JW咖啡室

营业中

休息中

四百幾食一個weekday lunch buffet ，值嗎？其他餐廳我唔敢肯定，但JW cafe 絕對值得。凍海鮮有花蟹、麵包蟹、東風螺、海蝦、青口等等，仲要配上不同漿料，又有專人負責補充海鮮，花蟹雖然不算大，但確實夠鮮味。Roasted beef 是必食item, 非常肉嫩。片皮鴨的皮夠脆，唯一美中不足是肉有點硬。花膠源源不絕添加，想皮膚靚就食多幾件。蒜蓉大蝦都好鮮味嫁當然仲有沙律、魚生、壽司、麵檔。一定要留肚食甜品、雪糕同生果，各式各樣嘅蛋糕質素好高，抺茶Tiramisu 嘅香滑、又唔肥

🇭🇰香港酒店自助餐🇭🇰JW Cafe頭幾位港人熱門自助餐既選擇，JW cafe都係常客了👍今次主力介紹重點回本食物。首先有凍海鮮：龍蝦同海蝦，仲有麵包蟹，但冇影到🤤龍蝦唔算放得耐，仲有鮮味，中意食龍蝦膏既朋友，呢間既相信都滿足到大家。🦞迷必食😚。佢地既海蝦肉質都結實，預貨唔會積存太多。熱食方面，回本首推雜燴系列：鮑魚、海蔘、花膠。全部經由上湯長時間燴製，只係略嫌花膠唔太腍，鮑魚海蔘都好夠味。満口骨膠原，食多d皮膚都好d😂JW cafe地址：JW hotel 5/F 太古廣場1座價錢：星期一至四$678加一 星期五-日$728加一

呢日同個朋友去食大餐！通常星期五，我地lunch都會食好d，Happy Friday 麻呢日嘅星期五，又係落雨，但無損我地星期五食好d嘅心情，所以就去左由公司行去都唔怕大雨嘅JW Marriott，入面嘅JW Cafe食自助餐！我地之前一日用app book定，仲有20% off！計埋加一， 每位$376.2。一入到去，呆左一下，坐滿晒，原來星期五lunch係咁多人食自助餐！真係無諗過Staff帶左位後，凳都唔坐啦，即刻速出去拎野食啦首先就拎左parma ham, 煙三文魚，熏蛋，仲竟然有醉雞。味道唔錯！之後拎左d熟食，自助餐尼講，熟食嘅質素真係唔錯，有開邊蒜蓉蝦，仲有花膠添，好味！仲有片皮鴨，好正！跟住到食生果同甜品，甜品唔算好多選擇，但呢一個朱古力蛋糕，真係超好味，我個肚食到漲晒時，都食左兩件400蚊樓下，食到五星級酒店嘅自助餐，好滿足好滿意！另外值得一提，d staff 非常attentive，加分！

由細到大身邊都有不少朋友喜歡食自助餐，自問從來都不是自助餐的粉絲。 以前食自助餐嘅概念係食得越多越抵, 不管食物質素如何、只要每一次去攞食物嘅時候，將所有食物放到隻碟成座山咁高就算贏了。與此同時，自助餐卓亦變成了你爭我奪嘅兵家之地。好多年都冇食自助餐了、星期六到金鐘 JW 萬豪酒店嘅 JW Cafe 食午餐自助餐，前幾天已訂位。午餐時段係 12:00 noon – 2:30 pm，當日餐廳 8 成滿、餐廳亦同時爲招待非自助餐食客預留了一些位置。 接待員及服務員都非常有禮同樂意地主動關注客人需要。食物種類及質素方面總體尚算合理, 招牌菜有紅燒鮑魚 ,魚肚 ,海參, 蒸石斑魚, 蒸蝦, 龍蝦, 泥蟹, 貽貝及北京烤鴨等都源源不絕地供應。 呢度主打的都是中菜類、西式代表的燒牛肉及羊架亦有供應但水準並不突出。 還有其他熱食都一應俱全，種類不算很多、但該有的都有了。 目測魚生不太新鮮。 甜品方面也是貴精不貴多、外型精緻甜度適中。雖然以午餐價錢嚟講絕對不便宜, 但餐廳嘅食物種類、服務及環境總算是一次值得的自助餐體驗。

昨晚約了四位好朋友一起去慶祝Connie 生日因Connie 是 member, 有7折扣優惠，所以滿懷開心約了大家在那裡吃buffet 每人 dinner buffet 要$828- 其實都很貴啊不過以前都有吃過，質素都很高，加上朋友是會員有7折，心想也值得。昨晚吃完，大不如前一點也不值得這個價錢主題是 ～西貢海鮮～但最差就是這個主題的食物海參、 鮑魚、花膠、花蟹....全冇味道這可能是下等食材，比起一般酒樓還要差呢！還有，$828一位，我們5個人，只比一張4人枱環境吾得，舒適度沒有，差差差

