Go Dutch Cafe

营业中

休息中

今日全日都落著毛毛雨，行街行到攰攰地來到登打士廣場早點吃個晚餐，來到十樓Go Dchu cafe內里裝潢風格別緻，柔和燈光下，氣氛好舒服，我地點左兩個套餐，牛肝菌汁雞柳長通粉和黑松露白汁雜菇意粉，燒蜜糖雞翼一杯紅茶熱情果和一杯柑桔檸蜜，首先是燒蜜糖雞翼，香噴噴，烤至雞中翼外脆金黃內肉入味肉滑香甜，加上蜜糖更惹味意粉煮剛好，煙韌可口，索左白汁和黑松露惹味口感十分豐富，夾雜著雜菇一起吃好好味！好友的長通粉見他吃到津津樂道，連說左兩次好吃，飲番杯熱柑桔檸蜜好舒服和滿足！

登打士廣場有好多cafe 、今晚跟友人來到以荷蘭為主題的Go Dutch cafe。一出𨋢就看到了門口的波波燈樹、旁邊還放著幾本旅遊書可供食客翻閱。我們點了個Carbonara 、份量蠻多的、有不少煙肉和火腿、足夠兩個人吃呢。香蒜焗西蘭花以小砵送上、蒜味好濃、簡簡單單不用加芝士都不錯。另外點的桂圓紅棗茶、以透明玻璃器皿盛上、帶點日式感覺、幾特別、唔算好重紅棗味、不過可以免費添飲。友人的凍朱古力珈琲、味道幾濃。

龍蝦汁海鮮炒椰菜花意大利飯 💲128自家釀制芝心煙肉雞柳長通粉 💲98白羊座（荷蘭旗） 💲15（補差價）處女座（紅粉戀人） 💲20（補差價）芝士煙肉黑松露焗大啡菇 💲55✅ café提供旅遊書及多款桌遊 種類偏向多人遊戲🎲 加上餐廳既座位主要都係大卡位 好適合一大班朋友黎食飯慶祝🥂✅ 一般西餐廳好少有椰菜花意大利飯😍 而呢度既賣相獨特 而且龍蝦汁夠濃🦞 仲食得出一粒粒椰菜花 配合各款海鮮 成碟都食得好滋味😋✅ 自家釀制既芝心煙肉雞柳整得好用心🐣 將芝士釀入雞排咁炸 口感豐富🥰✅ 白羊座係藍柑桔加乳酸 望落好夢幻🇳🇱而處女座就係玫瑰沙冰🌹加上士多啤梨雪糕球🍓 飲落去就甜甜的 差價合理 推薦大家試下👍🏻✅ 大啡菇釀入煙肉同黑松露去焗 唔會得芝士咁單調🧀 食落有層次🍄👅Taste：3.5/5💰CP值：3.25/5🙋🏻‍♀️Service：3.25/5👁‍🗨Stylishness：3.25/5

同認識多年的朋友食飯，去咗呢間在登打士廣場的cafe，諗住可以一邊玩，一邊食。最初入去感覺不錯，門口一盞燈突顯格調，燈下有幾本旅遊書，看來要Plan旅行的話來這間也不錯。餐牌整得幾靚，成本report咁厚（實在太大本，只影咗set dinner menu 前後），大多數是飲品，畢竟是cafe 嘛~我同兩個朋友點了兩個set dinner - 咖喱雞扒飯 & 牛肝菌雞柳長通粉 和 Go Dutch摩天輪 (小食拼盤)。飲品就椰香朱古力、椰香鮮奶和青蘋果桂花花釀~都是熱飲。飲品很快便到，椰香那兩杯是我的朋友點的，雖然我沒有試，不過都聞到椰味好香。而我的青蘋果桂花是青BB一杯，不過味道也不俗，唯涼了之後覺得太甜。 食物未到，先玩board game吧。可惜cafe 的頗為殘舊，也不是重點，而且我們拿出很多（大概四至五盒）可以三人玩的遊戲也不齊全，可能是客人將組件遺失或是整亂到第二盒。不過作為cafe供應，我覺得都應該整理一下，而不是要另加$20入會有新淨又齊全的board game。 問題一次過講，不知為何cafe一進去便聞到有煙味，正常餐廳室內已全面禁煙，不知是煙味是從何來。最後一個問題，

