Go Dutch Cafe

营业中

休息中

入到餐廳，被中间的燈飾吸引住，望了望，見到一堆旅遊書📚。周圍的黑色掛牆燈幾襯白色牆身，燈光既柔和。餐廳中间有一櫃擺放好多boardgames 既玩意。我地二人被安排入座卡位，座位寬敞舒適。主食方面，我地點咗龍蝦汁海鮮椰菜花和Deli Basket。飲品點咗桂圓紅棗花茶和杏仁朱古力。等咗一陣，飲品先到，朱古力拉花幾靚，而配花茶的杯細而精緻富特色。嘆了一口朱古力，味道不錯，杏仁味幾香，而甜度也剛好，而花茶也幾清香。不久主食都到咗，龍蝦汁海鮮椰菜花看似意大利飯，擺入口龍蝦汁香味農，而碎椰菜花有點爽口，和配菜豆苗，菇一齊食更滋味。😋至於朱古力吐司，吐司表層朱古力厚度剛好，唔會太甜。薯條和炸雞塊有茄汁配。服務方面，有禮體貼周到。

樓上餐廳向來受食客歡迎。無論是聊天還是醫肚子，都是好的選擇。今晚與朋友也相聚聊天吃飯。位於旺角登打士街43 H號登打士廣場10樓全層的這間餐廳。地方寬敞，坐位舒適芝士肉醬意粉78元軟硬適中的意粉被濃郁的肉醬包裹，再加上芝士香味。令人吃得 津津有味隨餐加8元送桂花菠蘿蜜，香甜可口餐廳附有多款熱飲冷飲選擇咖哩蒜汁雞扒飯88元咖哩的香味令人胃口大開，雞扒的皮脆，肉汁豐盛。法式煙鴨胸長通粉78元焗後的煙鴨胸脆中帶香，長通粉配上特製的醬汁。口感豐富黑松露白汁 雜菌炒椰菜花128元新鮮感十足的椰菜花配上香味獨特的黑松露口感香中帶爽脆，好正的配搭。摩天輪小食138元，只看賣相已食指大動磨菇雞翅，雞翅去骨後加上磨菇釀製。再經過油炸。皮脆內香，還保留了肉汁。炸後的廣島蠔，也令人 垂涎欲滴

又來這家樓上咖啡廳嘆飲品休息一會兒這間環境挻寧靜的 所以又再來🤣·栗子朱古力HKD$45·榛子咖啡 HKD$48·藍莓芝士蛋糕 跟飲品加HKD$28飲品也不過不失呢~ 不過少甜應該會更好太甜的朱古力/咖啡感覺不太好🤨

好耐無見過個fd...約左佢出黎行街～食野～我地上openrice搵左間樓上cafe可以慢慢坐，慢慢傾計位置係女人街入口附近都好易搵喺登打士廣場10樓，一出𨋢成層都係，門口都幾靚～好多特色嘅擺設入到去有一大炸旅遊書可以俾你慢慢睇，（盞燈好靚呀）頭先係嚟到嘅係我嘅熱檸蜜，估唔到咁大杯，甜度適中唔錯朋友叫咗杯薄荷朱古力，拎左黎飲左幾啖，好濃嘅薄荷味加埋朱古力唔會太’溜‘，我覺得好好飲～叫咗個咖喱炸蝦天婦羅意粉share，佢嘅咖喱味甜甜地，醬汁好多，夠撈哂成碟意粉（意粉份量多，炸蝦都有4隻）好抵食！我同朋友都好鍾意個炸蝦，炸到外皮好鬆脆，入面蝦好嫩，我同朋友都好鍾意食香口野然之後帶咗個小食摩天輪，影相一流呀包括：芝士磨菇釀雞翼，吉列炸蠔，炸薯角，薯仔炸蝦卷好豐富呀～啱晒為食有樣嘢想食嘅朋友我就特別鍾意吉列炸蠔，好大粒，好Juicy~一啲都唔會腥芝士磨菇釀雞翼好肥大脹卜卜薯仔炸蝦薯仔，外層一絲絲好靚～我地叫左咁多野食，慢慢傾計慢慢食，睇下旅遊書，放假係要放慢節奏先係真正休息～