TGIF 要同同事好好enjoy lunch,選擇咗過黎JW慢慢嘆個lunch buffet唔知係咪因爲星期五既緣故，所以都好full,不過大家食野都好靜，可以享受一餐寧靜既午餐。食野方面選擇都算多，基本既冷盤都有另外仲有開邊龍蝦，大大隻好多膏忍唔住refill 咗兩次熱食方面，中西式都涵蓋到連片皮鴨都有（係全場最多人排隊既野食）師傅會即場切同包，所以排隊就要等一等。片皮鴨唔會太油亦唔會太厚，亦燒得好入味好脆覺得係全場最得食既野總括而言，lunch buffet算幾多野食，加埋地理位置方便，下次會再番轉頭

今日朋友訂了萬豪酒店自助餐請我食生日飯自助餐在酒店5樓, 在太古廣場直入酒店按五字， 很易找一入去已經看到琳瑯滿目的食物擺在面前， 再走入點全部是座位， 還有一些座位是近落地玻璃可以看到海景食物很豐富， 有麵包蟹。長腳蟹， 龍蝦，蝦熱葷方面， 最特別的是有花膠， 鮑魚仔， 籠仔蒜蓉蒸蝦， 樣樣都很好味當然還有煙三文魚和沙律。 燒鴨， 羊架 等等龍蝦 和長腳蟹非常新鮮， 花膠炆得好好味當然最後還有他的甜品我特別喜歡芝士蛋糕總括嚟講呢餐 自助餐 冇得輸價錢不貴相對嚟講， 和其他普通酒店對比， 起碼他的食物和質素已經值回票價

用咗 某個美食平台 竟然有75折 梗係去試下啦 埋單只係620蚊非常抵 應該所有人都會超評價佢嘅中式美食 鮑魚花膠 北京填鴨 籠仔蒸蝦 全部超水準 不過我今日完全唔想講嗰啲 淨係想講下佢啲甜品講真佢啲甜品真係麻麻地 個樣就夠曬靚 用嚟影相一流 但食落去全部都冇乜特別 只係一般比較好嘅西餅店水準 全場只係一樣嘢令到我有驚喜 就係嗰幾條薄到不得了嘅蛋捲 專登影個正面畀你睇下 薄如蟬翼 但係味道竟然又香又甜又濃 如果可以買返去食你話幾好呢 但係應該冇乜可能因為真係太薄 原味加芝麻有少少芝麻香好食到不得了 綠茶味唔好睇佢咁薄竟然綠茶味濃到不得了呢間自助餐用開哈根大師雪糕 配埋呢條蛋捲可以話係絕配 最可惜當晚叫咗凍檸茶 如果叫杯咖啡就一流其他甜品坦白講真係冇乜特別 好似呢幅圖下面嗰平麵包布甸 普通到不得了 全台甜品只係得條蛋捲 非常驚嘆 睇佢應該係現場即做 不過就見唔到師傅整 喺後台拎出嚟嘅 呢間酒店其他熟食或凍海鮮 有幾好都唔使多作介紹 只係睇佢有冇機會有打折嘅時候平啲 超過100分 好到不得了 獎勵下自己久唔久要去一次最後想講一講 佢哋自助餐去到九點半鐘依然擺到全場滿 雖然對食客嚟講係一件

星期二的中午，同丈夫到這裡食自助午餐。我們二人，卻給予四人枱，坐得很舒服，枱面空間大，也可以帶多點，大家坐著慢慢邊食邊傾。這裡的沙律材料及冷盤豐富，我嚐了多款芝士，那辣椒芝士非常香，今次能嚐有質素而不同味道的芝士，真不錯。這裡有不同款色的蟹，如麵包蟹、大大隻的冷盤蟹鉗、炒蟹鉗。還有蒜蓉蒸開邊蝦及凍蝦，開邊蝦肉質新鮮，但略嫌淡，很大隻啊！反而，我今次食了差不多十隻凍蝦。令我一而再，再而三取的，還有片皮鴨，包的皮不會厚，不過鴨不算香。還有乳鴿，新鮮取出來的會較香，皮亦感新鮮。特別要讚牛臉頰，煙靭入味，不過食兩件已足夠，因幾厚。我特別讚的，是甜品。款式多，而且味道好，不只是甜味。如朱古力味的甜品，感香濃。還有H字頭我雪糕，正呀！除了環境、食物，令我感到滿足的，就是侍應們。serve 我們那邊的侍應很勤快，很nice和有禮貌，不是單單收碟，而感到自己是一個被 serve 的客人.

今星期消耗了很多能量, 不知道是否旅行回港後的「收假候群症」, 哈哈! 但是去到金鐘JW Marriott的JW Café吃豐富自助晚餐, 能量值立刻提昇. 由4月8至4月22日, JW Café有即劏黃鯺吞拿, 吸引了識吃又愛吃之仕. 此外, 一系列凍海鮮及熱葷也非常高質, 也不要忘記JW三寶: 花膠、海參及鮑魚啊!期間限定、每晚供應一條的即劏黃鯺吞拿, 固然成為全場焦點, 每條約42kg, 拖羅很肥美. 至於凍海鮮. 有多膏波士頓龍蝦, 肉質實淨, 蝦膏軟滑; 龍蝦鉗、鮮甜加菲蟹、皇帝蟹腳、凍蝦、青口. 花蟹多肉又多膏, 連蟹蓋也充滿澄黃的膏, 單單是吃過以上海鮮, 都覺得滿足!  但JW Café又豈止這些美食! 熱葷有炆花膠、海參及鮑魚, 無論有多飽, 都必定不會錯過的! 花膠大大件、可以叫做花膠扒; 鮑魚軟滑, 海參也是滿滿的骨膠原, 此三寶該是女生至愛的. 不要看少片皮鴨, 朋友極力推介, 一吃方知原因, 鴨皮香脆, 醬汁到家! 蒜蓉蒸蝦, 實淨彈牙, 可以的話, 我想一次過吃三隻~ 扒類方面有羊架、牛、烤魚.刺身選擇也夠多, 包括甜蝦、墨魚、八爪魚、帶子、油甘魚、三

