Greyhound Café (太古城中心)

营业中

休息中

以前成日聽人講起依間餐廳，今次先第一次食。朋友用其他餐廳apps訂左位，有9折優惠。menu都好多選擇，我同朋友兩個樣樣都想食，最後決定share。首先叫左個小食米紙卷，一共有9件，米紙卷裡面包左鮮蝦同埋雞肉，夾埋生菜一齊食都幾fresh，而且覺得一定要加埋個醬。雖然有少少辣，不過佢甜甜酸酸都幾開胃。主食之一叫左個鮮蝦帶子墨魚汁麵，估唔到佢食落都有啲辣，不過就好輕微，連我依個唔食辣嘅人都接受到。覺得麵味道都ok，墨魚汁嘅味如果再多少少會更好。不過麵嘅分量唔係太多，要$148始終係有啲貴。另外仲叫左菠蘿海鮮炒飯，有配埋魚露。我反而覺得依個飯都幾大碗，佢個菠蘿無切粒，而係兩大塊好似食串燒咁。不過可能因為咁，菠蘿味唔算好重。飯炒得比較乾身，不過不失。最後我地仲叫左個甜品朱古力窩夫，因為係即刻焗，要等耐少少，等左大約20分鐘左右。我地坐近廚房，黎遠已經聞到蛋香味。分量一般不過賣相唔錯，夾埋雪糕一冷一熱都幾好食，算係為依餐飯畫上完美句號。我地有9折優惠，最後兩個人埋單食左$462，餐牌基本上每個dish都over $100。

餐牌上換上了很多款式的食物，和多了很多款式的蛋糕。我滿心歡喜的來，也非常失望而回！真的以為食物會比以前更進步更好味！誰知道食物到時的賣相已我嚇一跳！食物沒有改善也算了，還要比以前更加更加差！真的很失望！

話說友人又好好咁買蛋糕返黎俾SURPRISE我，每次見到有蛋糕都會有一股莫名其炒既興奮感覺HAPPY BIRTHDAY幾特別喎，仲有一盒醬次次食野如果有少少參與成份都會覺得好開心，哪怕只係倒朱古力醬呢一下咁簡單既動作成個蛋糕好似即刻變左新鮮D咁！呢個蛋糕無任何花巧野，只係蛋糕加朱古力醬，所以都預左味道比較單調但係一個清蛋糕如果係好食既，哪怕佢賣四十幾蚊都絕對係值得既不過呢舊蛋糕我未食，只係用隻叉𠝹落去個下個心都已經沉一沉好蛋糕好難𠝹得開，硬放入口更加證明左呢舊蛋糕好乾，唔怪得要配予朱古力醬啦，唔濕一濕下舊CAKE真係入唔到口囉我明白呢舊唔係海綿蛋糕，所以我唔會期望佢會有海綿蛋糕既鬆同綿但係呢個蛋糕係乾同埋調味唔夠就係另一個ISSUE了問返友人呢舊CAKE幾錢，原來都賣成四十幾蚊，哇呢個質素真係搶錢

多年前 Greyhound Cafe 黎到香港個個都爭相幫襯，當時香港比較少有呢種 Thai-fusion restaurant，佢地既單骨泰式雞翼亦係非常受歡迎。依家Greyhound Cafe 已經開到周圍都有分店。食物款式依然非常之多，由傳統泰式選擇，到泰式x西式款式都有。🌟 招牌單骨雞翼，味道不過不失，一段炸雞翼既味道⭐️ 肉丸撈泰式米，味道有點偏咸，唔好睇個碗咁大，其實分量好細🌟泰式甜咖哩配薄餅算係比較出色既一款菜色，味道有甜既咖哩食落口仲冇咁漏。🌟 炸薯角，好正常既炸薯角🙆🏻‍♀️整體食物質素都係不過不失，環境都舒服，但星期五晚晚飯時間，限時60分鐘要交枱，約咗朋友食飯放工傾下計既我地真係唔夠用。

今日天氣熱到high high， 話就話係34,35，但我做feel like 37,38都有，lunch 完全吾想多一秒停留係outdoor, 所以taxi 去太古城中心，揀左食greyhound, 前面等一班人，但都等左15.20分鐘，原因係完全吾夠人手執枱，就算有好多空位，因為都已經點4點5，但得2,3,4個人完全handle 吾切。坐低即刻嗌野食，拒已經提醒我地大約要等20分鐘，不過出乎意料，5分鐘就有野食。嗌左金邊粉，份量又少，又無端端辣，小食單骨雞翼又太咸，係杯泰式咖啡有料到，好飲，不過真心可以吾洗再食。

