INN - I’m Not Nothing (裕民坊YM²)

营业中

休息中

環境超靚既打卡餐廳，聖誕期間換上聖誕紅葉既盆栽裝飾，好有氣氛～❤️香煎焗厚切豬肉眼配燒蒜忌廉 豬扒厚切啖啖肉，熟度岩岩好，非常嫩滑，邊位有少少油脂，好出色!! 伴碟薯蓉都好creamy~🧡黑松露蟹肉忌廉扁意粉 聞落已經覺得黑松露味好香，意粉質地有咬口，撈勻蟹肉同意粉，口感豐富💛磨菇忌廉湯 好香既磨菇味，飲落有D磨菇蓉碎碎，好rich 好好味💚Avocado smoothie 新鮮牛油果打成smoothie，味道好濃郁，健康又好味💙Chocolate banana smoothie 朱古力味同香蕉味都好香，再加埋邪惡朱古力醬，好肥仔但好jenggggg

🌾花系打卡餐廳🪴室外室內周圍都係花，打造成花園模樣，環境舒適，lunch time座無虛席Lunch set有湯，呢日係忌廉蘑菇湯，香濃好味😋🍔炸軟殼蟹和牛漢堡配沙律薯條💰$118Burger包帶脆，有牛油香，炸軟殼蟹好脆，和牛多汁有口感，成個都好食🉐🐖香煎焗厚切豬肉眼配燒蒜忌廉汁💰$138豬肉眼好腍，燒蒜忌廉汁夠香，比較喜歡點汁食，味道豐富啲，薯蓉好滑好食，牛油味唔太重，希望食晒都無咁罪惡🤣🌼美果洋甘菊💰$48☕️Mocha💰$42💰$335/2ppl🚩INN - I’m Not Nothing (裕民坊YM²) (觀塘) @inn.imnotnothing 📍觀塘協和街33號裕民坊YM² 2樓205號舖

位於觀塘ym2 mall，分開室內及半露天雅座，內外感覺不同，用餐完畢再慢慢打下咭啦～現代古典風，簡單而優雅😌除咗精緻裝潢，食物都令人滿意❤️🌟法式焗香草牛油田螺配法包 $88先來一客小食～簡單調味～最能品嚐出食材原味道，互相輝映🌺薯蓉焗到微焦，襯熱食帶點香脆😉🌟香煎鴨肝甜紅椒汁扁意粉配巴馬火腿 $128每道菜式均以食用花點綴，lovely 🌸紅椒汁第一次食，甜甜地有啲似茄汁幾好味～不過塊parma ham就咁放上頂，賣相標緻但就未能完美融入個意粉～但個意係好食嘅😋🌟焗蒜蓉牛油虎蝦配澳洲牛柳 $2586安士牛柳，好厚😆唔似其他部位有豐富油香，但肉質細嫩多汁～Love it❤️底下嘅薯蓉都有誠意～並不是開粉嘅薯蓉嚟～

觀塘居民 今日先知原來裕民坊個商場上面嗰兩層有好多餐廳😶🎈行過呢間餐廳成個空中花園咁😃日頭仲有三層架tea set😲我地平日收工dinner 7:30PM ，滿座不過都拎到室外靚位😍試左：🌟黑松露配薯條 $68⭐紅燴牛面頰肉意大利飯 $138⭐烤焗德國咸豬手配燒菠蘿 $198＋$38 轉套餐 包餐湯同飲品飲品轉特飲半價黑松露配薯條 $68一上枱真係超大碟 夠4個人share...... 雖然份量多但質素一啲都唔隨便配既黑松露沙律醬好好味…仲有雜菌碎係入面 黑松露味好香薯條都熱辣辣 軟硬適中 皮薄平日7點前有酒Happy hour價 ，同fd叫杯酒食呢個小食都幾抵👍👍紅燴牛面頰肉意大利飯 $138意大利飯薄薄一層， 上面鋪咗五至六舊大大舊牛肉而且每舊都濃紅酒汁味 軟冧 低脂肪 牛味濃實在很良心🙏 只是個人覺得啲飯少少偏硬但啲牛肉真係好好味烤焗德國咸豬手配燒菠蘿 $198見open rice無乜豬手既推介 所以鍾意食豬手既我就要試下🤣🤣一上枱又係好大碟 豬手份量多 配以酸菜及芥末醬 豬手肉大件 外部唔會燒到乾晒硬哂 見肉食皮偏煙韌 不是硬身 波蘿香甜多汁啖啖肉之選👍叫左士多啤梨藍莓奶昔👍