我和朋友經openrice，按評價是但揀左間樓上Cafe 晚餐。GO DUTCH CAFE 嘅經營時間竟然去到4/5 am! 如果係夜貓一族，黎呢到是不錯選擇，仲有好多旅遊書俾你慢慢睇。大門就有盞好吸睛的燈!Cafe 分兩邊，明明大堂有位，但帶左我去偏室，偏室冷氣機聲好嘈! 有啲影響傾計~Set meal 包主餐同40蚊樓下熱飲。小食選擇薯類偏多。落單後等左一陣，終於有飲品。友人好似點左一個芒果紅茶，我就叫左個柑桔檸檬。友人說飲品偏甜，但嗜甜的我就覺得好好味。＜咖喱汁炸蝦天婦羅飯＞不過不失，Cafe水準。炸蝦好脆!又熱! 咖喱唔辣，又夠香! OK好食~＜法式煙鴨胸長通粉＞賣相吸引，滿滿芝士。新鮮焗起，連隻碟都熱。鴨胸偏咸，但整份餐分量算多。多到我都食唔哂!

難得又到weekend, 今日天氣麻麻，落大雨又行雷閃電，最好就留喺室內，就約咗男朋友去Cafe坐下傾吓計，一齊plan 下旅行嘅行程，咁梗係要搵間Cafe慢慢坐慢慢嘆，上網就揀咗呢間cafe一到門口就比呢個裝飾吸引左，好靚，入到餐廳裏面唔多人，自己可以隨便揀位坐Menu 有set meal, 叫咗個自家製芝心煙肉雞柳長通粉，同埋叫咗個摩天輪, 好似好多人都叫首先嚟咗個摩天輪，好得意，令我諗起幸福摩天輪嗰首歌,好幸福啊😍五格都有唔同嘅小食，有炸薯角、咖喱角、炸雞翼、炸蝦同炸蠔，炸得好香脆，當中芝心蘑菇雞翼最好味，因為好芝味之後就嚟咗個意粉，個賣相都唔錯，雞柳炸得鬆脆可口，汁好有芝士味，不過再多啲汁就比較好嘢飲方面朋友叫咗個榛子咖啡，奶味比較重我就叫咗個玉桂茶慢慢嘆，仲有蜜糖可以加呢度係一個俾你慢慢Hea坐同朋友傾計嘅好地方，同埋佢有旅遊書提供俾客人睇下次會再黎

Book位時話叫部份野食有半價優惠入到黎先講10頁menu得2-3頁有優惠叫有Discount嘅野食係唔包係Minimum charge入面所以咩時段黎每個人點都係要叫一個Set/野飲提醒大家入黎前要睇清楚 同埋只收現金跟住入黎坐低等左個半鐘先有野食UNO都玩左10幾鋪啦 都未到野飲又黎少杯個大陸女侍應態度又差 西口西面食物正路 但偏貴普通一杯熱綠茶都成$40d board game又少又舊性價比極低唔會再黎我同d friend已經列左呢間野落black list:@

中午與同事來到旺角的Go Dutch cafe 食lunch, cafe 地點很方便。我們不難找到cafe 的位置。cafe 環境很美，很優雅，很有鬧市中的世外桃源感覺。這裡的環境很合適三五好友黎談心。這裡的set menu 都好多選擇，也很吸引人。最吸引我的是這裡的飲品，是用十二星座命名，而且材料很豐富，很吸引人，我一看就愛上了。這間cafe 食物選擇很多，有意粉，局薯。甜品也很吸引，價錢也不是太昂貴，很合我們心意。這是荔枝特飲，味道清甜可口。這是蜂蜜綠茶，味道也很正，很清甜，很適合夏天飲用。雞肉長通粉，味道一流，外脆內軟的雞肉，很香口，很好食。咖喱炸蝦意粉，味道也很正，蝦很新鮮，分量十足，價錢也很合理，十分推介。

