INN - I’m Not Nothing (裕民坊YM²)

营业中

休息中

《城中宮殿後花園👸🏼》———————————————-#INNImNotNothing 🌸-之前喺IG成日見到呢間人氣打卡店，一直都好想嚟，但之前因為疫情關係去唔到，最近終於開返啦😚-餐廳有大量燈飾、白花同雕像🗿佈置得好用心，充滿仙氣，仲設有室外位置，環境好似去咗宮殿後花園咁👑 食物賣相精緻，打卡一流，相當高質，少女心爆發💐-♥️ 油浸挪威三文魚柳鮮蠔忌廉汁雖然話係油浸，但完全唔油膩，反而令三文魚柳口感更加鮮嫩，外皮則略帶焦香，層次夠哂豐富🌺-🍂 香蕉士多啤梨榛子朱古力忌廉班戟呢款法式可麗餅超級豐富，啱哂一齊同閨密一齊share食，裡面嘅香蕉份量十足🍌忌廉好幼滑，配搭班戟嘅口感特別鬆軟煙韌☺️-💚 Ice Matcha Latte抹茶漸層嘅賣相好靚，味道香濃幼滑，配合綿密嘅cream，口感順滑🤤-⭐價錢參考：（另收加一）油浸挪威三文魚柳鮮蠔忌廉汁：$198香蕉士多啤梨榛子朱古力忌廉班戟：$78Ice Matcha Latte: $42🍌 抵deal 指數：7/10💰 人均消費︰$180

今日同老公黎裕民坊行下商場新開左好多餐廳同鋪頭見到間餐廳好靚 門口既畫風都好特別所以就入去試下😀🍴紅酒會牛肋條飯$108牛肋條煮得好腍 入口即溶非常入味 無筋位 飯粒口感帶煙靭 有濃濃既紅酒牛肉汁味道賣相吸引 打卡一流😊🍴和牛芝士漢堡$108有薯條沙律菜同包 份量都唔少薯條熱辣辣 幾脆口麵包皮鬆軟 漢堡扒入口juicy 加埋芝士 蔬菜 味道十分唔錯😄📸成個環境好啱女仔黎打卡餐廳分左室內同戶外兩個區域鍾意影相嘅朋友仔唔好錯過🤩

凱匯既落成成為觀塘新地標，交通又方便！ 當中呢間打卡熱點，仲係pet friendly餐廳～🐶🐶裝修擺設歐陸風之餘仲有玩味佈置，連Menu都有得意插畫。餐廳分咗室內室外位置，呢晚落完雨涼涼地坐outdoor有啲風都幾舒服~意大利豬肉卡邦巴尼意粉用上煙豬肉粒比平時既煙肉片更有口感，煙薰味好濃厚，油香浸落意粉中，芝士忌廉蛋汁掛滿條條麵條，味道層次分明法式煎香草鴨胸配金巴利汁鴨胸煎得香滑、用cranberry 煮成醬汁減輕鴨皮既油膩感，又夠果香。配菜都幾多，紅蘿蔔、新薯、紅菜頭、粟米等..甜品點左香蕉士多啤梨榛子朱古力忌廉班戟，個人覺得必點～呢款係法式，薄身既crepe。班戟皮薄得黎好挺身，唔會好易穿開，又夠蛋香。配料多，鮮果配上榛子朱古力忌廉，真係唔膩好味。又大件，真係大過塊面😆期間仲有好多枱生日，生日音樂此起不斷，好sweet 有氣氛！

對於女仔黎講充滿古典風格得黎又充滿花朵既餐廳一定唔會抗拒！今日第一次黎到裕民坊既新大型商場整個感覺都好新鮮而且仲見到inn I’m nothing呢間咁靚既分店.All day breakfast牛油果 | 牛仔腸 | 脆煙肉 | 忌廉炒蛋 | 炒野菌 | 焗蕃茄 | 蒜蓉牛油多士整份all day breakfast都帶出豐滿感覺,整份餐碟都鋪滿食材.牛仔腸外脆而且內juicy,咬開即刻溢出肉汁.旁邊蕃茄香甜又充滿水份,開胃解膩.忌廉炒蛋香滑,有蛋香之餘亦帶上奶香味.脆煙肉帶住煙燻香,香脆得黎又唔會過鹹.香煎鴨肝巴馬火腿紅甜椒欖油扁意粉扁意粉被紅甜椒欖油染上鮮橙紅色,意粉彈牙又帶點辛香而且欖油香,入口唔會過油膩.配上巴馬火腿一陣鹹香及豐腴鴨油香令味道更香又惹味.Chocolate banana smoothie 冰涼又充滿濃郁香甜朱古力香,同時亦帶住香蕉自然甜味,每啖都充滿濃密口感.Espresso tonic 清爽帶點酸香沖擊為化解夏天呢個悶熱感,爽口碳酸配上fruity咖啡perfect!

