Green Common (The Forest) (已結業)

當日我是在下午茶時間， 所以不是太多人，不用等太耐。第一次嘗試，是食素的一種新體驗，每一樣食物 都以假亂真，形態跟肉根本沒有分別。我點了漢堡包，素蛋(人造的)， 還有比較特別的 椰青水咖啡， 椰青水的味道太濃，蓋過了咖啡。講完食物，要講下服務員的態度， 整體上都是非常有禮貌的， 我可以給予很高的分數，但眼見其中一位職員竟然用粗言穢語罵食客， 因為他一句說話，令分數跌到落谷底。 去餐廳食飯 除咗享受食物的味道，當時的感受也是很重要的。最後這餐廳除了有現成的食物，還有一些可以買回家自己烹調的， 對於外地的客人來說，的確是一個不錯的選擇。

今次已經係第二次黎Green common 食，自從第一次食過Beyond meat(素漢堡) 就對佢念念不忘，估唔到素漢堡都可以做到咁似真肉，甚至味道上係超越到市面上大部分真肉漢堡，今次趁佢有優惠，決定再黎食一次，味道依然保住到水準，一咬入口係好香好結實的仿真肉味，表皮仲煎到少少脆，令Beyond meat味道更昇華，而且番茄好多汁，無放到乾晒，D汁滴落Beyond meat到，個觀感更似食緊真肉。以後應該一有機會就會再探佢。

今晚同朋友提議食素，諗大家試下新野 ，所以就決定去食green common 以前幾like食Green Common 但今次差到不得了個樣就擺得好靚，所有野都凍嘅。漢堡入面所有野都凍嘅。beyond meat 凍嘅，應該一早砌定嘅。薯條係凍嘅，又大陣油膱味。應該係一早炸定。得返杯紫薯沙冰叫好飲好嬲！仲要成舊水係咪彈起左就可以hea整？朋友同樣叫了漢堡，當然一樣下場喇。喂，食薯條漢堡要熱食好基本姐咁都做唔好？💩💩💩💩

好失望 叫左個lunch set 係beyond burger 既set, 已經係平日非繁忙時間買（晏晝4點幾） burger 包底係淋既 唔係脆 擺明係濕左 (一嚟到即食）成個包都唔係好脆雜菜湯水準正常+12蚊有個餃子x2 正常水準另外，其實我都明侍應都會攰，企左成日，但， 個餐出左就醒定d 唔好玩住先， 個客拎完餐先玩，傾下計。傾計唔緊要，但唔好太大聲， 大聲到成個area 都聽到。 希望Green Common 會正視下，既然你地唔係打平價茶餐廳質素， 就唔好比平價茶餐廳服務。樓面係最前線接觸到客人， impression 係好重要。

Green Common (旺角)焗素豬扒黃薑飯 $79（7.5分）賣相與menu相符，面頭佈滿芝士絕不欺場，素豬扒與真豬扒口感相似，黃薑飯亦非常香口。炸植物魚塊薯條 $45 （6分）炸得非常香脆，薯條頗粗，比起真正的魚塊，這裏的雖然更像麥當勞的麥樂雞，但掌麥樂雞吃味道亦不錯。四川麻辣植物雞-配豆乳家常面（$98）6分麻辣雞實際上是豆腐，面頭是腐皮，賣相吸引，味道香辣，頗像口水雞，植物雞下更鋪有青瓜和雜菇，唯味道與此格格不入，菇的味道有點奇怪，大為扣分。至於豆腐湯底充滿豆味，更放有杞子，而面的質感亦非常軟熟，若只論面的話應有7.5分。總結 7/10這間素食餐廳菜式賣相吸引，口感食落亦不似素食，當然細心品嚐當然有很大分別，但味道亦相當不錯，價錢雖略貴，但份量頗多，且位置方便，環境舒適，唯座位不多，繁忙時段或需等候。

自問無肉不歡嘅食肉獸又點會走去食素😂😂除非你有一個食素嘅朋友 為左陪朋友 黎左呢間食lunch海南植物雞配黃薑米 $65唔話佢係素 你都食唔出真係好似雞 連個質感都好似個飯其實好好食 搞到我都想試下得閒搵下素食😂😂真心有驚喜 下次一於試下其他先😜題外話 佢用紙飲管 不過我覺得個感覺好奇怪 好似食緊紙甘😂

