Hugo Le Resto Grill (已結業)

銅鑼灣食肆眾多，各有所好，今天和朋友去咗怡和街華人銀行東區大廈二樓呢間西餐廳食晚餐，好彩早訂咗位，七點去到已經見坐滿九成客人，店員帶領靠窗邊位置入座，是大疏化的卡位，十分舒服，目測亦見有幾枱外藉人士光顧，杯上杯落，氣氛幾熱鬧！我兩人各自點一客美國頂級牛肩肉扒，及一客香煎老虎大蝦配黑松露忌廉飯，兩個餐已經包括有自助沙律吧，干邑龍蝦湯，主菜，及餐茶！自助沙律吧食材算豐富，開胃的前菜新鮮，連灼蝦也有供應！龍蝦湯味道濃郁，還有好幾粒龍蝦肉，有些驚喜！主菜來了！兩款主菜份量十足，賣相一流，牛肩肉扒五成熟就剛好，嫩滑的肉質，充滿口感的肉味，正呀！虎蝦黑松露忌廉飯，兩隻大蝦是開邊燒熟的，加以香草調味，鮮甜美味，忌廉飯有黑松露的特殊香氣，令食味提升，看似份量不少，但越食越好味，最後全部清光！餐後一杯凍檸茶，感覺滿足之極了！

2019年3月12日 星期二今日專登早啲收工，同屋企人去銅鑼灣撐枱腳入到去之後發覺情調唔錯，適合情侶來呢度多啲，而位置都算舒適，好闊落餐牌主要有兩面，一面係牛肉類，而另一面係豬肉、意粉同飯，種類都算頗多，仲有點左晚餐可以享用埋自助沙律吧同龍蝦湯添沙律吧方面可以選擇嘅食物都算多，可以自製凱撒沙律又可以嘗試餐廳整嘅蘋果沙律，甚至淨係食蔬菜或者番茄仔都得其中冇諗到沙律吧都有海鮮食，有好大隻嘅螺，肉質好有咬口，用叉一吉就出，好方便食仲有新鮮嘅蝦，蝦肉好彈牙，而且都幾大隻，有啲甚至仲有蝦膏喺裏面，啲殼唔算太難剝，感覺唔錯呢個龍蝦湯一上菜嘅時候就覺得好大碗，充滿香味，飲落去每啖都感覺到龍蝦嘅鮮味，湯入面仲有一粒粒龍蝦肉添，唔怪得咁有鮮味，真係做到色香味俱全美國頂級牛肩肉扒: 賣相好精緻，叫左5成熟，而切出黎真係中間仲有好靚既粉紅色，睇落好似唔大舊，不過食落份量都唔少。肉質好腍，充滿牛肉味而且無乜筋，調味方面都較得岩岩好，有少少黑椒得黎又唔太辣牛扒既配菜有黑松露炸薯條，薯條炸得好乾又脆，熱辣辣一炸好就上菜，配埋個黑松露醬一齊食會無咁油膩香煎老虎蝦配黑松露鮮忌廉意大利飯: 老虎蝦開咗邊之後更加大隻，食

銅鑼灣色店好多人，但食嚟食去都係嗰啲，今日朋友帶我地去樓上cafe試吓，果然令人驚喜。近銅鑼灣怡和街華人銀行大廈2樓，估唔到原來係間西餐廳，主打食意粉牛扒，我哋中午時分去到，人唔算好多，見到店主好熱情，招乎唔錯。中午有午餐，有自助沙律吧，仲有餐湯麵包同埋主菜飲品，百零蚊左右好豐富，星期一至五呢好多人訂位，不過今日星期日去到就唔算多人，可以慢慢地享用午餐，我叫咗個三文魚茄汁飯，三文魚煎得好脆口，茄汁飯以新鮮蕃茄煮，酸酸甜甜好開胃，分量好多一份兩個人食都得，食得到小店嘅用心製作。

