Green Common (The Forest) (已結業)

平時食得肉太多，間中都要食素平衡一下約左２個朋友行街食飯，見到呢間餐廳食新式既素食好出名，一直都想食好耐啦～而家開左間係旺角，好方便，一於入去食！自己搵位同自己出去比錢order食物，平日既夜晚唔使等位，一去到就有位了～睇menu見到佢個burger好吸引，有未來漢堡 佢有3款burger揀, 但我見到有我最鍾意既牛油果！所以諗都唔諗就決定要呢款～可以加錢要湯／飲品，我加左$28要左支冷壓藍莓蘋果汁。個漢堡都好大個，好高身，唔使驚唔夠飽，食完再飲埋支果汁係好飽架！（正常女仔食量）牛油果好軟滑，個未來漢堡真係好似肉咁，怕食素既朋友唔使驚左佢同一般burger一樣，有蕃茄生菜芝士，好好味，本身好怕好多汁係burger入面，但呢個burger入面冇，好岩我心意呢度重有好多新式既素食，全部都好吸引好想食，只好下一次黎再食。

平時成日話食齋食齋，食黎食去都係中式野，一直想睇下有無近近地既西式素食，終於搵到呢間係旺角鬧市中既森林入面的素食喇！呢間餐廳係自助式，鋪中有素食食品賣，好似超市咁🤣，三點黎到呢到，無咩人，諗好食咩就去收銀處俾錢落order, 之後會俾部機你等佢響就去拎！首先叫左佢既人氣食品，素肉漢堡包deluxe版，有松露醬！連埋薯條既！麵包好鬆軟，入面既素肉好有五香味，都有少少咬口架，加上淡淡松露味，成個感覺都唔錯！海葡萄藜麥沙律，附日式醬汁，海葡萄幾特別，咬落好似啲蟹子口感既海帶😂配埋沙律菜，蘿蔔絲等等係一個幾豐富既沙律！都幾大碗架！素海南雞飯，啲雞望落個樣就似腐皮喇，食落都似豆制品，加左菇呀素肉呀係啲雞底，個調味都幾複雜，當然你話係咪似雞就真係唔似既，都係啲香料味較重～》反而佢既黃飯整得唔錯，香軟可口！加左個薯條炸魚，佢既薯條炸得不過不失啦，反而個炸魚我覺得口感同味道似麥樂雞多過似魚囉😂😂😂另外都加左個羽衣甘藍脆片，er...唔知係味用左椰子油黎整，個味好怪.....建議唔好加錢食呢個，極唔抵，又唔好食整體算唔錯，漢堡係值得推介既！飲埋佢個冷壓果汁，都唔錯架！

是日友人同我補祝生日，諗唔到食乜既情況下黎到新開係波鞋街頭既商場，試下呢間近排都幾hit既素食店一早睇定食評，覺得呢款雞麵個賣相好吸引決定叫黎一試。本人十分喜愛豆乳製品，就算平日要我食齋我都唔太介意。呢款真係做得出色，第一佢個豆乳麵完全岩哂我口味，嗒到啖啖湯底都咁有豆香，仲有條條麵麵好似水豆腐咁滑個四川麻辣雞我都食得好開心（我係一個唔食得辣既人），麻多過辣好過癮不過我辣到噴火咁滯一啖麵一啖｛雞｝好balance老實講佢黎到果下個賣相都唔係太吸引到我，因為佢望落去非常之乾，一啲都唔覺得juicy但食落下完全比到surprise我，事關佢中間果塊素牛肉真係超級無敵似漢堡，有少少焦味，仲要一啲都唔乾同柴。單靠塊素肉已經值得我比滿分食完一啲都會唔覺肥膩，感覺非常健康，就算食哂啲薯條都唔覺得熱氣店員服務都好好，抵讚

上菜快，食物份量足，好味道，感受到有用心製作食物，第一次見到紙飲筒，唯枱少，其他都是高椅，座位不太舒適。叫了一個肉醬意粉，覺得有點後悔，因仿真度太高，令我好像回到還是吃肉的時候，但對雜食的朋友則是件好事。另外第一次吃素芝士，很感動因戒蛋奶後原以為不會再有機會吃到，現在又可以吃。

