Greyhound Café (太古城中心)

营业中

休息中

食到一肚火，11:45分落單 中間催左無數次 都扮睇唔到， 去到1:15分 啲嘢食終於先到，但係食物質素好差， 啲甜品好似隔夜咁 又乾又唔好食 啲侍應又扮睇唔到 又無幫手跟進難怪咁少人嚟食 以後唔會再嚟幫襯

最近咗greyhound太古分店，明明坐抵左之後听我地搬位。午市要一人叫一份餐, 但我地經QRcode order, 3個人叫左兩份加兩個小食都唔得, 咁應該一早提客人。上菜速度實在太慢，等咗超過25分鐘，人手又唔夠，服務態度都唔好，特別係個店長。影響咗成個用餐體驗。總括來講，我真係唔會推介呢間餐廳，希望佢哋可以改善下。

呢間嘢喺OpenRice咁多差嘅食評，又話佢哋服務唔好，嘢食又難食，真係要為呢間餐廳出返個真實食評，本人喺太古坊返工，一星期最少會去一次太古城greyhound食午餐，首先好多人話佢服務態度唔好，平心而論每一次去，佢哋都係得兩至三個員工喺度做嘢，呢兩至三個員工仲要滿場飛，我都明白佢哋唔夠人先用QR code落單，但係我亦都眼見有其他食客故意唔用QR code落單為難佢哋，講真，唔夠人嘅情況下，點樣俾到好服務你哋呢，都唔明點解呢間公司咁唔夠人都唔請人😱至於嘢食方面，呢樣真係好特別，每一次去食，每一次啲味道都可以唔同嘅，湯又好，沙律又好，粉麵飯都好，都係咁樣，仲要午餐時候等嘢食必定超過45分鐘😱

食物差，試左2次，每次都漏單！粉都煮唔熟！一個湯河等左一個鐘，等左45分鐘先話冇，要轉其他！追單幾次都冇人理！成一個鐘等一個餐！問左都冇答案！唔話要轉野食！食物差！服務差！

最近咗greyhound太古分店，真係好失望，感覺完全唔值。首先，上菜速度實在太慢，等咗超過半個鐘，最後上到嚟嘅咖喱雞飯竟然係暖嘅，雖然佢用個鍋類嘅器皿裝住，但下面係冇火暖住嘅，完全唔值$128，我食過出面嘅兩餸飯質素都好過佢。而且我點嘅冬陰功河夾出嚟嘅河粉係一餅嘢咁，完全唔值$128。食物質素同價錢根本唔成正比，真係好失望。人手又唔夠，服務態度都唔好，影響咗成個用餐體驗。總括來講，我真係唔會推介呢間餐廳，希望佢哋可以改善下。

（自費，真實食評）平時慣咗同老公去銅鑼灣食晚飯，但今日趁於這店在OpenRice book位有九折 （只限Monday to Thursday)，就同老公去食。點了：牛肉牛丸湯米粉、雙式魚餅（已經介紹過）豬柳串燒糯米飯： 糯米飯煮得剛好，不會硬，很香，燒豬柳有三串，有小碗裝上醬汁，味道唔錯。鮮魷魚筒： 魷魚size不大，很新鮮，個汁調得OK。Coconut yogurt shake: 賣相好靚，味比較淡，味道都可以。埋單都係around五百，性價比不錯。

My old dad was yelled at by the staff “你做乜野” in the middle of the restaurant while we want to move to window side of seats. Everyone were looking at how rude the staff is.. speechless, this place has the worst services. ShameOn you! Another time my old mom asked to order something from the menu, and the waiter pointed to her to check in digital menu and was rushing to leave (when he was not actually that busy)

經常都會來這店吃，環境舒適，啲嘢食又好食。今日點了：1） 牛肉牛丸湯米粉： 牛朒炆得入味，充滿牛香味，牛丸普通，湯濃郁好喝，米粉品質好。2） 凍泰式奶茶： 很正宗，茶濃淡適中，奶的份量也夠，好好飲。3） 雙式魚餅： 兩種泰式魚餅，一款是平時食到比較濕潤，一款比較乾身，兩款味道都好好。

