Glasshouse Greenery (K11 Musea)

营业中

休息中

今日去咗K11 Musea 行街，行過5樓間餐廳見到個佈置成個花園咁，幾舒服，就即刻入咗去坐一坐低叫咗個頭盤炸蝦芒果米紙卷，上碟幾靚幾整齊，一口一舊啱啱好，炸蝦加芒果嘅組合永遠冇得輸，無論口感同味道都一流薄餅永遠係我嘅最愛，今次叫咗Four Seasons Pizza（入面分別有蕃茄芝士羅勒薄餅、雜菌黑松露芝士薄餅、五色芝士薄餅、牛油果薄餅）$168一個薄餅四個口味，絕對超值，食完薄餅已經飽咗一半之後仲叫咗個黑松露鵝肝牛肉炒河粉，個鵝肝超香，暖暖地之餘仲好香油脂味，塊牛肉應該係韓牛嚟㗎，而個炒河炒得乾身，唔會好似出面咁樣好多油，味道亦調得好好蘑菇配韓式泡菜芝士醬都幾好味 好juicy荔枝玫瑰冰茶賣相好吸引 見到好多枱都有order 兩粒荔枝好甜 冰茶就帶濃郁既荔枝同玫瑰香味 壓軸登場嘅係招牌既甜品 綠茶脆皮疏乎厘💕個外皮脆卜卜 內層軟綿綿 唔太甜好味道

星期一晚上同朋友相約到餐廳用膳慶祝生日 朋友已經預先到達拎位 我後來到reception向店員查詢朋友坐邊張檯 查詢過姓名及電話都話無 其實佢hea睇張訂檯紙 無認真問我訂幾多位幾多點 結果店員問返我話可能訂檯個名轉左 你問下朋友坐係邊啦😰唯有自己打電話比朋友 期間無協助亦無帶位😖 我地有一個自備蛋糕 店員一見到即刻好大聲唬我地話 你地係度食蛋糕要收$250切餅費 同你地講聲呀下🤯🤯🤯其實比$250唔係問題 係個店員大大聲唬客人就令人好尷尬😰走嘅時候個店員都係冷眼旁觀 無任何thankyou goodbye😶 本身同朋友黎食飯慶祝生日為開心 比店員唬完都無曬心情😭一定唔會再幫襯呢個集團任何一間餐廳 貼錢買難受😖

Glasshouse Greenery K11尖沙咀梳士巴利道18號Victoria Dockside K11 戶口用餐，環境感覺特別有feel ,k11 食肆環境一流。但我私心最鐘意呢間, 好朋友會來食AGTERNOON CAKE, 拍拖來食飯氣氛亦都一流。$268 沙薑燒春雞, 用了中式調味料醃架燒春雞, 沙薑味鹹香,$148 all day breakfast 算是抵食飽肚之作，有sunny up.side egg, beans , crossiant ,bacon ,sausage ,fillet 炸魚柳勁脆仲有tar tar 醬，好食！$248 小食拼盤有炸魷魚，呢度最出名之一架單骨雞翼，串燒，春卷個satay同泰式酸辣醬提升不少風味$hawaii 沙冰，pineapple 味酸酸且充滿vitamin c 同抗氧化物記住訂位要求安排戶外坐位呀， 冬天天氣溫度幾舒服。始終租金在K11 MUSEA反映在食物上, 所以人均消費$400 起。

Glasshouse的K11 Musea店位於5樓，室外設有雅座，坐出面Happy Hour/ Gathering都應該幾Chill，冬季呢個氣溫最適合坐戶外，但7點半已Full曬，唯有坐入面啦。所以如果想坐出面建議早啲黎，又或者睇下能否預訂。餐廳定價合理唔算太貴，人均約$350-$400左右，坦白講，去Outback都要呢個價啦...夏威夷風味奶昔 ($58): 夏威夷風味即芒果、菠蘿及木瓜三款水果，口味香甜，冰涼清爽，口感非常奶滑。烤美國頂級肉眼 ($328): 牛扒熟度選Medium rare較合適，肉質細嫩，筋肉比例適中，即使熟度為三成，口味都唔會覺得太Raw，反而肉味幾香幾濃郁。加配少許粗鹽更為美味。龍蝦鵝肝星洲炒米配西班牙火腿 ($168): 中西合壁Fusion及高級版嘅星洲炒米，龍蝦代替蝦仁，Parma Ham代替火腿片，加埋鮮嫩多汁嘅鵝肝，感覺都幾奢華，用料高級已經加左好多分，幾有特色。Banana Creme Brulee ($88) - 二人份量，幾抵食，有別於一般焦糖燉蛋，表面並無一層脆香焦糖（即以火槍直接將白糖燒成焦糖），反而即場淋上Rum酒直接點火，幾有視覺