朋友們開始注重飲食健康，是次聚會建議素食。呢個shopping mall好新，都未入過黎。有個笨少少既朋友就搵唔到，我就搵都無搵直接問人。Pizza, 個餅底好淋，味道ok既。Hamburger，個汁好食，個漢堡勁似牛肉，無論質感定味道。必食之選。焗豬扒飯，超正，必食藜麥沙律，汁好食，唔加汁叫人點食？少少失望。海南雞飯，配菜好乾、飯好乾、雞唔似雞，不要點。另叫左個養生茶，超refresh, 要試。當場有好多野買，一次過滿足左朋友又食又買既願意。我就唔鐘意行去點野食，又要拎，行來行去，無乜服務。

Green Common 幫襯過2次，美味與否的總結是看看 order 什麼食物。未來漢堡🍔炸魚薯條🍟咖哩魚蛋🍢豆乳家常麵🍜流口水雞，我都覺得好好味。炸魚不乾身或過火，炸魚和魚蛋好似真嘅一樣，咖喱汁可以撈飯，家常麵襯熱吃時十分爽滑。如有椰油或 cheese 成份要比較小心，是不吸引的羶味，感覺像油份已氧化了一些時間😝日式和風藜麥海葡萄沙律和牛油果焗蛋用料其實好好，而做出來的成品卻很行貨，帶不出食材美味的精髓。港式鐵板鴛鴦扒的牛跟 Beyond Meat 的牛味道好大分別，Beyond Meat 我絕對喜歡🙂煎釀三寶份量只有4件，味道與價錢不相符，奇怪是店員也說不喜歡三寶的椰油味。吃過2款期間限定的未來漢堡，9月的蘋果蓉蜜糖芥末和10月的秘製黑松露醬都沒有失望。海葡萄份量少得難以 share，也吃不出海葡萄的鮮脆感。藜麥和沙律菜等用料很富營養，味道卻普通，感覺像浪費了。牛油果焗蛋(前) $38，面層的芝士羶味不吸引，整體味道平凡。咖喱三寶(後) $39，素魚蛋真嘅一樣，咖喱汁惹味。2者反差很大~焗港素豬扒飯芝士羶味同樣欠佳，素豬扒很乾身。喜歡吃素芝士的我，覺得這款素芝士的羶味和之前吃過的

久聞尖沙咀嘅Green Common，趁今日放假，事事旺角波鞋街新開嘅新派素食Green Common。此店走型格風，好多標榜健康嘅菜式。我叫咗個未來漢堡Deluxe，好多黑松露醬，同漢堡包味道好夾。裏面嘅素牛肉整得好似，連紋理都同牛肉似到十足。河馬生嘅雞絲粉皮略嫌普通，雞肉食得出係麵根，而且有點膩，$73略嫌貴。不過此店無論service ,環境、食物也不錯，我地下次應該會再嚟試下佢另一馳名嘅海南咪走雞。

平時岀街食開素，大部分都係失望大過期望。一係就唔好食，一係就貴到喊。今次黎到green common，一入去就覺得好新好明亮。因為近街，間舖入面都好夠光。呢到係行自助式既，由落單，攞野食，到食完，都係要自己一手一腳搞掂。我就係飲品櫃到攞左呢支原味蘆薈汁，飲落清爽，不太甜。但蘆薈果肉就不算多啦。另外仲嗌左個炸魚薯條。配有沙律醬同茄汁。我習慣食左菜先既，菜的份量不少且爽口。薯條的份量都不少，但魚就得兩舊。魚的質感不似真魚肉，外形成舊麥樂雞咁🤣 食落冇乜味，我就覺得冇乜特別。不過記得點埋佢既沙律醬，比較酸但都幾好味。薯條上黎嗰陣熱辣辣，而且都好長好大條，點埋茄汁食仲正！望落雖細份，但食落飽肚！點解會話佢係港式素食，係因為呢到有素既煎釀三寶食！雖然我就冇試，但呢間舖仲有好岀名的未來漢堡食，絕對要黎多幾次食！

