Green Common (海港城) (已結業)

新聞經常報道好多肉類、魚類都打咗激素、抗生素甚至餵佢地食殺蟲劑。出街食飯，簡單如叫個魚柳包/ 漢堡包比小朋友，但塊魚柳/ 漢堡扒嘅肉九成係來自"四湖五海"，甚至驗唔出邊種DNA。今時今日，就算有錢都好難食得安心。Green Monday 旗下 Green Common 一向以售賣健康素食見稱。最近Green Common 喺海港城 Ocean Terminal 開設分店，特別推出親子餐。個 menu 非常吸引，將好多港人熟悉嘅 guilty pleasures 以素食食材完美演譯。我地食咗個魚柳包兒童餐，裡面有個同"麥記"一樣味嘅素魚柳包、氣炸素雞槌(原來係用腐皮做㗎)、一件熱辣辣脆卜卜嘅蘋果批、同一枝Dairy Free 嘅朱古力飲品。之後又叫咗個甜品，裡面有大件Brownie, 再加兩舊雪糕球，原來都係無蛋奶嘅，但味道同普通有牛油有cream 嘅甜品一樣咁魔鬼! 好多人，尤其小朋友，都唔知自己其實有乳糖不耐症，攪到腸胃好差，個肚容易漲住漲住。而且牛奶多荷爾蒙，對皮膚唔好。呢度嘅餐牌由泡沫咖啡到雪糕/奶昔都可以揀 dairy free。原因係廚師用咗一種特別嘅杏仁奶，creamine