Greyhound Café (太古城中心)

营业中

休息中

📍Greyhound Cafe #GreyhoundCafe.🇭🇰香港太古太古城道18號太古城中心二期地下007號舖🇭🇰Shop 007, G/F, Phase 2, Cityplaza, 18 Tai Koo Shing Road, Tai Koo, HK.#太古 #泰國菜 #MFJ太古 #MFJ泰國菜 #TaiKoo #ThaiFood #MFJ_TaiKoo #MFJ_ThaiFood .Tasty: 👅👅Appearance: 👀👀👀👀Environment: 🌹🌹🌹🌹Price: 💰💰💰Service: 👨🏻👨🏻👨🏻.Greyhound Cafe為泰國時裝品牌，實屬為多國菜餐廳餐廳位於太古城中心地下，都算容易找到地方大，環境設計風格挺靚，不過有少許冰冷感🤣.🐔泰式辣炸雞配蛋黃醬⭐️HKD88真心覺得好味道，炸雞好熱好香，最特別的是炸雞有陣好香的香茅味，而且陣味同個炸雞同雞黃醬好夾💯鹽係自己落，咸度自己控制，好好味.🌮意大利芝士餡餅Ⓜ️HKD118我很喜歡芝士餡餅，可惜不ok😢肉無味，亦不覺有意大利肉腸，最慘的是無芝士味唯一挽回少少分數是個餡餅皮幾香脆🥴.🍝鮮蝦炒金邊粉Ⓜ️HKD13

這餐廳的衞生問題嚴重，所以決定在這裡寫出來給大家參考。上星期日去午饍，叫了碗泰式湯粉，食到一半，嚇然發現若大的曱甴在湯裡浮游，立刻作嘔，並當場報了食環署。而且也看到垃圾車推個進食大堂至水吧位收垃圾，完全罔顧週邊放了水杯、調味架等食物、食具。簡直不能想像香港還有這般的水準。而且服務態度愛理不理，另人更生氣，例如侍應總係扮看不到你，當日每枱客人都係努力咁叫侍應，誠意這間餐廳的管理簡直不可接受，我永遠都不會再去光顧的。

今日下午食lunch, 坐前講明九十分鐘用餐。我地叫左幾個不同菜，其中一個係炸豬脾。菜上得好慢好慢，只見附近D枱都不停揾人追菜。我等的豬脾等左半小時，揾經理問下，不問還好，一問不得了。經理話豬脾係要四十分鐘做，因為要慢慢炸。我話我點菜時你唔同我講，四十分鐘做一個菜係未有D誇張，經理就覺得一D問題都冇，態度堅定。OK，你叻，我立即叫埋單。隻豬脾又突然ready。坦白講，今時今日咁嘅服務態度，真係冇得頂。最後豬脾打包。

平日嘅午市套餐都有唔少嘅選擇! $98有主菜加嘢飲😚覺得呢一個河粉湯底幾濃郁，有啲炸蒜同蔥花。但係有幅相可以睇到份量都幾少🤧要$98係唔係幾抵食！但係佢啲河粉係比較特別，切到非常闊，好似刀削麵咁😆仲可以以半價食到呢度最出名嘅千層蛋糕，呢個泰式奶茶千層蛋糕食落去有啲層層分明嘅感覺，每一啖都食到一層層嘅口感！唔係特別甜但係咖啡味都唔係特別出，千層蛋糕都係心機野~最啱就係兩個人分住食，因為份量都幾大🤣

尋日我哋一行四人去咗呢一間Greyhound。之前去過一次IFC同埋尖沙咀嗰間，覺得唔錯，諗住太古多數應該都係會都ok既。我哋叫咗一個蜆肉意大利粉、牛筋腩撈粗麵、海鮮菠蘿炒飯，同埋一個海南雞飯。呢度啲嘢食非常非常非常非常非常鹹，係鹹都食唔落口嗰隻鹹。牛腩撈粗麵啲油多過啲粗麵。蜆肉意大利粉啲汁稀淋淋水汪汪咁樣，又喊到瘌脷，D蜆得個殼，有啲係唔新鮮嘅都照上菜。海南雞飯D湯好似飲鹽水咁樣。其實好地地一間Greyhound，點解可以咁差。期望唔算多只係想搵個地方食午飯，實在太失望，以後一定唔會再黎。

