Greyhound Café (太古城中心)

营业中

休息中

上甜品時，我個頭向下斜望手機，黑衣女侍應上刀叉時，刀尖向住我，距離我隻眼好近，我感覺只有兩至三厘米距離。當時我好驚訝佢哋居然有咁低質素嘅table service同knowledge 。之後向一個白色衫打呔話要搵經理投訴，佢同個經理講完返過嚟態度好差咁話「經理好忙呀，你等下啦！」之後經理過嚟聽完我投訴，佢都話應該刀柄向住個客，但係就感覺到佢唔係好有誠意咁道歉，只係叫做應咗我就算。把刀就係呢張相入面，我原封不動時映。

今天慶祝老公考車牌成功，在太古城這家泰國菜吃午餐。在餐牌上點了set lunch。清新的木瓜沙律炸蝦丸這個海鮮麵似意粉多d泰式咖啡Brownie好好味，食到好飽。侍應態度也很好，很滿足的一餐。

約左好耐無見既朋友，方便大家約左係太古城。諗住搵個坐得舒服既地方，朋友就提議Greyhound。我地7pm到，估唔到只得幾枱客，平時lunch係要大排長龍架。食物：menu都好多選擇，左諗右諗下揀左依幾樣：Pomelo Salad - 份量唔算多，讚既係好多炸魚仔，同柚子好夾。Crispy Corn - 有5大塊，顏色偏暗，似係用左啲好耐既油黎炸。不過食落無油膉味，多粟米粒，唔覺係蟹肉，少少油膩。Waterfall Grilled Lamb - 睇個樣都覺得辣！花師奶撥開羊肉面啲辣椒，食左一小啖，都辣到飛起！條脷麻左！食得辣既朋友話都真係幾辣！Phase Thai Prawn - 份量偏細，只有3隻蝦，味道正常無surprise。Coconut Crepe Cake - 依個甜品係每次黎都會叫！雖然無Lady M咁多層，但佢既cream都好香好滑，每層皮都薄，加上耶子肉，成件事好夾！唔太食耶子類食物既我都大讚！Apple Crumble - 略嫌太少蘋果，有啲失色！鐘意佢隻碟，特別！服務：由於唔太多客人，店員對於落單，加水，換碟等都好快反應環境：地方大，舒服，不過枱與枱之間都近，如果f

呢間餐廳如果唔一早book位，黎到walk in 有位既機會就難d其實呢度食個晏晝最少都過百蚊，收費相當昂貴，但味道好一般，仲要d service 超差，佢落錯單又唔認，絕對冇下次！

今日同朋友行太古城，行到攰，搵地方坐低，黎左Greyhound Café，有tea set，價錢又唔貴，一於坐低休息下歎個tea先啦~佢地tea set都有好多選擇，飯意粉burger都有，當然係輕量啦，而我就揀左食chocolate brownie上碟都幾靚，食甜品真係心情都唔同Ｄ的，哈哈朱古力味都好濃，brownie係我好鍾意的質地，本人就唔係咁鍾意太實太乾的蛋糕，呢間的份量又唔係非常大件，食完都唔算係話好漏。下午茶時間又唔太多人，坐得好舒服呢～

當日lunch諗左陣，究竟食greyhound好丫, 定係食mango tree cafe好~最後都揀左greyhound! 冇BOOK位, lunch都要等15-20分鐘最近好似多左個lunch meun, 叫1個MAIN再半價叫指定小食叫左呢個DOUBLE芝士火腿三文治($6X)友人極推介，但食完覺得冇咩特別..仲有個金邊粉~ 份量比較細~不過煮得幾好食, 唔乾又唔濕, 岩岩好!Pita pizza seafood 一咬鬆脆，海鮮跟薄餅，OK LA!仲有, 次次都黎必點的三文魚！最欣賞係呢杯thai iced lemon tea~連冰都係個檸檬茶黎！SET跟DESSERT叫左 BROWNIE...但似普通朱古力CAKE多D..............

大失所望份量細 價錢貴 味道好唔like 真係好失望，明明對上一次（今年3月）都有黎食，我記得好好食架，所以先會再滿心歡喜黎食呢餐，結果竟然係碟碟都有野彈：1. 蟹肉炒飯唔夠熱2. 冬蔭功湯粉得隻非常霉冇晒蝦肉應該有嘅彈牙口感嘅大蝦同2粒草菇冇其他料，仲要個湯底淨係得酸同辣，完全冇海鮮味3. 雞翼味道幾好但太奀好細隻4. 其餘幾碟主食都好細碟，正常成年人唔會夠食總括：食物唔好味，價錢又貴，唔抵食，如無必要都唔會再黎喇

自從上次寫過食評之後，經常見呢到排長龍。今日睇完戲見都成3點半，門口冇人就同朋友落黎。門口空無一人，入面半個場都吉既，但個經理係我地面前行黎行去左好耐都冇人問我地幾位。呢個時候後面開始多人排隊,另一個侍應就慢條斯理過黎帶位。都唔知攪乜啲食物質素差左好多，你望下呢碟百幾蚊既鵝肝多士：多士燶到苦，鵝肝煎得太over。仲有朋友點左個長通粉佢話個味好怪酸唔酸鹹唔鹹咁。我就影都冇興趣又係普通到唔普通仲要細碟仲要難食。最大問題係我朋友點餐果陣個經理顯得十分十分不耐煩。其實做咩事呢？我同朋友係黎享受下午茶。完全係失望！

