咗一啲香草籽，令佢有非常獨特嘅香氣，口感順滑，一定要飲。環境舒適，而且地點就腳，食物特別之餘又易入口，係感覺良好的素食餐廳😌

朋友說晚上來想吃印度菜，還以為尖沙咀要吃印度菜只有去重慶，沒想到原來寶勒巷萬事昌也有，十分方便。餐廳裝潢色彩繽紛有格調，加上店員的熱情。而且在餐廳用餐的大部份都是印度人，感覺十分地道。雖然印度菜我們並不是很熟悉，不過有中文的餐牌。 餐牌上還有圖片，所以也不難點餐。印度烤蘑菇串燒 蘑菇內有咖哩粉調味的薯蓉， 而外面有以醬料和香草作為餣料，烤得香氣十足，很是惹味。厚厚實實的磨菇吃起來有不少飽足感的。奶酪蕃茄馬薩拉 以傳統香料和鮮番茄煮的味道不太辣。奶酪有如豆乾的口感，沾上醬汁夠滋味。孟買特色薯仔小扁豆圓脆餅第一次吃的印度小吃，上面淋滿乳酸，是很不錯的開胃前菜。薯仔餡餅炸得十分香脆，入面還有小扁豆、酸甜醬、大蒜、鷹嘴豆等等。芒果乳酪和檸檬梳打水乳酪算是厚身，芒果香很濃厚。檸檬梳打而甜甜酸酸的味道十分解渴。吃過這間不一樣的印度後，令我對印度菜有另一個感覺，十分新鮮。

在尖沙咀約了好友吃飯，經過樓下的店員派傳單，看到網上評語不錯，大膽上樓試試這家印度菜。沒想到進入餐廳後，他們的裝潢設計新穎，顏色鮮豔的設計。印度人的侍應向我們介紹不同的食物，聽不懂沒關係，因為還有中文的餐牌。餐牌由小食主食到甜品。原來他們家在國際有很多分店，沒想到從未聽過這家印度素食餐廳。印度烤蘑菇串燒蘑菇內有已調味的薯蓉， 而外面則滿滿是醬料和香草，十分惹味。一串有大概六粒的磨菇串，磨菇厚肉，吃起來蠻飽肚的。奶酪蕃茄馬薩拉 有吃過印度菜的一定會知道這個菜式，加人入了傳統香料和鮮番茄，味道不算太辣。奶酪吃下去芝士味不算濃，反而像豆腐乾的口感，沾上醬汁十分滋味。大蒜烤餅點了馬薩拉，又怎能不點印度烤餅呢！香氣四溢的大蒜味，加上煙煙韌韌的口感。即叫即製並以傳統的印度粘土烤制，的確不一樣。

一入去環境已經好大，裝修好精緻，廚房仲要係半開放式，可以睇到佢地整野食個過程，咁就唔洗怕衛生問題啦！裝修好可愛！別緻！Menu好多選擇，可以慢慢揀叫完野食即刻上左個暖既碟，哈哈，暖笠笠咁！食印度菜點可以冇薄餅，叫左兩款薄餅，我鐘意食白色果款，好香口同脆，但唔熱氣！叫左個芝士同香料汁，好香，芝士好易入口，送薄餅岩岩好！我個friend 話唔夠飽，叫左個蘑菇，個蘑菇好香，咬落好軟熟，入面個黃色汁好香，有印度特色既味道，個汁好開胃，點埋落去岩岩好，唔會食到濟