J.S. FOODIES (港威商場)

营业中

休息中

It took us around 2 hours to wait today as it was the last day to use the coupons. The place was small so it was a long wait. But the food came out quickly. Truffle fries: We couldn’t finish them since it was a big potions. They were crispy and crunchy. Who could resist sour cream on fries? This was a great snack. Avocado cheese burger: When I ordered, the staff asked rather we want beef or vegetarian beef. Of course we want beef but it was nice for her to ask and make sure. She also asked if we

上次喺海港城推介過依間餐廳，返Office之後我又再次嚟食呢一間，可惜我由6:00等到8:00先可以入座，足足等咗兩粒鐘呀…因為好肚餓所以餐牌都冇影，今次依然都係食呢個蟹肉意粉，但係今次個意粉勁鹹勁濃囉，真係好失望呀同上次比真係差天共地，最後我要搵水沖一沖先可以食得落，大嗱嗱成$200俾啲咁嘅質素人哋真係有啲差😭另外就仲叫咗個漢堡包，之前我叫漢堡包係是試素肉嘅，素肉嘅味道係相當唔錯有興趣可以睇返我之前嘅食評。而我今次就叫真肉再配煙肉同蛋，然後我自己仲加咗芝士添，個味道相當唔錯，總括嚟講呢間店嘅漢堡包其實係食得過嘅，而且漢堡包嘅價錢係有$99至$129 ，不過我加咗芝士就要另外加$8，但都總算係唔錯嘅。咁嚟依間餐廳當然要必點就係甜品啦，我係叫咗香蕉士多啤梨pancake，唔知點解今次個pancake有啲鹹，不過都不過不失啦。但係大家真係千其要記得唔好加去$15嗰個人工雪糕，因為係一啲味都冇嘅。因為出邊好多人所以pancake冇影相，仲有飲品都冇影，今次都係叫咗椰子冰沙同埋朱古力冰沙。我覺得朱古力麻麻地，走嘅時候見到人哋好似叫咗類似水果茶或者係一啲喺茶類嘅特飲睇落好似唔錯，大家都可以不妨試

今日星期日下晝兩點幾去食，去到門口，驚呆了🤯竟然大排長龍，明明早幾個星期日經過都唔係好多人。但係一心諗住嚟食pancake，所以算啦照排隊，點知一等就係兩個鐘有多😑我都不知那裏來的耐性..由於限聚令關係，每張枱只可以坐兩個人，佢只開放左七張枱，所以輪候時間係極長。講返啲食物，我兩個人叫咗兩個pancake，原味班㦸$99+士多啤梨藍莓香蕉班㦸$119。兩份都係有三件，味道基本上係完全一樣，只係有水果同埋冇水果嘅差別。班㦸同日本嗰啲冇乜大分別，都係一陣風咁樣，好鬆軟好有蛋香。口感綿密，好有空氣感，係食得過嘅！另外仲叫咗一個酸忌廉黑松露薯條$69，啱啱炸起好鬼脆，酸忌廉同埋黑松露醬有一大pat，松露味好香！飲品叫咗綠茶frappe，呢個就普普通通啦。整體來講pancake係真係唔錯，服務都好好，waiter全部都好主動，例如會不停咁加水或者收碟。但係如果要排隊等好耐就不了，大家要避免週末去啊！

排隊 唔緊要 最緊要食物質素 見到open rice 啲相 都OK 同個Menu 都唔大差別 所以試下海港城做優惠 其實用coupon 真係好底 我地11:50 到 前面只係有三個人排隊 所以決定食呢間兩個人叫左個Tiramisu $129 同個Benedict $129Tiramisu 一上檯 比佢嚇親 我嘅反應 就係成碟野好似未整容咁 都算 我都唔係外貌協會 好味就得 點知個餅皮係凍 好似隔夜咁 同佢投訴咩 啲夥計木口木面無反應試個Benedict 個樣終於有翻啲P圖感覺 靚翻啲 不過試食見真章 所有 係成碟野食都係凍 蛋凍 Bacon 凍 薯條都係凍 同夥計講 佢話溫泉蛋係凍喔 唉 咩嘢理論黎架？味道嗎 好多小店出色過佢啦其實現在疫情期間 食物唔熱 好易出事最後埋單 再投訴 比埋張相睇 終於認同個Tiramisu 有幾唔掂 所以免收Tiramisu錢 但啲夥計一啲唔好意思都無 嗰啲等成1-2 個鐘先有得食嘅人真係蔭功 等到腳軟 先食到呢啲垃圾級食物

J.s. Foodies第二篇😆班戟係最岀名又點少得佢呢😚班戟真係唔錯，會想再食多幾次😋店內仲提供各種梳乎厘，甜品值得一戰🍮.🥞檸檬芝士班戟配自家製風乾檸檬片最鍾意嘅就係唔會太甜又重蛋味，仲隱隱約約有陣檸檬味，酸酸甜甜越食越開胃，多多我都食得落😛雖然呢種pancake屋企都整到，但我就整唔到佢咁軟熟香口，如果本身自己煎pancake都叻嘅可以試梳乎厘嚕🥺.🍽味道: 3.8/5🏙環境: 3/5‍👨🏼‍🍳服務: 4/5💧衛生: 4/5💰價錢: 2/5

