Gram Cafe & Pancakes

营业中

休息中

今日在下午茶時間我和4歲的仔仔逛街見到呢間幾吸引既甜品店就決定和他食個下午茶，仔仔滿心期待，因為見到輪候號碼下一張就係我地喇；好了終於上一張枱走咗到我哋了，誰不知門口帶位的同事叫左下一張枱入座，我仔仔頓然唔開心，為什麼我們還未可以入座，接下來我問門口帶位的同事為何會叫下一張枱入座而不是我們，而帶位的同事當時就望著另一位同事，而被望著的同事就問發生什麼事，我就講述發生的情況給她，她的回覆說：因為電腦出現故障所以叫左下一張枱入座，你等等啦另一張枱走緊，下一張安排俾你。我便說：明明我們先，咁情況都沒辦法，唯有再等一等。跟著原本帶位的同事就拎本餐牌俾我叫我睇定食咩，而且說我們有最低消費，我便說沒有問題，但最奇怪我在等候期間，她們並沒有叫人睇定餐牌以及講述最低消費；都算；最離譜的是還給我落單紙叫我叫定嘢食；難道她是叫我和仔仔企在門口食嗎？我回覆帶位的員工時便問有用餐時限嗎？她回答我一小時。我就回覆她沒有問題。最後我幫仔仔叫左份兒童餐，自己叫左份班戟和一杯咖啡。其實為咗小朋友開心，我就啞忍了。我覺得食物質素真的唔錯，但員工的安排和處理方法我認為好有問題。如果覺得小朋友食得小消費低，不如在門口註明：

今日趁平日無咁多人去尖沙咀行街，行到攰需要甜品補充就去左The One 既Gram食pancake。呢度有最低消費每人一杯飲品或食物，同限時一小時。對我地黎講都接受到，因為行到攰都想食下野。食飽又繼續行。我地一人order 左一個pancake，再大家share黎食。侍應都好好，一坐低就拎左兩杯水所以都無再叫飲品。每份pancake有三塊。雜果朱古力pancake上既生果切得好精緻，擺盤都幾靚，幾適合打卡。有時候食生果好怕會酸，雖然味道正常但完全無酸味都值得加分。另外order左焦糖香蕉pancake，食落比較飽肚。香蕉份量頗大條，焦糖都算脆身。Pancake落左糖醬更加好味。總括黎講份量都頗大份，食完都好飽。下次可能兩個人share一份pancake 再叫下其他小食或飲品會比較好。

行過 見到呢間所謂日本過江龍班戟店  平時見開有日本加持都應該係好嘢心諗開咗咁耐都未試過所以試吓 只能夠以大伏嚟形容😭  限定五份超人氣招牌梳乎厘班戟咬落去實嘅hello 😀? 石板街班戟乾到我淨係食咗一半 仲夠膽收你$120 一份pancake🤑 見隔籬枱碟紫薯pancake都完全唔吸引完全唔建議以身犯險🤡 好鬼失望!!ughhhhhhh no! 大伏PANCAKE  CRYYYYYYY

日本人氣班戟店Gram ，以前去大阪旅行嗰陣時食過，喺香港銅鑼灣分店亦食過一次，每次食都覺得好好食，今日晏晝嚟到尖沙咀The One分店，這裡已經開咗有一段時間，一直人氣爆燈，平日晏晝都好多人食👍🏻👍🏻🥞🍓▪️Mixed fruit & chocolate $ 108今次試咗呢個雜果朱古力班戟，因為見到好多水果，班戟有三大塊，熱辣辣好香牛油味，配上水果，有藍莓，奇異果，士多啤梨，香橙，新鮮又好食，再加上邪惡嘅忌廉和朱古力醬，非常完美嘅配搭，好味🍝▪️Crabmeat Cream Sauce Spaghetti $ 78明太子蟹肉忌廉意粉，意粉軟硬度適中，非常Creamy，有蟹肉，煙肉，洋蔥，最重要係明太子醬，撈埋一齊食鹹鹹香香，再加上紫菜絲，好有日本風味嘅意粉🍹▪️Ice lemon tea 日本味道嘅凍檸茶，茶味比較清澈，自己添加糖水，清新解渴