回家經過見到餐廳門口有50% off大大個餐牌，好奇地停下看看，很快就有一位似是主管級的侍應急步上前推介，原本打算回家自煮的我，就借機懶惰一餐好了😁招牌脆炸單骨雞翼🐓真的物如其名，炸得很香脆，單骨很易食，平時不吃雞皮的我，也忍不住一併吃下🤤越式鮮蝦雞肉紙米卷🌯平時吃的紙米卷比較薄身，這個外皮比較厚，幾條黐埋一齊，拉都拉不開🙄蝦沒什麼鮮味，但一點也不油膩，很健康👌泰式豬肉丸湯米粉🍜原本是河粉，改米粉也可以。本身很喜愛幼身的泰國米粉，吸了湯汁相當入味，除了豬肉丸，還有幾片豬肉片，肉片很有豬味😋整體食物質素不錯，半價後真的幾抵食，更難得的是近來生意淡薄，但服務態度還是很不錯👍

Don’t come if you are hungry Very slow service and not even under staffed. Prioritize take away which is good at this time but they offer 50% discounts for takeaway, I would assume , as customer, paying full price , I would get normal speed of food served for me.

下午茶時間，想搵餐廳食嘢，見到好多外賣自取都有折扣，之前想試Greyhound好耐，見佢做緊promotion, 外賣自取半價，就細心𥄫下個餐牌半價餐牌嘅選擇都幾多，我揀咗個炒金邊粉同埋單骨雞翼，由拎外賣到返屋企食大概10分鐘嘅時間，份量來講算係少咗啲啲，唔知係咪因為半價嘅關係，定係不嬲都係咁🧐，食落覺得蝦都新鮮，金邊粉都好夠味，唔會太酸👍🏼要推介個單骨雞翼，拎到返屋企一開都係好香，而且冇話出晒油，食落唔會太乾身，又香又脆，半價真係超抵食👍🏼👍🏼👍🏼

又係抵食系列，如果忍到夜食既，Greyhound真係唔錯既選擇。不過可能好野都係多人揀，次次都要早一兩個星期先至訂到有幾樣野每次嚟都必叫，煎帶子，蟹肉炒飯，牛丸河，同雞翼蟹肉炒飯，真材實料。你睇真係勁多蟹肉架，啖啖都好滿足呢個連名都記得，因為麻麻...牛丸河，湯底夠濃，炸到脆卜卜既豬油渣係我至愛，可惜得幾粒Pad Thai好味，只係細碟咗少少單骨雞翼就唔需要介紹啦雖然佢既甜品同野飲係無折，但好味嘛，當然要叫埋，芒果糯米飯同椰青沙冰都好味😋

     因為住在東區，所以較常去太古城中心餐廳用膳。今回又去光顧Greyhound Café，但當然會選取不同的食物。今天叫了個越式蝦仁雞肉米紙卷和蟹肉炒飯，米紙彈彈地，相當新鮮，餡料裏有少少花膠條，營造一點彈牙效果。但雞絲就失水準了，非常乾，要沾上配汁才好吃一點。蟹肉炒飯是Greyhound Café的 signature dish，蟹肉份量相當多，叫做飯炒蟹肉也不為過。蟹肉相當鮮味，可以撈一下「辣椒魚露」，但唔食得辣的就千萬不要吃那小辣椒，超辣架！還有值得一提，今次Greyhound Café的服務有進步，對比上次那位，貌似部長級的女士，約三十多歲，今次這位侍應的服務就好得多了。

We ordered curry duck breast and lobster needle. Both dishes were way too salty. We cant even finish it. We informed the waiter about the salty food. And we just got an answer: I see....So we left the restuarant half full and gone to another fast food restaurant to fill the belly.

