Hatsu Japanese Restaurant (已結業)

難得的星期日，以前除了要到海洋公園，真的沒有機會到金鐘，更何況是在金鐘搵食。今天來到金鐘政總吹吹風，順便搵食。晚上的金鐘，人流非常少。走進一家日式餐廳，食客寥寥可數，難得星期日不用等位，而且環境非常寧靜，對食客而言，絕對是一件好事。餐牌上有多種套餐，喜歡單點食物也可以。海鮮烏冬鍋 + 壽司定食 $310定食包羅萬有，有前菜，煮物，壽司，鍋物和甜品。前菜是日式沙律，漬物和冷豆腐。煮物是茄子，入口香腍，醬汁惹味。壽司有腐皮，北寄貝，蝦和八爪魚壽司。海鮮烏冬鍋的湯底有著香濃的三文魚味，全因湯中兩大塊三文魚，而且好多魚肉。烏冬的份量亦多，用上稻庭烏冬，口感一流。北海魚生飯 $280海膽，三文魚子，三文魚，甜蝦等多種刺身而成的北海魚生飯用料豐富，賣相吸引。海膽鮮甜；三文魚子大大粒，其他刺身亦夠新鮮。對比工作天的金鐘，我更喜歡它寧靜的一面。

「懷石」是懷中之石，源自和尚將溫熱的石頭放在懷中，以減輕飢餓感覺的行為，意思就是稍稍飽肚。懷石料理原本是輕便料理，但現時總給人高檔及隆重的感覺，嚴選時令食材，又要做到多款式食物，亦講求進食的意境和細節絕對不是一頓便飯，所以動輒也要千多元一位才可品嚐，真的不是人人也花得起。好彩多得朋友介紹，得知位於金鐘的日本餐廳Hatsu以新派料理為主，價錢大打親民牌，還推出多款懷石料理套餐。自問不是上等人，但總有時要寵愛一下自己，就趁自己的生日快到，就豪一點也不要緊吧。餐廳的入口處擺放不少和風擺設，右邊一身全木櫃式放上滿滿的日本清酒和憎人小擺設，另用大通花屏風作屏障。至於左手邊則掛有一大幅色彩豐富的錦鯉插畫，令人感覺栩栩如生，畫風十分新潮。至於室內環境則貼近西式化，皮椅木枱，水泥地板與全木的牆身，再配襯烏絲燈泡吊燈，屬型格設計。再加上餐廳靠近窗一邊的落地玻璃，外是一大片翠綠與停車場出口位置，開揚又唔怕被經過途人「眼望望」，整體感覺雅致舒適。雖然風格與注重私人空間的日式料理店唱反調，但能讓客人拋開傳統懷石料理的拘謹，更能在輕鬆自由、溫馨的環境下用膳。細看餐牌，餐簿分設散點食物，包括有小食、沙律、刺身、雜

今日夜晚同朋友放工之後諗住喺金鐘搵嘢食，返到嚟呢一度見到一間好靚嘅日本餐廳，難得夜晚都唔算太多人，是我哋決定試一試，我哋叫咗一個二人餐，懷石料理龍蝦二人晚餐，食物非常之豐富，價錢都唔算太貴首先有前菜同刺身三款刺身方面有吞拿魚，三文魚，同埋甜蝦重點就係呢一個海膽燒龍蝦，非常之好食另外仲有香煎珍寶帆立貝，大大隻嘅帆立貝鮮甜又好味！仲有三件壽司，特別鍾意海膽壽司，分量十足！另外我哋仲叫咗一條燒鰻魚，同樣非常之好食！嘢飲方面我就試咗佢哋嘅自家製梅酒，甜甜地，酒味唔算特別重，非常好飲！