知道香港分店已經開幕一段長時間，以往每次去大阪都會食一次， 由於疫情關係接近三年都冇去過日本，思鄉之情氾濫，一解思鄉愁，餐廳裝修風格有點似日本店是日星期六下午約兩點左右，人流唔算多，聽講招牌梳乎厘班戟，每日限定5份，膽粗粗一試，店員表示約45分鐘先出到單，為咗食好西，當然等啦！除咗招牌梳乎厘班戟，其他甜點飲品，都係手機落單，先點了兩杯飲品，🌈芒果沙冰堂食，竟然會用膠杯，已經扣分，味道普普通通！🌈紫薯鮮奶咖啡呢杯玻璃杯上餐，比較正常，顏色十分討好，飲得出紫薯味道，紫薯味十分濃郁，咖啡味未見突出，普普通通！🌈招牌梳乎厘班戟 $138同朋友邊傾偈邊等，終於等到主角出場，一出場，大打折扣，賣相見到梳乎厘唔夠綿密，十分粗糙，味道亦都十分普通，只可以講係合格！總結💝： 如果純粹搵達地方同朋友傾偈, 休息一下，呢個地方都不失為一個好選擇！

甜甜甜，Happy Friday要吃甜的美食。是夜直接跳過吃主菜餐。來到gram吃班戟當晚餐，超級滿足。終於可以order兩款班戟，好開心。點餐後才發現，原來有款好靚靚的紫色班戟，見到鄰座勁影相，下次來都要試試先。烤蘋果配紅茶忌廉班戟酸酸甜甜的新鮮蘋果醬，細細粒的蘋果肉，很有果味。烤蘋果又是另一款口感，配紅茶忌廉很match。仲有凍冰冰的雲呢拿雪糕，很creamy 很香。焦糖香蕉班戟焦糖超香脆，暖暖的香蕉很香甜，香濃的糖漿灑在軟軟的班戟，很滋味很滿足，果仁也很香脆。其實班戟的份量真的很多，不吃主餐直接來吃班戟，實在是明智。

Gram cafe & pancakes (尖沙咀)📍尖沙咀彌敦道100號The ONE 4樓L408舖呢間喺日本大熱嘅pancake Cafe開咗嚟香港仲記得以前喺日本要大排長龍先食到今日過咗嚟食晚飯🥞梳乎厘pancake $138原來係每日限定竟然俾我哋叫到有三件好厚身嘅梳乎厘 空氣感十足配埋牛油 cream 蜜糖一齊食🧈個cream一啲都唔heavy蜜糖比較清新成個組合食落去十分配搭唔怪得知每日要限定供應🍩Chocolate Rocky Road $118石板街嘅組合 有啲似黑森林蛋糕呢款嘅pancake係比較厚實嘅感覺面頭鋪滿朱古力粉旁邊放咗walnut 車厘子pancake中間放滿吉士醬切開嘅時候都幾有儀式感 幸福感滿滿😍

想食甜品所以嚟咗The ONE嘅Gram cafe & pancakes😋Cafe主打各式各樣嘅班戟同梳乎厘班戟 有鹹同甜班戟可以選擇不過如果想食啲飽肚啲嘅野 仲有午市套餐、三文治🥪、法式多士🍞、雪花冰🍧同飲品🍹提供環境走木系田園風🌿 有張幾特色嘅枱🤩枱面係圍繞住中央嘅一棵樹🌴 客人就可以以此為背景打下卡⭐️⭐️ 雜果朱古力班戟 HKD$108⭐️⭐️呢款班戟係傳統嗰隻扁而薄嘅熱香餅 口感偏紮實蛋味重亦帶點淡淡的鹹味 面層配上雜果🍓 朱古力醬🍫同撒上糖霜 全部都以新鮮水果切片 唔過酸😉將班戟點上旁邊的雲呢拿雪糕一齊食 冰凍香滑整體層次豐富 咸甜交織 味道不錯🤪不過略嫌份量少咗啲😛味道：🌕🌕🌕🌗🌑⭐️⭐️石板街班戟 HKD$118⭐️⭐️班戟一層疊上一層 整碟撒上可可粉 賣相不錯🤓上層之間夾上輕盈whipped cream下層則夾上香甜濃厚嘅custard cream 呢個配搭唔會令人覺得甜膩😙旁邊則有糖漬車厘子 焦糖合桃粒同棉花糖作伴碟 驚喜位係焦糖合桃粒超香脆好食😍班戟口感比雜果朱古力班戟更鬆軟味道：🌕🌕🌕🌗🌑

