Harmony Cafe (已結業)

佢地月尾會因為租約問題而搬出再係cwb一帶搵過一個新既地方繼續經營... 係間係我食過咁多間食店當中真係一間有心經營既食店雖然佢地係素食有d 平日唔係茹素既都可以食...因為佢可以揀有蔥蒜or 冇... 有pizza 意粉主菜甜品沙拉各式飲品...好warm 好舒服我好中意去... 好滿意..!!

Been supporting Harmony Cafe since its opening. As an organic cafe, they have been truthful about its food and the way they run this little cafe. It's rare to see local organic cafe to have such dedication.Their price might be a bit on the dear side but you have the total piece of mind when you eat there. You will be sure that everything they use will not have harmful chemical in it, be it the ingredient or the washing liquid.I am a regular, sometimes I order take away 3 times a week when I d

行經銅鑼灣一帶見到這家西式齋舖，又見這家食店在openrice的評價也不錯，便和朋友一起來試試。先說地點，交通方便，駕車的可泊在後面的大型商場。但因是樓上舖，要行幾十极樓梯，行動不便的人士要光顧會點困難。地方不大，佈置簡單整潔，感覺舒適。Service 幾好，但上菜較慢。雖然食物款式不多，但食物新鮮，pizza味道不錯。可能因自己食開中式齋，覺得西式齋沒中式的那麼好吃。

我上星期去...覺得佢地服務好好wor...我book左檯, 因為朋友有事要遲黎, 所以我上去攞位先.因為朋友之後又趕住要返學, 所以我叫定野食, 我同個waitress講話落左單先遲d上菜, 佢都話無問題~後來都等左好幾個字, 另一個waitress(廚師?)走黎好nice咁問我朋友幾時到, 因為d野食要預時間焗...咁我同佢講5分鍾後開始應該差唔多...佢都好好笑容咁話okay之後朋友去到times 附近我要出去接佢, 個waitress都話okay幫我看野同留位~我覺得d服務好好ar, 我咁麻煩多多佢地都無所謂, 全程都笑臉迎人好nice咁招呼我~講番野食, 叫左一份set dinner(菜卷+雜果沙律+芝麻醬麥多士+忌廉(薯蓉)湯), pizza(唔記得名, menu最底o個款), 豆腐芭菲同埋tiramisuset dinner 都唔錯, 沙律用汁(果汁?)而唔係用沙律醬, 好味~ pizza整得幾好食~ 豆腐芭菲都幾好, 個人唔係太鍾意個底d香草味...tiramisu好好味~ 係酒味多左dd整體來說好滿意~

吃素的上司介紹我來，還推薦那個菠菜卷，叫我一定要試。可惜上到去，侍應似遊魂，不熟手不是罪，最慘上菜真的很慢……本來西餐慢是應該的，可惜餐廳環境嘈得你不想坐著等！一杯飲品也幾要20min 才上，未免太精雕細啄了吧！檯少但菜慢，真是十分奇怪！食物方面則普普通通，未見得deserve 那個價錢。餐廳食物最緊要好食，不是以有機或素菜為賣點便= 要犧牲味道水準。吃樓上cafe 無非是為寧靜環境，越坐越不耐煩，是我和朋友都不會再去的。

看過openrice評語後, 與兩位好友第一次惠顧這間餐廳, 感覺很好!三位女子, 叫了:1) set dinner - 菜卷+雜果沙律+蒜泥麥多士(送南瓜湯)2) 另外叫了一個南瓜湯3) 翠玉瓜pizza (有十吋)4) 茄子撈麵5) 甜品- tiramisu6) 甜品- 藍莓雪糕船7) 甜品- 杏仁曲奇由於這間餐廳是食素的, 所以每碟菜都有驚喜, 平凡卻美味, 當中的調味, 有青草/薄荷的清味, 感覺很新鮮, 從來沒試過這種吃法。我最喜愛的是南瓜湯, set dinner - 菜卷+雜果沙律+蒜泥麥多士及tiramisu, 杏仁曲奇是一粒粒ball, 可能是用奶油而非用牛油的緣故, 感覺太硬.這間樓上店, 座位不多, 但感覺寬敞, 人流不多, 只有三位職員, 但上菜很快, 服務態度也一流, 價錢不貴(吃了這麼多, 只是$290!) 是三五知己的好去處, 值得推介!