疫情下已經好耐無見啲姊妹喇～趁依加疫情回落一定要聚下啊🔥🔥一於揀間靚靚餐廳影下相啦！一眼睇中依間行貴婦宮廷風嘅餐廳～室內室外一樣都有打卡靚位！不過今日天氣有啲熱，所以都係坐室內啦😆😆每個套餐都會包餐湯同飲品，餐湯今日係忌廉蕃薯湯，入口creamy順口～我地點咗個好豐富嘅All day breakfast🍳有牛油果沙律、炒滑蛋、炒菇菇、煎煙肉、煎白腸、青醬多士同埋青醬蕃茄！唔只得賣相靚，味道都係有水準的～個人最欣賞嘅係個滑蛋同炒菇菇，滑蛋炒得好嫩，菇菇亦炒得惹味！推薦😙😙另外亦都點左一個和牛漢堡配薯菜和牛漢堡扒勁厚勁足料，咬落啲肉汁爆哂出黎！配埋千島醬、菇菇同埋洋蔥口感十分豐富最難得係啲包皮唔會淋哂，保持乾身！正😍食咗咁多野，一於點返壺蔓越莓玫瑰花茶清清身體～嘆住花茶同姊妹一齊傾下八卦，咁就過咗一個晏就了😆😆～

古典宮庭風🏛🎻🎻既裝修，仲有啲靚靚古典櫈好岩打卡呀☺️🤣🤣🐶🐶餐廳寵物友善，帶小狗既可以坐出面既座位。🪑旁邊有部大風機，所以都唔會話好熱☺️🤤🤤🤤地中海風味燒春雞🐣🐔一上菜就聞到超級超級香☺️！賣相都好吸引！快快脆影完相熱食📸📸，啲雞又滑又夠肉汁。就連啲配菜都好香，成碟清！🤤🤤🤤🤤士多啤梨藍莓奶昔🍓🍓🍓🍓🍓🍓飲到士多啤梨藍莓粒粒☺️👍🏻👍🏻

今日同朋友黎到INN既觀塘分店，⛳️設有室內外座位～ 室外座位靚啲好多打卡位📷📷🎞🎞🤳，不過熱天就熱少少～呢間仲係寵物友善，🐶🐶要入袋\係車，冇得由佢係地下行。📷不過都可以放上啲打卡位影下相☺️☺️☺️☺️香煎北海道帶子羅勒醬意粉🍝🍝帶子滑身，唔會過熟。🤤🤤羅勒醬唔算好多，配扁意粉口感唔錯☺️ 意粉仲有啲小配菜、蕃茄仔點綴🤤香蕉朱古力奶昔 🍌🍌🍫🍫香蕉味都幾濃☺️🤤🤤

🙆🏻‍♀️ #觀塘美食 #INN #ImNotNothing觀塘上班族explore咗裕民坊YM2嘅餐廳未呢? 今次係我第一次同同事食呢間Im Not Nothing cafe，呢度嘅裝修同食物都好靚好適合打卡☺️ 🥓🥐 All Day Breakfast 全日早餐 （$128）全日早餐包括：🥑牛油果、🍖牛仔腸（豬肉）、🥓脆煙肉、🍳忌廉炒蛋、🍄炒野菌、🍅焗蕃茄、🍞蒜蓉牛油多士、🥗沙律牛仔腸好多肉汁好正、炒野菌超夠香、多士勁脆好正、煙肉又勁香❣️份量都好大🤭🥩 香煎焗厚切豬肉眼配牛肝菌忌廉汁 （$128）豬肉眼配埋啲煎過嘅配菜一上枱就好香！塊豬好厚好大塊、煎得夠軟腍，好味😋 配埋超級多薯蓉，好大份好飽肚🤤🍵 西柚橘香苿莉花茶 （$24）有一大個茶壼份量，又靚又抵🥰☕️ Match Latte ($19)抺茶味超香濃，拉花又靚😍