This is one of my worst experiences in dining I’ve had in Hong Kong. I ordered the chicken risotto, and when it arrived, the chicken was ice cold - like it came straight out of a freezer. I told the staff and their response was “it’s not suppose to be cold but I’ll reheat it” in the rudest of manners. When we leave and ask for the staff / front of house person what her name is due to her horrible service she says it doesn’t matter because I’m leaving next week. This place is absolutely terrible

今晚一家四口去食飯慶祝，真係食到㷫、一肚氣！首先圓枱面積細，放咗4隻碟、4杯水之後，根本唔夠位放食物。叫多幾個食物，真係要捧住嚟食！座椅高度與枱的高度唔配合，成人食飯時會覺得辛苦！舉手落單，侍應冇反應，掂行掂過，當你透明；好辛苦地叫到人落單，不過態度超差。如果你叫餸名，侍應原來唔識落單⋯⋯好凶狠地回你一句‘講NUMBER’？？食完的餐具，想有人收走，騰空張枱。侍應會扮睇唔到⋯⋯當用餐過咗60分鐘，馬上有侍應走過來執枱，好似驚你唔走咁！這種服務態度的餐廳，與高級商場形成好大對比。絕對影響入這個商場顧客的心情！！

尖沙咀 精緻特色午餐🥣色香味俱全 打卡熱點👁@hk.good_west 地點：尖沙咀J出口，步行約2分鐘1. 特色花茶-玫瑰草莓花茶+$28- 陣陣濃香嘅花茶，芬香撲鼻，淡淡清香，非常絕配✅2.蟹肉牛油果沙律◀︎$168- 首先將牛油果去殼，留番一半嘅牛油果🥑加上蟹肉，沙律醬等等。混合一齊，比較濃郁。側邊亦都附上三塊脆餅。🙂非常新鮮。3. 炸雞粒拼單骨雞翼$68- 雞翼皮脆肉嫩，十分香脆可口🔥，不過炸雞粒就唔熟，需要小心。叫咗店員重新整過，點知第二次都係唔熟。所以呢一個就唔推介🥲，避免大家中伏。🙂4. 香辣龍蝦意粉$198- 鍾意食嘅朋友仔可以一試，非常香辣，份量亦都十足，比較鮮甜，意粉🍝吸晒龍蝦嘅香味，回味無窮👀食物評分🎖(5個👍🏻為最好）- 環境：👍🏻👍🏻👍🏻👍🏻👍🏻- 食物：👍🏻👍🏻👍🏻👍🏻- 服務：👍🏻👍🏻- 價錢：👍🏻👍🏻👍🏻- 推介：👍🏻👍🏻👍🏻地點：尖沙咀 Glasshouse greenery (K11 Musea)香港尖沙咀梳士巴利道18號 5樓501及503A鋪

係Musea行完街買野食，之前hea食food court 都幾好食 諗住上面餐廳都會有質素保證室外既位好迫 冇乜位郁動 張凳好矮 但枱好高 食得好唔舒服 枱上面有張紙巾擺喺隻碟上面，一拎開張紙巾，紙巾係黐實咗隻碟。隻碟係未洗乾淨。落單既服務員差唔多一句野都冇講過 同茶餐廳態度差唔多叫左4樣野食 芝士蘑菇漢堡冇芝士味 牛扒唔熱好乾 軟殼蟹不過不失 芝士pizza 黎左2樣野 都未有水比我地埋單$900 3個人食 好唔抵 咁嘅服務態度同食物質素可以算係埋單先聽到服務員既聲「想用幾多k dollar」絕對冇下次

Weekend要去尖沙咀做野，做野前去咗K11 Musea 嘅Glasshouse Greenery 嘆個靚早餐，餐廳充滿田園氣息，環境好舒服。我叫左一份英式全日早餐。全日早餐，成個煎Pan上的早餐，好型好啱打卡。早餐有齊，煙肉、香腸、燒芝士番茄、焗豆、磨菇、粟米、多士🤤香腸煙肉煎得好香，太陽蛋又煎得好靚好好食😍係呢度嘆早餐絕對係一日的好開始。

難得同好姊妹聚會，我地揀左上次book唔到枱嘅Glasshouse Greenery👻 可能係星期一晚，餐廳唔算多人。訂座時有得選擇indoor同outdoor，我就揀左indoor舒舒服服咁坐☺️ 室內環境好chill好有情調❤️Menu選擇幾多，有泰式西式中式fusion，我地揀左：🍽 黑松露鵝肝牛肉炒河粉@$168我地不約而同覺得呢個fusion幾特別😆 鵝肝比想像中大塊，牛肉有幾片味道正正常常，帶啲松露香味。反而無諗過呢度食炒河會有鑊氣！但略嫌太油，食完成個碟都係油🙉🍽 House Platter $248人多食飯就必點拼盤，貪樣樣都有得試下。呢個就有炸蝦餅、春卷、雞翼、魷魚鬚、串燒。味道普普通通，不過不失。🍽 Spicy Salami Pizza $148呢個意式辣味香腸蘑菇薄餅，批底唔油，配料分量夠，但唔會有驚喜.. 🍽 朱古力脆皮梳乎厘 $128呢個梳乎厘好大個，大個我塊面！我地相機先食都唔會塌👍🏻 脆皮係朱古力味，內裡就係普通梳乎厘，但唔會有食左陣風嘅感覺😆🍹Lemongrass Mango Tea $58由於天氣凉返dd，今次我同朋友都揀左花茶。呢度嘅茶具幾靚，仲會配埋蜜

