Go Dutch Cafe

营业中

休息中

有時男女朋友係咖啡店搵個位一齊做下工作上嘅嘢，其實都係唔錯嘅選擇，亦唔需要為咗搵位置而煩惱，順便可以食啲嘢，而且價錢同出面亦差唔多。晚餐選擇有＄68至＄100左右，包一杯飲品，如果超出所包飲品價錢就需要另外加錢。芝士肉醬意粉＄68因為要放入焗爐焗，所以就等耐少少，飲住飲品先。芝士肉醬意粉肉醬的份量比較多，只是的份量也適中，水準跟出門的差唔多，口味比較淡，唔似美心或者大家樂嗰啲咁重口味。而且意粉亦能保持應有水份，唔錯唔錯！黑椒汁脆香雞扒意粉$75雞扒份量都幾多，所以就同女友一齊分享，黑椒汁味道好香，質感好似芡汁，水潤之餘黏身，不過雞扒就偏硬，所以外皮都會有啲脆，不過我就唔食皮。熱朱古力+5表面有一層泡沫，幾香滑，不過裏面就同平時自己沖嘅相差不遠。凍杏仁奶茶+5杏仁奶茶大大杯，杏仁味好香，鍾意飲杏仁味嘅人不妨選擇此奶茶。雖然有加一服務費，不過用幾十蚊換來幾個鐘嘅玩樂或者工作休閑時間，亦非常值得。

臨近聖誕節，街頭往往都是人頭湧湧的，熱鬧非常。走到熙來攘往的旺角，更加有點不夜天的感覺，無論走到這區目的是甚麼，都會感受一下熱鬧的氣氛。 這一區購物和商業地方，幾乎每天都是人頭湧湧，而且加上食店林林總總，只是想吃甚麼菜式吧。在逛完街後，走到登打士街一間樓上咖啡室歇歇腳。Go Dutch Cafe 在一幢食店林立的大廈裡面，食個晚餐。入到店子，原來都幾旺埸，有幾多食客在店內。過往對於 Cafe，只局限於喝咖啡的地方，後來就增加了食物種類，從餐牌裡的食品得知，食品林林總總，有意粉、扒類、甜品等等，當中亦以星座名稱為飲品起名，從中也多了變化。一向都喜歡長通粉，故點來白汁三文魚扒長通粉，以滿足喜愛長通粉的欲望。三文魚扒呈  U 形，並有魚骨和脂肪在內，但肉質柔軟且有柔滑，當食到有脂肪部位時，有點膩的感覺，可能與在下不太喜歡吃脂肪有關，而長通粉亦具柔軟不硬，不過白汁就略多了一點。甜品點來石板街，食材包括了棉花糖、朱古力脆棒、雪糕及糯米糍等。吃下頗為口感豐富，不同的罎材在口腔裡，各有不同的滋味。可以說的是對於朱加力，或者是最喜愛的甜品之一，亦點來甜品其中最多之一。朱古力不再單純的一樣飲，可以加上其

Cafe林立的登打士街New year eve party前找個地方吃點東西坐一坐大廈lobby有員工在介紹 就選了這間地方還不錯 乾淨企理 裝飾幾靚但唯獨有少少煙味 應更注重空氣清新下午茶時段 點了Go Dutch basket有三文治 雞翼 薯條, 加$10 Hazelnut Mocha雞翼 薯條都有水準, 但三文治略嫌太齋只得裡面一塊火腿配厚麵包下午茶menu沒有麵食, 所以另外點了出前一丁配花枝丸餃子 兩種都煎炸另上值得一讚, 我還以為只是普通跟湯煮食下傾下就坐左兩個鐘 好舒服 😊

星期六，辦完事後，來了嘆一嘆杯咖啡，吃點東東～多年前已認識這間咖啡室，有時都會跟友人來聊聊......先來一杯栗子拿鐵咖啡HKD48整杯咖啡甚有層次上面的咖啡跟下面的奶分明，再令其混和口感好幼滑，而且唔會有過甜之感，反而有咖啡的甘香，咖啡甘且香濃，入口沒有嗆喉之感，不錯再點了個瑞士雞翼HKD45面上潵上爆香的花生碎，令其更香瑞士汁濃郁，香濃而不膩，味道討好外香肉嫩，想不到咖啡室都可以有如此味道很不錯呢!

