Go Dutch Cafe

营业中

休息中

本身約了行山，但因為落大雨，只好轉到cafe。雖然是中午的十二時半，但只有我們一台客。點一個lunch set可以hea一個下午，真的不錯。*白汁吞拿魚長通粉($56)長通粉煮得太淋，少了意粉應有的彈性和口感，而且吞拿魚份量很少。白汁太稠，不過還可以接受，因為味道不會太咸。*熱情果綠茶不太飲到熱情果味，只有茶味和甜味，比較似糖水。放下$100按金，就盡情玩我們的monopoly。sofa很大，坐得舒適。

旺角而家有好多樓上CAFE, 咁岩同朋友行街行到有D疲累, 就隨便搵間CAFE 抖抖. 呢間CAFE, 一打開LIFT門就係大門, 有感似樓上BAR, 燈光昏暗, 亦有陣陣...煙味...芝士火腿西蘭花 - 完全冇芝士味, 西蘭花應該只係用水烚過, 如果用焗爐焗返一陣, 應該會好D 因為係微暖唔熱. 而家成個配搭係沒有味道的. 瑞士雞亦 - MENU 上已注明需時, 都等了近半個中, 只可以講熱既, 雖然雞亦表皮有深深瑞士汁既顏色, 但雞亦入面完全冇味, 表皮亦唔香亦唔甜, 亦有雪味.玫瑰果茶 - 冇茶味冇玫瑰味得陣酸味

小新同愛麗絲又去Cafe邊食Tea邊玩波子棋喇😂👫 今次我地去既係Go Dutch Cafe，佢比其他Cafe唔同既係佢以荷蘭為主題，餐牌上會有荷蘭同當地特色食品既簡介，而環境都唔錯。透明既玻璃枱可以見到一束束既乾花裝飾💐我地分別叫左兩個Tea Set。首先，愛麗絲叫左個朱古力多士，配熱情果梳打。個多士真心出奇地好食😲👍🏻 厚厚既朱古力醬蓋係多士上一齊焗，所以十分香，當中亦有榛子，令口感更豐富😋而杯熱情果梳打都好Tropical好Fresh😀之後就係小新叫既洋蔥鴨胸焗多士配榛子朱古力。今次呢個多士都好足料，如圖所見，有好多洋蔥同鴨胸，洋蔥令個味道更加豐富，成個菜幾飽肚，可見呢到既焗多士鹹同甜味都咁好食😛 至於杯榛子朱古力都正呀，唔會太甜，好有榛子香Tim🍫

今天與友人迋完街以後找東西吃，有人派傳單推廣說68元包餐飲和甜點，就上去試試看。打開餐牌68元的只有肉醬意粉、呑拿魚長通粉，只包飲品沒包甜品，問不是有包甜品的嗎，答說只有set（不是dinner set,是三人餐那些）才會包甜品。好吧，就當樓下的人講不清楚，看到餐牌中的玫瑰沙冰很吸引，就留下來了。我們點了肉醬意粉(68)+玫瑰冰沙(+20)和煙三文魚意粉(95)+熱草莓巧克力(+5)第一樣到的是玫瑰冰沙，和照片完全不一樣，一小杯粉紅色覆蓋著cream，還以為是給錯了，問待應說是大杯才長照片中的樣子。（餐牌上寫着圖片只供參考，吹脹）味道太甜了，冰沙太溶，基本上只是玫瑰糖水。等了一小時食物還沒到，竟然告訴我説煙三文魚已經全沒了。就改了要三文魚腩意粉。熱巧克力同樣很細杯（看過最細的熱飲杯）份量比平時茶餐廳的熱檸茶更少。意粉終於到了，味道方面意粉沒囗感（泡太久了），肉碎只有一丁點，三文魚腩得個咸字，兩個意粉的質素比以前中學canteen的還要差。最後看看餐牌發現。。還有加一服務費！20塊錢的質素，盛惠206.8

