HeySoNuts

营业中

休息中

在黃店app發現土瓜灣竟有黃店cafe，即約朋友一試，但對侍應態度失望。入店時約20:45店員沒有主動告知last order 為21:00直至20:55 才通知 當時朋友正趕來 一坐下已立即點餐 沒有拖延 並對趕著點餐對餐廳造成不便說「唔好意思」但最後竟被女侍應以不友善態度說「下次早啲黎啦！」作為顧客聽到此語氣用語，我已沒打算再光顧，亦會告知朋友不用光顧，以免再次「比錢買難受」。另亦有待應值得一讚，能主動為客人添水。約21:13食物上枱，或許因我們是最後一枱客人，上菜有效率，味道不俗，並沒有趕收工而俹簁。但女侍應似乎趕收工，每完成一碟食物，放下餐具便即收起，雖然客人真的吃畢，但此舉再配合四周環境，實在有「趕客」意味，令人感到不快同時，餐廳約21:15已收起其餘椅子進行掃地、拖地等清潔工作，但餐廳營業時間至22:00。請問你們邊掃地拖地，如何為客人提供舒適用餐環境？若你們趕收工，大可以調整時間至21:30，然後你們全心全力做清潔。撇除以上不愉快因素，餐廳整體質素不錯，唯盼某女侍應改善服務態度。

小弟之前對土瓜灣非常陌生，親身嚟過先知係美食集中地。以北帝街為例，開左三間咖啡店。Heysonut門面既餐牌有令所有女士瘋狂既梳乎厘（包括我女友在內），所以選擇入去Heysonut。裝潢同一般咖啡店無異，不過Heysonut偏向黃色既傢俬。餐牌設計充滿心思，排版像一本圖片集，食物相片非常吸引，希望真實既賣相都係差唔多🤣。餐牌亦記載餐廳既歷史，例如建築構思圖，令我看得非常著迷。- 自家製煙豬腩肉芥末籽醬意大利粉🍝意粉口感偏硬，芥末醬同意大利粉配搭相當新穎，但未算一試難忘。豬腩肉偏瘦幾香口。- 手打西冷牛肉原隻大蘑菇漢堡配薯條🍔麵包稍為烘過，有少少香脆。原隻大磨菇配上超厚牛肉扒，兩者同樣juicy，可謂雙重爆汁滋味。薯條香脆唔油膩。- 自家製髒髒比利時朱古力醬日式梳乎厘鬆餅配焦糖香蕉🥞餐廳五個月前先推出呢款梳乎厘，幾乎每晚都賣曬，我好好彩咁order到今晚最後一個。味道方面，梳乎厘一共有三層，有少少半熟既狀態，蛋味超香，朱古力醬非常香濃，焦糖香蕉亦好正。三款食物之中最喜歡漢堡，餐廳人流都幾多，比起旁邊兩間咖啡店更熱鬧，證明我一開始無揀錯😎。

🔎 土瓜灣北帝街147號地下3號舖*📍 HeySoNuts.Beetroot Salad($88)唔知大家對紅菜頭熟唔熟悉?其實我自己都唔係食過好多次,但見佢都係幾健康嘅食物.加上呢款salad仲配有藜麥,成件事非常健康,所以非常推介大家去試下.而且份量都唔少呢.Homemade Tomato Sauce Lingueine($98)我自己係好鍾意tomato sause,好欣賞佢地呢到個醬料,唔會勁濃,清清地味道剛剛好.而且仲有D小蕃茄係上面,都幾唔錯.呢個意粉我十分欣賞.Souffle Pancake(Tiramisu)($102).其實平日我唔多食tiramisu,但朋友話不如試下,我又想試.第一下會覺得又熱又凍好搞笑.但又幾好唔會太甜,同埋勁鬆軟,幾鍾意.

食物賣相與味道尚可以，但對比起坊間同類型Cafe 餐廳相比價錢亦都相對不親民，大概每人$100左右。沒什麼大驚喜，唯獨有個別餐廳職員，服務態度有待改善，不希望俾錢買難受

今日一位朋友生日，想係屋企大家舒舒服服傾下計食餐飯，又想食好D，搵左一間叫Heysonuts 既到會試下。預約6點佢大概5:50已經準時到達。外賣哥哥仲好好禮貌。之前叫到會最擔心係熱食變凍，d野就會好難食，不過今次真係有驚喜，佢放左一塊應該係『熱石』既物體係餐盤既入面，d餐盤拎上手仲係燙手既，真係完全估唔到。飲品佢專登用一個盒放，飲品都仲係好凍。打開野食個下我地全部『嘩』左出黎，因為一打開已經好香份量又大，仲要外觀相當好睇。我自己最鍾意既係下面呢幾款野食，第一款係慢煮澳洲牛肉，食入口d牛肉吸收曬d汁，好入味仲要口感超『淋』4.5/5 分第二款係栗子撻，佢外觀已經好吸引，口感外脆內軟，入面既Cream唔太甜好岩我食。5/5分。第三款係韓醬雞中翼，因為係韓式所以會有小小辣辣地，但底下鋪左好多粟米片，夾埋一齊食就冇咁辣，味道一流。最後係飲品，當初我都怕會唔會太甜，但入口果味好出又唔太甜配合埋野食，個效果好好。4/5分