Urban escape at Glasshouse Greenery in K11 Musea. Their rooftop terrace is surrounded with lush greenery and potted plants!𝗚𝗹𝗮𝗺𝗼𝘂𝗿 𝗙𝗼𝗿𝗲𝘀𝘁 𝗔𝗳𝘁𝗲𝗿𝗻𝗼𝗼𝗻 𝗧𝗲𝗮 ($𝟯𝟴𝟴 𝗳𝗼𝗿 𝘁𝘄𝗼) - reasonable price with a great balance of savoury and sweet treats. Highlights include Avocado Paper Roll with Salmon Roe, Mini Lobster Burger, Foie Gras toast; while sweet treats include a fine selection of cakes, tarts, puddings and macarons.𝗩𝗶𝗲𝘁𝗻𝗮𝗺𝗲𝘀𝗲 𝗗𝗿𝗶𝗽 𝗖𝗼𝗰𝗼𝗻𝘂𝘁 𝗖𝗼𝗳𝗳𝗲𝗲 (+$𝟯𝟮)

Have eaten quite a lot of greasy food throughout the week. And so I just decided to have some simple and healthier food for my lunch on Sunday.Herein I got the Salade Niçoise, which the waitress misunderstood me with my accurate pronunciation. And it was ultimately delicous as the salad was made of fresh vegetables. After finishing the bowl of salad on my own, I was a little thirsty and so I got a glass of cosmopolitan at noon. A very interesting time for enjoying such and luckily my afternoon

去之前只怪我無去睇下啲comments, 原來依間野出名服務態度差。原本諗住同朋友去間靚靚哋的環境食下飯,甘我哋開左支酒但無人黎開，最後要自己開，酒樓都有部長黎開酒啦。跟住我哋叫左個牛要全熟但唔係全熟，仲同我講佢已經落單寫左。宜家係你寫錯喎，全程啲waiter 一個唔怕無生意態度，我真係覺得澳牛啲叔叔都好過佢。😡😡😡一間甘靚嘅餐廳，但服務甘差，我係一啲都唔會推介依間餐廳。我連相都唔想幫佢post，學之前啲post話，佢真係憑實力得到負評😡😡😡

天氣好，坐在戶外清風送爽，享受美食，正。Sweet Mango Cream Foam雖然忌廉泡抹不是太過突出，返而不會太甜膩。有清香的芒果味，fresh!Four Season Pizza四種不同風味，四種不同滋味。黑松露磨菇味道濃郁。藍芝士呢款味道最濃，惹味十足。牛油果，蕃茄芝士呢兩款味道比較普通。Pizza餅底脆薄，多吃都不會飽滯。Deep Fried Dirty Duck燒鴨仍然保持肉汁，不嚡口。啖啖肉香，好有特色。炒飯有東南亞風味，熱辣辣，香口。Green Tea Crispy Souffle即叫即焗。彈彈下，空氣感十足。面層的抹茶味道不夠，如另上一壼抹茶醬加添更完美。

Glasshouse Greenery於日間是一間陽光充足、植物茂盛的餐廳，晚間變身成為時尚型格的食肆，是夜客人不少，很多都是好友歡聚。餐廳提供fusion菜式，融合西方及亞洲風味，提供了如海南雞燴飯及鵝肝炒牛河等創新主菜。吞拿魚牛油果藜麥沙律 吞拿魚、牛油果與青蘋果切粒，與藜麥沙律混合，配上柚子醬，沙律味道很清新爽脆。秘製海南雞燴意大利飯海南雞已去骨，食起來啖啖肉很方便。雞肉嫩滑，點上薑蓉或黑豉油均可口。意大利飯入口creamy得來又不會太厚重。黑松露鵝肝牛肉炒河粉一大片鵝肝放在炒河粉上，鵝肝厚切，未至於煎得全熟，入面仍帶粉嫩顏色，鵝肝味道柔滑甘香，肝味濃郁。牛肉兩大片的放在碟上，肉質軟腍多汁。河粉用上不少胡椒碎同炒，入口有濃濃的豉油甜味加辣勁。Lycheee and rose twist荔枝玫瑰果茶帶淡淡荔枝甜味及玫瑰花香，香氣怡人。果茶茶味淡淡的，不會太濃或太甜。Sweet mango cream foam芒果沙冰味道比泰菜館的更濃更杰，有不少芒果果蓉，味道天然甜美。香蕉火焰焦糖燉蛋香蕉火焰焦糖燉蛋略帶酒香，配上清脆焦糖片、軟滑綿密的燉蛋及香甜香蕉片，是極佳的甜品選擇。