Gram Cafe & Pancakes

营业中

休息中

尖沙咀日式疏乎厘專門店喺日本城日式疏乎厘，見到公司附近都有，即刻同姊妹過黎一齊打卡。餐廳環境舒適，木系小清新cafe，提供水和紙巾，另收加一服務費～餐牌圖文並茂，有多款選擇，除咗傳統招牌原味軟綿綿的 #疏乎厘，仲出咗其他口味。食物即叫即做，上菜速度快Premium smile 🥞 pancake $138限量供應，三層唔同嘅疏乎厘班戟組合而成。最頂層有啲似充滿忌廉的雜果疏乎厘蛋糕，軟綿綿。中間嗰層夾著朱古力薄脆和忌廉，甜甜的好味。最底層係熱辣辣嘅留心蛋疏乎厘，鹹食咁，蛋味超濃，感覺新奇#石板街班戟 $118 打卡漂亮，有啲似髒髒包。三層實實的甜班戟夾著兩種不用幼滑的忌廉，上層再撒上苦朱古力粉，和淋上朱古力🍫醬，還有一粒粒焦糖脆皮花生糖和棉花糖，口感層次非常豐富。甜入心服務質素：6/10環境舒適度：7/10ᶘ ᵒᴥᵒᶅ個人口味評分：7/10

————————————————————————Premium pancake每個pancake規定要有4cm厚以確保口感，心齋橋店不時大排長龍，網上資料顯示香港店廚師曾去日本受訓十日，煮法完全跟從日本，只能說訓練未夠班吧😖🟠推薦食物🔸雲呢嗱雪糕🍨($38)：原本想嗌來搭配雪糕，但味道不錯，雲呢嗱籽做，只是上面的cream比較多餘。🟡不推薦食物🙅🏻‍♀️Premium Smile Pancake($138)：pancake每日限定5份只是一個噱頭，基本上每檯都有一份Premium Pancake. $138偏貴，完全不值得這個價錢，不夠鬆軟，不夠綿密，味道普通，奶味蛋味完全不出，3層搭配不同的配料，理應是層次豐富，三食之選，一間pancake鋪推薦的卻是雪糕就知道對pancake的失望程度，第一層cream多過生果，cream非常漏；第二層cream cheese加朱古力，非常不夾；第三層雞蛋，食完甜再食返d鹹，但是味道不太夾，總體來說食物質素完全配不上這個價錢和大排長龍的隊伍😅😅🟠員工和朋友叫了premium smile pancake，店員卻有點質疑（？）態度欠佳😅，唔多想做咁，不會

開咗好耐但都未試過 今次經過見冇乜人 就入去試吓～ 佢地每個pancake都係即叫即製 所要等十幾分鐘先有得食😝✿ 超人氣招牌梳乎厘班戟 ($138)呢款pancake每日限定三個時段出爐 每次出爐仲要得20份！今次咁岩撞正時間食到 好好彩🤣Pancake好厚 疊到三層高 仲有一球牛油喺上面🥞食落充滿蛋香 好鬆軟好有空氣感😍配埋牛油 楓糖漿同埋cream一齊食 鹹甜配搭得啱啱好👅

有好多朋友都推薦嘅pancakes 店😍😍😍今日終於可以試到🙈🙈店內嘅環境同氣氛都好少女🙈💕員工服務態度都好nice 😳食物嘅賣相同埋味道都好好👍

尖沙咀區食肆特別多，要搵到一間有特色既餐廳並唔容易，今日放假與友人黎到the one 睇戲，撞正lunch hour ，友人突然心血來潮想食意粉，正在頭痛之際經過Gram Pancake。去親呢間Gram pancake 一定食佢地招牌梳乎厘蛋糕🍰，估唔到依家lunch連意粉都有提供，lunch 款式唔算多但都足夠，與友人分別點了蟹肉意粉及豚肉咖哩蛋包飯。1. 蟹肉忌廉意粉蟹肉份量夠多，混合紫菜絲及忌廉汁非常惹味🥰🥰女士必點2. 豚肉咖哩蛋包飯即叫即整，咖哩唔辣，豚肉片份量夠，男士建議揀呢款😘埋單每人$80左右不算貴，以the one lunch 性價比來說非常吸引