觀塘區呢間餐廳裝修華麗，多個打卡位未開始用餐就急不及待打下卡先餐廳主蛋法國菜，我同朋友點咗三款美食焗蒜牛油處蝦配澳洲牛柳$258虎蝦包含濃濃的蒜蓉及牛油味⋯⋯香噴噴主角澳洲牛柳，肉質幼嫩，牛味濃，我哋選擇七成熟，配菜都非常有特色，有塊四方形嘅薯蓉、秋葵⋯⋯香煎鴨肝甜紅椒汁扁意粉配巴馬火腿$128鴨肝煎香，切一粒粒，柔潤帶點脆口，扁意粉配想甜紅椒汁，好醒胃，扁意粉彈口再加上大大片巴馬火腿，餐廳絕不吝嗇⋯⋯法式焗香草牛油田螺配法包$88一上枱就香噴噴，全因田螺用牛油焗，香溢撲鼻⋯⋯田螺肉非常大粒，喺出面好少食到咁大粒，呢間份量十足，每粒田螺配上薯蓉嚟食，口感更堪，滿足配角：法包⋯⋯脆卜卜食飽左的壓軸節目，就係繼續打卡，成間餐廳都有好多打卡位，仲有餐廳出面，裝修都非常有特色呢間餐廳集美食、打卡於一身

過嚟呢邊食lunch，估唔到佢聖誕節前後都冇逼人食聖誕套餐店舖size唔大，不過裝修得好靚。位置亦都舒適，唔太密質質。見到好多人嚟到都會打下卡出邊嘅座位好似都幾舒服，不過天氣凍，都係留返喺室內好啲。紅菜頭餐湯，味道都不錯朋友仔叫咗炸魚薯條，哇～分量粥，脆卜卜。我就叫左和牛軟殼蟹burger，和牛好Juicy, 不過軟殼蟹就略嫌Overcooked，個包都熱騰騰，幾好味。薯條份量真係勁多，食唔晒！ 整體來講都滿意，店員服務態度都良好。

難得放假又天氣好 約埋閨密去搵下靚靚cafe 打下卡上網見到相片都好igable 非常適合打卡既環境去到既時候都不禁「哇 好靚呀」因為佢既擺設以及佈置都充滿歐陸風格加上臨近聖誕 放置聖誕樹及裝飾 成個氛圍都好靚不過食物質素就一般 Matcha過甜而冰塊融化太快 成杯變到淡左All Day Breakfast 煎既食材都煎得唔夠香 平時食既蕃茄都會輕輕煎香個表面 比較遜色

之前一直都想試，終於有機會啦🤭今日約咗同朋友交換聖誕禮物🎅🏻🎄🎁呢度又有好靚嘅聖誕佈置✨✨我哋都影咗好耐📸️自拍咗好多張🙊店員好好，完全無Stop✋🏻我地🤣🤣講返嘢食，我哋揀咗兩個set lunch👇🏻-炸軟殼蟹和牛漢堡配沙律薯條上枱嘅時候真係嘩咗一聲，好大份，勁多薯條🍟軟殼蟹再加和牛超級巨型，和牛肉味濃郁，咬落去又有肉汁，軟殼蟹又夠酥脆，🈶️豐富口感，麵包都有烘過，所以非常香脆👍🏻-澳洲草飼西冷扒8安士配燒汁擺盤好有心思，成個賣相好靚，揀咗七成熟，肉質厚實得黎帶香嫩，配埋燒汁將肉味再次昇華✨重有是日餐湯同餐飲（$28或以下飲品）如果轉其他飲品有半價優惠。本身仲想加甜品，但我哋啲嘢食都食唔晒，所以冇加🤧-Latte-Cappuccino