望穿秋水，終於等到 Green Common 開分店，仲要係就近我上班地點，一眾為食嘅同事好興奮同我一齊嚟試。暫時我哋都覺得，西式食物比較出色，幾可亂真。而港式小食又實在吸引，因為將以往認為唔健康唔衛生嘅街頭小食變身為有營素食，甚至有無蛋奶選擇 煎釀三寶下次一定不會錯過，首先回顧吓 first visit 嘅美食先Fish N Chips 似到痺，直頭好似有啲魚味🐟 炸🉐靚仔，完全沒有又乾又硬狀況，有杯手工啤就爽喇🍻咖喱魚蛋、魷魚拼蘿蔔🍢魚蛋同車仔檔幾乎一樣，魷魚是杏鮑菇，配清香豆乳家常麵，好 yummy 的地道港式小食🍜海南米走雞配黃薑飯🍛實屬齋鋪素雞，驚喜度稍降🐔未來漢堡🍔Beyond Meat 有點像豬牛肉乾的味道，記住 Bill Gates 發明㗎☝️😄 係植物性蛋白，Protein 含量跟真肉無異，重要的是🈚反式脂肪、🈚膽固醇、🈚抗生素、🈚激素、🈚麩質、🈚基改💪🙂 有甜甜的蘋果蓉，惹味的 honey mustard，vegan but not Buddhist friendly😉最後，很好的同事請飲 Aloe Juice，原味比芒果香，清甜解渴，有人請梗係好飲啲啦🥂😄

去旺角波鞋街個間新開張素食店。點咗個咖哩三寶配麵。價錢$69。間食店好清新。橫裝好正。個咖哩個咖哩味重有魚蛋味，好彈牙。三寶有蘿蔔。加個素食腸，咁就變成咖哩三寶。個咖哩汁唔算好spicy，食到有印度咖哩風味。混入天使麵就最正。個麵湯底好重鮮湯味。係旺角食到最地道美食。又係全素，另有一番風味。

帶住BB 喺旺角搵野食真係唔容易行過呢個新商場，諗住食mos cafe，但原來冇BB 櫈，經過呢間COMMON GREEN 見到有BB 櫈，仲係新派素菜，即刻坐低試下黑松露雜菌意粉黑松露香味剛剛好，creamy 得黎唔太漏。菌類新鮮爽口，而且種類多，亦無"UP" 味，意粉al dente 流口水雞加配豆乳麵賣相同真。口水雞 好似夾埋素雞件下面既青瓜菌類一齊食，麻辣得黎又清新豆乳麵湯底香滑，又唔會太濃太鹽小豆妹都好欣賞個麵，香噴噴，滑嘟嘟。Fish and chips炸得好靚，又唔油，個魚食落仲有d似麥樂雞幾得意。薯條大大條，啖啖肉，帶有小小薯皮，正！食完覺得好滿足，連肉食獸小豆爸都好滿意完全唔會有 "冇肉到肚既空虛感"而且食物賣相吸引，睇得又食得

旺角 Green Common1.期間限定—未來漢堡Delight 🍔 $88媽媽唔食得牛肉，所以就帶佢黎食素肉漢堡🍔 真心好有驚喜！！😍塊肉超厚，而且好 juicy , 質感同牛肉漢堡無異🐃 加埋烘得香脆既漢堡包、生菜🍀、蕃茄🍅、蘋果蓉🍎同素食蜜糖芥末醬，既惹味又refreshing ah 😘2.素咖哩三寶 $39咖哩味好地道，好濃郁，刺激得黎又唔會過辣👍🏻 素魚蛋、素魷魚冋蘿蔔都做得出色，索盡醬汁😄3.海南植物雞🐓配黃薑米 $79有點失望了😭 無論係賣相定味道都唔係好似雞～ 植物雞以腐皮製作～不過黃薑飯就唔錯，好香椰汁味，仲粒粒分明😉💕#reneemk💕 評分：😈😈😈😈#tasteoflondoninhk #tophkrestaurants #lunch #hkfoodie #hk #hkig #hkfood #weekend #alphaconcepts#love #food #foodie #hkfood #hkfoodie #eat #around #the #world#is#my #ultimate #goal #gain #weight#ufoodhk#hkblogge

Green Common started out as a grocery store selling organic and vegetarian/vegan friendly products. But then they expanded to serve food as well. First with a place in Tsim Sha Tsui, then Central. Their next destination? Mong Kok.Mong Kok? An area that is known for quick bites and street food that  it is meat friendly. So, what can a vegan place offer?Actually a lot as this place offers new items not found in  their other branches: Hong Kong style baked pork chop rice, curry fishballs and fishme