        位於太古城中位的Greyhound Café主打泰式菜色。之前來過食晚餐，提供菜色有相當多的選擇，也會播一些音樂，但感覺相當嘈。今日來吃下午茶，人數不多，不會很嘈，亦關乎近日疫情嚴峻。        下午茶選擇不多，我點了一個沙律，一杯泰式檸檬茶，和生果千層蛋糕。今日想介紹的便是那杯泰式檸檬茶。檸檬茶當然會有冰塊。這杯泰式檸檬茶的竅門就是在那些冰塊；這些冰塊是用泰色青檸加茶，凝固成冰。這樣，當冰塊溶解時，也不會將檸茶的味道沖淡，做法比得上我們港式的冰鎮奶茶呢！

我會定義greyhound係間走中間路線既泰式fusion菜，黎到咁潮既餐廳我地一家人點少不免點左d新菜式，係第兩度未必食到既。冬蔭功係經典泰式國菜，酸和辣都要恰到好處，呢度既冬陰功好香口，辣得黎有少少刺激，係兩種螺絲粉所混合，上面有隻珍寶蝦同鮮魷，十分開胃，我一個人可以清哂。呢度其中一個features dish係，千層蛋糕，見到廚師即埸整咁新鮮，即刻點左個雜莓千層蛋糕。每一層皮都有鮮忌廉，所以食落入口即溶。以一杯泰式奶茶作今晚之終結，去泰國既經驗係比較熱，所以一杯甘甘地既奶茶令我回想起泰國的風味。食物，環境，和服務都很滿意。

今日收工前，老闆娘見我地近排工作咁辛苦，就話請我地幾個員工去食番個美味下午茶餐。所以我地幾位員工揀咗幾款不同美食。越色鮮蝦雞肉米紙卷 $98米紙卷皮薄，入面有蝦有雞，配上漿汁，又有生菜，夾住黎食。椰青蛋糕好香椰肉，外層忌廉好厚，有口感，又香滑又有濃濃既椰肉。雜莓千層蛋糕賣相好吸引，好滑既忌廉配香甜可口既果肉，中間夾住果肉果醬，回味無窮。煙肉蘑菇白汁意大利麵煙肉有兩款不同口感既煮法，比客人特別口感，又多又香滑既白汁配意大利麵。

記得上次到過中環IFC的Greyhound Cafe，令我對其Fusion泰菜印象深刻，今日要到太古工作，所以順道可於餐廳太古分店享用晚餐。今天比較早到，人還不算多，所以可以好好欣賞室內時尚的設計，餐廳以黑白色為設計，時尚形格，有氣氛，坐得舒適。招牌脆炸單骨雞翼 $78Greyhound Famous Fried Chicken Wings份量十分夠，4人份都夠，但愛雞翼的我，照單全收，雞中翼切半成單骨雞翼，方便食用，生炸雞翼外脆內嫩，而且熱辣辣，正。青咖哩和牛配薄餅 $198出了幾款新菜式，其中一款是《青咖哩和牛配薄餅 $198》，餐廳擅長融會貫通，配搭不同食材烹調，以創意突出食物的色香味。今次就以泰式的青咖哩作火鍋湯底，再另配上日式的和牛和薄餅，配搭既創新，味道亦佳！青咖哩味道香濃，內有配料例如泰國茄子、泰國青豆、香葉等等。和牛色澤鮮紅十分新鮮，長長的和牛掛上了青咖哩實在惹味！薄餅亦非一般的印度薄餅，其口感煙煙韌韌，一籃的份量輕易被掃光。Desserts甜品香蕉朱古力千層蛋糕 $68 Chocolate Banana Crepe Cake最後點了餐廳招牌名物crepe cake作結