一直想試 INN好耐，今次就同朋友一齊去到觀塘INN分店，環境真係好靚！佈置咗好多聖誕嘅裝飾，超有氣氛！餐廳仲有有分室内同室外位置，打卡影相一流，而且服務態度非常好，食物質素有水準，同大家分享一下我哋點咗嘅美食:蕃茄水牛芝士沙律水牛芝士軟滑creamy，新鮮沙律菜再加埋清爽酸甜蕃茄，係一道開胃前菜！香煎北海道帶子羅勒醬意粉意粉係由意大利全蛋幼麵整成，麵條偏硬身，吃入口非常有口感，帶有淡淡蛋香味， 帶子煎至半生熟，口感嫩滑，唔會靭！配埋醬汁超好味好creamy，多層次口感！芒果熱情果忌廉班戟卷呢個甜品超香甜，班戟卷起有厚度，有口感之餘好香蛋香味！芒果醬同果肉酸酸甜甜，香甜不膩，好益胃！肉桂蘋果杏仁片焦糖忌廉班戟肉桂味飄香， 班戟充滿蛋香味道，厚薄適中，蘋果果肉調味偏酸，再外加左雲呢拿雪糕中和咗酸度，正！法式馬卡龍有賣相甜品，三款唔同口味，中間夾住嘅醬都唔一樣，其中一粒係夾果jam，好味！飲品-熱情果薄荷梳打 & 西柚檸檬梳打兩杯飲品各有特色，熱情果薄荷梳打酸酸甜甜，好開胃解渴，而西柚檸檬梳打味道清新，一啲苦澀味都冇，十分推薦！

第二次造訪依間餐廳 因為覺得佢環境好舒服食物又唔錯 而且戶外地方仲可以帶埋狗狗黎🐶今次我地一行4人+1小狗 叫左4個set lunch (配是日餐湯同餐飲) 😋想讚下既係假日都有lunch set 真係好好❤️💛All day Breakfast ($128)全日早餐包括左牛油果+豬肉腸+煙肉+忌廉炒蛋+炒野菌+焗蕃茄+蒜蓉牛油多士+沙律😍 都幾豐富 擺盤好精緻 牛油果好綿 炒蛋好creamy好滑 野菌好惹味唔會太淡 感覺到佢每樣食物都好用心整💛紅酒燴羊膝意大利飯 ($128)羊腿肉好嫩 完全唔羶 紅酒汁味道亦剛剛好 唔會太濃搶左羊腿肉個味 配埋個意大利飯質地唔會太硬太淋 完全perfect match !👏🏻🐑我地有朋友仔生日 仲可以提早係openrice訂位 到時+$18就可以換法式pancake一件 仲可以係碟上寫生日字tim ~

之前經過裕民坊商場，發現有個地方裝修似宮庭咁😍。於是上網查一查發現原來係一間餐廳，即刻相約去打卡🤣。餐廳佈置得好浪漫好有歐陸嘅風情🫧，有indoor 同outdoor。outdoor 嘅感覺就似坐係一個花園🌷入邊，周圍都有好多綠色嘅植物🌴包圍着你。indoor 就感覺就好Grand好優雅咁👑風格以白色為主。🥗All day breakfast $128呢個All day Breakfast最令我意外嘅係佢有牛油果喺入邊，牛油果醬配麵包都好配合。煙肉係香脆唔會硬。香腸就不過不失。🍔漢堡漢堡一層層疊埋，份量都大。另外漢堡多汁唔會好乾，中間嘅大啡菇同蕃茄都好新鮮。薯條我自己覺得有啲硬。🍹檸檬茶檸檬唔會苦澀，茶底好香。🫔熱情果pancake本來已經飽，但見到隔籬枱叫咗個甜品，忍唔住自己都叫咗一個🫣。熱情果好香甜（大大個熱情果放喺你隔離，話俾你聽佢有幾新鮮）pancake煙煙韌韌，食完超有滿足感。餐廳環境同裝修都好靚🌳🌱🌷🌺，亦都有大量嘅打卡位，所以相約朋友仔一齊去係最好（因為可以互相幫對方影相）。

晚上和家人到觀塘這間人氣餐廳，這裡的擺設優雅分室外及內之進餐區，室內面積不大，空外用餐有些園林感覺，因當晚天氣較涼快，故在室內用餐。我享用的肉眼扒要五分熟，火候掌握不俗，牛扒的肉質水平普通。家人要的法國鸭脾亦普通，另一是牛面肉意大利飯的就O K可以。因在open rice內訂座其中的一個餐超過250元就赠送甜點一客，肉桂蘋果pancake酸甜的頗醒胃。整體上餐廳服務良好，屬于一間打卡型餐廳

