Greyhound Café (太古城中心)

营业中

休息中

香港不乏泰國菜餐廳，今次食一間連鎖集團嘅泰國菜西餐廳，唔止泰國菜式，仲有西餐食物可選，我覺得除咗情侶/朋友，都啱一大班人嚟食。餐廳內外餐廳走高格調路線，以黑色為風格，內裏環境昏暗，氣氛較柔和。食物選擇由前菜到主菜十分多選擇，只係影左少部分，一大班人嚟食都好啱，可以嗌好多唔同款式一齊share。Longan Juice in Crushed Ice $40龍眼肉好多，比起平時嘅龍眼冰份量好似多成倍咁，店員提醒會較甜，但飲落都OK，配鹹食/辣嘢不錯。泰式沙嗲雞柳串 $108擺盤精美，沙嗲汁另上，本身雞柳串都已經醃過，沾上額外沙嗲汁更濃郁。脆炸粟米蟹肉餅 $118見到好多人都嗌嚟食，所以試下，炸物怕會太油膩，呢幾塊粟米蟹肉餅油感正常，吸油紙都唔會話有太多油份。每啖都咬到粟米爽口口感及蟹肉餅彈牙質地，好夾。泰式河蝦冬陰功湯河粉 $138我好鍾意飲冬陰公湯，呢到一款係冬陰公x意大利雲吞，另一款就係呢款。河粉唔太濕，唔會爛哂，冬陰公湯酸度十足，好開胃。鮮蝦炒金邊粉 $138鮮蝦有3粒，確係好彈牙，金邊粉同河粉一樣好易炒爛或者太濕，但呢兩碟都冇呢個問題，泰國菜係偏甜一點，我都覺得Pad Thai都要

喺中環嘅時候經常經過呢間餐廳，一開頭以為係西餐廳，點知上網搜查發現係食泰國菜加西餐，屬新派泰國菜餐廳，亦有不少分店，嚟到太古呢一間分店食。環境餐廳統一用黑色做主調，望落去嘅感覺比較有格調同埋高級，座位好舒服。脆炸粟米蟹肉餅 $118有五件，表面已經見到粟米粒，一咬開，外層炸粉唔厚，粟米增加整體嘅口感，本身蟹肉餅彈牙，沾上泰式酸辣醬十分惹口。泰式沙嗲雞柳串 $108食泰國嘢又點可以唔嗌串燒？有雞串同豬串，我哋揀咗沙嗲雞，沙嗲醬有好多花生粒，味道濃厚，雞燒得啱啱好，唔會過老，仲有兩串蔬菜，可以中和飽肚。鮮蝦炒金邊粉 $138另外一樣食泰國菜必點嘅就一定係Phad Thai，可以話係呢間餐廳比較多人食嘅一款菜式，鮮蝦夠大粒同樣彈牙，金邊粉濕潤度啱啱好，唔會過濕過黏，鍾意食辣嘅可以撈晒所有辣椒粉，會更加香口惹味。泰式河蝦冬陰功湯河粉 $138本身想點冬陰公湯，呢一款又可以食到泰國河蝦，又可以試到冬陰公湯，何樂而不為？河蝦十分大隻，有龍蝦一半咁大，但肉質就老左少少；冬陰公湯夠晒酸，未知是否有加椰奶，比較重椰奶味，我就覺得辣味可以加多。Longan Juice in Crushed Ice $40

我朋友中意食泰國野，我就中意食西餐，於是今晚一於搵間fusion菜食下😆Greyhouse cafe都有唔少分店，今晚黎左太古呢間裝修俾人感覺幾整齊幾chill，啲枱都大張，而枱同枱之間都有足夠空間👍🏻呢度主要食泰菜，但都有部分菜式係西式🥢招牌脆炸單骨雞翼食的出用左泰式魚露醃雞翼，亦都有香茅味👍🏻夠哂泰式😆雞翼係生炸嘅，表面好脆同乾身，但入面都keep到多肉汁同滑👍🏻🥢泰式沙爹雞串除左雞串仲有蔬菜串😆可以balance返無咁漏幾欣賞個沙爹醬，我啲都唔hea有花生碎係入面，增加左口感👍🏻調味都唔錯另外仲有烤過嘅麵包點沙爹醬食，真係一流🥢意大利肉腸芝士饀餅呢款比較純西式😂個餅烤到好脆好脆，而入面啲芝士亦都做到拉絲效果👍🏻🥢泰式部隊鍋麵湯底係冬蔭公湯，就咁飲有少少咸，但夾埋啲麵同海鮮食就岩岩好😁海鮮都俾足料，有帶子、青口、魷魚、海蝦麵就係泰國MAMA麵，相比平時食開個啲較爽口👍🏻🥢芒果千層蛋糕每一層嘅鮮忌廉都好滑而且唔漏👍🏻配埋芒果食亦都好夾好清新🍹泰式奶茶比起港式奶茶，茶底無咁濃，但多左份香甜味☺️

