Green Common (The Forest) (已結業)

大家愈來愈注重健康，素食餐廳愈來愈多，Green Common算係當中的表表者，不同於以前常見的齋鋪，比食客一種對素食全新既體驗。今日叫左植物蛋照燒碗，$82, 入面有紅米，糙米，蟲草花，不同既菜同植物蛋。個蛋既樣同真既一點分別都無！配上照燒汁，以個飯味道好又飽肚，係健康好味的！除此之外，我地叫左未來漢堡classic, 以個包不得了入面既漢堡扒不單只形態，甚至味道同平時食既幾乎一模一樣，有juicy 既感覺，肉香味仲幾濃添，大家可以試下呢！

一個人出旺角覆完診，便行去揾素食，突然醒起上次行街經過green common望到客人以快餐形式点餐，幾方便我一個人食。、今日我点了一個焗港素豬扒飯和野菌湯，嘩豬扒真的幾可亂真，個飯帶有黄薑清香加埋醒胃蕃茄，好夾呀，而且面頭還铺了芝士，仿真度極高。

近來都保持1日1餐食素,所以今次約朋友就搵下旺角有咩好素菜食.見到openrice上食評啲食物圖片被吸引了.晚市3個人黎到已經得返高枱望街那種,所以唯有等一陣.咁大家就選野食先,好多選擇.花多眼亂.因為想食湯粉,最後我叫左越南粉(利申我平時唔食牛肉)但佢只有一款選擇好彩佢分開另上😂個湯粉底同平時既無咩大分別.齋牛肉食唔出用咩整,味道一般😔其中一位朋友唔餓叫左餃子,佢話幾好食另外個朋友以為最穩陣叫左以下圖呢款...點知佢呢間隻蛋係特別處理過.味道真係唔係人人接受到..其實用返正常雞蛋會好好多😌

一行四人嘅同學聚會，由於次次都係食肉，所以今次就試吓食素，上網見到依間食新潮嘅素食，位置方便同埋賣相吸引,所以就試這間。食物方便；分別叫：四川麻辣植物雞配豆乳家常麵（雞味道好惹味，麵口感都不錯，因為個湯底係豆漿所以可中和麻辣雞的辣）；焗素豬扒薑米（味道一般）；未來漢堡plus(這個賣相好吸引，和有牛油果，味道都OK）；氣炸素雞鎚配蘇太名醬（這個好特別，雞腿係用腐皮整成，好味）；炸植物魚塊薯條（素炸魚嘅口感不錯，薯條好味）黑椒植物牛柳粒（這個係滿$100就可以用$10換，唔夠黑椒味，但有牛嘅口感），服務方便係以自助形式落單和自取食物；總結這間不妨一試，環境都ok，可以約三五知己一邊食一邊傾計（但如果人多，係會限時個半鐘），因餐廳不算大）

環境：⭐️⭐️⭐️⭐️餐廳佔地不大，但午市人流不算多，且有窗邊bar枱位，在繁忙的都市間可稍為獨個兒望下街景進食，配合素菜主義，確能讓身心靈得以調息！食物：⭐️⭐️⭐️⭐️⭐️餐廳提供多款創新素菜午餐選擇，海南雞飯雖然沒有雞味，但賣相吸引，且質感十足，配上薑黃飯，味道清香！另奉送無咖啡因巴西梅果茶，茶味濃配以梅果香，如果不是lunch hour, 真係想慢慢坐，歎下茶，睇下書！服務：⭐️⭐️⭐️⭐️以快餐式服務為主，先在收銀處點餐付錢，自己取餐後㨂位便可！註：⭐️⭐️⭐️⭐️⭐️五星為最高分，⭐️一星為最低分

近來香港人飲食越來越注重健康莎拉都係，有機會就自己煮野食研究多左營養分配盡量食食物既原型.今日經過旺角呢個新開商場有間賣好多orgranic野既餐廳睇menu已經見到好多新式既字眼全素既豬肉，連蛋都係植物蛋.Beyond burger係由一間食物公司Beyond meat用左7年時間研發以100%植物製造，零動物成分、零膽固醇，無激素、抗生素、基因改造，係環保大士Leonardo都有投資既公司我叫左用上"JUST植物蛋"製造既末來蛋牛治係呢度當然唔係以往食開既蛋牛治全麥厚多士，配上Beyond burger漢堡排，薯條整體係有啲乾，最好配杯野飲男友就 "改邪歸正"，叫左個改邪歸正西多士同樣地用上JUST植物蛋，花生醬，純素牛油，全麥麵包，龍舌蘭蜜健康型西多士，男友話同以往無太大分別係口感會比以某餐廳既腍小小.

Green Common令我對素食完全改觀係我印象中既素食，一向都係以中式為主同埋餸菜好油，但係好多謝Green Common將西式素式文化帶入香港，令大家可以接觸到咁好食既素菜！旺角Green Common既餐廳唔算大，好在朋友搵位，我就去買餐，叫左兩個主食同少少小食我自己叫左四川麻辣植物雞配豆乳家常麵。植物雞的口感同真雞肉不同，配上帶一點酸味的四川麻辣汁，令人十分開胃。而豆乳家常麵的份量比我想像中大，而且麵條吸收左湯底既味道，味道很濃，食到飽飽呀另外朋友叫左個日式照燒未來漢堡，我試左一啖，好好味呀未來牛肉既口感同真牛肉相似，而且 teriyaki 醬汁滲透入素肉中，正個burger食進口，又香又多汁，極力推薦Green Common真係唔錯呀，有好多其他菜式想去試，有時間會再去光顧

