HeySoNuts

营业中

休息中

見朋友生日，請佢食好西啦！店員會介紹菜式，真係無介紹錯，樣樣都好好味！【手打西冷牛肉原隻大蘑菇漢堡配薯條】$1587成熟既手打牛肉加埋大大個蘑菇，勁juicy，雖然冇乜醬汁，但一d都吾乾！【自家製喇沙汁海鮮扁意粉】$138用左15款香料調製出自家喇沙汁，好濃郁好香滑，搭配扁意粉好match!【自家製髒髒比利士朱古力醬日式梳乎厘鬆餅配焦糖香蕉】$9870%濃厚可可，朱古力醬多到好似吾洗錢，甜度適中，梳乎厘勁軟綿，香蕉整左焦糖係香甜，不過就太甜。

土瓜灣北帝街近傲雲峰，開了幾家特色西餐店，平日晚飯時間，這裏都站滿人，非常熱鬧，可見這些餐廳的食物不錯。今晚和朋友來到這間「HeySoNuts 」食晚餐，餐廳門口位很細，幾乎找不到，進入店內卻發覺店鋪頗長，能放到很多坐椅。小店的食物選擇頗多，餐牌像一本書，食物有圖也有介紹，今晚先叫兩份餐試試，下次再來試甜品。《海鮮黃薑意大利飯》$128很多文章都有介紹黃薑對身體的益處，但平時在家卻很少會用黃薑煮餸，這個黃薑意大利飯，入口軟綿，飯粒飽滿，雖然加入黃薑，但完全不覺辣，反而很香，還有鮮甜的海鮮味。《手打西冷牛肉原隻大蘑菇漢堡配薯條》$154又高又大的漢堡一開為二，用竹籤串著，能屹立不倒。服務員話牛肉是他們自家手打的，不像一般的漢堡扒，食落果然牛味十足，肉汁豐富。大蘑菇也是特色之一，蘑菇像麵包皮那麼大，非常juicy，與牛肉一起吃，濃淡合宜，味道非常夾。伴碟的薯條都很香脆好吃。《多莓果茶》$40果茶顏色鮮豔，帶微酸，開胃消滯。

今晚朋友約食飯，介紹去土瓜灣cafe食晚飯，餐廳不大，七點己經坐滿人。店員安排窗口bar 枱位置，望住街景食晚餐，感覺不錯。沙律菜新鮮，沙律面滿佈芝士碎，芝士味香濃，煙肉不會太乾，麵包碎及合桃香脆。芥末味濃但不辛口，芥末籽帶點酸醒胃得嚟味道特別。意大利粉彈牙比較乾身，自家製煙豬腩肉份量多。煙燻味濃，豬腩肉肥瘦均勻。梳乎厘蛋味香濃，空氣感十足，入口軟綿，配上咖啡酒，不論口感或味道同提拉米蘇都非常夾。咖啡味香濃，不酸不苦，焦糖味及甜味適中。咖啡味香濃但榛子味一般，微温唔夠熱。

去完牛棚藝術村展覽，順道去一去人氣的工業風cafe吃午餐。雖然抵達時已差不多兩點半，但人客仍很多，等了差不多15分鐘才入座cafe裝潢滿滿是工業風，吊燈，水泥牆，木和鐵元素的桌椅，氣氛不錯。由於當日客人眾多，我只能坐吧檯位置。食物方面，當中最驚喜是日式pancake, pancake皮很香，入面很鬆軟，甜味適中，因為是即時製作的關係，特別好食。不過吧檯位置比較狹窄，座位也排得密，坐得不是太舒適。建議有興趣光顧的你們一定要試食這兒的pancake和早點等位啊

朋友招喚取手信, 大家都在土瓜灣, 即時決定走到 Heysonut, 因為吃過幾年, 食物一直維持高水準,  不用多猶豫入門時剛好咖啡已經 last order, 就轉了杯 Green Tea Latte 及凍的熱情果茶叫了一份白酒煮活黑青口, 熱力將白酒味渾發, 香味攻鼻; 青口小小肉質滑嫩; 伴煮的洋蔥與小蕃茄都非常入味, 以湯汁伴蒜蓉包, 更是吃得一點不浪費差不多必叫的忌廉野菌汁貓耳朵意粉, 因為野菌忌廉汁十分creamy, 吃得好舒服;  配料有心思地加了合桃增加口感, 配以貓耳朵意粉滑滑的, 口感一級享受其他食店的窩夫一般都會把人吃得太滯太飽;  但heysonut 的窩夫做得非常鬆脆, 空氣感很足夠, 就算吃一整份也不會over; 今晚叫的是焦糖香蕉窩夫, 甜脆的焦糖還在香蕉片上未完成融化, 好好味