父親節，唔想食中式父親節套餐，平日greyhound 大排長龍，今日唔使等位，可以慢慢享用。Yellow curry crab rice推介，挺多蟹肉，配黃咖喱汁，好香口，差不多成碟食清Mushroom soup好足料，好香茹味，好creamy Noodle Tom Yum冬陰湯好重味，有隻大蝦Top rank beef noodle 湯底好夠味，牛肉幾鮮味Phad thai prawn分量較少，而且麵條有少許硬依然喜歡，因為坐得好舒服

放假係太古城睇完戲又快到食晚餐的時候周圍逛逛睇睇有咩食之前經過greyhound見到好多人排👥不如就今日試一試7點幾已經有十幾個人等位排隊等左15-20分鐘終於到我們入座但人手好似有點不足🙋‍♀️點餐都要等左陣蒜香辣椒青檸白酒汁煮青口 $138青口份量十足 青檸汁酸酸辣辣🔥味道不錯又醒胃係一個抵食的頭盤👌帶子蘆筍香草寬麵 $148帶子同蘆筍都ok 感覺清新唯獨寬麵有點硬🥴海鮮東陰公炒螺絲粉 $148呢個麵咸到不得了😨咸到脷都有點麻大蝦同海鮮味完全食唔到還好有叫凍飲解解咸Innocent voyage $62🍹Pink cooler $62🍹味道不錯的 但價格偏貴每次經過都見到有人龍但食過後會覺得有d失望🤓

嚟到 太古城食午餐預咗周圍都好多人因為呢度辦公室都算多,一到午餐時間大部分好吃的地方也是要排隊。中午大概一點嚟到Grey Hound cafe 門口也不例外,已經有 兩張枱在等候 沒有預訂只有排隊等輪候位置, 等咗大概十分鐘已經可以入座 這次是第二次嚟食午餐 決定要再一嚐黃咖哩蟹肉飯 因為上次吃完也是念念不忘另點了一杯 泰式咖啡。太太點了鮮蝦炒金邊粉凍檸茶前菜我選了沙律因為本身黃咖哩蟹肉飯跟了一個細碗的鹹菜肉丸湯,很好喝。太太前菜揀了餐湯粟米忌廉湯 餐湯有濃濃粟米香是用原粒粟米打成,有口感。今次咖哩蟹肉飯味道還好但白飯太硬了影響口感只能給尚可的分數泰式咖啡也是比較苦澀沒有一般美式咖啡的香氣 下次應該不會再點了 但 另一道主菜 金邊粉 有驚喜,味道十分可口 鮮蝦 很彈牙爽脆 入面配料跟金邊粉非常配合 味道酸酸甜甜 很醒胃可以清楚明白為什麼這一間餐廳午市時間那麼多人排隊因為真的十分好吃埋單兩個人三百元在太古區 算是中上價位但物有所值。

餐廳佈置好靚，隻碟好得意，雲石枱好靚。下午茶叫左雙色漢堡包一個係煙肉，另一個係茄子！個牛肉超juicy ,吾會煮得太生同太熟,再加少少芝士，成個口感好match!薯條好脆卜卜！有機會要再食一次另一個係牛腩牛丸麵，呢個就麻麻地，無乜特別。牛丸都好彈牙，啲麵條就好幼，牛腩都好好食，個湯底都好濃味。值得一讚係杯奶茶，好重奶味，完全吾會苦，好有泰式風味！檸茶係用青檸！我覺得好清新，而且甜度岩岩好。下次想試埋泰式咖啡❤️❤️❤️

几个为食的老友记们当然是经常聚餐，食多了中餐，日餐，海鲜，火锅....今期，我们要试一下酸酸辣辣煎煎炸炸的泰国菜！太古城的这家餐厅离公司步行不过10分钟，大家准时下班，拖拖拉拉的，18:30也已经齐人5位，入座！可能是因为早预定，我们5人被安排的位置不错，宽敞的角落，座位也很舒服，加分！每人选一样，再众筹三样，碟碟碗碗的一共八道美食～1）越南新鲜猪肉卷（米粉皮包着猪肉粒和啫喱状的猪皮）；配了一碗绿绿的，调味用的，新鲜薄荷叶）这道菜我给7分，只是因为不喜欢猪皮。2）单骨鸡翼，食材没什么特别，应该有醃过，油爆后干身入味，我给8分！3）蟹肉粟米饼，完全吃不出蟹味！只感觉是淀粉粟米粒油饼，118/5件，抢钱！never!4）泰式金边粉，普通但算符合标准，可得8分！5）意大利香肠芝士烤饼，四件不够分，我们一开二，切成八块。因为有芫茜，厭食者不沾，益我食多咗两件，当然say good 啦，9分！6）神户（KOBE）牛肉，嫩烧薄切，另配木瓜丝爽口，一竹盒软糯米，丰富多彩，味道也都OK，9分吧！7）肉丸子Noodle一碗，要的是米粉，也不知算泰国还是越南，每人分一小碗，贵精不贵多，浅尝的感觉还不错，8