今日食午餐，服務員坐低後禮貌叫好多次都唔應，我坐一端，但餐具同埋所有擺設在另一邊，服務員攞菜上枱都完全冇件事，我仲要自行將桌上飲品和食物移動以便將餐具紙巾𢲡過耒，中途熱水也倒番，事後我同所謂經理反映，佢竟然說我將餐具移到枱另一邊，回答過程滿臉不屑，態度惡劣，勉強講sorry, 完全沒誠意，俾錢仲要受氣，非常差勁體驗👎

有個唔係著制服嘅男侍應(相信係經理級），好高大，服務態度超超超超差，無心唔好做飲食行業啦好心，做衰曬香港。 食晒物味道ok , 大部分煎炸濃味嘢食，啱口味較重人士，如果有小朋友就唔係好啱食，河粉唔錯。

最近去過呢間分店兩次，服務態度差，諗住去多一次試吓，其中只有一個華人後生女服務好啲之外，其他人服務很差，所以應該不會再去，要食都去第二間分店吧！星期六晚已經咁少人幫襯，再繼續咁嘅服務態度，就真係幫佢唔到…..

今日Happy Friday dinner想食泰國菜 諗起2年前食過 嚟之前睇到openrice食評 話啲staff麻麻地 但今日我嚟到就覺得不錯 keep住有staff係到行 想飲杯水都唔洗四圍搵人 或者今日餐廳唔係full Booking啦所以服務都可以的 2人可以坐4人枱 舒服哂進入正題 當然要叫佢個招牌脆炸單骨雞翼普普通通 想食炸雞翼作個小食都不錯仲叫咗鮮蝦帶子墨魚汁麵 辣味夠出 但份量就細咗少少 呢一個就性價比低好多之後就叫咗一個香紅咖喱鴨煲配印度煎餅甜咖喱為主 鴨係現成燒肉買返嚟嗰啲但係都不錯 配煎餅真係一流 但係配兩塊煎餅真係唔夠食兩個人 要另外再嗌最後飲品方面🍹叫咗兩杯Greyhound Style Iced Lemon Tea第一次食嗰陣冇嗌到呢一個嘢飲 所以今次就特別再嗌返 不過同menu上面一啲都唔同樣 完全唔覺得係signature只係一杯好細杯嘅檸檬茶加一塊青檸總結 味道方面不過不失 但性價比就比較低 份量較少 咖哩鴨煲配印度煎餅 就啱我食如果太古附近開其他泰國菜就未必會選擇佢嚕～

食物質素不錯，但就像大家的食評一樣，服務非常差！好難想像比成200蚊一個lunch，仲要比個著便服嘅waiter(唔知係咪經理)用不好的態度對待，仲衰過茶餐廳，我以為係我自己敏感，點知上openrice先發現咁多人都話態度好差！

24/4/2024lunch time, 我地共5人，手機就黎冇電，叫服務員落單。服務員落單前串我，做乜五用自己電話落單，我話冇電，要求佢落，佢見我朋友有電話，話你地可以用手機落單，我話呢個電話系朋友，不是我。我同佢不太熟。侍應即刻話需唔需要同你地分單。我話淨係需要落單。敢你衣家落五落單呀。最後，米又係要幫我落單。 串完我都系要幫我落單嫁剌。我以後不會再去呢間垃圾餐廳，一個lunch 都$150 左右，連敢既服務，正垃圾。有呢啲員工、食物幾好都五會再去了。五怪得飲食業敢差、冇比較冇傷害。

於午餐時段,餐牌上列明有A B C 等項目, 而每項均有價錢至於項目頂上列明如$48, $68, $98 等. 亦有套餐如A+B $138, B+C $168... 等. 惟用手機點餐時並沒有單點項目價錢, 只能點套餐或正價( 較貴) 之食物🤔. 請侍應落單卻表示沒有單點,必須點套餐🥺, 有較高級的店員前來補充解釋：餐牌上所示的午餐單點價錢是假的, 只作參考, 此乃由其市場部制作, 而點餐是必須點套餐或正價....oh my god😡, 竟從高級店員親口說該餐牌價錢是假的😤, 如此荒謬的食店於甲級商場營運, 不難解釋近期香港食肆銷情☹️👎👎👎