好似好多年冇去過登打士街既樓上cafe啦，之前最後一次食，覺得啲野食真係唔多掂。過左好多年之後既今日，終於同姊妹們決定再次踏足其中一間。😌—10樓既呢間「Go Dutch Cafe」，我地7點幾去到，仲未有人嫁。點知去到夜啲，9點幾開始，竟然全場爆滿，果然愈夜愈精彩。😂—本身都煩惱緊食咩好，waitress話有個3-4人套餐，我地一致覺得OK。😁個waitress特登提醒我地個飯會好大盤，所以建議我地叫一飯一麵，唔好兩個飯。好彩我地有聽佢意見，因為真係.....好大份！😖—套餐既話，野飲都係大杯既，夠飲！—小食拼盤（春卷、咖哩角）相比起春卷，咖哩角好食啲，炸得幾脆。😊—芝士煙肉焗薯蓉第2樣小食我地叫左薯蓉，諗住會飽啲，點知真係飽到喊出黎。😂個薯蓉好正喎，焗到岩岩好，唔會燶。芝士配埋咸度十足既煙肉，食得好滋味。😋—日式咖哩蝦天婦羅飯就咁睇可能睇唔出佢有幾大盤，其實佢係大盤到兩個男人食都未必食得哂。🙄份量多，味道又得唔得？出乎意料，咖哩味好出色，唔太辣但好香，最緊要係蝦天婦羅好大隻，而且好脆新鮮炸起。😝—牛肝菌汁雜菌雞柳意粉意粉又係好大盤，料既份量好多，雜菌雞柳都好多。😉牛肝菌唔算好香，比

放假出街揾下餐廳食好野已經成為好多香港人嘅指定動作，我都唔例外去樓上cafe可以坐得耐啲，hea耐啲，我都幾鍾意呢間餐廳同我style 都幾match簡簡單單慢活的步調。介紹返~ 個環境佈置好靚好舒適，靚得黎華麗，華麗得黎又唔浮誇！個menu ge design我都好鍾意，好有特色，似啲舊式新聞報紙📰我與同行者叫左D4, D5, 好好嘅係飯可以免費轉做意粉或者長通粉，所以我就轉左其中一個做長通粉啦飲品嘅選擇都好多，餐包一杯40蚊嘅嘢飲，其他飲料就算要額外加錢都唔係加得好多好貴我叫左個熱柑桔檸檬紅茶，唔洗加錢嘅，好大杯！同我一齊食飯嘅叫左個凍咖啡☕️個menu圖片介紹得好有趣泡沫咖啡講返我碟嘢食先，啲蝦大大隻，又有四隻咁多喎，影左兩個側面俾大家睇下呢個角度睇得出個size有幾大，呵呵🤭呢個角度睇得出啲通粉有幾多呢個就同行者食嘅大份到呢⋯⋯好彩佢係男士，食得曬！呢度仲有好多旅遊書，如果想同朋友去旅行之前plan下行程，係個唔錯嘅地方～

今日又係同班朋友每月聚餐嘅日子，因為想傾計傾耐啲，我哋就選擇嚟咗呢一間位於旺角樓上嘅Cafe。一入到去，裝修都幾骨子，而且最欣賞嘅就係佢啲座位是非常之闊落，坐得好舒服，啱晒我哋去傾計談心。店員首先就介紹咗一個party set，入面包兩個主食同埋兩個小食，仲有每人一杯飲品。一起菜嘅時候，真係”嘩”一聲，用錫紙盤裝住嘅主食份量十足，好大盤！小食拼盤(春卷、咖喱角): 兩款炸物都炸得香脆，餡料juicy。-芝士煙肉焗薯蓉:好creamy既薯蓉加上芝士，口感飽滿，好好食！-日式咖喱蝦天婦羅飯:天婦羅炸蝦冇落好多炸粉，脆得尼唔會硬😍而蝦亦都夠大隻同新鮮，唔錯！至於咖哩飯就無乜特別啦😂-牛肝菌汁雜菌雞柳意粉:意粉好creamy，而且牛肝菌汁味道好濃郁👍🏻-飲品我地嗌左熱情果梳打、紅茶、hazelnut latte同埋柚子茶，味道中規中矩，大大杯，啱哂傾計時候飲呢！