平日必叫的一定是✨ 叄元豆花 （豆腐花、芋圓、地瓜圓、黑糖珍珠、紫薯西米）+ 自選（四選一：愛玉/香草雪糕/芒果/紅豆）小編平時會選擇香草雪糕😍芋圓、地瓜圓煙煙韌韌、超有咬口！豆花滑嘟嘟！集合六樣材料，口感超豐富！創意十足！一次滿足幾個願望！✨黑糖珍珠檸檬愛玉（小編眼太細，不小心打錯兩次檸檬👅）呢款糖水清新微酸，適合唔鍾意食太甜的人士🫵🏻絕對係飯後不膩之選擇👍🏻好鐘意愛玉+黑糖珍珠的配搭，加埋檸檬嘅酸味，豐富味道層次，中和酸甜度！ 一碗抵到傻！

對上一次去大阪正值寒冬❄️ 落住大雪係Gram門口苦苦等候就係為咗一份梳乎厘班戟。依家要朝聖容易咗好多，搭車去尖沙咀就可以了❤️‍🔥 ❝招牌梳乎厘班戟❞ | $138 | 推介品項每日出爐三次、限量供應嘅招牌甜食果然名不虛傳！比起一般梳乎厘班戟出色太多🥞 口感濕潤同鬆軟嘅程度都係極高，蛋香奶香滿滿，三層高嘅「比薩斜班戟」極具動感🧚🏻‍♀️ 可搭配牛油同忌廉享用🧈❝雜果朱古力班戟❞ | $108依份班戟質感厚實好多，入口帶少少鹽味令後續甜味更鮮明🍡 鮮果色彩繽紛、加上朱古力醬同煉奶好邪惡。值得一讚店家嘅忌廉好香濃又夠挺身！🍙𓂃𓈒 𓂂𓏸 Gram cafe & pancakes 𓏸𓂂 𓈒𓂃尖沙咀彌敦道100號The ONE 4樓L408舖港鐵尖沙咀站B1出口，步行約3分鐘抵達每日11:00 - 23:00營業餐點味道 | ♥︎♥︎♥︎♥︎♥︎♥︎♥︎♥︎♥︎♡抵食指數 | ♥︎♥︎♥︎♥︎♥︎♥︎♥︎♥︎♡♡店舖環境 | ♥︎♥︎♥︎♥︎♥︎♥︎♥︎♥︎♡♡用餐體驗 | ♥︎♥︎♥︎♥︎♥︎♥︎♥︎♥︎♡♡推薦程度 | ♥︎♥︎♥︎♥︎♥︎♥︎♥︎♥︎♥︎♡適合場景 | 下午茶、飯後甜品更多同區美食 ☞ #17尖沙咀更多同類美食 ☞ #17甜品♥️ 追 蹤 @17feelgood

店內有一棵樹🌲樹下有可愛嘅小火車，座位間都放置一些小盆栽，坐著這個綠化空間，令人感到好休閑。這店最人氣嘅係1)梳乎厘班戟$138一路食一路感到好梳乎😆佢有牛油同蜜糖另上，所以你可以加入一齊食，我唔鐘意咁甜，所以唔使加都覺得好好食。由客人下單時才開始處理(按客人的先後次序進行製作)另一款有生果嘅梳乎厘，都好靚，留肚下次先食。2)蟹肉忌廉意粉(勁多紫菜絲)忌廉汁量適中，唔會食完重有好多汁剩，蟹肉如果多啲就更正👍將彈牙嘅意粉捲埋忌廉汁就好好食了