Greyhound 主打南洋菜，今天點了菠蘿海鮮炒飯$148 和芒果糯米飯$78，食物優質好食。已經有n年冇食，今日再訪很高興。菠蘿炒飯可兩個人share, 有起碼四碗飯份量，加了肉鬆，腰果，魷魚圈, 海虎蝦, 法國火腿和新鮮菠蘿，再在熱鍋上serve, 食到後期d飯會有點微焦，真的很不錯。另有魚露可加，我第二碗飯加了魚露但太咸。建議不要加太多。一入餐廳就見到一埋芒果，好吸引呀。所以點左份芒果糯米飯，米飯軟綿綿的，加左鮮椰奶勁惹味。最後點了杯芒果shake, 因為芒果真我很新鮮，很甜和juicy. 店內服務都不錯。

Greyhound Café 在香港的海外分店我只食在IFC的那間，其高質的食物和服務已經夠我印象深刻。今晚，再次在太古城嘗到Greyhound Café的味道。其裝潢、佈置、音樂以至制服等亦一如泰國總店，務求把百份百的泰國 Greyhound Café 活靈活現帶到香港。新菜式。《招牌脆炸單骨雞翼 $78》（Greyhound Famous Fried Chicken Wings這個是我的必點項目。以魚露、辣椒等秘製醬汁醃過夜，外皮脆卜卜，炸得香口但並沒有油膩感。雞肉濃郁惹味，單骨做法，吃得方便。《菠蘿海鮮菠蘿炒飯 $148》（Famous Pineapple fried rice with Seafood）炒飯是以鐵板的方式呈上，與一般的泰式菠蘿炒飯稍不同。以大蝦、甘筍粒、提子乾、腰果、粟米粒、肉鬆、炒蛋、火腿、洋蔥粒、大菠蘿炒黃咖喱飯，再鋪上肉鬆和菠蘿串，單是賣相已教人垂涎。而我最愛壓爛菠蘿肉令炒飯滲著菠蘿汁，令整體酸酸甜甜實在好味又潤喉。Desserts甜品《香蕉朱古力千層蛋糕 $68（Chocolate Banana Crepe Cake）香蕉夾入千層蛋糕嘅夾層裏面，再喺香蕉

Greyhound 之前兩次都係幫襯九龍塘又一城店鋪，覺得餐廳無論環境同食物質素都好唔錯，已經留下深刻印象；今晚約左個朋友去太古食晚飯，朋友咁岩提議去Greyhound ，我緊係舉腳贊成啦😋。餐廳雖然主打泰國菜，但餐廳裝修好西化，坐位舒適，空間感夠大，感覺幾高檔。單骨雞翼 ～ 雞翼已經一分成為二，不但容易進食，而且另雞肉更加入味，炸得夠乾身，但雞肉仍然保持juicy，推介👍🏻。意大利肉腸芝士餅 🌮～ 芝士迷必點，一口咬落去可以拉絲嘅小食，外層餅底兩邊都好香脆，入邊嘅肉醬餡料加埋香料同茄蓉，味道同口感都非常豐富。泰式沙嗲雞柳串 🍡～ 食串燒個醬汁至為重要，呢個沙嗲醬，味道不單止濃郁，仲有細細粒嘅花生粒粒，好正👍🏻，雞柳只有輕輕醃過嘅底味，但點左個醬汁後，成個味道生猛晒🤣伴碟嘅青瓜🥒、洋蔥、紅椒🌶串，清新爽口；粒粒多士，脆卜卜，最好就係點埋淨餘嘅沙嘜醬，好味😋。🥢泰式部隊鍋麵 ～ 呢個好有驚喜，海鮮鋪滿左成個鍋面，（青口、大蝦、帶子、魷魚圈、魚柳.... ）麵底口感似伊面，配埋個冬陰公湯底熱辣辣上枱，係一個連湯都全部清晒嘅鍋麵🤣最後緊係要黎一個甜品啦，呢度出名係椰子🥥蛋糕，之前已經試過，所