環境舒服，夠晒闊落，呢啲都基本啦！最重要係佢食物真心好食，同價錢成正比！首先會有職員同你細心講解今晚有啲乜嘢菜式冇貨，鋪頭有乜好出名，好多人叫，佢都會逐個介紹，呢點10分細心，因為第一次嚟，可能唔知捱乜，但有佢就唔洗怕😛食物方面，我叫咗牛肉漢堡，牛肉多汁，配上芝士，簡直一流，而且薯條炸得香脆，同埋M字品牌爭超級遠！另外，喇沙扁意粉簡直係驚喜之選！店員話喇沙湯底牛左五個鐘，果然好入味，而且海鮮有海水味，感覺超新鮮！甜品嘅髒髒疏乎厘都唔錯，唔會太甜，整體來講真係好好食呀！I will be back💛

哈哈哈哈！ 公司提早搞party🥳最麻煩就係諗食乜！唉…之前食過呢一間餐廳，覺得啲嘢食都好有水準！知道佢哋推出到會服務，就即刻同成班同事提議不如試吓叫呢間到會🙋🏻‍♀今次叫呢個係✨華麗套餐✨For 12-15人食！食物送到上嚟仲係熱辣辣😍賣相亦都鋪得好整齊！好吸引👍🏻煙三文魚黑麥多士個煙三文魚色澤好靚，下面果層黑麥多士口感好特別，夾埋個煙三文魚一齊食，層次相當豐富，亦都中和返煙三文魚果種較濃郁嘅鹹味！呢個組合非常正‼風乾火腿配澳洲蜜瓜呢個組合無得輸就梗㗎啦👍🏻食落鹹甜夾雜，簡直就係味蕾嘅享受💕雞尾虎蝦🦐大大隻，肉質非常爽口又新鮮！凱撒沙律配慢煮雞&烤雜菜超級健康之選🥗不過我就無試到啦，因為見到其他食物都好吸引，要留返個胃😂韓醬雞中翼辣辣哋！好惹味💕煎嘅時間啱啱好，唔會過老，所以食落肉質好嫩滑仲keep到有肉汁🤤野菌白松露忌廉汁貓耳朵同日式照燒鰻魚炒飯都係主食，因為驚食太多會飽哂，所以每樣我都只係各試咗一啖😂自己就比較鐘意日式照燒鰻魚炒飯！可能因為我本身鍾意食鰻魚😆望落去個炒飯顏色偏深色，開頭仲以為味道會好濃，但食落又覺得啱啱好！唔會過鹹👍🏻鰻魚切碎咗做炒飯，但其實份量應該都幾多吓，因

一到節日，一大班朋友當然要叫到會美食啦！但係搵到一間高質嘅到會真係好難！但係呢一間就例外！呢間叫做《Hey So Nuts》其實佢有幾個套餐，我哋選擇左呢一款Luxury set 華麗套餐！首先介紹一下食物嘅種類先！一個套餐有10幾款食物仲有飲品！首先有煙三文魚黑麥多士🎄介紹沙律方面有斑馬火腿配澳洲哈密瓜，凱撒沙律配慢煮雞，兩款沙律都做得好有質素！食材亦都好新鮮！未到完全係高級之作！因為做到一款沙律好食其實都唔容易！另外仲有烤雜菜，呢個菜式有五款菜俾你！其實最驚喜就係個紅菜頭！😍😍另外肉方便有韓醬雞中翼！仲有惹菌白松露忌廉汁貓耳朵，日式燒鰻魚炒飯，慢煮澳洲牛面頰肉配牛油法包，牛面頰肉食材有驚喜！食咗咁多嘢終於輪到甜品！法式酥皮栗子撻！我諗佢嘅酥皮，我係出邊真係好少食到！佢包到好似杯一樣裝滿着栗子蓉，個酥皮好特別！就算你食晒所有前菜，留到最美食個酥皮都好鬆化！高質👍🏻烤椰子奶凍配泰式椰汁，仲有自家製香草忌廉泡芙！ 套餐仲會送英國Belvoir有氣果汁，青瓜薄荷等！ 冇後悔今次選擇左呢間到會美食！食到佢哋嘅用心製作，每樣食物完全不馬虎，我哋個個都一邊食一邊大讚好好味！誠意推介！都會美食唔單