銅鑼灣食市多，但通常都好貴又多人，今次朋友約我去銅鑼灣行街順便食個午餐，佢提議Hugo 呢度，係一間樓上店舖，真係唔講唔知，一入到去環境唔錯，招呼幾好，而且仲唔多人，可以靜靜地同朋友傾吓計。佢嘅午餐唔算太貴， $70至$150左右，仲有個沙律吧，都算好多款選擇，呢個價錢似觀塘區，但係質素就唔錯。叫咗快美國西冷牛扒，五成熟有肉汁，而且有肉味如果係高級餐廳要3-400 蚊，我食咗兩碟錢財都飽飽地，沙律好新鮮，原來仲有秋葵，貴精不貴多，有麵包餐湯沙律主菜同埋飲品，分量頗大，好滿足呢！

見到大部份人黎依間餐廳都係揀Signature Dinner, 包沙律吧, 湯同咖啡或茶~但係個人本身對沙律吧唔太大興趣, 所以選擇a la carte 😛💁🏻‍♀️餐包特別想講一講個餐包, 因為我覺得個蒜蓉包好香好好味!!💁🏻‍♀️Buffalo Wings依個Buffalo Wings 嘅汁酸酸甜甜又唔會太辣, 味道的確唔錯👍🏻 但係可惜個雞本身唔太得, 少肉又太乾, 如果係用雞翼就好啦.💁🏻‍♀️牛肩肉扒份量唔算大, 但肉質同味道都好好!!💁🏻‍♀️煎鵝肝鮮露荀炒飯叫依個炒飯係因為想食煎鵝肝....個飯係炒得唔錯嘅, 但係鵝肝味真係唔係好食得出......

晚上經過怡和街，被街上的菜單吸引，上了一樓上餐廳試試它們的晚餐這裡的晚市套餐包自助沙律吧、干邑龍蝦湯、一自選主菜及餐飲自助沙律吧的食物可任食，款式挺多，當中最驚喜是有秋葵干邑龍蝦濃湯每一口都濃稠鮮香，還配有啖啖用的龍蝦肉，之後更追加多一碗主菜要了侍應介紹的美國頂級牛肩肉扒，果然沒介紹錯，肉質嫩滑軟腍，油花分佈均勻另外再點了香煎老虎大蝦配黑松露鮮忌廉飯！大蝦煎得十分香口，黑松露味道濃郁假若想在銅鑼灣找一家餐廳可坐坐得舒服一點又不會被店家催促埋單，這裡會是不錯的選擇

某日用某book枱app，見佢長期做半價，咁岩嗰日想食牛扒，就去左試。餐廳環境正常，擺位唔算鬆動。因為用app book，只有散叫先有半價。所以我地就冇叫套餐。香辣紐西蘭鑽石蜆意粉意粉質地唔錯，不過蜆肉不算大，亦𣎴算鮮甜。香就香，但唔辣。怕辣朋友可以一試。香辣水牛城雞翼坦白講，呢個用正價食超唔抵。$13x佢用四隻雞翼開半，變八件。味道都算正常嘅。美國紐約客牛肩肉扒賣相幾好，香草牛油，加左分。牛扒叫左medium rare，煎得唔錯。牛味幾香濃，但有點乾。最後賣單都要$5xx。整體味道還好，但如果用正價食，個人覺得不太值。

—干邑龍蝦湯配蒜蓉包湯濃稠熱騰騰 配埋香脆煙韌嘅蒜蓉包自助沙律吧食幾多就拎幾多 唔會咁嘥嘢其中覺得黑椒茄子 泰式紫洋蔥 幾特別頂級美國肉眼扒($388) 配黑松露醬薯條插住Medium Well個牌幾別緻表面有燒焦嘅痕跡 帶點焦香 靚肉所擁先天嘅條件 只需輕輕一切就得Tender多汁 本身醃料經已足夠薯條竟然一d油都冇遺下喺張紙到可以炸到逼哂d油出嚟咁乾身?!煎鵝肝鮮露筍炒飯($268)因為已經切粒 鵝肝油脂更加易滲入飯中幾有鑊氣 有一下恍惚自己唔係食緊西餐lol———————————————Hugo Le Resto Grill銅鑼灣怡和街42-44號華人銀行東區大廈2樓