2019年12月10日 星期二今晚再次約埋同事兩夫婦同女朋友一齊食晚飯，搭同事順風車去左太古城一齊搵野食，最後決定食地下果層既泰國fusion菜，因為貪唔需要等位，可以即刻入去坐入面發現原來有好多位，都坐得幾舒服，而且夠晒靜，最岩用黎講秘密餐牌都有好多唔同嘅食物可以揀，圖文並茂仲話埋俾客人知菜式係唔係辣添，都幾貼心等左無幾耐就有湯送到，係粟米蟹肉湯配蒜蓉包，湯有好濃既粟米味之餘仲食到有粟米粒同蟹肉，口感非常豐富。蒜蓉包咬落就脆卜卜，點埋粟米湯一齊食就增添多一層味道之後有炸粟米餅，真係咬得到有一粒粒分明既粟米出黎，炸漿又唔太厚，熱辣辣幾好食跟住有泰式菠蘿炒飯，原本以為係原個菠蘿兜住炒飯咁上，點知係一個石鍋黎，夠晒特別。裡面有幾塊大菠蘿，好似啱啱燒完咁好香，食落又幾甜，而飯就一粒粒炒得好分明，感覺唔太油另外仲叫左雞肉沙嗲，沙嗲醬充滿花生香味，食落有少少辣，可以用青瓜中和返辣味最後仲要左甜品蘋果金寶，上面有好大球雪糕，同下面既蘋果金寶一齊食，一熱一凍感覺好特別感覺泰式fusion菜都幾唔錯，下次可以試下其他唔同菜式

今日係太古城中心揾嘢食，黎到有泰式fusion菜既greyhound，晚餐時段都冇乜人，所以唔使book位。野食點左粟米餅、海鮮沙律、菠蘿炒飯、咖喱雞肉串燒，仲叫左杯泰式珍珠奶茶，但珍珠冇貨，所以變左純粹泰式奶茶，都唔錯。粟米餅好香口，沙律好足料大大份，食到底有少少辣，如果唔食得辣就要注意啊。咖喱雞肉串燒反而冇沙律咁辣，唔好辣野既人可以揀呢個，菠蘿炒飯都唔錯，d腰果幾脆，炒得幾香。呢度食飯都幾適合四五個朋友一齊坐低食飯傾計

Greyhound係我百食不厭, 我嘅至愛之餐廳之一, 所以係Taikooshing睇完戲揀咗呢間食。每次都必食:三文魚, 因為鍾意個汁有少少青檸酸酸地好開胃好醒神～牛柳青瓜, 個汁同三文魚個個類似但唔辣, 香草味好香, 牛柳肉汁同青瓜爽口一齊咬, 呢個配搭好好～豬肉丸湯河, 鍾意係闊河粉, 好滑, 個湯都好香～今次第一次試呢度個漢堡包, 厚厚嘅牛肉好juicy, 個包都有烤過所以個邊脆, 幾好～青口ok～好飽, 但唔可以少咗甜品, 我哋叫咗個芒果糯米飯, 仲食得哂, 果然戰鬥力強 🤣

太古城這間泰式fusion 餐廳， 餐廳空間感大，有牆上的塗丫，挺年輕活潑的餐廳提供的菜色比較多元，泰式料理、各國料理以及創意西式料理通通有Pita Pizza with Italian Sausage這個很像泰國夾餅，裏面夾了香料、肉餡，整個開胃好吃~ 帶子蘆筍香草寬麵寬麵相當Q彈有咬勁，好好吃唷裡頭有帶子，蘆筍等，吃起來味道豐富又香香惹味，加上頗有彈性的細麵條，有越吃越涮嘴的感覺，不用另外加調味醬就很夠味了。Fresh Vietnamese Roll 融合泰式辣醬的越南春捲這裡也吃得到!清爽的滋味外，一旁的沾醬超級辣!最後是甜點， 美味的程度都在水準以上忌廉層疊交錯的蛋糕，餅皮要薄，忌廉要香，質感既輕且軟，層 次分明，入 口 creamy