近排聖誕節, 有喺外國讀書嘅朋友噃咗嚟香港, 就想一齊食吓飯, 傾吓計咁, 咁就諗住揾一間樓上cafe可以坐埋一齊吹成晚水 haha其中一個朋友就提議嚟呢間cafe, 話啲嘢食ok, 坐成晚都唔會趕人走, 咁就拍版book呢間食飯啦, 一開頭喺openrice見到呢間嘅評價麻麻地都有啲擔心㗎, 點知啲嘢食唔差喎!好彩冇改去第二間姐佢喺登打士廣場入面, 成棟嘢都有好多餐廳, 所以我地排隊搭lift上去都等咗有啲耐haha坐底就睇吓叫啲咩嘢食啦, 見到有set dinner, 百幾蚊就有齊頭盤, 主菜, 甜品同嘢飲, 聖誕旺季嚟講唔算貴啦, 咁就叫咗呢set頭盤揀咗黑松露蟹肉呑拿魚法包, 黑松露醬落咗唔少, 吞鴿魚唔腥, 法包夠脆, 整體好夾, 好食!嘢飲要咗荔枝梳打, 正正常常唔太甜, 唔係啲好假嘅荔枝味主菜叫咗煙三文魚雜錦海鮮長通粉, 煙三文魚卷到成個玫瑰花咁上好靚, 海鮮唔腥, 個汁都幾夠味同夠多, 唔錯最後甜品係藍莓芝士蛋糕, 藍莓醬冇藥水味, 芝士味濃, 蛋糕咁結實, 係一個完美嘅ending!整體而言, 呢餐飯好滿足, 坐成晚都冇俾人趕走, 仲可以借board game玩添!

電子科技發達，我同友人低頭族的習性頗深，所以有時聚會都會揾些有遊戲借用的場地去hea下、吹下水、動動腦筋，重拾兒時玩趣避做低頭族半天。旺角Go Dutch Cafe都係我地聚腳的去處。地點就腳、多款遊戲可借玩、飲品多選擇及小食對我口胃、免費Wifi(唉！習性太深，WIFI始終受我輩歡迎)、且最低消費只是一杯飲品就任坐、任借遊戲玩又有雜誌看，作磨時間，聊天點唔錯。借左副波子棋玩，叫左杯薄荷咖啡、一個set lunch加杯飲品，一客小食及一個甜品，悠悠閒閒傾吓玩吓食吓、聽下歌、睇下雜誌，不覺已友聚了數小時，暢快，暢快。友人怕肥杯抹茶鮮奶只加了蘆薈走cream,味清新不甜，唔錯。而我杯薄荷咖啡就保留輕量cream，啡夠熱、夠味、好飲。來食意粉的朋友，小心不要碰那碟，因極級熱燙。個朱古力、香蕉多士盒砌得頗用心，美味!為食的我，下午茶時段，點了鹽酥鷄來解饞嘴。

又到聖誕.......又到聖誕.......臨返工前起旺角落一落腳食返個BRUNCH樓上CAFE何其多，今次就黎到Go Dutch Cafe輕輕鬆鬆咁HEA下，擺脫一下工作的繁瑣CAFE佈置到好有聖誕節的氣氛LET ME SEE THE MENU 內部環境藍莓乳酸藍莓濃液起曬個底度，記得要搞一搞，淡淡既乳酸味，與藍莓溶合，不會太酸...芝士煙肉焗薯蓉芝士會鋪在表面，因為使用焗爐令到個表面非常脆煙肉就沒有預先煎過，不過勝在份量多，同埋煙肉香味沒有流失，仍然香氣迫人薯蓉亦比想像中多，大既因為價錢都成30蚊左右關係，非常CREAMY，無薯仔粒，打得幾細......叫左個薯蓉又可以以優惠價錢食埋佢地既甜品提拉米蘇層次分明，CREAM為主，蛋糕感不重，所以食完重量薯蓉，還有肚繼續食碟中更有一球CREAM，簡直每一口都溶得很快

餐廳入面有充滿聖誕氣氛既裝飾每張臺入面都有乾花係入面好靚啊！叫左個煙鴨胸凱撒沙律食煙鴨胸份量好多，每一塊都煎得好香而且唔油沙律調味剛好，酸甜味平衡，蔬菜又好新鮮爽脆白汁煙三文魚意粉 一上臺已經俾佢既外觀吸引啦有一朵好大好靚既煙三文魚花煙三文魚份量好多而且好好食！意粉上既白汁好香，加上烤到外層好香！白汁味道都唔錯，有洋蔥同磨菇做調味，好食夏威夷果仁朱古力朱古力中有陣陣果仁既味道，令到朱古力味道豐富

難得放假，約朋友吹下水。搵左間樓上cafe食。到門口就有個聖誕樹迎接我們，環境唔錯，好有cafe feel。叫左個肉醬芝士意粉黎食，意粉一上菜，啱啱焗出來，熱辣辣的碟。好香芝士味。因為焦早冇食野，同埋香噴噴熱辣辣的意粉，好快就食完個意粉。其實已經好飽，因為份量好大。不過約左朋友一齊吹水，叫埋個小食大家一齊食。叫左個蜂蜜雞翼。蜂蜜雞翼整得香脆，而且好濃既蜜糖味，惹味！可以見到碟底仲有一層蜜糖，雞翼真係落左好足料的蜜糖，好味！叫左個蜜糖脆脆朱古力凍飲。個凍飲好好味。有脆脆係上邊，仲有個朱古力棒棒。入口，朱古力同蜂蜜味真係融化我的心。好飲。環境好，食物唔錯，飲品好味，間野聚會真係正。