我跟一位好姊妹，在重陽節後放工當晚，走到銅鑼灣的樓上西餐廳 <Hugo Le Resto Grill> 食晚飯！ Hugo Le Resto Grill 其格局輕鬆舒適，空間感充裕，播放著我喜歡聽的英文歌！ 樂韻悠揚！晚餐供應：自助沙律吧、主菜甜品、飲品及甜品，由 $2xx~$4xx 不等，價錢合理！自助沙律吧選擇不算少，新鮮沙律菜、蔬果及螺絲粉...等，連醬汁也有好幾款選擇！口味不單調！餐包店方先送上兩個餐包，質感香軟少甜，就算不塗上牛油，也可以食出簡單的美味！沙律菜翠綠爽脆，配上粟米、哈密瓜、蜜桃...等蔬果，口味變得更精彩！干邑龍蝦濃湯橙紅色的龍蝦湯，夾雜兩粒蝦肉，口感爽彈，混合忌廉更香滑！非凡鮮羅勒香草醬海鮮扁意粉 $258這款扁意粉比一般的扁意粉幼身，更不是用上天使麵！口感帶煙韌，相當討好！香草味濃重又入味不膩，至於海鮮包括：魚脂豐富的三文魚、鮮爽的墨魚頭、爽口的蝦、飽滿的蜆肉，充滿鮮香！ 岩鹽香煎阿拉斯加鱈魚扒 $298以一塊厚身如砧板的粉紅色岩鹽墊底，肉厚而鮮滑，配上粗薯條，蘸上黑松露醬汁，別有一番滋味呢！甜品：藍莓芝士蛋糕及朱古力蛋糕藍莓芝士蛋糕整體不算

我見到某飲食apps 訂坐有半價，所以就約埋三五知已去試下依間hugo le resto grill，去到呢間野d 裝修唔錯，最緊要係個女 waiter 幾靚女😍又好招呼😙不過呢，半價原來得主餐牌先有，飲品呀套餐呀就無，本來想試下佢既沙律吧放題，咁無計食唔到啦。我地研究完個餐牌，發覺個樣樣價錢都差無幾，所以我地三個人都係叫左美國頂級new york 牛扒，感覺會抵食d 呢！當我地落order果陣，靚女waiter 極力推介個德國脆皮蜜糖燒豬手，見佢半價又係靚女推介，當然要試一試，叫一個三個人分啦～上菜啦，d 牛扒果真多汁，份量呢又幾大塊既，又有幾個汁比你點，唔要汁又有海鹽，百鬆d 既價錢又有咁既質素邊度搵呢！最後十分期待既豬手到啦，果然係即製，外脆內軟，不過呢，蜜糖既甜配豬手我就真係唔係好岩食，我覺得麻麻，浪費左個豬手啦...我地食左3個幾鐘，完全無催我地走，坐幾耐都得，岩哂我地食完野吹下水咁，我地本來諗住食埋佢既甜品，不過得三款揀，半價左又唔係好抵就無試，所以就閃人啦～埋單每人都係百幾蚊，係銅鑼灣黎講都okay~

朋友話想搵間餐廳可以坐得舒服D, 又可以傾下計。我之前同朋友尼食過一次，覺得好好食。所以介紹其他朋友尼試。上次叫左個飯就覺得普通左d,唔係好夠味，所以今次叫意粉。兩碟意粉都好好食，個牛扒配薯條，有黑松露醬，都幾好食。但個牛扒，可能因為我地叫medium-well, 所以食落就比較熟。建議medium應該會好食好多。另外，個炸物都好好食，但係個洋蔥圈就差少少喇，太粉，所以就美中不足。不過整體都好好，我地四個人食都夠食。個廁所塊鏡好特別，因為可以自己較光暗，個廁所又夠大、整潔。餐廳內的氣氛又好好，燈光暗暗地，好relax.