長期排長龍嘅日本班戟店🙈我經過呢間野嘅次數都應該有7-8次，每次見到好多人都諗不如下次先食啦😂但結果係唔會等到個一日嘅😟尤其依加疫症其間，間舖本身都吾大，仲要有幾張枱冇開到，真係千其吾好餓住個肚去排💦我地星期日兩點左右等，等咗一個半鐘先食到🥶等咗咁耐，覺得叫少少野好似好浪費，所以叫咗好多野食，飽到傻咗🙈💦這是什麼心態🥺但係咪真係值等咁耐呢，我就覺得都係正常發揮，唔會去到唔食會後悔嘅地步，呢個價錢我會寧願食beans🤔.🥞黑松露薯條炸得好香口，佢個醬有別於其他餐廳，會比埋酸忌廉你，個配搭新穎得黎好好食😍.🥞黑松露忌廉意大利粉作為一個黑松露控，食親意粉一定會叫呢個😋夠多雜菌夠多汁，簡直係完美😆.🥞龍蝦沙律每次沙律上枱都好開心，因為好靚好colourful🥗講真呢個價錢食碗沙律真係貴咗少少，不過有龍蝦就算啦，份量都算ok多，不過就唔係太鮮甜😟三文魚子好鮮甜不過份量得好少，我覺得最好食係啲粟米，超清甜🙈但建議大家可以慳返啲錢食其他野🤫

as i am on low carb diet ,i can only eat salad there only waited up to 1 hr ..........因為限聚令，企到死出面又打風落雨green salad 沒特別，本身是柚子醋 好彩可以on side since the salad dressing is high in sugarmy boyfriend ordered a pancake with pork sausage and chicken breast the sausage taste like taiwan one ,very sweetsunny side up look perfect because i don't like sweet food and gluten intolerant therefore we didnt order pancake dessert

聽聞這間餐廳長期排隊才可進食, 在限聚令情況下, 本人當日5:35pm排隊至6pm才可進入餐廳內進食.龍蝦沙律(芝麻醬或明太子醬選擇), 食材新鮮, 好好味😋👍松葉蟹忌廉意粉, 蟹肉,蟹膏＆蟹籽. 味道鮮味, 濃郁, 意粉煮熟度適中, 好好味😋👍士多啤梨香蕉梳乎厘pancake味道比我預期差, 士多啤梨偏酸, pancake唔夠蛋香味, 質感較為鬆散, 口感一般

今次是一間呢係日本野嚟嘅，理所當然地唔知點解海港城嘅鋪成日都要排隊啦，呢一間其實呢六點幾排都排咗接近一粒鐘先可以食。但係我覺得以海港城嘅性價比來講相當不錯。咁呢你就可以喺相度見到我叫咗啲咩嘢食嘅，我就叫咗一個蟹嘅意粉啦其實個味道真係相當唔錯尤其係個汁煮得真係好好味，不過依款係有少少貴嘅，大約我記得好似係差唔多接近190-200一份。但總括來講其實真係幾好味嘅。之後呢就仲叫咗個素食嘅漢堡包啦，因為素食嘅包其實係會相對地比真肉呢係冇咁肥嘅所以呢其實減肥嘅人就真係好適合食呢個素食嘅漢堡包啦。但係你唔好以為素食係好難食，其實佢完全打破咗我對於素食肉嘅印象，因為其實啲肉汁都係仲係超Juice，如果佢唔講數實其實我唔會覺得我自己係食緊素食，我以為自己係食緊真肉囉。所以真係超推介。咁嚟到依一間當然係唔可以唔點pancake啦，咁我係點咗seasonal 開心果pancake，其實都幾好味，個醬啦同埋其實pancake都整得幾好味所以我都真係超推介大家。

JS Foodies相信大家都唔陌生，佢長期都要排隊架啦😂但其實佢係藍店來‼️‼️‼️我都好耐之前食架啦🤭 食完無論幾好食，大家都唔好去啦‼️-pancake主打，所以就叫左2款pancake，1個黑松露忌廉意粉。我覺得呢個意粉真係好好食❤️佢啲麵係幼身但有咬口既，唔係天使麵個啲咁軟😝 仲有勁多忌廉同黑松露醬，所以夾埋一齊食又冇話覺得好膩😚 佢係每一條粉都包到啲汁，勁creamy!! 成碟仲有大量的菇，例如本菇，鮮冬菇咁🤓 可以一啖一啖咁食🥳-pancake呢第一款就叫左士多啤梨藍莓香蕉梳乎厘pancake😌 佢地的souffle pancake做得好好，好有厚到，又唔會太水，啱啱好凝固🥰入面好香蛋味，加埋小小cream食停唔到口呀🤣 記得要快啲食，因為佢好空氣感，放多陣就會塌啦🙈 而新鮮水果的作用就係要來中和個甜膩感🍓🍌-另一款係檸檬芝士pancake配自家製風乾檸檬片🍋 我覺得呢款比較一般。pancake係我地自己係屋企都煎到個隻，薄薄一塊🧐一樣都係3塊，好彩算幾軟熟😉 今次將cream轉左cream cheese，多左層次，會食到酸酸地的檸檬味😀 但佢個2塊風乾檸檬片就好硬，好難咬開🤯 旁