呢間野都幾過份，我地6X人包場食野，佢收我地7X人錢。但之後數返杯碟，都係得6X人，D staff仲要格硬收貴我地每人幾十蚊。仲有，本身間野已經極度唔抵食。$140未計加一，一枱20人都得7盤野食，人地話食七分飽健康，我地就每人七分一飽都冇。至於味道，除咗雞翼OK，D肉醬意粉，肉醬飯真心難食到WTF，不如你出埋肉醬米粉。難食之餘，諗住坐得開開心心咁玩啦，但你收貴人錢又唔肯check cctv，話麻煩，咁你裝部cctv用黎托咩。(我們是學校團體，所以不便報警，以免學校介入搞大件事)想挑戰地獄劣食，唔使去明將，呢間啱哂。可以玩懲罰遊戲，仲可以受一肚氣，一次過滿足哂所有抖M欲望。現在6X人食完都好唔開心，好掃興。你地仲想食呢間嘅，都係自己諗清楚啦 )

同朋友黎cafe坐下傾下計。嗌左個芝士肉醬薯條，再加兩杯野飲！意外既係好大碟，兩個人一路傾計，一路食下薯條，都已經飽哂！佢既肉醬同芝士分量岩岩好！下次會試埋其他野！

因為登打士街廣場有大量樓上cafe，所以相信都會有不少朋友會到登打士街廣場。今次我去左10樓ge cafe，一上到去，見到裝修不錯，所以就選擇左依間。不過總括而言，我不太滿意依間cafe ge 服務。首先，因為我地被安排到另一間房間，即使按了鐘也要好些時間才會有人到。結果我地足足等左個半鐘才有食物到。另外，價錢頗貴。我地係5個人去，職員不斷推薦5-6人套餐，不過依然要～$140，比其他cafe貴。再者，該cafe提供ge桌不太足夠，而且也有缺漏，結果我地只好用自備ge啤牌。至於味道方面，小食的味道倒不錯，不過主食就一般，只有中間偏下ge水準。而飲品出乎意料ge好，我飲ge士多啤梨梳打唔錯，偏甜更加係合我口味。

一班同學gather，殘廁之外最好地方就係cafe!登打士廣場10樓既呢間上次已經去過，覺得ok就再黎一次今次有小小中伏感覺一入到去發現好大煙味，即刻入都唔想入上次可能坐房無煙，今次坐出面真係頂唔順但係好在職員都好好，肯換間房比我地坐，咁就無事野食黎講算ok，我地今次叫一set 7－8人野食一班餓狼野食一各黎就食，相都影唔切叫左幾個飯同意粉，味道唔會太濃或者太淡係好似太少餸，有時唔可以個個都分得到不過份量都夠，一set都食到我地飽哂小食方面都可以，唯獨滷水雞翼既滷水唔夠味，同埋浸得唔夠入味其他夠如春卷薯蓉都唔錯飲品推介係 焦糖朱古力，上面有我最中意既cream，味道好好，有焦糖同朱古力both既味道缺點係如果坐好耐，冰一溶就淡哂唔好飲呢到其中一個好處就係遊戲多同齊，真係岩哂一大班人開開心心過一晚

芝士肉醬意。我未食過苦既芝士 肉醬意，你話係杯茶既有回甘都合理， 肉醬意都回甘?!全程我基本上你食緊一碟好色既意粉，芝士味呢? 肉醬味呢?簡直世界級。大家樂一定完勝佢。全晚我覺得最滿意既有一樣野就係佢係熱既......

服務態度其實不錯 但係...野食真係好吾掂 個黑椒雞扒意粉 簡直...d汁得個辣字無黑椒味 汁仲又勁稀 食茶記無咁嬲 仲有係dinner set加多十蚊嗌個個咩蜜糖紅茶 難飲到....................最不滿既係...原來間cafe係「不禁煙」仲有埋煙灰缸比人用比錢食個dinner姐 無話係食二手煙我覺得應該要考慮埋其他客人一句講曬完全失望 吾會再去

話說登打士街成棟樓都係Cafe 咁濟，一到等lift個位，就有個女人係咁sell 十樓間cafe，於是就上去試下啦一入去，唔駛講，嗌咗野食先啦，咁我就叫咗個法式鴨胸長通粉加柚子茶，再同frd夾咗個草莓多士盒。點知柚子茶就等咗大概四個字，多士盒就成五十分鐘(甜品仲早上過主菜))，之後再等多十幾分鐘啲長通粉先到。柚子茶，一個字，淡。支飲管要直接隊住啲柚子先FEEL到啲柚子味。多士盒除咗啲多士有啲太林之外都唔錯。法式鴨胸長通粉個汁有啲似卡邦尼嗰種，驚喜既係鴨胸比想像中多，有八片(雖然同taste啲味差唔多lol)環境方面，啲燈飾幾古典優雅，不過可惜張枱同地下都有黏黏既感覺，唔多舒服。啲card game就亂到痴線，大部份都唔齊

杯熱飲仲熱過個焗長通粉, 咩料呀 ?!待應還要拿隔熱手套拿這碟焗長通粉過來明明隻碟係凍既... 而且長通粉係生生地架LO 難食到爆只感到有心呃食客我去過咁多間CAFE都, 呢間係最差既一間! 