自食過中午的Hatsu, 已經令我對佢晚上的懷石料理十分感興趣! 今日老公得閒, 拉左佢黎試一試!極上懷石蟹宴十道菜 - 夠晒兩人食! 88折左都係$684 已包左加一, 每位$342 可以食到十道菜的蟹宴懷石料理, 真心覺得好抵!前菜 - 煙鴨胸 + 蟹捧, 好特別! 煙鴨胸係用黑胡椒鋪在鴨胸皮外, 食落去不重黑胡椒味, 只是淡淡的, 好夾鴨胸! 蟹棒有一層好薄的醃青瓜包住, 食落好清新! 前菜都幾有新意!刺身3款 - 帆立貝都幾鮮甜, 十分厚肉! 吞拿魚就不過不失啦; 牡丹蝦的身位比我D手指仲長, 好大隻, 好鮮甜, 老公唔食我仲可以食2隻, 大滿足!!!蟹籽沙律 - 用個玻璃杯裝, 係視覺享受, 味道OK! 黃金燒廣島蠔 - 好靚~新鮮燒好上碟, 上面係沙律醬的醬汁, 好好味, 蠔又大隻又新鮮! 肥美!!軟殼蟹天婦羅 - 第一次食咁好食的軟殼蟹天婦羅.........好驚喜! 每人都有3件, 件件大件! 咬下去食到軟殼蟹的膏.....好鮮甜, 又夠晒香口!蟹肉茶碗蒸 - 連蒸蛋都好香蟹味, 的確夠料! 仲好多蟹肉鋪上面!松葉蟹海鮮鍋 - 有圖有真相, 真係好大隻松葉蟹, 係原隻煮

難得好同事話請我食飯 佢股票賺咗少少錢 咁我就真係好吾客氣 咁梗係揀間平時吾捨得去食嘅餐廳食lunch喇我地分別叫咗五重火山丼同埋鹽燒青魚&大蝦天婦羅由於我地揀咗套餐 可以無限咁添加嘅自助沙律bar 揀咗幾款食物 有青豆粟米 蕃茄 沙律菜 樣樣都好新鮮 醬汁選擇多 我揀咗我最愛嘅凱撒沙律鹽燒青魚&大蝦天婦羅定食另外包括有飯 茶碗蛋同埋味憎湯天婦羅蝦炸得好香脆 另外有南瓜 茄子等蔬菜五重火山丼非常豐富嘅刺身 有帆立貝 三文魚子 海膽 蟹肉 吞拿魚茸 刺身好新鮮 好鮮甜 賣相非常吸引

在金鐘區用膳從來價錢不便宜，如果想享用懷石更要動輒過千元，但原來識搵都可以吃到平靚正的好東西！這間Hatsu在美國銀行中心地下，位置有點隔涉，但晚上提供的懷石料理最平只是$527二人連加一！超抵食！我選了中價的特尚懷石料理二人晚餐，有10道菜送清酒，也只是二人$605連加一，人均才$300多！清酒前菜2款前菜有豆腐和玉子，擺碟精緻，豆腐味道較清帶淡淡豆香，玉子甜美可口刺身3款開頭以為每人只有三片刺身，想不到每款都有兩切，以拼盤形式上令人興奮！三款刺身分別是三文魚、牡丹蝦和油甘魚，牡丹蝦蝦身晶瑩剔透，肉質鮮美，吃來啖啖肉。三文魚厚切肥美，油脂豐腴，令人滿足。還有油甘魚，同樣厚切，魚味濃郁。柚子沙律沙律有青瓜、蕃茄仔及菜，配上柚子酸醋，十分開胃。大蝦天婦羅每人有一客天婦羅，天婦羅除了有大蝦，還有茄子、南瓜等，份量很足，十分豐富。值得一讚的是天婦羅炸漿很薄，而且毫不油膩，不過如果外層能炸得脆口就更有口感了。黃金燒廣島蠔廣島蠔大隻厚肉，蠔身飽滿，淋了酸酸的醬汁燒至誘人的金黃色，賣相十分吸引！大啖吃下，廣島蠔鮮味迸發，入口juicy又鮮美。香煎珍寶帆立貝帆立貝放在薯蓉盤中，造型獨特。帆立貝巨型厚

食得多cafe有時都會悶, 今日淨係返朝早堂lunch就可以出去食好D啦😎 近近地去金鐘食日本野😍定食lunch set原來好抵, 包自助沙律吧, 麵豉湯, 日式蒸蛋同甜品😆😆我叫咗吉列廣島蠔&豚肉生姜燒, 蠔啱啱炸好熱辣辣, 每隻都好肥尾, 完全唔腥👍🏻豚肉份量好多呀!!! 姜味唔出, 啱晒我呢d唔食姜又要食豚肉嘅麻煩人🙈 沙律吧有好多選擇, 醬都有5種, 有日式柚子沙律醬呀😍😍😍😍😍 香港好少見朋友揀咗軟殻蟹天婦羅&日式牛扒😍😍 牛肉燒得好香肉質夠淋👍🏻甜品原來係荔枝味雪米糍❤️❤️❤️好耐未食過啦!!! 食完真係勁飽🤤