比較少來土瓜灣，但因為記憶中這餐廳的食物質素不錯，所以相隔一年多再來光顧，但今次比較失望。店員介紹他們的聖誕節menu（係散叫的，不是set），看過文字後也覺得不錯，就毫不猶疑地點了聖誕menu的其中兩樣食物。一個係龍蝦湯，另一個係海膽海鮮意大利飯。但上菜後覺得中伏，份量少得可憐！明白這款濃湯通常也不會好大份量，但也不至於咁少吧！但味道都OK的！另一碟聖誕menu上的意大利飯，同樣是很少！味道普通。這個自家製煙豬腩肉芥末籽醬意大利粉份量就比較合理，起碼食得飽。個人覺得味道偏酸，但可以接受。

特色嘅Cafe一向都特別吸引，今次來到土瓜灣呢間Cafe，結合西餐、咖啡、新派甜品等元素，未到7點已幾乎坐滿，坐多陣全場已滿，確實有唔錯嘅口碑。手打西冷牛肉原隻大蘑菇漢堡配薯條非常豐富，好多層嘅漢堡，脆身嘅漢堡包好吸引。自家製手打嘅牛肉夠曬牛味，多汁，唔會乾身。最欣賞嘅係大啡菇，加左芝士碎，同本身嘅菇味特別夾。當然仲有番茄、生菜等配角陪襯，加上酸酸嘅千島醬，好滋味。而薯條份量亦唔少，即時炸起，熱辣辣，特別好食。自家製煙豬腩肉芥末籽醬意粉同樣係自家製，煙豬腩肉煙燻得好香脆，好香嘅煙燻味。猪腩肉肥瘦均匀，咬落唔會覺得韌，亦都唔覺好油膩。意粉配以芥末籽醬，味道有少少辣，但芥末籽既味道好香，好特別，意粉食落好香口！榛子鮮奶咖啡細緻精美的拉花好靚，十分濃郁嘅榛子味，同甘香嘅咖啡完美融合，香醇，幾享受。比利時鮮奶朱古力 店員送上時已聞到朱古力味嘅香味，味道香濃，苦中帶點少甜，入口順滑，絕對要試！

近來社會運動不斷，搵食意欲大減，但看到一個FB post提醒人，其實可以多些活在當下，令餓底若有所思，隨即約了朋友去小區搵食！餓底在土瓜灣讀小學，成日想搵機會返去，那就來這區吧！又比較安全。朋友說Heysonut的梳乎厘鬆餅很不錯，於是正餐點少啲，留肚食甜品！忌廉野菌汁貓耳朵意粉這個意粉也太。大。碟了吧！根本就是兩個人份量，太誇張了！味道也非常好，野菌忌廉濃而不膩，貓耳朵意粉煙煙韌韌，吃罷一碟超滿足。青口店員推薦的青口，沒有渣，沒有怪味，細細隻，很鮮嫩！仿如置身澳洲！就連配角蕃茄仔&洋蔥都好好味！蒜蓉包脆脆地，點下碟底的湯汁，食到lamlam脷。柚子咖啡梳打也是店員推薦的，朋友說從未飲過如此清新的齋啡！大概是柚子的香甜，中和了咖啡的苦澀，整體超易入口，讚呀！Tiramisu 梳乎厘pancake 主角！這pancake的質感比較接梳乎厘，充滿空氣感，表面鋪了一層tiramisu，一口咬下來，又有芝士香，又有蛋糕香，滿口幸福感，呀！差點漏了那個"糖漿"，倒在pancake上，咦？水一般？嚐一口就明白了，那不是糖漿，是rum酒汁！不甜，好香！呀！為了這個pancake，排隊都抵！