今日想介紹一下呢度dog friendly,門口有大風扇，帶住毛孩有瓦遮頭唔洗曬住，確實不錯，來之前知道呢度有個打卡影相位，可惜長時間有人自拍，直至到離開都未有機會影到相，比較失望！今次係食午餐，食物質素正常，但份量相對嚟講比較少！男士可能要嗌多個先夠！價錢亦都中規中矩。有一樣嘅比較優勝就係停車場，夠大夠闊而且每個車位都有叉電，來嘅當天係Saturday!但係都冇爆喎！呢個比較優勢！weekend 可以考慮再次visit😀

自從有返晚市堂食之後，就覺得自己有返朋友，呢一日就約咗觀塘buddy去YM2嘅打卡餐廳 INN - I’m Not Nothing。入面嘅環境真係好靚，仲設有室外同室內嘅位置。如果天氣唔太熱，我就會推薦室外嘅位置，比較寧靜同舒服。因為我哋覺得好肚餓，所以一嚟就叫兩份主食。芥末籽蜜糖焗美國頂級豬鞍架賣相已經夠晒精緻。美國頂級豬鞍架屬於厚切，肉質非常鮮嫩而且帶有肉汁，配合芥末籽蜜糖醬真係幾好味。而呢個豬鞍架嘅伴碟菜式都非常豐富，唔同顏色嘅蔬菜配搭繽紛，有黃色嘅粟米、橙色嘅甘筍、紅色嘅蕃茄、紫色嘅紅菜頭、綠色嘅西蘭花、啡色嘅新薯，再加上食用花作裝飾，真係美麗如一幅畫。意大利煙豬肉卡邦尼意粉充滿濃濃嘅蛋黃香，煙豬肉嘅油脂非常甘香，整體味道都好香濃。嚟呢度食飯，個個都必點佢哋嘅法式班戟，我哋就揀咗玉桂蘋果杏仁片焦糖忌廉班戟，仲加$10配埋雪糕。法式班戟灑上甜甜嘅焦糖醬，仲有經烹煮過嘅蘋果肉同杏仁片，上面有微甜滑滑嘅忌廉，呢個組合簡直係絕配。加配嘅雪糕係雲呢拿味，非常香滑，配埋法式班戟食真係非常夾。

今日同朋友嚟觀塘裕民坊呢間人氣Cafe，環境真係好靚❤️，分咗戶外同戶內兩個區域，互愛係一個好靚嘅花園，綠草如茵🍀，通爽得來又唔曬，非常舒適；戶內好似宮廷餐廳咁，有好多金碧輝煌嘅水晶燈，配合通透嘅玻璃映照，將自然光帶入室內，融合古典同現代風格，喺出邊望到已經心心眼😍座位舒適，Lunch Set 都幾抵食，80幾蚊已經包咗主菜，餐湯同餐飲，仲可以半價轉特飲。餐湯：忌廉南瓜湯質感幼滑，南瓜味香濃，配上忌廉，creamy又清甜。Linguine tossed in red pepper olive oil withparma ham and duck fie gras香煎鴨肝巴馬火腿紅甜椒欖油扁意粉🍝鴨肝煎得好香，入口即化，油味香濃，如果唔切粒原塊上賣相會更吸引；紅甜椒欖油扁意粉非常惹味，酸酸辣辣有帶一點甜味，意粉軟硬適中。Egg benedict with smoked salmon crepe🥞班尼迪蛋煙三文魚法式班戟班尼迪蛋蛋味香濃，切開流心效果一流，配上煙三文魚同酸味嘅荷蘭醬，creamy得來又唔會太膩，pancake煎得好薄好軟熟, 牛油味香濃。維他命C健康水果茶🫖有許多水果粒，包括