約咗人去旺角上堂 但未到時間，餓餓哋去咗一直都好想試嘅Green commonGreen common主打素食， 我喺報章傳媒得知佢地用植物蛋煮食，試過既人都話味道好似雞蛋，好奇心驅使下一直都好想試。叫左「 未來蛋牛治」， 無野飲都要成$57蚊麵包香口鬆脆， 估佢唔到咁好食蛋無雞蛋香，冇咩味道 ，只係顏色同狀似，但口感都類近雞蛋牛肉應該都係素食 ，但唔知用咩材料做 ，都係有顏色 ，冇乜味道， 鹹鹹地咁囉但薯條值得一讚， 香脆有薯香， 熱辣辣 ，分量都唔少現場座位唔多， 需要自己攞餐 ，侍應阿姐好細心，自動幫我手睇住我啲袋同外套食肆仲設有零售， 售賣健康食品。

因為工作原因 今天來到將軍澳這個平時不會踏足的地方 印象中將軍澳商鋪不是很多 更是個美食沙漠 但畢竟平時很少有機會來這邊 還是探索了一下附近有什麼餐廳 然後經過這間店被「未來漢堡」四個字吸引了視線 細看之後得知是以素製成的漢堡扒 反正附近的餐廳也不怎麼吸引 就決定試試它午市時段到6點前 剛好還可以叫lunch set 跟餐有幾款餐飲選擇 我點了泡沫杏仁奶 味道比較淡 杏仁味亦不太出加$12可以選一款小食 我選了炸薯條 $12有這麼多 而且還是我最喜歡的粗薯條 新鮮炸好 香脆可口最後是主角未來漢堡 整體比較乾 漢堡扒有炸過 但始終是素 沒有油脂香和肉香 而且比較乾 跟肉漢堡扒的口感還是沒法比較 但對於素食者來說 應該算是比較好的替代品吧

每逢初一、十五同埋Green Monday都會選擇食素～ Green common既店愈來愈多，而且位置都算方便，外出食素既首選就一定係佢！今日經過旺角 我都係揀佢新豬肉出左都好一陣子，但一直都未試過！今日決定揀左個日式炒烏冬加新豬肉煎餃試試佢😝😝日式炒烏冬用左好多我最中意食既菇菇 非常足料 而且有好多款唔同既菇 食極都仲有！不過略嫌有少少太油 食食下有點膩既感覺！如果可以少點油會更健康 口感更清新😋另外既新豬肉煎餃非常好味，煎得又香口，新豬肉同普通既豬肉食落真係好似 唔講以為食緊真既豬肉😝。如果可以好似普通餃子店咁加埋其他配料落去 例如常見既餃子餡料🥟好朋友：白菜/韮菜/椰菜/栗米或者松茸落去 咁就更加prefect池☺️👍🏻👍🏻👍🏻

以前既我都唔知咩係未來漢堡 但而架現今社會上越來越多人主張食素 但都可以食裡有肉感既漢堡 呢樣野我覺得好特別未來漢堡同我地平時見到既burger完全無分別 但一食落去就知道無肉味 有好大陣豆香味 味道黎講好特別 滿足到想食肉感既感覺 如果係食肉既愛好者 外表吸引 食落去就會好失望 未來漢堡既價錢都算合理 而薯條都炸得幾香 女士黎講份量係好足夠 同埋心理上好似無咁肥 最重要係減少對動物既傷害

未來肉是潮流，這是無可否認的。許多素食者都趨之若騖，確實，今次試過之後，感覺它的質感與真的與肉頗相似。為了追潮流，GREEN COMMON是用未來肉的餐廳中其中一個比較具代表性的，當然要試下首先，因為他是快餐式的經營，所以不能訂位，去到，如果你在"正門" (但其實佢沒有一個正式的門口，你會見到有攞飛等位的機，但此機不是經常運作，你要話俾佢知你搵唔到位，佢先會啟用，因此造成一個非常尷尬的情況：唔知係自己搵位，定係要攞飛等位。我們就是攞飛等位，當職員嗌飛，帶我地埋去時，另有以為是自己搵位的人已經等左落去，職員要叫他們起身，告知係要攞飛，情況其實幾老尷。這是地理設計上的缺陷，還是講回食物當然要叫他們的未來漢堡試下，單點包$98 - $128，此餐加左$18的沙律，$28的冷壓果汁，加加埋埋唔平未來肉質感是好似的，也幾好味。對茹素者而言，偶然過下口癮，係會有久別重逢的幸福感，可能就是這種千金難換的滋味，令許多人願意付出百多元來吃一個飽。(回想和牛漢堡都要百幾二百蚊個)口水植物雞配豆乳家常麵，豆乳湯底唔係好豆乳，吃起來味道有點單調，也就是"寡"，而口水雞的辣，也是沒有層次的，非常辣，但不是辣但忍