之前去土瓜灣上堂，經過間文青cafe一直想去試，趁呢日同文青朋友慶祝生日，就帶佢嚟呢到試下！✨柚子咖啡梳打 $62朋友嘅柚子咖啡梳打，聽落配撘幾特別。朋友話有咖啡香味得嚟，又飲到柚子嘅香甜，味道好清新！✨70%比利時鮮奶朱古力 $45朱古力味香濃，甜度齊中，入口順滑🤤✨慢煮三文魚牛油果沙律 $119三文魚滑溜，鮮味，沙律菜新鮮爽脆，仲有青蘋果酸甜清新，牛油果醬香濃幼滑，好開胃！✨雙重芝士配自家製蕃茄汁扁意粉 $98蕃茄汁係自家製，唔係用茄膏，簡單一個意粉都充滿誠意！蕃茄汁香甜，配埋半熔芝士🤤食落唔漏，仲好惹味！意粉煮得啱啱好，煙韌彈牙！仲有啲香脆松子，增強口感。✨炸石班魚柳漢堡配薯條 $129賣相霸氣！石班魚柳超長，大大舊！炸得非常香脆，唔油膩，魚柳肉質結實又鮮味！麵包烘得外脆內軟，而且鬆化有彈性，配埋沙律醬，蕃茄同生菜絲，真係好正👍🏻✨自家製髒髒比利時朱古力醬日式梳乎厘鬆餅配焦糖香蕉 $98呢個梳乎厘絕對係必叫之選，為咗佢我會再返嚟！朱古力醬味道非常濃厚，唔會好甜，同時唔會蓋過梳乎厘濃濃嘅蛋香！口感滑溜，鬆軟而且水潤，真係啖啖滋味🥰留意到牆上呢張poster，12月5日前訂火雞有9折

一個剛離職的朋友見面，他推薦其屋企附近的一間Cafe，聞說口碑不錯，決定前往一試，順道聊聊近況與新工。.想不得到這間位於土瓜灣的Cafe晚上人流很多， 7:30到場全店幾乎坐滿，食客不絕。到8:00pm已全場滿座，看來cafe在區內的口碑不錯。.朋友已是常客，在他推薦下各自點了一個主食，及一個甜品分享。.📍手打西冷牛肉原隻大蘑菇漢堡配薯條（$154）Mac Nuts Burger with French Fries可以清晰看到漢堡有7層🍔，漢堡包是餐廳親手烤製，中間的大啡菇上加上芝士碎，大啡菇juicy柔軟🍄，下面夾有芝士🧀、西冷漢堡、番茄🍅、生菜🥬向千島醬。漢堡扒未算油潤，但味道不錯，加上番茄和生菜，令漢堡吃起來不會乾，而千島醬酸酸甜甜產生提亮之效。旁邊的薯條份量不少🍟，但稍欠鹽作調味🧂。.📍自家製煙豬腩肉芥末籽醬意大利粉（$133）Homemade Pancetta Spaghetti with Mild Pommery Sauce🍝意粉煮得剛好不會過腍，乾身有咬口。以黃芥末作為調味，帶點酸味和微辣🌶，而自家製的煙燻豬腩肉非常惹味🐖，香口又不會過於油膩，整體算是不錯👍🏻。.📍自家製

細細間隱世小店，有好多獨創菜式。有選擇困難症既話，直接問下店員有咩推介，推介既都好好食！【手打西冷牛肉原隻大蘑菇漢堡配薯仔】$154打搓牛肉特別有口感，牛肉漢堡勁多肉汁,仲有一片片既芝士同parmesan cheese，超足料既關係，成個包太厚，一啖咬吾哂。【自家製煙豬腩肉芥末籽醬意大利麵】$133豬腩肉好香脆，芥末籽既味道好香，仲種辣好特別，成個意粉就會香口！【薑味麻糬窩夫配自家製栗子蓉及香草雪糕】$64勁薑既waffle外脆內軟糯，唯獨是栗子蓉有點過甜。【冰熱情果茶】$44嘆返杯清清地既果茶去膩。