之前試過無預約上去無位，今次與男友乖乖book定先去。地方細細，播住輕鬆既音樂，大概只可容納十數人。雖然被安排坐在旁邊的二人桌，老闆娘（我估佢係掛）亦提供一張小椅俾我地放袋，服務不錯。點左一個餐($80)同一個pizza餐湯－－南瓜湯，有南瓜既清甜味，質地亦唔太濃。主菜－－Veggie Dip Mix，很西式的一道菜，材料有青瓜，甘筍，蘆筍，西蘭花，粟米芯，生菜車厘茄，彼得包(Pita)。醬汁有好多香草同合桃碎，好好味。Dips 一包唔難整（或者根本唔使整），但勝在材料新鮮。鮮菌素芝士pizza ($50)－－非常好味，新鮮焗起的pizza薄薄脆脆，菌香十足，而且素芝士食完都唔滯，實在係驚喜之選。其實都相當夠飽，但甜品心癮起，叫左一個香草豆腐芭菲($35)同朱古力香蕉果昔($30)。芭菲底有玉桂果醬，可惜加上香草味後感覺怪怪的。果昔則一如預期的好味，好想自己買個blender整呢！所有食物都係即叫既整，所以要等少少時間。上一次黎就滿座，但今次星期五反而無咩人，真奇怪。埋單$195，不收加一。論素食，西式較對我口味，中式素食始終油份太重。

奉勸大家切勿到harmony cafe，雖然今次我不是評其食物質素，但作為一間餐廳，服務也是一大元素！我和友人被嚇親，全因該cafe 有一名情緒嚴重失控、媲美女版萬梓良或藍潔瑛的老闆娘（可看此餐廳之網頁，6 月15 日文章內白背心者便是老闆娘）！我和朋友還沒有吃東西，便被該店之惡劣服務態度嚇走！事件始末今天約了E & M，訂了七時半的枱，我準時，但友人未到，於是在cafe 樓下打電話給男友聊天（電話撥出時間：19:29）。因訂了枱，聊了數分鐘我便上樓了。上到cafe，我們訂了三人枱，但女侍應帶我到一張大約只有20 x 20 吋的方形二人枱，當時更只有兩張椅子，侍應說會加櫈。坐了一會兒，我叫了一杯奶昔。19:50 分打給M，她已在樓下，不消一分鐘便上了來。她見到我們的枱，碌大眼：「嗄，三個人點坐呀？」於是便叫了女侍應來：「張枱唔夠坐喎，我哋三個人，呢張枱放唔到三隻碟架喎。」女侍應竟然笑道：「唔會！我哋啲嘢食唔會一次過嚟晒架嘛！」我和M 四目交投，西餐不是一人一碟一起吃，難道我吃完我的主菜，M 才能再吃她的主菜，然後才再到E？而因旁邊一張四人枱有兩個比我遲來的客，我們再次問女侍應：「他們是

素食巡禮﹝十九﹞是日一連吃了兩間值得一試的西式素食店，一間是Simply Organic，另一間是這裡，兩間都在鵝頸橋附近，真箇有食神。獨自晚上來，這裡裝修像一間樓上咖啡店，氣氛輕鬆，環境也好，三五知己，來這裡吃吃「輕食」，喝杯果汁又或是有機紅酒，不錯的。不想吃得太多，就在餐牌上選了意式經典薄餅，及士多啤梨冰綠茶一杯。可能因為人手不多，食物也是逐樣準備，所以也要等了好一陣子才有得吃。不過可以拿本雜誌，您您閒閒的，時間也不難打發。先來的士多啤梨冰綠茶，不算很凍，士多啤梨的味道甚淡，綠茶味亦不濃郁，收25蚊一杯，有點兒貴了一點；意式薄餅十吋，薄底，「一人前」，剛剛好。配料有巴馬山芝士、羅勒、香草燒蕃茄、紅洋蔥及粟米，雖然是素食，但味道一點也不差。溶掉了的芝士，香味濃郁，加上羅勒，味道層次夠豐富。幾款素食餡料幾清新，餅底薄薄脆脆的，夠口感又不膩，幾有水準。一向也說，單說素食，其實西餐餐牌上也有不少美味的前菜、餐湯及主菜的菜色，老老實實做好那些，打起素食的招牌，必定大受歡迎。店員服務態度良好，很親切。埋單75蚊，不收加一，地方不錯，食物也有水準，物有所值，值得一試。

上次吃完肥美的魚肉，這一回我就跟姐姐去試ｈｅａｌｔｈｙ一點的有機素菜．．．本來想到堅拿道西的那一間，沒想到要先預訂．．．算了，幸好我有預備ｂａｃｋ－ｕｐ．．．到另外一間ｎａｔｕｒｅ一樣，而且又在不遠處的餐廳　ＨａｒｍｏｎｙＣａｆｅ裡面的環境是以綠色和白子為主，讓眼睛舒服選餐後就直接到櫃檯付錢，我要ＳｅｔＡ：燒鮮菌甜豆配香草菠菜忌廉汁意粉　（．．．名字真長），而姐姐要的是ＳｅｔＣ：香草白汁茄子雜菜千層麵．．．　都有湯﹑吐司和飲料嘩，那塊吐司真的小到不行．．．口大的人一口就搞定，小的頂多兩口．．．不過還蠻脆；湯是紅蘿蔔忌廉湯，很香很滑，但要加ｐｅｐｐｅｒ姐姐的千層麵無論賣相和味道都比我的優勝．．．我的意粉煮的還不賴，但忌廉味很淡很稀．．．最有爆點的是燒菌，超香喔！

基於上次的驚喜,今次再和朋友來harmony晚餐,dinner set 好像沒有上次般好吃,翠玉瓜炒飯平平無奇,素lasagna 不夠熱,真奇怪.....但可幸的是新嚐的tiramisu 非常正,濃得化不開, tiramisu 面上的咖啡粒有點脆,使口感豐富了~ 挽回分數!!harmony, 要保持水準啊!