每次去BKK旅遊時，幾乎日日都要去一趟至心滿意足..呢排比較忙無暇去BKK，惟有去香港分店，過下心瘾呢今天係下午茶時份去，叫左泰式豬肉丸湯河，及iced lemon tea , $78 湯河上枱時，望落好對版，色，香，味，俱全，完全同BKK一樣的味道，非常滿意呀，原來，全是泰国人主廚的，只有待應係香港人，吾怪得喇Iced lemon tea，畧為遜色，稍甜，吾夠冰凍及茶吾夠濃郁！BKK 的店好飲d！再來，鮮椰子千層旦糕，wow...不過甜，cream 好light ，內裏椰子肉新鮮，份量多，真係每一啖都甘好味，人間美味，比美其他名牌餅店👍👍👍Service 很好，食得滿足又滿意

呢間餐廳價錢唔貴，食物質素唔錯，成日都轉Menu，晚餐又唔限時，好啱同朋友吹水食飯。已經幫襯過好多次了。雖然次次幫襯成日都有中伏菜式，但我好鐘意佢既泰式牛柳粒，同埋有好多小食選擇，所以keep住都會番黎。環境闊落，唔會坐到好迫泰式牛柳粒有d 似泰式生蝦醬，酸酸甜甜好開胃，牛柳5成熟，仲有炸脆了的菜，估係九層塔掛，勁正牛油果大蝦沙律新出的菜式，因為我係牛油果控，所以見到就即刻點黎試了。估唔到有驚喜，本來仲擔心d沙律醬會好漏，但調配得好好，個醬唔係普通沙律醬，口感好清淡同creamy，配埋火箭菜同大蝦，最後我朋友同我爭住食墨汁海鮮意粉有d麻辣，好醒胃，海鮮足料，份量不多不少，兩個人share剛剛好，可以一試今次幸運地冇中伏，開心的一餐

用app發現late dinner book 可享50%優惠所以Book咗今晚4/4星期四晚上9點人唔多，只有半場坐滿經理早咗10-15分鐘俾我吔入座（開心😃）我吔叫主餐牌三樣餸都有半價🎉🎉🎉上菜好快菜式同張相一模一樣（我影得差）味道比想像中好～因為份量少雖然好食但如果正價就太嫌貴（太古城仲有好多選擇）全晚有個有鬍鬚冇戴眼鏡既男侍應落單，斟水，上菜，埋單服務好貼心但又唔會騷擾到你因為好頸渴成日飲晒杯水佢就係斟水第二次叫佢拎餐牌佢又好主動咁揭到去甜品嗰版食完野佢仲好主動放兩張濕紙巾當我拎起嘅時候發現已經開咗我仲問男朋友係咪你開嘅佢話唔係原來係男侍應已經開埋仲放喺我哋前面正中央👍🏻👍🏻👍🏻今晚諗住食個quick dinner無諗住食得咁開心，滿意🤩

星期五中午12pm 來食lunch, order 咗湯河及pad thai. 上菜及飲品十分之慢，等了超過30分鐘都未上pad thai, 跟了幾次單都未泥，再叫部長幫手跟單佢D態度極差，話全間舖都追緊佢，好似係D食客唔啱🙄🙄🙄🙄其實平日lunch time忙應該唔係第一次，pad thai亦好多人叫，自己冇做好time management 仲兇個客，呢個部長態度有很大改善空間😤 😤😤😤😤😤嘢食質素亦無以前咁好

同朋友去太古城行街~行到肚餓，而附近咁岩就係佢，就決定入去試一試了椰汁雞湯🥥先飲個湯做頭盤~湯上面有少少辣油，羅勒葉同辣椒🌶️ 可以吊返湯嘅味出黎雞肉好足料！而且好香好滑！正安格斯牛扒&糯米飯可能我個味覺比較敏感，感覺個木瓜沙律同青瓜都幾酸哈哈～可能因為佢係用黎開胃不過就好適合一d唔太肚餓嘅人食，即刻可以食返多啲牛排都好淋～但就有d血水，不過都唔太影響味道嘅泰式奶茶千層蛋糕🍰隔離嗰杯就係泰式奶茶，用嚟倒落個蛋糕度蛋糕好大份！好夠飽啊！雖然有少少”利”,但岩曬我e個不折不扣嘅奶茶控整體來說，依間餐廳都係不過不失啦