話說一行十人，食完飯又想搵個地方吹水。就上OpenRice搵下啲樓上cafe，最後因就腳嘅關係，黎左呢間。一入到去，就比左間房我地，氣氛都吾錯，好岩圍埋一齊傾計吹水。鋪入面有好多卡game同團體遊戲。而且都係keep得好好，好新。吾似其他cafe啲卡game一係爛一係吾齊。我地每人叫左杯野飲同叫左2-3樣小食，絕對推介蜜糖雞翼同埋薯角。雞翼夠甜同埋焗得岩岩好，而薯角又吾會炸耐左變左黑色。重點係到最後埋單每人都吾洗100。果晚真係過得一級棒

環境差劣 食物難食 店員態度更差 坐坐下就會叫轉去門口位坐 作為食店完全不合格門口位蚊蟲特別多 坐左一陣已經被咬了很多次 真的寧願係屋企食公仔麵好過 以後都唔會再黎 千萬唔好被騙上黎 價錢同服務完全成反比

我同個朋友就趁中秋假日去Go Dutch Cafe，以荷蘭為主題餐牌有特色食品既簡介而環境又好岩傾計，玻璃枱下仲可以睇到一束束乾花裝飾，好有芬蘭既特色我自己就叫左洋蔥鴨胸焗多士配熱情果梳打多士都好足料，好多洋蔥同鴨胸洋蔥既甜味令味道更豐富，食到我都飽晒，呢到既焗多士真係相當好食而杯熱情果梳打都好Tropical好Fresh不過，價錢就略貴，低少少應該會有更加多既客人幫襯

芝士雞柳意粉$88- Go Dutch Cafe負皮甚多的一間cafe😹 的確價錢跟質素不乎正比, 10-11人套餐需$1100多 但只有4個小食跟4個主菜,加上質素平平(保證自家煮味道更好) 恕大面不能理解😹 等了足足2小時食物還未到, 上餐速度也需要多加改善! 這個價錢 旺角有更多更好選擇!rating: 3/10

尋晚臨時想話去cafe，貪可以坐得耐又吹下水。個日七點幾去到樓下等lift上去睇下邊間好，點知有個女仔派傳單sell自己間cafe（十樓），本來都好正常既事，咁我都有聽下佢講乜，點知另外個兩間既女仔又走埋黎sell加派傳單（九樓and唔記得幾樓）。。。咁sell緊十樓個個女仔好似發左癲，突然勁大聲係到講佢地cafe有幾好有幾好😐大聲到覺得困擾，三個女仔圍住我係到sell（大聲）當時唔知點好，心諗有擁分咩？，我同朋友未諗要食邊間，等lift等勁耐又熱又焗，又加佢把聲好煩，我同2個朋友去的，我企中間，佢地就sell我一個。。。。。個刻我只係想架lift快點到，幫我離開呢到。。。。我地見傳單cafe格局顏色最正常係十樓，點知一上到已睇到昏暗有煙味cafe，個邊多人時段係好臭下，我地三人去另一間非吸煙的房。呢到食野唔平，因為冇諗住寫評所以一張相都冇影。肉醬意粉 68蚊 +5-10蚊 包凍熱飲，味道ok蒜容汁吉列死飯 88蚊 +5-10 包凍熱飲，汁似黑椒汁既色，好咸，不建議食蒜蓉汁雞扒飯 85蚊 飲品如上，汁咸，雞扒ok小食 蜜糖雞翼6隻 45蚊 蜜糖太多好甜，雞翼整到太干，不過喜歡吃雞

這間cafe食品好差好差好差，焗薯蓉一上枱已經水汪汪，好似加左好多水咁。焗西蘭花上面啲芝士好少，啲西蘭花喺一堆白汁之中游緊水，賣相已令人倒胃。螺絲粉、焗飯等全部食品都係面頭有少許芝士，勁多白汁，做法完全一樣，唔知自己食緊乜。小食同主菜都整得唔好食，好似求其煮出來咁。落完單等左好耐好耐先有得食，仲要比啲咁既野我食。小食溫度唔夠，只是微溫。野飲啲色水已經怪，水果紅茶唔好飲。全部餐具都是即棄紙碟和弱弱的膠叉，咁我不如叫外賣啦，仲要人頭都不數，比少餐具☹ 冇人加水，苦苦要求佢加水，加得1杯水。環境又嘈，燈光暗得滯。服務又差，個個侍應身上都一陣煙味🚬 好差的體驗。廁所得一格，勁污糟。點解Openrice冇得唔比星，真係一粒星都唔值。