去左太古分店，環境好大，裝修好靚。菜式好多，一般諗到既都有😂海鮮菠蘿炒飯份量好大好大，可以夠幾個人一齊食。配料配搭得好好，米飯夠入味。❤️❤️❤️粟米蟹肉餅外表金黃色好香口，呢個要加加分。❤️❤️❤️青咖喱和牛薄餅牛肉擺到好似花咁樣，對於鍾意食咖喱嘅我來講，佢嘅青咖喱辣度都OK。❤️香草辣椒豬肉碎配白飯豬肉碎同埋辣椒混合得宜，適合鍾意食辣嘅人，辣得黎好入味。❤️❤️❤️❤️👍🏼最後就係佢嘅青寧梳打好飲！❤️❤️❤️❤️❤️

前一段日子去完泰國都見過有呢間餐廳不過冇食到，今次見到香港都有就試吓。去左太古分店，環境好大幾舒服。叫咗幾樣嘢食，對於呢間餐廳印象幾好，重點推介下。。。。。。。。。。。。。。。。。。。。。。🌻海鮮菠蘿炒飯呢個炒飯真係好大個，可以兩三個人一齊食。材料新鮮而且足料，肉鬆同腰果呢兩樣為呢個飯加左分，增加炒飯既新鮮感。。。。。。。。。。。。。。。。。。。。。。。🌻香草辣椒豬肉碎配白飯豬肉碎同埋辣椒混合得宜，適合鍾意食辣嘅人，辣得黎入味。。。。。。。。。。。。。。。。。。。。。。。。🌻粟米蟹肉餅外表金黃色幾吸引，咬落有好多粟米，令到係肉餅更加有口感同埋多汁。

同朋友行完商場，就黎到呢度食lunch，我哋揀咗兩個lunch set ($128)，另加一服務費。跟餐可揀粟米湯或凱撒沙律呢度嘅名物，硬係覺得泰國嗰啲好飲啲！泰式炒豬肉，好香九層塔味，好味，但越食越辣，好彩有杯凍檸茶解解辣咋～泰式炒金邊粉，味道正常，只係炒得未夠乾身跟餐可半價換購($58 x50%)，呢度嘅signature，啖啖椰子肉，本身唔係特別喜歡椰子類食品，但呢件千層蛋糕真係一試難忘，好好好味！

今日 lunch 食乜好係每個上班族必問的。今日飯腳話要去 Greyhound, 當然ok 啦。中午時份沒有訂位，要等3-4 張枱。大概等10分鐘左右可以入坐了。每次嚟到我都會點冬蔭功螺絲粉，但對上幾次都賣哂，今日終於食到。配料比之前更多，有帶子同魷魚。後來先發現原來呢個餐係變咗海鮮螺絲粉，而唔係之前嘅大蝦螺絲粉，要加 $20，但物有所值。講返starter 可以選湯或沙律。餐飲可以選泰式奶茶或泰式咖啡。雖然點了少甜還是太甜了。下次要選其他飲品。

在太古分店的greyhound cafe感覺好，店員親切有禮頓地 service我地，餐牌有多款東南亞菜式，西式意粉都有！選擇好多。泰式咖啡珍珠，入口香濃幾滑，珍珠都幾彈牙！唔錯既泰式飲品紙米卷非常有特色！薄薄既紙米皮內有肉碎，蝦！再用生菜，薄荷葉包住食，最重要的就是那個醬汁！非常非常出色醬汁甜甜酸酸更帶出層次感覺！好有泰式味道呀pita pizza 就係薄式薄餅，內有意式肉腸，芝士等配料！外皮香脆超正，加上熱辣辣更好味！香辣炸雞，一粒粒無骨的！香葉一起炸更有風味。再蘸上旁邊的醬更惹味，食完再想食! 招牌椰子千層蛋糕，內有椰肉超好味！唔會太甜又好鬆代，又係食極唔停！全部點的菜都係水準以上！！非常滿意。