HeySoNuts

营业中

休息中

依間HeySoNut Cafe已經聽過好耐，不過一路都冇機會試，今日趁住可以WFH特登過嚟食午餐！😆😆😆餐廳裝修好精緻，好友文清feel，絕對係打卡一流既地方。我哋點左店員推介嘅自家製喇沙汁海鮮扁意粉，同手打西蘭牛肉原隻大蘑菇漢堡配薯條。意粉真係一流，佢喇沙汁味道唔會好濃烈，帶有好輕微既辣味，配買新鮮海鮮，意想唔到咁襯，食完一啖又一啖😋😋😋。手打漢堡份量好大，入面嘅西冷漢堡超juicy，岩哂男仔食。食完正餐之後俾佢甜品嘅相吸引左，忍唔住點多份pancake🙈Tiramisu梳乎厘鬆餅配上咖啡酒 空氣感重，食落質感非常輕盈幼滑，入口鬆軟而且有濃郁嘅蛋香😋 1份2件share食啱啱好!!! 仲高質過d過江龍空氣pancake店🤣🤣🤣食pancake當然唔少得咖啡啦，我哋點左杯柚子咖啡梳打，新配搭非常之清新，咖啡嘅苦味同埋柚子嘅酸味配搭得非常之好，值得一試！另外點左杯意式鮮奶咖啡都好好飲👍🏻👍🏻👍🏻依類咁高質既本土cafe店已經買少見少，真係要黎多d支持下！

港鐵還未到達宋皇臺站， 但是區內已經逐漸變身。 今次講緊嘅係位於譚公道的Heysonut, 習酒吧和西餐廳於一身， 而且餐廳設計型格， 半開放式 窗廚 ，可以盡望街外一帶景色。 更不得不提的是menu設計非常有心思， 就像一本雜誌一樣， 不單止是填肚， 更是欣賞店主的心思。 手製鷹咀豆漢堡配薯條124 素漢堡排味道比一般漢堡排毫不遜色！今次叫了的鷹嘴豆是本身 含有超高蛋白的超級食物， 做成 鷹嘴豆漢堡扒 ，口感也豐富，壓成蓉後入面再有鷹嘴豆粒及其他配料， 煎起後夾在漢堡裡，搭配滿滿生菜和蕃茄， 及看得外脆內軟的麵包， 一整個非常一流。 海鮮黃薑意大利飯110 這道菜比想像還要香！彈牙鮮甜的 魷魚 ，飽滿 嫩滑 的青口，加上功效多多的薑黃粉，意大利飯盡是吸收黃薑的香氣與及海鮮的鮮味。 Tiramisu Cream souffle pancake 果然是heysonut的名物。 震騰騰的梳乎厘軟綿輕盈又充滿空氣感，散發陣陣蛋香外，配上Tiramisu咖啡與酒香，醇厚滋味盡在口裡徘徊 ，味道層次十分豐富。

疫情下香港人都少左出街食飯，但成日留係屋企食真係好悶所以都係要去樓下食呢間開左好耐但未有機會試嘅餐廳今日食嘅呢間感覺好chill防疫措施都做得唔錯，入餐廳要先量體溫，食客走左之後又會消毒張枱，的確令人食得放心👍🏻餐牌整得好靚，選擇都非常多Passion fruit tea都好香好fresh梨山烏龍三杯茶用左同一壺茶泡左三次，三杯都有唔同嘅餘韻。第一次茶香濃，第二次帶左啲甜味，第三次有啲回甘呢個店主推介嘅海鮮喇沙意粉真係驚為天人！用左佢地自家製嘅喇沙湯去煮個意粉，每一條意粉都掛上左超濃縮嘅湯汁，鮮甜嘅新鮮海鮮加埋lemongrass真係好fresh好好味慢煮手撕豬漢堡配上柚子沙津個配搭真係好好，手撕豬嘅汁據說係熬左四五個鐘真係好入味呀！！啖啖肉都好似爆汁咁又夠哂腍濃味嘅手撕豬配搭超清新嘅柚子汁沙津好解膩最後我地叫左tiramisu soufflé 都超好味，白色果樽係咖啡酒，頂果層係cream cheese,咖啡味超香，真係好似食緊tiramisu咁 我呢個整tiramisu達人都覺得佢冇得輸