上個月D Friend話搞個小聚會，搞到今日先搞得成，黎黎去去都係係餐廳食，今次先Book左個細Party room盡情顛番晚。 去親呢D地方都要嗌到會，次次都吾多掂，今次聽個Friend講，話呢間HeySoNuts有做到會，佢平時有去餐廳食開話唔錯，落力咁話要試呢間到會，一於試下。 到會黎到師傅超好人幫我地擺埋出黎，裡面其中一個錫紙盒好熱，打開原來係裝住熱石，係用黎保溫超貼心。 我地叫左個Ham Melon,日式燒饅魚炒飯,慢煮澳洲牛面頰肉配牛油法包,甜品嗌左個法式酥皮粟子撻。 不得不說真係好出色，個Ham & Melon本來已經係非常配搭既組合，個澳洲蜜瓜非常甜，配埋火腿一齊食都好開胃，個擺盤仲要超吸引，好快就已經清左成盤。 個饅魚炒飯唔似係到會食果D咁，一打開就見到鋪滿紫菜，食落去唔係淨係得個甜，超級有飯香。 食埋個慢煮牛面頰肉，我主要都係同個飯一齊食，食落已經入口即融，食得出廚師個心機同埋堅新鮮既肉質，個汁味道仲有小小酸酸甜甜，食到停唔到口。 食到飽飽地食埋個法式酥皮粟子撻，個外皮脆身，裡面包到D Cream，個口感好特別，上面有D粟子蓉同朱古力，對鍾意甜品既我地真係唔洗諗即刻

好少嚟土瓜灣食飯，見呢間好似幾出名又多好評，專登入嚟食～由於冇得bk位，所以我地一放工就衝去，趁壽星女未到前叫咗樣甜品，仲同侍應講係驚喜我地4個人揀咗4樣咸食，第一樣係魷魚圈配自家製咖哩蛋黃醬，炸得幾好食，個醬都Ok第二樣係自家製煙豬肉腩芥末籽醬意大利粉，味道普通，意粉有啲乾第三樣係海鮮黃薑意大利飯，入面都多海鮮粒，但係份量好少第四樣係炸薯條配自家製醬料，薯條炸得普通，醬料都係普通蕃茄醬嗰啲差唔多食完有個侍應問我地試唔試下梳乎厘嗰啲，所以我地揀咗伯爵茶忌廉日式梳乎厘鬆餅，好食！個cream好滑，唔會好甜，連平時少食甜品嘅fd都Ok一邊食緊梳乎厘我諗緊點樣叫人上埋個生日bubble tiramisu,跟住咁啱同一開始嘅侍應對望，佢就明白啦好醒食落都幾重酒味隻鴨仔好得意，壽星女見到都好鍾意，食完先見到係番梘座，我地笑話隔離啲泡泡係洗潔精哈哈！整體嚟講呢間嘅甜食係好食過咸食，啱下午茶過嚟飲杯咖啡食啲甜嘢對咸食真係唔好有太大期望

雖然返工同住址都唔近土瓜灣，但閒時都鐘意專誠嚟HeySoNut，因為佢地嘅甜食鹹食都同樣出色，製作用心又有創意，而且價錢仲唔貴！性價比好高！☀️凍頂烏龍 $42三泡茶，每泡一杯，店家細心提供杯蓋以保存溫度，店員提示由第一泡至第三泡順序品嚐，慢慢細味茶香，茶味香濃不澀，味道醇厚。☀️綠茶鮮奶 $39泡沫綿密，綠茶味濃郁甘香，同時奶味香濃，入口幼滑，綠茶同奶嘅比例調配剛好👍🏻☀️自家製煙豬腩肉芥末籽醬意大利粉 $133豬腩肉肥瘦相間，油脂甘香，又唔肥膩，食落仲有陣陣煙燻嘅香氣；意粉煙煙韌韌，芥末籽醬味道溫和，帶啲酸酸甜甜，好開胃。☀️手打西冷牛肉原隻大蘑菇漢堡配薯條 $154漢堡非常足料，好在店家細心幫忙將漢堡一開二，如果唔係自己好易切到散開。手打西冷牛肉好juicy，肉汁豐富，手打嘅肉質特別鬆化有彈性，牛味香濃；大啡菇嫩滑多汁，上面嘅半溶芝士更加增添惹味！裡面仲有蕃茄生菜，同新鮮蔬菜一齊食，可以減低肉食嘅飽滯感覺。伴碟嘅粗薯條都好正！外脆內軟，熱辣辣！如果份量可以再多啲就好！☀️自家製髒髒比利士朱古力醬日式梳乎厘鬆餅配焦塘香蕉 $98每次嚟都必點梳乎厘！佢地嘅梳乎厘蛋味特別香濃！每啖都明顯食到蛋香