係土瓜灣要搵間Cafe 唔簡單， 呢條間咁岩就有三間，但係唯獨呢間Heysonuts 長期都人流滿滿，今日就等我同個姐妹黎呢度食個晚飯，chill 下佢先😚。-慢煮三文魚酪梨醬沙侓聽店員講呢個沙律係呢排新出既，大頭蝦既我唔記得左個價錢。 沙律以自家製酪梨醬，混係新鮮生菜；而三文魚則以低溫慢煮，肉質柔軟。-炸薯條配自家製醬料 ＄82我地女人都係薯條控，呢度既即炸薯條唔油膩，而且好香脆可口，配埋佢哋既醬料食，真係會忍不住一條接一條。-自家製煙豬腩肉芥末籽醬意大利粉 ＄133自家秘製豬腩肉特別好食，有點煙燻香豬肉味，肥瘦適中，食落口感香脆帶韌👍 意粉個人覺得乾身左少少，帶有輕微嘅辣味！-海鮮黃薑意大利飯 $110個飯唔係正宗煮法，偏濕潤同淋，個人中意乾身d。海鮮有蜆肉，魷魚同蝦，都幾鮮甜。-窩夫配自家製士多啤梨醬及士多啤梨雪糕 ＄80呢個窩夫係我地最愛。有士多啤梨雪糕，曲奇忌廉，脆脆，吉士醬，新鮮士多啤梨，士多啤梨醬同窩夫，超級豐富，而且唔算貴。 窩夫暖暖地，外層內香軟，隨心咁揸上唔同既醬料，都好好食😋💕💕-多莓花茶 ＄40冰白桃紅茶 ＄44呢兩杯飲品好養生，略厭味道偏淡，加少少甜度會較好。

呢間店當然要多多幫襯，因為食物真係唔錯，而且價錢又唔貴。試咗餐牌推介嘅自家製喇沙汁海鮮扁意粉，呢個幾特別，個喇沙汁唔會好辣；又唔會太過椰汁味，食落去好夠香；而且估唔到都幾襯啲蜆，同埋意粉好食。另外叫咗個海鮮薑黃意大利飯，海鮮有好多有，青口、魷魚等等；而且薑黃飯都好夠香，新鮮熱辣辣整出嚟，加少少檸檬汁唔錯。原味疏乎厘pancake，聽聞呢度啲疏乎厘pancake都幾出名，我覺得味道都唔錯，幾大件又香蛋味。

作為土瓜灣之友，近宋王臺嘅呢間《HeySoNuts》一開張嘅時候梗係已經試過啦！呢間餐廳由幾個後生仔合力營運，揉合咖啡、西餐、新派甜品，務求將創新元素呈現喺食客眼前。仲記得開張冇耐，佢哋已經儲落不少名氣，嗰陣最出名嘅就係咖啡、窩夫同棉花糖奶凍，好多人慕名而來就係為咗打個靚卡📸呢晚難得朋友特登過嚟土瓜灣，梗係要招呼佢食吓好西。咁耐冇嚟，餐牌都轉咗，好似一本書仔咁，入面又有好多靚相。多咗好多菜式，真係要嚟多幾次先試得晒😛Dirty ($44)髒髒咖啡前幾次嚟都冇試過呢到嘅咖啡，偏偏咖啡就係佢哋嘅招牌，今次點都要試一試😜latte, cappuccino呢啲就好常見啦，我就叫咗呢隻髒髒咖啡～原來都係latte底，不過雖然係凍latte，但係係冇用到冰架！所以唔會話啲冰溶咗會整淡杯咖啡😉Guacamole salad w/ slow cooked salmon ($119)慢煮三文魚牛油果沙律呢個比較特別嘅位係三文魚係慢煮過嘅，令到肉質軟腍柔滑，好好食👅新鮮生菜加入guacamole，好味得嚟又健康🥗Homemade pancetta spaghetti w/ mild pommery sau

土瓜灣少有的chill 得，野食都good的cafe😀 星期六中午去到，要排左差不多20分鐘先有位HeySoNuts Breakfast高質用心! 好多食物係平時啲all day breakfast唔會有既～ 滑蛋、德國腸唔在講，仲有藜麥、乳酪、大啡菇😋 手打西冷漢堡配薯條手打西冷非常高質👍🏻 西冷好厚、唔韌又夠juicy!🤤 巨型大啡菇、蕃茄都好多汁！個包烘過下，脆脆地～ 由於好足料，仲有千島醬，食左半個已經飽飽地😅 薯條唔會油膩～忌廉野菌汁貓耳朵意粉貓耳朵賣相幾特別😆 忌廉汁好香濃好creamy!不過偏鹹～ 雖然有啲合桃粒，不過食食下都有點膩無多個胃食出名的Soufflé Pancake!! 可以再來一試～