今晚去左 Go Dutch Cafe 同朋友一齊食晚飯，第一眼望入去就好中意Cafe 既裝潢風格，俾人一種放鬆既感覺，特別係一入門口燈飾，真係好靚，睇得出好有心思佈置同設計。無論係同朋友仔聚餐定同男朋友仔拍拖食飯，呢度既氣氛都好適合👍🏻我地一坐底就嗌左野食杯野飲，等左冇幾耐就等到野飲，我嗌個杯蜜桃梳打，唔太甜又唔膩，唔錯😊之後就到野食，我地嗌左2個小食，蜜糖雞翼同日式炭燒雞串，兩款小食賣相可口，特別係蜜糖雞翼，就連我呢個唔太中意食雞翼既人都覺得值得再試。😋😋另外兩款主食，日式咖喱蝦天婦羅飯 同 白汁蘑菇煙肉意粉 都幾滋味，特別係白汁蘑菇煙肉意粉味道濃郁，份量足，真係好適合忙碌左成日既打工仔黎補充體力💪🏻！

今日放工就約左朋友去旺角行下街，平日都好少食cafe，難得岀下街無意中行過見到就去試下啦。上到去嘅外觀都令人注目。一入餐廳中間有個波波燈佈置 幾吸引。空間幾大幾闊落唔好有壓迫感 平時啲餐廳都好迫！呢間燈光暗暗地幾有情調好岩閏蜜 情侶摸下杯底傾下計 幾舒服。我地叫左個套餐，道先蜜糖雞翼同日式炭燒雞串，以為得幾串幾隻，原來都幾多下。味道都唔錯。之後叫左香草白汁煙三文魚意粉，日式咖哩蝦天婦羅飯，好大盤，應該4-5個人食就差不多。蝦都幾新鮮，咖哩飯幾入味，白汁意粉幾濃郁，幾好味。杯野飲大大杯，岩哂一邊傾計一邊飲。整體感覺都唔錯，抵食！

旺角雖然出名係鬧市，但係樓上鋪都好多㗎，得閒搵啲咖啡廳，食個晚餐，輕輕鬆鬆咁為嗰一日畫上一個句號ʕ •ᴥ•ʔ今次又來到登打士街廣場，因為登打士街廣場入邊真係有好多咖啡廳，好多都係高質餐廳，呢度係喺9樓，全層都係一間餐廳所以地方好大，空間好夠٩(˃̶͈̀௰˂̶͈́)و，入邊嘅擺設同埋燈光都令人感到舒服^ω^，好享受！嗰度有一個好靚嘅燈光擺設，望住佢就好似陶醉喺入邊咁，咩煩惱嘅感覺都冇晒，而且仲有啲relax嘅感覺！^_−☆我嗌左個晚餐套餐，咖喱雞扒飯，飲蜜桃沙冰。D4餐 $88 飲品補差額，另設加一服務費呢度嘅咖喱飯真係好好味，送飯一流，絕對唔係辛辣嘅感覺，超級容易入口，仲有少少開胃嘅感覺，係雞嘅份量都好多，其實整體來講成個飯都好夠飽！值得推薦呀！(⁎⁍̴̛ᴗ⁍̴̛⁎)

今晚同咗朋友聚餐想搵個地方，旺角應該係比較方便了。咁所以我地就揀咗個cafe，啱哂大家可以吹水吹耐啲嘛！呢個cafe氣氛幾好，唔算迫爆餐廳，所以傾計都唔會覺得周圍好嘈無哂癮，而且無用餐時間，感覺餐廳方面都幾有良心啊，唔會趕我地走。之後我地被店員推薦叫了佢地嘅三人餐，小食兩款、主食都又兩款（$448)雖然佢係set，但睇佢嘅menu都有好多款式可以選擇，有選擇困難症嘅我地都諗咗好耐啊。最後我地點咗蜜糖雞翼、雞肉串燒、咖哩大蝦飯、蘑菇煙肉意粉。雞翼一上枱已經好香的蜜糖味，焗得幾好。雞肉串燒也不錯，每人都吃到四五串，幾滿足。當主食嚟咗之後開始有點嚇到...大蝦天婦羅香脆入軟、白汁意粉又唔會太膩，但是！它們份量也太多了！店家對客人會不會太好了，吃完小吃，還有兩大盤的主食！就算我們三個人也吃不到，最後只好打包回家勿浪費！