甫一進來，就見到很大空間和不少食客，加上裝潢新穎，留下了深刻印象，開在旺角這區有太多餐廳，相信它的競爭實在不少！看來兩間是姊妹餐廳。打開餐牌，有不少食物款式選擇。先介紹頭盤，看似普通炸春卷，但份量十足，味道正常。我最喜歡薯蓉！所以點了一盤，很驚喜，值得一試！至於牛肝菌汁雜菌雞柳意粉和咖喱炸蝦天婦羅飯，看似普通，第一次嘗試，份量十足，最後吃不下打包了。至於飲品是熱的柚子茶和其他果茶，原價四十幾左右就有一杯，略嫌有點貴，不過跟餐就可以有機會不用補錢。而份量方面，真係份量十足，抵食！但最值得一提的是咖啡店的環境很大很舒服，適合一個人靜靜工作之餘，又可以約三五知己坐耐一點傾訴，而且侍應服務很好，會關心食客需要，不錯喔！

今日喺旺角食午餐 ，是但係openrice 搜尋 就近 樓上cafe ,見到呢一間comment唔錯就上左嚟。平日嘅中午樓上cafe唔算多人， 入門有棟靚靚嘅燈樹， 檯面上排滿世界各地嘅旅遊書， 整個裝潢都係圍繞著樹木主題， 餐桌皆是木製品。叫咗一個set lunch,咖哩雞扒意粉, 加錢轉蜜桃紅茶 ，另外散叫咗一個 芥末雞扒漢堡併薯條。 兩樣連加一，188蚊都算抵食。佢嘅雞扒煎得香脆， 顏色仲好靚，肉的部分唔鞋 ，保留了水分。咖哩雞扒意粉份量充足，屬日式甜咖哩，冇辛辣味，易入口， 所以成日食下成碟啲清曬。雞扒漢堡包配蜜糖芥末醬， 散叫並冇包飲品， 薯條係幼條嘅， 未炸得夠硬.。 麵包兩面烤得香脆， 配菜亦都新鮮爽口。價錢合理，地點同環境ok,可以再黎。

今晚同朋友去咗旺角登打士街，登打士廣埸樓上的食店。絕對是有驚喜的cafe 店。店內裝修好有特色，令人有好舒服的感覺。環境又清潔，坐位又夠大，而且冷氣充足，又有書籍给食客免費觀看。我拿了旅遊書籍觀看。看完餐牌，食物款式也很多。叫咗個炸雞翼，即炸的，又新鮮，好好味道。叫咗個黑松露白汁雜菌意粉，黑松露味道好濃。好香，白汁也做得好入味道，雜菌又多又新鲜，意粉又滑，口感非常好。個人認為是必食的食物。另叫牛肝菌汁雞柳長通粉，同樣有水準，牛肝菌汁又濃味，又多汁，通粉爽口。胃口大開。好有水準。飲品則叫咗杯雲尼拿朱古力，買相已經夠吸引。雲尼拿又多又香，朱古力味好濃，算太甜。好飲! 综合各方面，絕對是物超所值。個人必定再光顧這家cafe 店。

平時好少去食cafe，但諗住可以慢慢坐，同朋友傾吓計，玩下boardgame，所以朋友揀左去左登打士廣場既café排隊嗰陣收到好多單張，呢幢大廈好多café間間都大同小異，但係我見到宣傳單上呢間cafe裝修幾靚有棵燈榭，D位又好似坐得OK舒服，所以就入去揀食呢間我地揀左SET DINNER，價錢唔貴等待食物期間，行左陣望下有board game，最驚喜係見到有旅遊書真係上至亞洲到歐洲都有，下次我出發去旅行可以唔使去書局買旅遊書，黎呢度食番餐喪睇番夠本度下行程又可以慳番筆，重點係可以有同一地方但唔同版本出版社既書做對比，又有得食HEA坐做文青。吞拿魚白汁長通粉，白汁配芝士唔錯，芝士份量適中唔會太流，白汁配埋長通粉焗熱即食其實係得輸黑松露白汁雜菌意粉，白汁配黑松露唔錯，白汁份量好多每條意粉都包覆到白汁配埋長黑松露即食其實係無得輸，果陣香真係食過番唔到轉頭點左個小食炸雞翼，食得出係即刻烤唔係翻叮雞翼外層皮好香，味道好足，皮脆肉嫩，好食！必點飲品跟餐可以揀40蚊以下飲品免費我加錢揀左飲榛子朱古力，榛子味比較重，甜度適中，唔會過甜，同埋飲完之後唔會話有浸甜味係口度唔錯重點，杯野Cream夠曬多，