食日本野最怕遇到刺身唔新鮮嘅餐廳，第一次試hatsu，估唔到幾有驚喜，餐牌上午餐有平有貴，豐儉由人，望落款款都唔錯，最鍾意食嘅就係海膽，出街食最怕遇到臭嘅海膽，見佢鋪頭乾淨光猛唔係細細間個d，一於俾個機會佢試下。海膽滿滿咁鋪係飯面，好令人感動個飯都有返咁上下份量，大食朋友都會飽，海膽有唔同種類，三款各有千秋，正！個茶碗蒸都唔可以忽略，好鬼好味！蛋香加埋堅魚汁，好想食多個！友人就叫左天婦羅set配烏冬，偷食左少少，天婦羅蝦同南瓜一流！正，烏冬好滑，配埋個醬油同d蔥花，真係好夾！呢個價錢係金鐘真係超值啦！

金鐘一向無咩好野食，咁岩老闆請食晏。話有間好味既日式餐廳，緊係一齊去啦！好闊落坐得好舒服！有自助salad bar 岩晒ol 同打工仔，夾多d菜menu有好多定食，有平有貴，貴都唔係話好貴個種，以日本野黎講，呢個地段直頭超值！係旺角食個定食/海鮮don都講緊二百幾啦，仲要排餐死。所以hatsu簡直令人眼前一亮呀個don有蟹肉，吞拿魚茸，刺身帆立貝，三文魚子，海膽，好味到無野好講，全部刺身都好甜，好新鮮，三文魚籽係口中卜一聲海水鮮味出晒黎。好好味而且個飯煮得好好，有飯香又唔會過軟/硬！大大碗，男士都一定夠飽！正！係金鐘黎講簡直係抵食兼好味！

星期六嘅下午，嚟到裝修別緻舒適嘅金鐘日式餐廳食午飯，無平日咁伙繁忙嘅節奏，食飯時就更可好好享受。叫左一客魚生飯定飯，兼且額外另叫火炙三文魚壽司同鰻魚壽司。因為三文魚經過灸燒，香味特別濃郁; 而鰻魚用上蒲燒醬汁，又係特別惹味。魚生飯定食，用料非常豐富，樣樣魚生都係我嘅心水，海膽有海洋嘅感覺，完全無苦澀嘅味道; 而魚籽蟹籽粒粒豐盈飽滿，同魚生飯非常之夾; 而帶子夠晒厚身，食嘅時候好滿足，三文魚亦保持水準，肥美魚油香濃!定食餐仲有麵鼓湯同日式蒸蛋奉上，蒸蛋質地絲滑，加入日式魚蛋同雞肉係當中，令味道更加豐富!

次次到美國銀行中心做野都以為冇野好食，今次同事帶我去左試新野 - Hatsu! 日本餐廳，門面幾吸引，地方很大，店內以木裝飾為主，令人感到好輕鬆舒適！仲安排左坐窗邊的有景位！中午好多選擇，而且仲有半自助沙律吧，沙律醬都有四款揀！幾抵食！火灸平目裙邊丼$178 - 平目魚裙邊超級滑又香甜，肥美嫩滑，入口即溶！魚油留入飯中，令飯帶魚香，大讚！ 又有湯又有茶碗蒸，抵到痺！大力推薦呢款！鹽燒花魚定食$185 - 花魚較乾身，但魚香十足，而且真係好大條，份量十足！另配埋三文魚及吞拿魚刺身，好新鮮肥美！