登打士廣場一向都有好多樓上cafe，其中Go Dutch Cafe都算比較出名，剛巧見到app上有50% off，即刻上去試下。餐廳分吸煙同非吸煙區。吸煙區中間有很漂亮的燈飾，整個餐廳佈置得很古典。相反，非吸煙區只有簡單幾張桌子，而且點餐結帳都要自己走去main area。🍽白汁芝士煙肉長通粉本來想叫set meal，但是原來app的折扣不適用，唯有叫單點吧。看上去普通，吃下去才知道中伏！芝士是pizza上面的芝士，白汁就像pizza hut外賣意粉的味道，非常稀😨男友🐽吃了一半也放棄了🍽蜜糖芥末雞扒漢堡反而這個更有驚喜！麵包是用港式的芝麻漢堡包，烘得脆口。裡面有兩塊烤得皮非常脆的雞扒，肉質鮮嫩👍🏻醬汁有mayo和蜜糖芥末醬，老實說更像蜜糖醬（完全沒有芥末，吃得多會覺得有點太甜）附上的炸薯條是整頓飯最好吃的，雖然一吃下去就是滿口油味，但是起碼新鮮炸起熱熱的，仍算好吃🙈

今日訓到2-3點起身，一訓醒覺就好肚餓。落街搵野食既時候又到啦，我好鍾意下午茶時間食cafe，因為因為地方好大，坐得舒適又吾會趕人走。所以我去左登打士街搵cafe，今日搵到一間都好正既cafe，叫 Go Dutch Cafe。入面環境都幾舒適，燈光吾太強，好舒服。坐底後緊係睇有咩食，原來呢間cafe 都幾著重特飲，好多好多選擇。有沙冰，有咖啡，有梳打，有花茶重有乳酸，勁多選擇。不過最特別係有星座特飲😂😂今次我無試星座特飲，我叫左個好特別既咖啡，第一次飲。平時飲香芋奶茶就誒一得多，未飲過香芋咖啡😂😂將啲奶自己加入去咖啡入面，好靚。佢既咖啡味好濃，入面夾雜住淡淡既芋香味，好特別，幾好飲，可以一試。👍🏻👍🏻主菜方面，我叫左凱薩莎律 同埋 芝士火腿焗薯蓉。個莎律出奇地大碗，好新鮮，吾錯吾錯。薯蓉方面，係即叫即做，所以熱辣辣，好正。表面一層芝士，，內裹既薯蓉又有好白汁既野向入面，一啲都吾乾，非常好味👍🏻👍🏻食完僈慢向到諗下野，上下網，享受下人生😂😂

最近工事繁忙 也很久沒有和友人一起聚會 昨天很高興能夠從百忙中抽取時間 共同到訪位於旺角登打士廣場的Coffee shop 聚談一個晚飯的時刻 從環境方面 我頗為滿意當中的格局 有光猛的環境加持下 令美食的賣相也會多加幾分 此外 在牆壁中也有一段句子 像是店舖對客人的宗旨 可見本店認真對待每位顧客 給他們最優質的服務 而從飲品中 我點了一杯奇異果沙冰 沒想到奇異果的味道相當入味 令整杯飲品有新鮮的味道 而我點了一客平日較為少吃的食物 它便是黑松露炒椰菜花 這次是我初嘗這份美食 然而令我感到難忘 不論是口感 味道 賣相 方面也是頂級的享受 真的可以說是色香味俱全的菜式 而且相當健康 適合正在減肥中的朋友食用 如此招乎周到的店舖 給了我們一頓豐盛的晚餐😂😂