第一次食素漢堡，當然無真牛既肉汁，質感不太差，又無牛既膻味，對食素既人來講，非常之好日本照燒汁既漢堡好味d, 因為我鐘意食濃味，另一個對我來講太清淡了下次可以再來！

自從Green Common開左之後 就成日忍唔到口🤤過一排就忍唔住返去再食(並唔係打手😎)啲款特別出面又食唔到就係佢地優勝之處 搞到我課左唔少金去哩度食 睇黎要努力啲賺錢錢喂飽個胃😖.🍔未來漢堡 ($88)個燒汁有小小咸 但係個漢堡扒同個茄子配合得好好 因為個🍆茄子有水份係入面令到個扒多左一份juicy 但係88蚊就剩係得個包 連伴碟沙律菜都冇 薯條沙律等等都要另外加錢.🍝黑松露純素意粉($88)記得我第一次食就比佢深深吸引住 痴線一入口勁重黑松露味 一啲都冇偷工減料 但今次我地食埋個辣口水雞 所以啲比佢蓋過晒~.麻辣口水素雞 ($68)哩個就真係令一眾愛辣人士大飽口福既菜式~ 因為真係Real辣 舊雞唔知點解愈食愈想食!! 啲辣青瓜🥒又fresh又辣!正呀!.🐽良豚煎餃4件 ($28)煎餃係我第一次食果陣有驚喜 但係第二次之後就冇乜特別 個感覺比我覺得好似再細件左 搞到咬落去冇乜口感 得好少新豬肉咁~🤧.🍰去左McDonald 食左阿華田千層蛋糕 $28蚊一般質素🤨.💰Total:$272 (2人).味: 8/10飽: 9/10抵: 6.5/10.我 白雪公主❄將會繼續同大家跑素

同女朋友已經試過好多唔同嘅漢堡餐廳，素食嘅漢堡餐廳又真係未試過，Green Common好多朋友試過都話比一般漢堡仲好食，雖然我哋平時鍾意多肉少菜，但都想試吓新野，點知真係有驚喜！我哋叫咗佢哋招牌經典未來漢堡定一個就加咗牛油果。你睇到嘅賣相真係好吸引，舊肉比平時食嘅厚，啲蕃茄多到凸晒出嚟，一拑落個包度，啲牛油果醬咇哂出嚟，勁creamy勁豐富咁。咬落去個肉嘅質感冇平時嘅曾牛肉咁實淨，但係冇影響佢嘅味道，同真牛嘅味道一模一樣，令我自此唔會抗拒食素，反而好支持佢研發更多新嘅素肉。總括而言，味道唔差，份量勁多，價錢實惠，服務態度尚算可以，如果有新嘅漢堡菜式，我一定會再次幫襯！

本人都幾鍾意食素食，唔單止係因為感覺清淡唔肥膩，更因為而家d素食扮鬼扮馬，扮到唔係素食咁，之前食過素食軟殻蟹壽司、素食咖哩包等，都好有創意。今次來到Green Common就食左素嘅海南雞飯，個樣真係呃到人😋不過食落去都知係素雞來～有蘑菇、紅蘿蔔絲、青瓜絲做配菜。可惜海南雞飯嘅精髓係d雞到，當海南雞變左做素雞之後，風味就麻麻，d薑葱麻麻地襯素雞。Set lunch價 $65都幾抵食，性價比幾高，仲有杯杏仁豆奶送，味道淡淡地幾自然咁。一直都覺得自己一個人食飯有d sad，旺角呢間Green Common有對住窗嘅bar枱，適合曬毒自一個對住個窗扮文青咁食，如果得一個人食不妨去果到試下😆😆