一不小心錯信了樓下的妹妹花言巧語，就中伏了！首先，Cafe環境極差，破舊的插座，鋪滿灰塵的窗台，讓人看見都心驚膽跳！甫坐下，要求notebook工作，給來的竟是殘舊不堪連插座也不對的notebook! 然後MK妹妹侍應竟跟我說是壞的！簡直匪夷所思！然後，等了三十分鐘，菜終於上了！芝士白汁吞拿魚意粉，白汁不是白的，吞拿魚是硬的，通粉是乾的！然後，侍應把高達200度的碟亂放在我桌上，隨便一踫都足以燒傷！這是什麼服務？還有娃娃菜，菜是發霉的，乾乾的，就像是變壞了！這樣的餐廳中一次伏都嫌多吧！

特別為這餐廳寫上人生的第一個食評, 因為真的太差了! 我與幾位友人想找一間cafe相聚, 在登打士廣場門外排隊等升降機期間, 有一位宣傳這間餐廳的小姐宣傳得特別落力, 說'本餐廳有最新最多的棋盤, 如果您發現不完整可找我們同事為您拿新棋盤'. 聽到她的介紹, 我們便決定留座.cafe有兩間房, 吸煙房及非吸煙房. 我們坐非吸煙房, 叫了5-6人套餐, 問侍應甜品是甚麼, 她卻鬼馬地說"到時你咪知囉!"環境 - 還算可以, 坐sofa, 冷氣充足, 不過有點兒迫棋盤 - 數量不多, 不少都唔齊, 問侍應有冇新的, 他們都說沒有, 叫我們自己搵, 服務態度一般飲品 - 還算可以, 朱古力系列有很多cream, 比較甜套餐 - 等了15min., 不過整體份量少 - 份量太少, 味道幾好 - 芝士太少, 下面薯蓉完全冇芝士味, 彷彿吃薯仔一樣 - 味道頗好 - 味道欠佳, 雞肉只有十塊, 唔夠汁, 意粉完全冇味, 出水!! - 三文魚很多骨, 白汁唔夠, 飯冇味還有, 最憤怒的是到埋單後還沒有甜品!!! 我們好像被騙了!!!!

原本想同男朋友去樓上CAFE做PROJECT，咁入去呢座大廈裡面，有個人比張傳單，睇見呢間既傳單介紹果度幾好幾靚，咁就上去睇下環境啦，望入門面都唔差，環境OK，又見冇咩人（因為見其他CAFE都FULL 晒位），咁就入去啦。入到去個女侍應招呼都無，正係見佢呆呆滯滯咁企左係度。咁都無違意，咁入去坐啦，一坐下，身邊果台係度食煙，空氣差，D煙味吹晒過黎，個抽氣又差，又多塵，咁都算啦。咁食煙果台走左，個女侍應只係執走D餐用具，台上有D果汁的東西都無抹，之後就比下一對情侶坐下，個餐牌仲要放係個果D汁上，十分污糟。之後叫野食，點完野食個女侍應又唔覆單.叫左個兩杯飲品分別係菠羅沙冰和草莓沙冰，另外一個香煎雞扒包和朱古力香蕉薄餅。咁D野食都好快黎，先係兩杯飲品，菠羅沙冰飲飲落既感覺似水，而草莓沙冰飲落就似瑞士糖溶左再開水咁甜，食物方面，香煎雞扒包普通都唔再講，朱古力香蕉薄餅先O咀，所謂既朱古力香蕉薄餅原來是個麵包加香蕉片再淋D朱古力係上面，完全無晒幻想，講真。。。自己都可以係屋企整＞＜“。。。。。 後來又有人食煙，好污煙障氣，咩心情都沒有，摸到張台“痴淋淋”咁，都廢事拿電腦出黎，食完拿拿林走。。＞＜。。