好友介紹。。話有間素食cafe...好啱我呢D要減磅人士叫得下午茶。。梗要有杯奶茶佢杯絲麥奶茶。。好幼滑但又冇平日港式茶餐咁heavy...正改邪歸正西多士。。用咗連血糖人士都食得嘅糖槳。。花士醬香濃幼滑。。件西多香口但又冇平日咁油膩。。好正友人杯凍飲亦屬 高纖零升醣有益又好味最正係加十蚊就有素牛肉粒平心而論。。同真牛肉仍有分別。。但作為素食品。。已似足9O分成個餐要百幾銀。。係咪叫貴?。。要好味又健康。。梗係有代價啦

已經一段時間冇行經波鞋街, 原來已經徹底變天, 新既商廈代替左一間間的波鞋舖, 今晚行過走上去行一轉, 見到楊大衛開個間 green common餐牌都算有唔少選擇, 價錢叫中上, 不過對新式西式素食冇咩試過, 就叫D比較熟悉既野食先.冬陰功湯 + 牛油果焗蛋, 味道OK , 當然唔及葷食既咁濃味, 不過食得健康D咖哩三寶, 冇咩辣味炸猴頭菇黑椒汁意粉, 清清地幾好味, 黑椒味當然唔會太濃

Green Common 主打將素食和環保變得更普及、更「入屋」。當中，純素芝士肉醬意粉、海南米走雞同焗素豬排黃疆米飯尤其出色。先講焗素豬排黃疆米飯，素豬排不論味道與口感皆與真正豬排極其相似，有肉味之餘在經咀嚼之後更有真正豬排咬碎後「渣」的感覺。外表與快餐店焗豬扒飯相似，但面頭有更香更厚的芝士鋪面，黃疆飯亦有濃濃疆味，比起其他店鋪嘅蛋炒飯底更健康與好食。而海南米走雞的口感雖然未有素豬排般與真正雞肉相似，但在味道上毫不遜色。而內醬意粉亦是十分貼近真正肉醬的口感與味道，配上香濃芝士和新鮮茄醬，在搞拌後十分開胃，可謂夏天的開胃午餐。而凍檸茶與豆漿比起其他地方甜度較底，屬底糖之選。值得一提 ，盛載食物的飯盒和飲管皆以紙製，貫徹了餐廳的環保理念。

想健康啲素係新潮流，係lifestyle! Green Common 喺食物品質同branding方面做得好好! 服務員又nice, 介紹一啲新菜式俾您，仲講堆有咩好處！👍🏻 我自己好鍾意食植物蛋照燒碗，去過好多間分店發覺旺角呢間煮得最好😎👍🏻植物蛋唔會太老，同堆我唔食得菇佢都可以幫我走堆。中環嗰間就話走唔到菇🤷🏻‍♀️；海運嗰間就炒得太老同堆啲蘿蔔生到好似冇煮過咁🙅🏻‍♀️。呢間就唔同，蔬菜全部淋得嚟有咬口，啲菜仲好新鮮咁樣👍🏻煮得非常好！

真心喜歡哩間餐廳早排試過尖沙咀分店，一試難忘，所以今晚再試埋旺角分店。。一早收工既關係提早食dinner🤟🏻🤟🏻早黎就早享受，因為多位置選擇，因為哩度本來就少位置，多數都係高枱黎既，而二人枱都係得幾排，所以我地選左高枱面向窗口位🤟🏻🤟🏻然後就去望下有咩食先，其實每次都想試下其他野，但係上次食過碗照燒植物蛋後愛上左隻蛋，用綠豆炒既蛋，所以今次都要嗌番，再加多杯咖啡轉飲燕麥奶既，同埋叫多份台灣鹵肉飯，飯果汁。然後派發一部震震機等拎野食，方便快捷不過今晚嗰收銀姐姐不太友善，問多幾句好似唔想應我地咁臨走前仲買左幾包燕麥奶，然後發現門口位置排哂長龍，哩間分店深受年青人歡迎呀

個人其實很喜歡素食，可惜自己未夠決心轉為全素，只會間中吃素，知道green common終於在旺角開分店，立刻前往一試。今次吃的不是其最有名的未來漢堡肉，反而叫了滿枱的小吃。我地分別點了咖喱三寶及煎釀三寶，最特別是咖喱三寶用了雞髀菇代替魷魚，更在表面上畫了坑紋，除了外表相似之外其煙靭的口感更是非常神似。而且咖喱汁的調味充滿港式風味，香辣惹味，蘿蔔及魚蛋亦相當入味。另外，煎釀三寶的”釀魚肉”同樣做得跟普通魚肉無異，完全做出魚肉肉質彈牙的神髓。我地還點了道口水雞拼豆乳麵，口水雞可不是一般的辣！可是越辣越惹味，吃得我和朋友都停不了手，喜歡辣的朋友可以挑戰一下！

今天吃了未來漢堡classic 及麻辣雞+豆乳麵及豆漿。漢堡的質感的確做得像肉，包面脆脆的很有麥味，但汁不算多，可能始終不是肉，沒有juicy 的肉汁，會覺得比較乾。可能揀有多些材料的漢堡會好些。但就價錢會貴，接近一百元，不包飲品。麻辣雞都幾辣呢，有菇在墊底。麵其實似上海麵，湯底也不錯，清甜。豆漿沒太特別，本身有糖的，都好飲的。大家可一試，都特別的素食。價錢就中上價。另還有很多素食的材料、零食及飲品選購。

1. Green Common is a trusted place I would go to whenever I want to go green or eat healthy. They do hearty fusion dishes that taste so legit if you’re not told, you won’t know they are vegan dishes.2. Huge portion of brown rice.3. Teriyaki sauce is amazing, not overly salty.4. Grilled eggplant is a highlight.5. The “egg” tastes like real egg.