Happy friday 食好d~之前lunch 係呢間食過，見到佢有promote 晚市二人懷石料理有優惠，今晚就黎食～最後揀左懷石料理龍蝦二人套餐個餐都有好多野食，前菜、刺身、湯、天婦羅、龍蝦等等全部野等你食完，一樣一樣逐碟上，幾好～前菜....玉子 與 凍豆腐刺身赤蝦刺身好新鮮，油甘魚肉質爽沙律用香檳杯盛截沙律菜新鮮香草燒廣島蠔蠔好肥美，配埋好香香草汁，好食香煎帆立貝好大粒帆立貝!! D 汁可以撈埋圍邊既薯蓉食～天婦羅有軟殻蟹、南瓜、茄子同雞脾菇炸粉份量、炸既時間恰好海膽燒龍蝦用海膽芝士鋪係龍蝦面燒，龍蝦肉彈牙，正～壽司蛤肉土瓶湯店員介紹用細細既杯仔飲，另一風味最後係甜品：綠茶雪糕總括...一人三百幾蚊，坐係環境不錯既餐廳傾計慶生....係不錯既選擇

話說除左壽司之外，好少係香港食日本菜今晚黎港島區既#Hatsu Japanese Restaurant，岩哂#墨嚐最中意少人既地方，可以靜靜咁欣賞餐廳佈置同品嚐美食。前菜先有＃豆腐蟹籽沙律，豆腐清清淡淡，蟹籽沙律咬落好似玩啪啪紙咁一粒粒爆開，沙律醬似明太子沙律醬味道，#墨嚐覺得再凍些少會梗好食！再黎＃特上刺身，有７款刺身好似赤海蝦啊、扇貝、吞拿魚腩、海膽等等，海膽非常鮮甜，少少豉油已經帶出成浸鮮味，建議由味道淺既如扇貝開始食起，盤底層冰夠凍，唔洗擔心可以慢慢品嚐。跟住＃黃金燒廣島蠔，上菜時岩岩燒起好燙口，芝士味超級濃郁，一啖放入口勁JUICY，味道豐富有層次！仲有＃蒲燒鰻魚＆＃汁燒銀鱈魚定食，鰻魚可以大塊些少，同埋銀鱈魚汁一齊撈飯食，正！最後＃海膽醬燒龍蝦加＃自家制梅酒，享受呢場海鮮盛宴既餘韻😋

星期六放假就和妹妹出外逛逛就去左中環，重遊母校，看到半山區已經不同往日的之後我們感覺餓了，無意中走左去金鐘食和式料理😍😍有很多不同的定食餐，價格由$175起，有很多不同款項的定食，讓客人去選擇餐廳環境都很闊，樓底高好開揚舒適由於我地食唔到咁多野，所以我們就點選了，hatsu便當一齊share 食，和點左啤酒炎炎夏日，飲番枝凍啤酒！👍🏻👍🏻👍🏻好貼心，連啤酒杯都雪凍左😊定食包括有刺身、天婦羅、鯖魚、鴨胸、 牛肉，樣樣都整得好靚好吸引；定食跟湯、飯和燉蛋，非常豐富到最後差點忘記了燉蛋未食，蛋很滑嫩，口感好整體來說，對食物及服務都非常滿意！

是日小編路經金鐘，憶起這個小編曾經短暫工作的地方，小編不禁流下。。。口水！因為金鐘很多美食！ 又發現了一家新的餐廳，叫ＨＡＴＳＵ什麼的，還有三色海膽飯跟三色鮪魚丼！不過剛從日本回來的小編，還是想吃得清淡點，吃個＄３２０，什麼都有的便當盒好了！ 老實說美國銀行中心並不易到，位處偏僻的這家餐廳卻座無虛席，秘訣是什麼？ 原來是自助沙律吧，由豆到沙律菜，蕃茄到紅綠椒，一應俱全，小編就選了柚子醋，既開胃又清新，又夠輕盈 非常ＲＥＦＲＥＳＨＩＮＧ的選擇，沙律菜水份十足，對得住金鐘這個高貴的地方 選擇再多，也還是傳統便當比較適合我 先吃一些茶碗蒸，口感Ｑ彈綿滑，一入口馬上滑進胃中，不錯 鯖魚魚味很濃，配上了ＯＭＡＫＡＳＥ才有的漬蔥，配合度十分高 竟然還有玉子！煙鴨胸用大量黑胡椒醃製，味道不會過咸。用沙律醬做成的蟹子粒開胃非常 天婦羅值得一讚的是蝦的彈牙，是用刺身級的蝦炸的嗎？ 蘑菇也炒得十分香！ 至於刺身剛是敬謝不敏，才剛從刺身大國日本回來，就暫不吃了 總結：環境，食物也是十分舒適，便當盒也是考慮周到，一個盒子一應俱全，令人又懷念起日本來了