呢間咖啡店都係長年在我嘅wishlist上面， 但一直都搵唔到機會過嚟。 今日難得早收， 於是臨時決定一個人嚟貢下。 原本只係想嚟飲杯咖啡， 但最後俾佢嗰本厚厚好似書仔嘅Menu誘惑，忍唔住點左個意粉😝。除左因為佢有自家制煙🐖腩之外，更是因為意粉醬汁用了芥茉籽醬做， 除左有好香嘅芥茉味之外， 還有微微嘅酸味， 可以平衡番🐖腩嘅油，食哂成碟都唔會覺膩呀🤤🤤🤤。因為主菜係較濃重口味嘅意粉， 所以咖啡我就唔要有奶嘅， 改要柚子咖啡梳打。酸酸甜甜果香味重加入清香黑咖啡，配埋有汽梳打真的透心涼。本來已經八成飽， 但見隔離左右都有點甜品， 攪到我心思思。我特意問了甜品會唔會好大份。幸好waffle之類可點半份， 不過我想食soufflé pancake，所以點左佢地嘅新品Dirty Soufflé Pancake w/caramel banana😍。兩件空氣感十足軟綿綿嘅pancake，上面澆滿朱古力醬同朱古力粉， 確實好「Dirty」😂。兩旁有四分一條裹了焦糖嘅香蕉， 又香又綿， 我竟然唔覺唔覺就KO了。

我同男朋友難得黎到土瓜灣拍拖，夜晚入左呢間HeySoNuts食晚餐。睇完餐牌，揀左四樣野食：海鮮黄薑意大利飯，忌廉野菌汁貓耳朵意粉，自家製髒髒比利士朱古力醬日式梳乎厘鬆餅配焦糖香蕉，薑味麻糬窩夫配以自家製栗子蓉及香草雪糕。海鮮黄薑意大利飯軟硬度適中，黄薑味唔重，海鮮有蜆肉，魷魚同蝦，仲有番茄仔。佢有片檸檬俾你自己吱落飯到，估唔到令到個飯酸酸地，每啖都好開胃清新。忌廉野菌汁貓耳朵意粉個汁好食，意粉十分能掛到個汁。印象中第一次食貓耳朵意粉，好有咬口，幾特別。自家製髒髒比利士朱古力醬日式梳乎厘鬆餅配焦糖香蕉係新出品，用上72%既朱古力，淋上勁多朱古力醬，但都唔會過甜。鬆餅有蛋香味，鬆軟好食。朱古力迷大愛。薑味麻糬窩夫配以自家製栗子蓉及香草雪糕好有驚喜。麻糬窩夫口感煙韌脆口，薑味同窩夫都幾夾，連我唔好薑既人都覺得好食，好有創意！呢間小店好有心，值得支持。

見朋友生日，請佢食好西啦！店員會介紹菜式，真係無介紹錯，樣樣都好好味！【手打西冷牛肉原隻大蘑菇漢堡配薯條】$1587成熟既手打牛肉加埋大大個蘑菇，勁juicy，雖然冇乜醬汁，但一d都吾乾！【自家製喇沙汁海鮮扁意粉】$138用左15款香料調製出自家喇沙汁，好濃郁好香滑，搭配扁意粉好match!【自家製髒髒比利士朱古力醬日式梳乎厘鬆餅配焦糖香蕉】$9870%濃厚可可，朱古力醬多到好似吾洗錢，甜度適中，梳乎厘勁軟綿，香蕉整左焦糖係香甜，不過就太甜。

土瓜灣北帝街近傲雲峰，開了幾家特色西餐店，平日晚飯時間，這裏都站滿人，非常熱鬧，可見這些餐廳的食物不錯。今晚和朋友來到這間「HeySoNuts 」食晚餐，餐廳門口位很細，幾乎找不到，進入店內卻發覺店鋪頗長，能放到很多坐椅。小店的食物選擇頗多，餐牌像一本書，食物有圖也有介紹，今晚先叫兩份餐試試，下次再來試甜品。《海鮮黃薑意大利飯》$128很多文章都有介紹黃薑對身體的益處，但平時在家卻很少會用黃薑煮餸，這個黃薑意大利飯，入口軟綿，飯粒飽滿，雖然加入黃薑，但完全不覺辣，反而很香，還有鮮甜的海鮮味。《手打西冷牛肉原隻大蘑菇漢堡配薯條》$154又高又大的漢堡一開為二，用竹籤串著，能屹立不倒。服務員話牛肉是他們自家手打的，不像一般的漢堡扒，食落果然牛味十足，肉汁豐富。大蘑菇也是特色之一，蘑菇像麵包皮那麼大，非常juicy，與牛肉一起吃，濃淡合宜，味道非常夾。伴碟的薯條都很香脆好吃。《多莓果茶》$40果茶顏色鮮豔，帶微酸，開胃消滯。