17:30要在門口排隊等候。等了約30分鐘。餐廳很細間。位置不多，所以很多人排隊。環境 日系風格，很舒適的感覺。座位距離都比較近，如可寛一點會更好。熟食點了意粉類 。很大碟。雖然貴 但份量夠，又足料。海鮮份量多。甜品 pancake賣相精美。味道不會太甜。主要點了士多啤梨味，聽說比朱古力好。因朱古力偏甜。飲品必點沙冰。曲奇味和抺茶味比較好。都是不會太甜的選擇。枱面有提供一些玩意 牌子 給食客 打卡拍影。很適合打卡用。

每次下午或夜晚經過JS Foodies都有十幾廿人排隊，今日禮拜二下午四點幾幸運地路經JS Foodies冇人排隊, 梗係立即入去，量咗體溫和用搓手液後就坐低了，本來想點黑松露意粉，不過剛剛食完lunch，所以只好點甜品和飲品，見到 menu嘅pancake原來係flippers, 由於本人未食過flippers, 所以順理成章點咗原味班戟$99和hot vanilla latte$36Hot vanilla latte 價錢合理賣相不太差，少少甜味，對於本人不太喜歡太甜，呢杯vanilla latte甜味剛剛好等咗大約廿分鐘原味班戟就到，嘩嘩嘩三塊超大塊pancake加超大舊cream,有蛋香又鬆軟，本人覺得好食過喺東京的bills 和eggs’n things, 本來以為食唔晒，點知差啲連隻碟都食埋，實在太好食，希望下次有幸再來不用排長龍啦！不過座位後面啲樹葉太大塊，坐喺到會整亂頭髮，如果可以修剪一下啲樹葉就好了

早前在海港城購物，有優惠卷，剛好這一家餐廳可用，今日就再encore 一下。這一天是週末，排隊的人比平日少，但由於法定隔離的關係，座位減少了，結果也等待了廿分鐘才可以入座。Flat white$36由於不能飲牛奶的關係，改配豆奶。可能豆奶比較少一點，有幾次飲到酸味。幸好店員更換，咖啡味道濃郁，泡沫豐厚，豆奶不是最香滑的一種，但味道尚可。Lobster salad $158這龍蝦沙律賣相很吸引，五彩繽紛！這沙律配料豐富，有粟米、牛油果、車厘茄、三文魚籽、龍蝦、雞旦、生菜等。龍蝦的份量適中，帶一點海水風味。牛油果口感香滑，加上甘香的胡麻醬和香甜的蜜糖，再拌以鹹香的三文魚籽、爽口的生菜和甜美的車厘茄，是十分豐富又清爽的口味！既味美，又健康，真是夏日午餐的好選擇！Honey 對這蕃茄海鮮意粉念念不忘Tomato seafood spaghetti $198這意粉大大碟，海鮮配料也十分豐富：有青口、帶子、大蝦等。青口肥美飽滿，大蝦啖啖肉，口感爽彈！帶子煎得香嫩鮮美，不錯！意粉入口彈牙，掛汁力十足，滿口都是海鮮和蕃茄風味，當中又帶一點香草香，酸爽醒胃，完全是濃濃的蕃茄味，honey好仲意，成碟吃光

TST 尖沙咀 • J.S. FOODIES x FLIPPER’S 🥞📍尖沙咀廣東道3-27號海港城港威商場2樓2608-2609號舖🔍尖沙咀、九龍塘➰J.S. 迷你漢堡塔 $148 🐂🐖🐟🍔松葉蟹忌廉意粉 $198 🦀🍝士多啤梨藍莓香蕉班戟 $119 🍓🍌🥞➰漢堡塔包羅萬有，分別有牛、豬和魚柳三層的迷你漢堡。三款漢堡各有滋味😋牛肉漢堡鮮嫩多汁，豬肉漢堡爽口不油膩，魚柳漢堡的魚柳外脆內軟，肉質剛好又無魚腥味👍🏻厚切薯條又熱又脆🥰 忌廉意粉配上蟹肉、蟹籽、蟹膏，滿滿的蟹味掛在每一條天使面上，好creamy😍Flipper's pancake 好濃蛋香，口感極鬆軟，配上香甜的吉士醬，酸酸甜甜的水果，為晚餐畫上完美句號☺️➰👅 味道：🌟🌟🌟🌟👀 環境：🌟🌟🌟💫👩🏼‍🍳 服務：🌟🌟🌟💰 抵食：🌟🌟🌟

上星期六黃昏5點半開始排隊，排一個鐘剛剛好到夜晚食飯時間之前都有喺又一城分店食過 cheese burger 一試難忘，burger 入面嘅焦糖洋蔥真係好好味😋Pancake 一樣令人興奮！會再黎～～～《cheese burger》《梳芙厘pancake 》