餐廳唔算難搵，不過唔專登黎搵，真係唔會搵到！最值得一提嘅係環境！好好坐！而且非常有格調！夜晚黎食，好有氣氛. 平時去餐廳唔會點飲酒，今次去到餐廳，我都忍唔住主動話要飲酒（雖然最後冇order）食物份量 我覺得好夠！最難得係食物質素好ok！而且連配菜都好好食！好掂！不過老實講，價錢唔平嘅....$200幾蚊一個扒....唯一要彈嘅係，牛扒要三成熟，結果上到黎係七成熟.....不過都好食嘅...唔會太韌餐廳服務質素唔錯！

早前和家人吃飯，最後選了銅鑼灣的Hugo Le Resto Grill。因為時間尚早，人未算多，選了窗邊的位置，可以看到百德新街的街景。我們點了烤蝦芒果沙律和腰果雞丁脆薄餅做頭盤。主菜則點了特級牛肩肉扒、黑毛豬鞍架和羅勒海鮮扁意粉。而甜品就點了蘋果千層脆撻。沙律的醬汁不錯，酸酸甜甜非常開胃。腰果pizza比較少見，有啖啖的腰果香。來到主菜，牛扒點了medium well，但亦不會太老身，牛味香濃。豬鞍厚切，是全橡果黑毛豬，吃落非常香口，肥瘦適中。扁意粉彈牙，味道中規中矩。蘋果千層撻比想像的有出入，是薄身的脆皮鋪上蘋果，但烘過之後亦非常香脆。

銅鑼灣這美食雲集的區份内，中西日韓美饌共冶其中，但有時要找到一間寧靜舒泰的小店亦不是一件易事。最近筆者就在華人銀行東區大廈内發掘到一間環境舒適的西餐廳，小店位於2樓，一出升降機已見到鮮明奪目的紅色牆身和招牌，店内裝修摩登時尚，平實簡約中見情調，座位亦算舒適寬敞，感覺悠閒自在。餐牌菜式選擇簡單精闢，晚餐款式有近16款之多，當中包括了自助沙律吧、干邑龍蝦湯、主菜、甜品和餐飲，價錢由二百多至四百多不等，豐儉由人。自助沙律吧食材款式算多，十多款沙律配料任君選擇，有齊幾款不同的沙律菜、栗米青瓜、車厘茄青紅椒、黑橄欖紫洋蔥和煙肉麵包粒，還有近年大熱健康的秋葵，一片綠油油滿有田園風味。而醬汁方面就有齊胡麻醬、油醋汁、千島醬、意大利黑醋等，選擇也不少。當中還有幾款大廚預先調配的沙律如青紅蘋果沙律和薯仔沙律，賣相清新亮麗，令人胃口大開，多吃兩碟也沒關係 。清爽沙律過後當然來個熱湯暖暖胃，當天餐湯為干邑龍蝦濃湯，入口滿有龍蝦香，還有粒粒龍蝦肉，口感細膩濃香，附送熱烘烘的麵包蘸上湯汁，更顯滋味。接着當然到主菜出場，今次點來了美國頂級牛腹肉扒，一端上來肉香四溢，扒身雖不算太大塊但勝在夠厚身富口感，外面煎得焦脆

情人節餐廳通病:1. Book左檯都要等20分鐘2. 食物質素參差, 所謂既龍蝦濃湯好似蕃茄湯溝水咁, 得一粒手指甲大細既龍蝦肉, 牛扒ok3. 遲黎先上岸, 飲完湯等左20分鐘都無海鮮拼盤, 另一檯遲過我地到既反而湯+海鮮拼盤一齊上, 海鮮拼盤都係催先有4. 個甜品上到檯散左一半好似跌過落地咁, 燉蛋得塊焦糖係甜, 蛋係一d甜味都無仲要係實到喊呢間餐廳晤適合慶祝節日, $588+1晤應該係喧既質素