行開觀塘諗住飲咖啡，又想食甜品，就上左嚟一見到呢間cafe就覺得好靚，有好多水晶燈，有少少歐陸式感覺。見剛剛有位就入左去。本身唔太餓，叫左一個Lunch set再用優惠價叫左個法式crepe 再加多杯咖啡。叫左個熱情果芒果crepe 份量好大，新鮮嘅熱情果再加上芒果同埋士多啤梨，吸晴之餘又好味，加上片片嘅椰子片，香得嚟又有咬口，相當滿意。Lunch Set叫左個炸魚薯條，估唔到咁大份，薯條又多。脆漿唔厚粉，魚柳好鮮味，好食唔實肉。咖啡味濃唔太多奶，口味滿意。呢度環境舒服，加上食品唔錯，又有得打卡，唔怪得呢度長期有人等位。

觀塘區一向係人多車多、工商廈林立嘅石屎森林。隨著裕民坊重建，新嘅餐廳陸續進駐商場。今日就一於嚟試吓裕民坊呢一間好受歡迎嘅網紅餐廳餐廳位於二樓平台，除咗有一個室內用餐嘅位置之外，亦都有一個露天嘅用餐地方。我去嘅果一晚天氣有少少熱，所以都係決定坐入去室內餐廳地方雖然唔係好大，但係好睇得出設計幾俾心機裝修係西式宮廷風，好適合少女心滿滿嘅食客嚟呢度打卡講真呢間餐廳嘅定價係觀塘區來講唔算係平民，甚至可以話係有少少貴，不過佢用嘅食材、煮法都係偏向比較精緻嘅當晚我就叫咗一個蟹膏波士頓龍蝦意大利飯、同埋一道鴨胸，俾大家睇吓啲相先：波士頓龍蝦係好新鮮嘅，食落去爽口彈牙，配合埋濃郁嘅蟹膏，成個意大利粉吸收晒龍蝦同蟹膏嘅精華，非常正！略顯份量有啲唔係好大咯至於鴨胸份量反而比想像中多廚師煎得恰到好處，配合埋佢啲配菜一齊食，滋味無窮呀

今日係觀塘附近行完街，就黎左呢間靚靚打卡既餐廳食番個lunch先，睇完menu就點左：時日餐湯：（南瓜忌廉湯）是免費跟餐，南瓜湯加上忌廉，是最好配搭，濃郁的南瓜香而且非常幼滑，味道好又好飲，本人就好喜歡飲這個南瓜湯。菠菜羅勒雞意大利飯$98: 意大利飯濕濕潤潤每粒都被攪碎的菠菜羅勒包圍住，粒粒分明味道清新好味，而上面鋪了好片煎香雞肉，肉質不鞋而且好有雞肉味道，加上嫰滑菠菜苗，整體是個很好食的意大利飯。豬肉眼配牛肝菌汁$128: 豬肉眼扒好大塊而且仲好厚身，最開心食到厚身扒，肉質嫩滑又多汁，配上肝菌汁更添甘香，旁邊有薯蓉陪襯，軟綿綿的薯容入口既溶化在口腔內，食多幾口都不覺膩。熱檸檬百香果茶$24: 這是用一個透明水壺盛載，加上一個小水杯格外高級，要等待約幾分鐘才出味道，入口有清清的百香果茶味，食飽飯飲這杯檸檬百香茶，果然無選擇錯誤。士多啤梨藍莓奶昔$24: 熱辣辣的天氣最岩飲一杯凍奶昔，有好濃郁的士多啤梨和藍莓攪拌出來的飲品，味道香甜又滑，上面鋪在個忌廉花，打卡就最美。+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

宮廷風餐廳，裝潢以白色為主調，有古典吊燈、雲石枱、藤椅、柱、靚靚花園打卡位，可以選擇室內或室外坐，環境優雅特別👍餐牌有滑稽樣子的灰姑娘，見到就想笑😅❇️煙三文魚鮮茄龍蝦汁大通粉🌀蕃茄醬汁濃郁，大通粉軟硬適中，粒粒通粉掛汁，但煙三文魚太少，可以慷慨一點。❇️肉桂蘋果杏仁片焦糖忌廉班戟🌀消費午市套餐+$18優惠價法式班戟一客，味道不過不失。❇️餐湯-南瓜湯❇️香煎焗厚切豬肉眼配水瓜柳忌廉汁🌀豬肉眼煎得好香，肉質軟，入口Juicy, 還有薯仔蔬菜伴碟，味道不錯👍 值得一試❇️維他命C健康水果茶整體食物質素味道不錯，而且還有舒服優雅環境可以打卡，可以到此一遊😉