喺尖沙咀The One，朋友仔被木系風格吸引左，話想試吓呢度既pancake 於是就入左來lu環境都幾好，乾淨企理！Chocolate Rocky Road石板街班戟 $118🍫班戟加朱古力係最經典配搭，有滿滿的朱古力醬和朱古力碎，再加上一層吉士醬，pancake上滿滿嘅可可粉同埋朱古力醬，食落偏紥實！伴碟仲有香脆的焦糖粒粒，好有咬口！圍住碟邊仲有酒漬車厘子，同棉花糖，真係勁邪惡！Mixed fruit & chocolate雜果朱古力班戟＄108原味班㦸表面舖了kiwi🥝橙🍊士多啤梨🍓同埋藍莓🫐，顔值非常高！班㦸偏薄身，有少少似熱香餅texture！配上幼滑既cream, 朱古力醬及煉奶加埋啲酸酸甜甜嘅生果一齊食，令我罪惡感無咁重😏

好耐無食pancake！去開The One就醒起呢度有間Gram cafe & pancakes主打pancake。呢度主打日式班戟，有鹹班戟同甜班戟揀，選擇好多。呢度既班戟比較似熱香餅，唔係空氣感強嗰種，而係比較實在，味道方面係比較鹹。價錢方面以班戟店黎講相對唔算貴。除咗班戟，呢度都有其他野如三文治，法式多士，雪糕，雪花冰，沙冰，梳打，咖啡，茶，果汁。另外都有午市套餐。今日又食經典口味甜班戟先。雜果朱古力班戟 $108 另加一雜果朱古力班戟即係三塊原味班戟上面加上大量唔同新鮮水果，再加上少量朱古力醬同煉奶，又撒上糖霜，伴碟仲有一大pat香滑忌廉。雜果非常多種類，有士多啤梨，藍莓，奇異果，同連皮既橙，全部都係新鮮水果。顏色配搭方面明顯係花左心思，成碟野食望落五顔六色。香滑忌廉真係畫龍點睛，令到啖啖班戟都唔會太乾。意大利芝士蛋糕班戟 $118 另加一意大利芝士蛋糕班戟將班戟同Tiramisu合體，造成一款超大個既班戟Tiramisu 蛋糕，作為慶祝都唔錯。佢由三塊啡色pancake夾住兩層厚厚既vanilla 吉士醬，上面加D vanilla 吉士醬點綴，再撒上大量咖啡粉同朱古力粉，最後

記得幾年次首次到大阪旅行，第一時間正是與朋友朝聖大名鼎鼎的Gram，招牌厚班戟濕潤綿密並富蛋白香；後來在香港開設分店亦吸引不少人慕名而來，即使味道未必盡善盡美但畢竟外遊回港毋須隔離仍遙遙無期，可以回味一下日本滋味仍值得偶爾一試。雜果朱古力班戟 ($108) 舖滿士多啤梨、奇異果、藍莓及橙新鮮香甜，惟班戟質感可以更加濕潤，慶幸鮮忌廉輕盈幼滑並富奶香，再加上朱古力醬及煉奶可以稍作彌補。焦糖香蕉班戟 ($98) 本身班戟質感如出一轍，但由於會附上一小壺楓糖漿令班戟濕潤得多，香蕉面層燒成焦糖脆面，再配上碧根果仁整體口感相對豐富。

🥞🥞🥞記得去日本食過一次Gram嘅梳乎厘班戟，已經念念不忘之後香港試過外賣回家，但外賣就食唔到Soufflé，今次仲有胃口就要堂食再試梳乎厘啦😍🥞梳乎厘班戟💰$138每日得3次限定供應，每次5份咋，好矜貴，要夾啱時間嚟呀Soufflé口感軟熟，好似陣風咁，好有蛋香，味道唔會太甜，楓糖漿+糖粉甜味都好夾soufflé影完相要快啲食，因為牛油會溶之餘，soufflé會塌㗎🥞石板街班戟💰$118三層班戟層，呢款口感就厚實啲，夾雜住忌廉吉士醬，仲有好多朱古力醬，豐富味蕾，賣相都幾搶眼球🚩Gram cafe & pancakes (尖沙咀) @grampancakeshongkong 📍尖沙咀彌敦道100號The ONE 4樓L408舖