同親戚食飯 親戚成日話土瓜灣地區冇嘢好食要特登飛的去其他地方食飯點知今日係屋企對面就已經搵到一間唔錯嘅食肆一睇餐廳餐牌已經比佢嘅疏乎厘吸引左 餐廳入邊人流都幾多 人多嘅地方一定係一個好地方小食我哋就叫咗咖喱魷魚圈$88🦑最值得一讚嘅就係佢嘅醬汁好少食炸魷魚圈食到呢個醬汁 入邊應該係咖喱醬同埋金橘 食落都幾特別幾開胃鮮奶朱古力$37☕️呢杯係叫俾小朋友飲嘅 拉花圖案幾靚小朋友見到已經哇哇咁叫 成杯飲晒忌廉野菌汁貓耳朵意粉$98🍝其實即係忌廉汁蘑菇意粉 不過佢嘅意粉好特別 其實係貝殼粉但係喺餐廳好少見到用貝殼粉嚟到整意粉 個人就比較鍾意食貝殼粉多個意粉啦 因為貝殼嘅形狀裝住晒忌廉汁淡淡都食到佢嘅醬汁🤤手打西冷牛肉原隻大蘑菇漢堡$154🍔手打牛肉juicy得來又唔會好肥膩 加埋大蘑菇中和返 食落去就啱啱好啦 不過份量都幾大㗎建議幾個人share食咁就適量得來又可以試到唔同嘅嘢食啦重頭戲啦重頭戲提拉米蘇疏乎里 $102🥞由於自己好鍾意食疏乎厘所以基本上有疏乎厘嘅餐廳一定會叫佢 食落去好林淡淡入口即溶加上鋪左少少提拉米蘇嘅粉 呼呼地中和返pancake 同一時間pancake亦都唔會好甜 個人來講

住左係土瓜灣都好幾年不過因為呢間餐廳行過去較遠所以先第1次幫襯6pm左右，估唔到呢個位都僻差唔多都坐滿座餐牌好多選擇👍🏻同行有素食者都有選擇叫左幾道菜share 食，份量比較細幸好同行男士唔算大食量先夠最後當然唔少得食個甜品即叫即整👍🏻好大份

專程去到土瓜灣Heysonuts 一嘗呢間好似幾正既黃店Cafe見到門內貼住唔招待內地旅客 一入到去已經見到貼左幾張靚靚文宣店員仲即刻起門口量你體溫確保無發燒先可以入店 為客人同職員把關 唔錯我幾推薦佢杯咖啡☕️好高質入口好滑香味好濃郁 好味 有一飲而盡既效果🤩同埋都好推介佢個海鮮黃薑意大利 意大利飯口感偏向香港人口味 唔係傳統煮到好乾身個種黃薑加埋忌廉煮成既意大利飯 食落好香甜勁開胃😛醬汁好濃郁 仲好足料 每一啖食落都總有啲海鮮 好似魷魚蝦同青口咁 幾彈牙 原來黃薑飯係咁好味既😋另外仲叫左個手打西冷牛肉原隻大蘑菇漢堡包配薯條 份量超級重量級 漢堡包有幫客人開半同吉住 唔會一拎就散開 幾方便食 幾好 麵包食落幾香脆 大蘑菇同手打既超厚牛肉漢堡扒都無加咩調味料落去 只係加左平時漢堡包應該有既配料 好似蕃茄 生菜同埋芝士咁 比較食到食物既原味 漢堡扒雖然肉汁唔算好多但肉味好夠香濃 薯條幾多另外都可以試下佢既烏龍茶 特別在於佢會分三泡茶 每泡茶會斟一杯俾客人試下茶由淺到濃啲既味道 會連埋木托盤上一次過上三杯烏龍 都幾解膩

同朋友第二次嚟幫襯，第一次食既時候相當好味，餐廳環境又舒服，今日特登再嚟，食其他菜式。首先叫咗芥辣豬腩肉意粉，配搭好新奇，豬腩肉香脆，整體有特色！仲叫咗豬腩肉burger配柚子汁沙律，夠曬開胃，兩個人食share都夠食，又足料！飲品方面，叫咗Hazelnut coffee，鐘意飲甜嘢既朋友必叫，又有靚拉花，視覺味覺一流。我就叫咗水蜜桃冰茶，唔係好假既果茶味，夏天飲仲正^_^最後係藍莓千層酥，雲呢拿雪糕超濃味，高質！