今日禮拜日放假同女朋友過咗嚟旺角行街，出邊成日都落大雨搞到好狼狽，到晚飯時間又唔知食咩好，因為落雨關係都費事周圍搵餐廳，就隨便地走去登打士街大廈搵間Cafe食。門口有位姐姐介紹我哋上10樓嚟到呢間cafe食飯，入面環境都幾闊幾舒服，有情侶在plan旅行，都有一大班既在玩卡game，都真係個嘆世界既好地方。黎到cafe梗係要叫番杯嘢飲啦我就叫左杯碎碎朱古力，杯面上放左好多朱古力脆片係我的最愛，好正😋呢度最低消費每人一杯嘢飲，不過如果叫嘢食嘅話都可以加錢送嘢飲，價錢親民。服務員另外介紹我地呢個摩天輪小食拼盤，滿足哂我地5個願望試哂所有小食。摩天輪好大呀，睇得食得轉得又玩得！強烈推薦呢個雞翼，爆汁香口當然唔少得要有主食啦，先來一個龍蝦汁海鮮意粉，份量十足。本身諗住都係無咩海鮮，原來收哂係意粉下面，一個字，好鮮味！

今日同老婆豬一齊去油麻地搵食，walk in 入黎呢間樓上cafe，估唔到質素幾高，有驚喜。Cafe裝修都幾別緻，木質主題配上柔和稍暗既光線，都幾浪漫一間西餐廳好定唔好，其實只要睇下佢煮碟簡簡單單既卡邦尼意粉質素高低就判斷到。而呢度既卡邦尼意粉，未食個陣已經香氣四溢，芝士味濃而不膩，煙肉香而且份量多，亦唔會太鹹。而個意粉本身先係靈魂所在，對我呢講佢個意粉軟硬度啱啱好，吸埋d汁黎食真係無得彈。至於呢碟牛肝菌雞柳長通粉，一片片既牛肝菌肉質鮮嫩，菇味濃郁，而個d雞柳仲要係預先煎過所以特別香脆，配埋長通粉食真係一流食物質素高之餘估唔到飲品都有驚喜。好似呢一杯榛子碎碎朱古力咁，朱古力入面有陣陣榛子味，香濃亦唔會過甜，再配早餐食開既朱古力脆脆，脆香可口，齒頰留香。成晚食左咁多heavy野都驚濟，所以我老婆都特登叫咗壺薄荷青檸蘆薈紅茶，分量多，非常清新，一個字：歎

油麻地呢頭有好多Cafe，但係要搵一間質素高，價錢平的Cafe是不容易的，今日就比我和老公搵到一間，想介紹俾大家首先一入到黎， Cafe的裝修是挺浪漫的，光線偏暗我哋叫咗一碟卡邦尼意粉，味道幾傳統，芝士十分香濃，煙肉份量亦多，拍得住出面百幾二百蚊的卡邦尼意粉另外我哋叫咗一碟牛肝菌雞柳長通粉，牛肝菌切成一片片，醬汁濃郁，而我個人比較喜歡長通粉，因為醬汁可以填滿通粉裹，啖啖滋味另外呢一杯榛子碎碎朱古力值得推介！榛子不會過甜，和朱古力好夾，再配上脆脆，一次過滿足左我三個願望而我老公就叫咗一碗薄荷摩洛哥紅茶，分量非常多，可以慢慢飲成晚！除咗呢一款紅茶之外仲有好多款茶類可以選擇套餐+$5至$20就可以加一杯飲品，性價比很高

2019.3.30 (星期六）同朋友約左黎Go Dutch Cafe 聚下，吹下水！上到樓見到環境好有格調，空間座椅都舒適！Cafe不但提供各款遊戲，仲有旅行書可供參閱，最岩同班Friend坐低玩下，傾下，plan下行程！我地叫左個「自家釀製芝心煙肉雞柳長通粉」set!雞柳有成四大片，仲好大塊！而且亦炸得好香脆入面伴著芝心，外脆內軟，很不錯配埋忌廉汁長通粉都好夾～兩個share食都好夠食另外，見到menu上「Go Dutch 摩天輪」🎡好趣緻，於是order左一客share! 摩天輪一上枱，真係覺得好靚好有氣勢，而且摩天輪真係轉得，好可愛！玩得又睇得仲食得添！芝士磨菇釀雞翼，有三大隻！雞翼外面整到金黃香脆，而入面就釀左豐滿的芝士磨菇肉，令到雞翼咬落好有口感，內裡充滿肉汁，好juicy 美味！另外仲有薯仔炸蝦卷，炸薯角，泰式咖哩角，炸生蠔，幾款炸物都整到好香脆～酥炸蠔好正外脆內軟！我自己就點左杯香芋朱古力，味道不錯，而且飲品夠大杯足料