朋友M在WhatsApp中看到我又去JW cafe吃自助餐，然後就有個問題:”有冇咁好食呀，你又去，你有股份咩!”當然，我沒有酒店的股份，但我的確覺得萬豪的自助餐每次有新主題都值得到訪，上次吃過那個以蟹蟹蟹為主題的已經難以忘記，今次轉了主題後，更加深刻。今晚的主角係呢條即劏原條捕獲的黃鰭吞拿魚，足足43公斤，自助餐未開始，已經見佢成條霸氣呈現。本月直至到4月22號晚，呢度每晚都會上演即劏黃鰭吞拿魚的戲碼，可能你會話點解呢排你成日都介紹吞拿魚，無辦法，直劏直食咁新鮮無理由唔介紹，如果你唔鍾意吞拿魚，又或者你今日睇到新聞覺得食呑拿魚刺身唔乾淨，那我也無其他辦法。首先以萬豪咖啡室的檔次，再加上這個主題，無得輸。還記得上次有同事睇完我篇文之後想訂，已經非常爆，我希望今次你睇完我篇文後去訂位，可以訂到心儀的日子同有位，祝你好運。（M先生，特別希望你訂到位吧。）全條吞拿魚用了10多分鐘便劏完，不同的部位赤身，腩位，背部，拖羅也有，靚位手快有手慢無，全晚都不停會有吞拿魚一路切一路供應，你食到幾多，便有幾多。的確有得睇有得玩有得食係賞心樂事，怪不得越來越多餐廳潮興即劏吞拿魚作表演。當然吞拿魚只是一部份

今星期消耗了很多能量, 不知道是否旅行回港後的「收假候群症」, 哈哈! 但是去到金鐘JW Marriott的JW Café吃豐富自助晚餐, 能量值立刻提昇. 由4月8至4月22日, JW Café有即劏黃鯺吞拿, 吸引了識吃又愛吃之仕. 此外, 一系列凍海鮮及熱葷也非常高質, 也不要忘記JW三寶: 花膠、海參及鮑魚啊!期間限定、每晚供應一條的即劏黃鯺吞拿, 固然成為全場焦點, 每條約42kg, 拖羅很肥美. 至於凍海鮮. 有多膏波士頓龍蝦, 肉質實淨, 蝦膏軟滑; 龍蝦鉗、鮮甜加菲蟹、皇帝蟹腳、凍蝦、青口. 花蟹多肉又多膏, 連蟹蓋也充滿澄黃的膏, 單單是吃過以上海鮮, 都覺得滿足!  但JW Café又豈止這些美食! 熱葷有炆花膠、海參及鮑魚, 無論有多飽, 都必定不會錯過的! 花膠大大件、可以叫做花膠扒; 鮑魚軟滑, 海參也是滿滿的骨膠原, 此三寶該是女生至愛的. 不要看少片皮鴨, 朋友極力推介, 一吃方知原因, 鴨皮香脆, 醬汁到家! 蒜蓉蒸蝦, 實淨彈牙, 可以的話, 我想一次過吃三隻~ 扒類方面有羊架、牛、烤魚.刺身選擇也夠多, 包括甜蝦、墨魚、八爪魚、帶子、油甘魚、三

聽說您在這刻想我、聽說您在記起我！我也記著每刻往事、也記掛您在哪兒！懷念著您懷念著你、好吃得流著淚深愛著您！時日如飛自從半年前首訪高質的JW咖啡室後真的已深愛著您！事隔半年再來除了再續前緣外，正因餐廳由即日起至4月22日，於自助晚餐期間每天提供新鮮即劏的黃鰭吞拿魚，而自助餐收費為星期一至四＄778/位、小童＄578/位，星期五至日＄828/位、小童＄618/位覺得貴嗎？看下去便知道有多值得去吃了！甫進餐廳便是甜品位置，有多款的小甜點如Mango and Coconut Mousse Cake、Raspberry Cake、Chocolate S'more Cake、Florentine、Puff 、Lemon Meringue Tart、 Brownies、Hazelnut Financier、Creme Brulee！多如恆河繁星璀璨奪目。還有限時限量的超級美味Cheese Tart，記著那新鮮出爐的三個重要時刻喔！另還有多款原個蛋糕及經典甜品，Red Velvet Trifle、Intense Chocolate Cake、Poached Red Wine Pear、Hong Ko