襯星期六放假，特登走入土瓜灣尋覓黃店。門口不起眼 但好多人幫襯。不仔細主 根本唔伯睇到佢門口。恰逢疲情，店員非常保護自己亦保障食客安全。量度體溫、提供酒精搓手液先比入去。點了一份甜點同all day breakfast, 送餐速度理想，份量亦充足。不過，all day breakfast如果男士食可能就唔夠飽。梳乎厘略硬，未有如其他梳乎厘專門店鬆化，但焦糖香蕉配襯恰當，都會再點。點了兩杯咖啡，濃郁咖啡味令人精神爽利。支持黃店！支持小店！

在口袋名單已久的HeySoNuts，終於在最近開車到吃飯處的日子吃上了。一打開菜單就被自家製喇沙汁海鮮扁意粉吸引，再點了個甜點，每人一杯飲料。自家製喇沙汁海鮮扁意粉 $138喇沙汁是店內自己調的，用上香茅、大高良薑、檸檬葉、石栗、洋蔥、蝦乾、蝦膏、新鮮蝦、辣椒粉、辣椒乾、薑黃、白胡椒、椰糖及椰奶等新鮮材料。喇沙汁香味撲鼻，入口不會很濃味，配上意粉挺惹味的！新鮮士多啤梨法式千層酥配以士多啤梨雪糕 $59他們的吉士是自家製的，千層酥也很香脆呢！日月潭紅玉 $42這個是三杯現泡茶當中不在餐牌上的，帶有薄荷及肉桂香味。一、二、三泡各有特色。柚子咖啡梳打 $62看到有趣的餐牌不禁點了，原來是韓國柚子醬、日本柚子汁、咖啡再加上梳打，有點微甜微酸的味道，出奇地搭配！

是日晚餐好豐富🥰又滿足又好味😋😋😋自家製喇沙汁海鮮扁意粉，材料豐富有秋葵，爽口魷魚🦑彈牙鮮蝦👍自家製喇沙醬汁加埋扁意粉👍👍超好味🙏🏻😋自家製喇沙汁入邊有非常多嘅材料，唔怪得同平時食到既唔一樣啦😋黃姜海鮮意大利飯，飯粒粒飽滿吸收左黃姜既汁加埋意大利飯本身嘅口感十分好食😋。食完正餐當然到甜點啦🤭薑味麻糬窩夫配以自家製栗子蓉配香草雪糕🍦正呀窩夫入邊充滿咗薑味麻薯口感十足。加埋自家製栗子蓉同雪糕一齊食特別好味。提拉米蘇梳乎厘鬆餅嘩超級好食係上面嗰層係厚厚既提拉米蘇🥰🥰再加少少咖啡粉，下層係充滿着濃濃既雞香味簡直就係我嘅至愛。切開可以見到空氣感十足，充滿動感。

食過一次呢間cafe後就變成呢間既常客,基本上一有時間就會黎呢到打下卡.今日當然都唔例外,趁住平日可以放假唔洗假日排隊等咁耐就黎hea下.自家製喇沙汁海魚扁意粉係用上正宗馬來西亞特調喇沙汁做底再配上少許檸檬葉作為調香.馬來西亞喇沙味道帶甜,甜甜辣辣既更開胃得黎配上略帶鮮味既海鮮配料口味好搭配.係比較濃醇既喇沙汁內加上清新既檸檬葉確實係一個明智之舉,中和左忌廉喇沙汁濃膩既口感.意粉充分地掛上喇沙汁,質感爽彈不糊口.蜂蜜奶油日式梳夫厘鬆餅,之後已經食過3款比較重味既款式,今次回歸平淡試一試接近原味既蜂蜜奶油.係鬆餅面中間既蜂蜜奶油原來係脆卜卜,入口帶少少蜂蜜粒粒脆卜卜,連牛油都係脆身😍所以對比平時會溶化既牛油相對唔會令鬆餅過膩.梳乎厘鬆入口陣陣蛋香亦唔會好甜,入口外鬆內軟,加上奶油打得較輕盈食完都無咁大罪惡感.Dirty 既咖啡會比較濃係將即製既熱espresso撞入凍奶之中,杯內會呈現到凍奶同espresso之間不規則半交融既狀態,咖啡味香帶甘不苦澀.Coffee tonic 加上少少橙酒同tonic水,帶微酸既tonic中和咖啡苦澀令咖啡更易入口又清爽,化解左膩既感覺.