決定要試只供應素食的harmony, 因為我要健康身體~1. 鮮茄南瓜湯: 南瓜味比蕃茄味重, 好美味, 好濃好杰2. 咖哩雜菜珍珠米飯: 珍珠米好好'趙', 混合了腰果, 翠玉瓜, 椰菜花等蔬菜, 口感豐富, 如果咖哩味可以重手d 仲好~3. 芝士菠菜酥皮卷拼沙律及蒜蓉多士: 芝士菠菜酥皮卷好香, 但較咸, 個涵唔夠多, 實d 會perfect; 而多士就好脆好香, 沙律清新怡人~4. 香蕉合桃糕: 強調無蛋無奶製成的甜品, 初以為是凍餅, 原來是焗的~~~ 吃下去似較鬆軟的muffin, 外脆內軟, 正~5. 藍莓雪糕: 無奶製成品, 除了藍莓, 吃得出還有香蕉和豆腐味, 加上腰果碎, fresh~ 6. 咖啡: 無機咖啡豆的咖啡, 較淡好開心吃下了健康而豐富的一頓晚餐, 誰說素食一定是悶的寡的? 很高興看到小店內的告示: 「五月中有午餐供應」那麼我就不用再常常吃麵包或茶餐廳油淋淋的羅漢齋炒面啦!支持素食!yeah!!

昨晚比較夜來dinner,散叫:1)鮮茄茸南瓜濃湯-色澤上看不出番茄的痕跡,因要在口感上發現它的存在。有d起沙,有南瓜的甜,好快比我飲晒2)燒茄子noodle w/sesame sauce-茄子應是短小精幹種,有6厚片。燒完後+面層的seasoning,呈乾身,口感外挺身,內軟(唔腍)。另外白色的扁粗麵撈有麻油汁,好香。如果sauce多d就更好3)芝士香菇青豆糙米飯-材料有巴馬芝士,菇,青豆,松子+2種糙米飯-有口感因用糙米飯(有d紅米),但整碟飯味道幾淡口,而且巴馬芝士只是撒在飯面,個人覺得它同其他材料味道唔多夾。如果grill的芝士佢,可能會好d4)檸檬豆腐芝士餅-本來想叫banana walnut cut cake,但sold out-是寫明無奶無蛋,材料有檸檬,豆腐,有機芝麻醬。餅底有d咬口,懷疑是檸檬皮,所以有d苦。整體味道同質感有d怪,唔識欣賞要讚是餐牌每味菜都列明詳細用材。另餐廳比較標榜食得健康,故會用有機材料。這點是值得支持

辣椒女母親因要食素，這附近沒有什麼選擇，就決定了這間；因之前食過，食物唔夠熱，感覺唔多喜歡，今次當然先問清楚才叫。最後我選擇了，咖喱雜菌、青豆、松子炒珍珠米飯和鮮茄茸南瓜濃湯。咖喱雜菌、青豆、松子炒珍珠米飯- 淡淡的咖喱味，加上又脆又香口的松子，飯炒得一粒粒，又熱又好味，幾出色。鮮茄茸南瓜濃湯- 南瓜味香濃又好飲，加上新鮮的蕃茄，酸酸甜甜很開胃，作為飯前餐湯，真係幾式合。價錢唔算平，只有餐湯和主菜，連餐飲都無。

那天在Openrice發現了此店，相約本週末的節目活動就加入此行程。地點不錯，在我們慣常去的登龍街，抬頭就可以找到，店中裝修怡人，是另一個IKEA天地，簡白柔和顏色隨處可見的燭光，清爽舒服，音樂不會太大聲，通風設備稍有不足，晚飯時間油煙味較重，入門位還有大量不錯書籍和漫畫。由於當天感腸胃不適，點了一個湯，豆苗豆腐香菇湯，香菇味飄散入口清甜，$25。前菜，焗巨菇，確實只可以稱為前菜，雖然菜單上註明是10cm，但焗後縮水，而且只有一隻，有點令我聯想起法國菜的細少，不要期望過高，但口感新穎，也是整天晚上的冠軍菜式，$40。主菜，茄子寬麵＋精選燒汁，麻油味重，一上菜就聯想起出前一叮，但味道好吃多了，茄子不硬不軟，加上燒汁配寬麵（傻瓜堅持那是台灣陽春麵，但他頗愛吃），$45。甜品，芭菲，這是一個大雜燴，第一層是紅酸莓＋香草（台灣菜的九層塔），第二層是芒果，第三層是豆腐＋松子，第四層是香蕉＋碎香草，我個人覺得味太特別，下次還是吃雪糕妥當，傻瓜卻好像很欣賞，獨個兒吃了大半，$35。總結1) 大部份菜式有豆苗＋芝麻，不喜歡吃的要早揚聲。2) 即叫即煮，所以食飯時間好像頗長。3) 份量除了主菜外，屬於偏