Greyhound Cafe 係我唔知食乜嘢好嘅時候就會選擇嘅餐廳永遠都冇失手，雖然價錢小貴但係食物質素不錯～其中令我最為讚賞嘅就係餐廳嘅甜品，每一次食飯都要必點嘅Must-eat 的是這個 Chocolate Banana Crepe Cake （$58）超級無敵好食 ！每一次黎食野都一定會嗌 ～朱古力同埋香蕉嘅味道真係好夾，配合嗰啲奶油嘅味道真係一流呀 每一口都是幸福的滋味呢個係朋友試的 奶茶 Crepe Cake，貪佢上面有啲好得意嘅鹿餅乾，味道不錯相比Crepe cake 呢個 Coconut Tower Delight就遜色不少個puff 好淋無乜味，可以skip

我這個不太喝酒的宅女對酒吧的熱鬧沒多大興趣~反而更享受跟知己朋友找個舒服的地方晚飯聊天~抒發一個星期累積下來的鬱悶!這次的晚餐就在GREYHOUND CAFE~都不是來這家餐廳了~每次來都有種放鬆的感覺~ 幻想自己身處泰國吧 😄做訪的原因通常是突然好想喝那個特色檸檬茶~坦白說這裡的食物份量不是很大~如果有男生在場的話很可能要多點幾個菜色~招牌的金邊粉吃過很多次就不點了~ 試試別的口味~串燒配竹籠飯這種泰式的竹籠飯我還是第一次吃 (見識少lol)口感有點像糯米飯/粢飯~沒什麼味道…要跟串燒和醤汁一拼吃才夠滋味!   下面這個是蕃茄夾餅…醤汁微酸好醒胃~ 上桌的時候香噴噴~~來greyhound cafe的話千萬不要想著正宗泰國菜~因為這裡賣的都是泰西合壁的食物~有創意的廚師們設計了好多不同口味的意粉我們order了下面這個香草帶子寛條麵~帶子鮮味十足~ 寛條麵煮得剛好~至於下面這個蜆肉意粉 -__- 味道有點淡…醤汁很稀… (應該是湯不是汁?!) 個人不太recommend~喜愛吃甜品的人不要錯過它們的美美芭菲和cake~我臨行前看到它們的parfait station和甜品冷櫃…全部都

本來係常客，不過以後不來呢間食。經理哥哥無禮貌(呼呼喝喝，行得慢d都好似好不滿咁)，餐廳入面勁多位，只係得一半滿，但偏偏唔比你入去 (我們一家大細有個90歲老人家)。就算有人book左7點鐘，死都要人等到7點先比佢地入。唔知係咩 policy...野食，panini 唔熱無味，意粉的份量比以前少起碼1/3。炒飯問佢可否走辣，叫既時候話可以，來到時都係無走辣，其實如果不能走辣可以直接講...對那個 (不知是否新來的) 經理太失望。

平日3:30pm不用排隊便有位，環境舒適！下午茶餐劃一收費$78(另加一服務費)，有蛋糕、多士、三文治、沙律、粉麵等多款選擇，好吸引呢！這店的 Coconut Crepe Cake 很有名，所以我很快便決定要吃它了！清甜的Cream跟爽爽椰子肉的味道非常夾，再配一杯Latte真係錦上添花！朋友因爲比較肚餓，所以她點了「胡椒肝醬配香脆多士」: 香脆多士放滿一大碟，碟中央慷慨地堆了一個肝醬小山，感覺豪華！份量這麼多，如果不是太肚餓的話，其實兩個女仔share都夠飽了。

這裡的音樂故意開得很大，而且是heavy metal，嘈音污染很嚴重，令人很煩厭和緊張。我客氣地向逐個店員請求調細聲點，沒有一個理會。最終忍不住站到通道上，高聲要求經理調低聲量，經理說，是老闆要求盡量開大聲！噢，原來如此。那麼除非你喜歡吃飯時間比上班更緊張和焦慮，否則你懂怎樣做。

舊同事派帖，首先恭喜她終於結束愛情長跑，進入人生另一階段。此餐廳坐落於太古城，貪沒那麼人多，聚會清静一些。之前光顧此餐廳下午茶，食物與價錢都成比例，味道不錯。今次品嚐晚餐，試試如何。先來一杯特飲，passion fruit, pineapple and mint drink 味道還可以。啖啖鮮蟹肉炒飯，真係名符其名啖啖蟹肉炒飯炒得很乾身，咬感很好，非常夾味，價錢雖然貴了少許，但可值得一試。沙爹雞肉串Pita pizza seafood值得一讚 一咬鬆脆，海鮮跟薄餅很绝配，味道不錯。單骨雞翼泰式春卷粟米炸蟹餅口感煙煙靱靱，咬感豐富，蟹肉鲜甜，香脆可口當晚大家舊同事談笑甚歡，相约下次再來此地聚會呢！

係太古城睇完戲 所以決定係埋太古城食野。見到greyhound即刻行去 因為太耐無食!!!係門口排左10分鐘左右就有位啦！好肚餓所以又叫左一枱野食😂招牌脆炸單骨雞翼 HKD68一如以往 雞翼香脆入味👍🏾👍🏾👍🏾椒鹽蝦 HKD148食唔到有椒鹽既味 反而香茅味好重仲好味同特別 再加埋少少檸檬汁同沙律醬 好惹味 仲要去埋蝦殼 好方便👍🏾👍🏾👍🏾芝士salami quesadilla 好好食 餡料好豐富加埋溶左既芝士 好夾薄餅又薄又香脆👍🏾👍🏾👍🏾👍🏾柚子沙律柚子好鮮甜加埋沙律汁好開胃 而且有脆魚仔同花生更有口感👍🏾👍🏾👍🏾軟殼蟹墨魚汁麵 HKD148好差 軟殼蟹好腥 成個麵得個咸字 👎🏾👎🏾👎🏾其實仲食得落就甜品 不過揀唔岩就算啦🙂