土瓜灣最近多左好多新店，以前呢區都係多茶餐廳類既食店，但而家越黎越多Cafe，而且評價都唔錯，今次就黎試下呢間Heysonuts就咁睇出面都已經好文青Feel出面都有好多介紹自己食物既相入到入面，餐廳唔係好大，位同位之間既距離岩岩好，唔會太逼介紹下野食先嘻酥甩沙律$88沙律有洋蔥、青瓜、番茄仔、豆卜、蒜蓉、黑橄欖、香草等等既材料醬料有少少辣味（有D似泰式辣醬，但又無佢既甜味），食落易開胃，最特別係豆卜，外脆內軟，吸哂醬料之後食落真係好吸引，唔通個「酥」字就係個豆卜？魷魚圈配自家製咖哩蛋黃醬$88外層鬆脆、內層彈牙，果然魷魚圈係炸物既Top5最特別就係呢個自家製蛋黃牆，咖哩既辣味加埋蛋黃醬既酸，有少少似Mustard，但係酸味同回甘又有另一種風味，點上魷魚圈幾特別海鮮黃薑意大利飯$128入面材料真係十分豐富：蜆、蝦、魷魚等等，每一啖飯都可以食到海鮮咁濟除左海鮮，用黎吊味既仲有洋蔥、香草同番茄仔，清清甜甜，黃薑味亦都好香，同海鮮十分搭配最後梗係唔少得呢到好出名既甜品：自家製髒髒比利士朱古力醬日式梳乎厘鬆餅配蕉糖香蕉$98梳乎厘完全無令我地失望，鬆軟既內在充滿住蛋白香，但最驚喜既梗係呢個比利

平日甚少去土瓜灣，今日即興約朋友到訪這間隱世cafe，想不到平日需要輪候餐桌，幸好數至十分鐘便可內進。儘管朋友未到，侍應生不介意未人齊便進內，因為外面風大所以叫我快點進去。平日下午有午市套餐，凡點選任何一款主食，加$15便可配沙律/湯和餐飲。餐飲選擇有很多，不需要額外收費，有不同味道latte或mocha，比起平日餐廳配的普通免費餐飲，這一點值得加分👍🏻我點了沙律、忌廉野菌貓耳朵和焦糖咖啡。其實這是我第二次來吃，所以驚喜不大。但第一次來的時候，它的tiramisu甜點是很出色，比較少見，而且週末是需要另點餐飲，平日來的比較划算。旁邊有不少顧客溫書或聊天，是cafe應有既特色，不應該限時用膳。這裡的侍應生雖然有很快清理碗碟，但不像連鎖餐廳的侍應生般，經常留意顧客餐飲，一但用膳完畢便馬上清理餐桌，讓你坐得不自在。💛💛💛

土瓜灣雖然係舊區，老人家比較多，但係都有唔少非常高質嘅cafe。呢間嘢係唔少學生同老師放學之後嘅聚腳點。今次叫嘅係cookie and creamwaffle ( full set )，加埋一杯果茶，就一個下就啦

🔸伯爵茶忌廉日式疏乎厘鬆餅 $79🔸蛋香味好重 幾鍾意佢個texture 輕盈得黎又有少少口感 同平時食落去一陣風嘅疏乎厘唔同 重點係唔會太甜 而且cream嘅earl grey味好出同埋有口感👍🏻 好好味 仲要係黃店 一定會再過黎試埋其他味嘅鬆餅🥞-🔸雙重芝士配自家製蕃茄汁扁意粉 $98🔸即叫即整 雖然要等一陣但係食落熱辣辣 好滿足 🤤芝士同蕃茄都好rich 望落吸引 但係呢個價錢 份量就略為有啲少 如果價錢再親民啲或者份量多啲會更加好🙆🏻‍♀️