有一種女人的任性，叫霸道！某日行行下街經過呢間門口放住cute cute pancake cushion 嘅甜品店，就叫著要想吃被男人寵慣的女人，男人唯有依著她的要求進去吧🤭原來Gram在日本是大有來頭的今次無任性錯🤣點菜也由任性的女人處理點了兩份石板街班㦸 $118雜果朱古力班㦸 $1082份都好吸晴，打卡一流今次點這兩款班㦸都不是有空氣感的那款而是扁身就像早餐那款的班㦸唔好以為咁多朱古力及cream 會好甜Gram的班㦸底吃到有點咸，配合埋Rocky Road 的朱古力碎片、棉花糖、花生碎糖、甜心車厘子就剛好三片班㦸中間夾著cream和吉士，雙重口味，幾特別而雜果朱古力班㦸加了唔同色嘅新鮮水果橙、奇異果、士多啤梨、藍莓，全部都很鮮甜的，同樣都配了三片班㦸伴碟仲有空氣感的cream, cream帶少少甜度，加埋朱古力漿都唔會好甜好漏很少嗜甜的男人，食完呢份都無投訴，起碼佢肯同我一人一半仲要清哂 （太甜或不好吃的，多數要我包底）好在今次的任性都令佢滿意同滿足！

話說之前經過The One呢間甜品店 見到佢有啲pancake一路都好想試今日終於有機會石板街班戟$118唔同其他疏乎厘pancake呢個其實薄身的 質地比較薄同埋厚實 食落去都會比較飽肚 石板街有棉花糖朱古力醬cream同埋朱古力凍 加埋一齊食口感都幾豐富雜果朱古力班戟$108雜果味道上面有大大嚿打成實身既cream 加埋唔同嘅生果喺面 食落去幾fresh 中和返cream 加埋岩岩好 總括嚟講今次主要係食傳統pancake 感覺都唔錯 適合做下午茶或者甜品同朋友傾計聚會下次應該會嚟試埋個疏乎厘

女人總會有第二個胃食甜品，今次和閨蜜行完街嚟到呢間人氣pancake店嘆甜品。呢間日本人氣數一數二的pancake店相信無乜人唔識，menu提供多款pancake口味選擇，有甜有鹹，任君選擇。梳乎厘班戟必點呢個梳乎厘pancake，限量發售賣完即止架，好開心今日有得order。呢個pancake三層高，面層有牛油和撒上糖粉，咬落去軟綿綿，附上cream、牛油和臨上糖漿，蛋味好香濃啊，令人忍唔住想一啖食曬佢！雜果朱古力班戟另外我們點了一份雜果朱古力pancake，擺盤十分豐富，色彩繽紛，有唔同水果做伴碟，藍莓、香橙、奇異果等。呢個pancake類似薄身熱香餅，淋上朱古力醬，味道好夾啊。下次嚟可以試下其他特色口味pancake過下癮了。

尖沙咀The One商場有間出名嘅日本大阪超人氣pancake店Gram cafe & pancake，今次又去朝聖吓。🥰呢度裝修別緻， 門口有好得意的大pancake cushion，甜品pancake選擇又多又靚。😍 最後點咗石板街班戟，同埋三文魚籽蟹肉意粉。😋三文魚籽蟹肉意粉用特製忌廉汁打底，令意粉份外creamy ，加埋洋蔥碎，更帶出不同口感，而鮮甜蟹肉及清新三文魚籽，可以今每一啖好有吾同層次。😋石板街班戟有大量朱古力元素味道，配上秘製吉士醬及超酥軟pancake，絕對係食吾停口之作。😋

餐廳位於尖沙咀the one，gram係來自大阪既人氣pancake🥞店，其中限量梳乎厘班戟最愛歡迎。環境以綠色植物同簡單木系裝潢為主，成日經過都想試下佢，今日終於約到朋友同我試🥹。✨另收加一-💕 石板街班戟 $118👅好味指數：7.8/103層偏厚實既朱古力pancake 夾住1層輕盈既cream+1層香甜濃郁既吉士醬🤤，面層灑上可可粉同朱古力醬，再放上士多啤梨，旁邊仲有好香甜脆口既焦糖合桃😍、酒漬車厘子🍒同棉花糖，食落質感實在，朱古力味唔會太甜👍🏻。- 💕 雜果朱古力班戟 $108👅好味指數：6.9/10雜果有士多啤梨、奇異果、橙、同藍莓🫐，表面淋上濃郁朱古力醬同糖粉。班戟偏薄，係平時食開既熱香餅口感，有蛋香，配朱古力醬/石板街個吉士醬都好正👍🏻🤣-環境：9/10服務：9/10整體味道：7/10回頭率：7/10