見好多人影餐廳嘅相，係一個打卡熱點，大家都知嘅野我就唔特別寫。今次主要寫咖啡、主食同甜品。由於我早去嘅緣故， 6:00已經開始食晚飯，而餐廳係有落場嘅時間，六點先重開，所以我入去嘅時候餐廳都算比較少人，但店員同我分享，佢哋夜晚嘅Booking係爆曬。餐廳枱與枱之間間距唔大，有少少逼，但燈光暗，氣氛係幾好。餐廳嘅擺設頗用心，到處都想打扮到像法式花園般，也會明白為何這麼多人會黎打卡。餐牌就主要係呢兩頁，有齊晒飲品、甜品、前菜、主食。價錢亦都唔會特別貴，但食物精緻，如果係男孩子的話，食完可能會有唔飽嘅感覺。畢竟呢到唔係sell大件夾抵食，係精緻。首先，我叫咗一杯Mocha，這杯Mocha選擇左要濃郁嘅朱古力香味，咖啡的苦澀相對減輕，奶味香濃。之後我叫咗一個海鱸魚配菠菜配白酒檸檬牛油汁。鱸魚嫩滑，外皮煎得香脆，份量不大，但有兩大塊魚扒，點牛油檸檬汁係特別體驗，魚油香夾雜微酸，唔會令人覺得太油膩，配菜別緻，車厘茄了皮，份外食得爽甜。最後叫左一份Adffogato，餐廳特別用心，杯放在冰格雪過，增加雪糕可以在常溫逗留的時間，而且雪糕亦都好大份，咖啡香濃， 兩者配襯相得益彰。

今日去左觀塘 lunch, 一行過就真係好心心眼,好靚既聖誕報置,好多大紅花,好有氣氛呀,所以就決定左係度食,而且佢既座位都好舒服,可以坐室外,又唔大風,真係唔錯。今日叫了兩個LUNCH SET, 1.     黑松露蟹肉忌廉扁意粉上碟超正,花顏色好靚,黑松露十足, 蟹肉係蟹棒肉,鮮甜可口2.     澳洲西冷扒八安士上碟真係好吸睛,牛排煎得好香,而且我鐘意佢夠肥美3.     飲品:叫左杯咖啡同MOCHA:都係唔錯既,真係可以chill 1 chill 啦其實依度真係地點夠方便,超近地鐵站,如果唔想apm同人迫,真係好好既選擇。

.#豬西食觀塘.😛平時去開裕民坊都係因為要去搭巴士，🤣見識少嘅小編近排先發現原來嗰度都有唔少餐廳，✨今日就試咗其中一間裝修望落去超級靚嘅cafe，🎄餐廳嘅裝修好靚，🦄可以揀坐室外或者室內，💕超有聖誕氣氛之餘仲係寵物友善，🙈超級啱打卡。.🐷炸軟殼蟹和牛漢堡配沙律薯條 （lunch set) $118 👅8.5/10.🍔麵包皮好鬆軟，外皮脆脆地幾香。🦀軟殼蟹熱辣辣脆卜卜，🐮和牛漢堡都好香牛肉嘅油脂味，😋成個包食落去一啲都唔乾幾Juicy。🥗跟埋嘅薯條同埋沙律都比多好多。.🐷澳洲草飼西冷扒八安士配燒汁 $168 👅8/10.🐮牛扒食落去幾香牛肉味，😛反而特別鍾意伴碟嘅薯蓉同埋蔬菜。.💕另外午餐仲會跟埋餐湯同埋嘢飲，🥣我哋今日嘅餐湯就係南瓜湯，味道都唔錯。🍋嘢飲我哋就叫咗凍檸茶，🤣就係普通嘅檸檬茶啦。.📍 INN - I’m Not Nothing (裕民坊YM²) (觀塘)觀塘協和街33號裕民坊YM² 2樓205號舖.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#小西#食#香港美食 #hkfoodie #foodiehk #觀塘美食 #觀塘好去處