呢間日本大熱pancake店其實真係令我幾失望，無諗過咁多人講、排隊，但質素係咁。除左坐得舒服，真係只有失望。全間店要幫襯嘅其實淨係疏乎厘，其他一律唔建議…. 食落去一啲都無幸福感，仲越食越嬲。Pancake唔熱，唔鬆軟，好厚有啲硬。依個價錢（around $100 )已經都唔太親民，仲要比出面m 字頭pancake難食…「Gram Cafe & Pancakes」來自日本大阪嘅人氣過江龍餐廳，真係…. 名過其實，點解可以咁貴咁難食。

講起疏乎厘,呢間都係其中一間最出名嘅Cafe ,主要都係食疏乎厘同其他班戟。🙈〈超人氣招牌疏乎厘班戟〉🥞🧈嚟到呢度又點可以唔試吓佢哋嘅招牌疏乎厘呢，三舊好豐厚嘅疏乎厘疊得好高，上邊有一球鹹牛油，旁邊亦都有好綿滑嘅忌廉奶油，同埋楓糖漿。疏乎厘入口即溶，鹹甜配搭恰到好處，果然係招牌必試之選。〈意大利芝士蛋糕班戟〉☕️🥞呢個Tiramisu班戟食落都比較似蛋糕，咖啡味唔算好濃，芝士味好濃厚，較為實淨，班戟口感同疏乎厘完全唔同，可可粉遍佈整碟，啱晒鍾意食得冇咁甜嘅人。

每到開學日, 呢兩、三年都會特意收工後就去買個班戟回家同家人分享,純粹整個開學小儀式,今年都唔例外, 同樣都係去返the one Gram café & pancake。今次選擇了迷你雜果班戟, 有多d生果, 感覺比較健康一點。餐廳用一個小盒裝好, 回家拎班戟出嚟嘅時候, 只需要跟足盒上的指示,輕輕鬆鬆就可以擺好班戟, 整整齊齊的小小的三層班戟上面, 擺放了幾款水果, 包括: 奇異果、士多啤梨、橙、藍莓我地三個人可以每人一層班戟, 加少少水果, 班戟有點鹹味而忌廉香甜幼滑,加上各種水果嘅酸甜味道, 好適合當飯後甜品, 家人都好滿意

今日在下午茶時間我和4歲的仔仔逛街見到呢間幾吸引既甜品店就決定和他食個下午茶，仔仔滿心期待，因為見到輪候號碼下一張就係我地喇；好了終於上一張枱走咗到我哋了，誰不知門口帶位的同事叫左下一張枱入座，我仔仔頓然唔開心，為什麼我們還未可以入座，接下來我問門口帶位的同事為何會叫下一張枱入座而不是我們，而帶位的同事當時就望著另一位同事，而被望著的同事就問發生什麼事，我就講述發生的情況給她，她的回覆說：因為電腦出現故障所以叫左下一張枱入座，你等等啦另一張枱走緊，下一張安排俾你。我便說：明明我們先，咁情況都沒辦法，唯有再等一等。跟著原本帶位的同事就拎本餐牌俾我叫我睇定食咩，而且說我們有最低消費，我便說沒有問題，但最奇怪我在等候期間，她們並沒有叫人睇定餐牌以及講述最低消費；都算；最離譜的是還給我落單紙叫我叫定嘢食；難道她是叫我和仔仔企在門口食嗎？我回覆帶位的員工時便問有用餐時限嗎？她回答我一小時。我就回覆她沒有問題。最後我幫仔仔叫左份兒童餐，自己叫左份班戟和一杯咖啡。其實為咗小朋友開心，我就啞忍了。我覺得食物質素真的唔錯，但員工的安排和處理方法我認為好有問題。如果覺得小朋友食得小消費低，不如在門口註明：

今日趁平日無咁多人去尖沙咀行街，行到攰需要甜品補充就去左The One 既Gram食pancake。呢度有最低消費每人一杯飲品或食物，同限時一小時。對我地黎講都接受到，因為行到攰都想食下野。食飽又繼續行。我地一人order 左一個pancake，再大家share黎食。侍應都好好，一坐低就拎左兩杯水所以都無再叫飲品。每份pancake有三塊。雜果朱古力pancake上既生果切得好精緻，擺盤都幾靚，幾適合打卡。有時候食生果好怕會酸，雖然味道正常但完全無酸味都值得加分。另外order左焦糖香蕉pancake，食落比較飽肚。香蕉份量頗大條，焦糖都算脆身。Pancake落左糖醬更加好味。總括黎講份量都頗大份，食完都好飽。下次可能兩個人share一份pancake 再叫下其他小食或飲品會比較好。