Glasshouse Greenery (K11 Musea)

营业中

休息中

K11 Musea內的餐廳給我的感覺都是很有氣質，由修裝到佈置都是與商場的藝術氣息很搭。這晚來到5樓的Glasshouse。店員安排我們坐户外的位置，户外非常舒適，首先係有很多綠色植物，二來燈光不會太亮，每張檯都有一盞黃燈，三是有DJ即時打碟，感覺心情可以很chill很放鬆，很隨意。正正是Happy Hour時段當然不少得來杯酒吧！問了職員想飲白酒，所以點了兩杯Santa Carolina Sauvignon Blanc Chile2021$68/杯很香的葡萄味很清新，女士都很容易入口。香辣龍蝦意粉 $198炒得很香很惹味，微辣的，龍蝦肉很多，不消一會兒就吃光了。12oz 烤美國頂級肉眼 $3285成剛好，肉質肥美又充滿牛味，旁邊伴碟的沙律豆好好食，又解一下牛扒的油膩感，火箭菜也是解膩一流又清新。食完牛扒已經飽了但又想加多個甜品。熱灸朱古力布朗尼 $88布朗尼有很香濃的朱古力味但完全不會很甜，加上雲尼拿雪糕本身已經無敵，還有些果仁片簡直是畫龍點睛，超級滿足。超喜歡這裡的氣氛，適合情侶或幾個姊妹來聊天打卡。

好多年無寫食評，所以連LOGIN都忘記了，今次想介紹一下這家餐廳，話說那天行到累想去飲杯COFFEE，看見這間入座率目測有九成，應該無得輸。90分鐘用餐時間一座下就點了388 TEA SET加凍LATTE ＋18元。首先個SET 看似價錢合理，但裡面所有食物只可以用難食去形容。AMERICANO 味道像凍啡冰溶了後，水還水COFFEE還COFFEE無味，簡單講難飲。然後到加18元的 LATTE（奶水），自己睇。最反胃是裝糖水的杯，衛生攞 0 分。全場最正常竟然是一杯清水。講你都唔信，我同朋友當時真的沒有嬲，反而不停傻笑不斷問自己點解會搞成咁，苦中作樂猜拳誰輸誰吃。這家真的是本人2021年最伏的餐廳。

諗住食呢間餐廳同朋友慶祝生日，但結果對呢間餐廳好失望同有點嬲。首先諗住安排好d, 同餐廳溝通安排蛋糕寫字同留位問題，但餐廳電話係錄音，永遠打唔到電話，就算網上訂左位要問野都無可能揾到人答！ 當日confirm booking發電郵比我要填問卷，問有咩要求，我都表示要安排室內嘅方檯，去到居然職員係隨便比張戶外圓檯我，我填嘅要求係完全無睇過同唔理囉！另外見到話切餅費要收250蚊，咁我唔帶蛋糕啦，打算到時叫甜品寫字，備註左比餐廳都係唔睇，要我親身行到前台再講1次。如果餐廳係唔睇備註內容咁就唔好問客人有咩要求啦！仲有落單又錯，無啦啦多1份，又漏單，我地落5樣野食，得3樣到，唔問都唔知無落到！埋單唔對清楚就收多錢！其實間餐廳係咪唔想做生意！？睇落d 野好似唔錯，但實際服務唔係好，食物都好普通，同朋友慶祝生日千其唔好來，完全掃興，唔會再食！

從來冇試過寫食評。不過呢度真嘅服務同食物，真係可以令我踏出人生第一步。之前喺OpenRice睇佢哋啲嘢話唔係好得，我都唔係好信，今日真係一試難忘，嬲到唔想再講，想中伏就嚟啦！

難得約左朋友食飯，想搵個 chill 啲嘅地方，見呢度個景幾靚，所以先book。夜晚8點booking, 一到已經安排入座，坐室外，環境唔錯，錯在喺正 speaker 前面，唔好話同朋友傾偈，連同侍應落單都聽唔到。問左一個侍應可唔可以細聲少少，直接話DJ打歌冇得細聲啲。見隔離枱再問一次，得到一樣答案，咁算數，當自己唔好彩，安排唔到比較好嘅位置。叫嘢食先真正俾我見識到咩叫服務… 一坐低8點鐘，即刻叫左個薯條，等左4個字都未到，諗住追，啲侍應全程唔望住客，全部頭昂昂，叫極都冇人理，叫到人，淨係話幫你追，最終要搵個經理追，總共50分鐘，個薯條終於現身….. 等左咁耐，勁肚餓。叫咗個沙律，但係勁細個，一罐吞拿魚應該可以做到10幾個沙律嘅份量… 勁呃錢….全程係咁叫侍應，冇人加水亦冇人理你，全部都淨係圍住個DJ counter，唔知做乜嘢…. 最終朋友忍唔住要帶個口罩行去DJ counter話俾佢聽我哋要點餸，先有人理…..叫咗個甜品，已經等咗成晚野，甜品未見到，叫我哋買單先…. 完全唔合理，堅持見到甜品先會埋單，一講完個甜品就出現啦…..仲同時間拎埋張單要我哋即刻俾錢，多謝都冇聲….. 餐飯三

職員態度差，冇禮貌，分別叫咗4次先成功落到單，由於衹比我地60分鐘下午茶時間，叫1杯紅酒3杯咖啡，追左3次25分鐘才送到，但一叫埋單張單又唔使30秒到，問我一千次都唔會再去揀依間餐廳，絕對係一間比錢受氣嘅好餐廳選擇🤣

喺網上個預約系統寫咗想有個birthday tag，最後個tea set都冇加上去，有啲失望。Tea set味道麻麻，鹹點比甜點好少少；辣肉腸Pizza 味道一般。餐廳環境舒適，乾淨整潔，但食物質素有待改善。

唔係第一次食，但係第一次覺得咁差，服務態度差，食物又唔係真係好食。話說今日同朋友經過想入去食飯，我同朋友企左係門口至少五分鐘，餐廳內至少七位服務員見到我地，好似當我地無到咁款，見唔到門口有客咁款。真係無下次。真係black list中嘅top尼間餐廳咁多打手係到，真係估唔到。如果真係無心做生意呀，唔好開係k11 musea啦，浪費曬d靚色靚位。真係成間餐廳比d服務態度搞差曬，失望至極。都唔知幾時可以改善

K11 Musea 總是引入格調店舖，除了衣服飾品優雅知性，餐廳也是大牌高質，價錢也是人人能負荷，品牌形象不錯。Happy Hour +38 a side snackRose & MaryMargaritaTuna Tartare with Toast必不敗的菜色，吞拿魚他他配日本柚子豉油，拌牛油果蓉。香脆多士及蝦片配甘香柔滑他他，開胃前菜。Fluffy Roti印度煎餅配沙嗲醬平日嘴饞想吃薄餅，每次也特意點一份咖哩來配搭。店舖貼心已配備沙嗲醬。煎餅鬆軟酥脆，溫熱不燙口，咬下外酥內煙韌糯軟，份量亦不吝嗇，吃得盡興。Tune Salad Bowl吞拿魚牛油果藜麥沙律整盤豐富健康可口，沙律菜清爽鮮脆幼嫩、牛油果軟硬適中不硬不爛，青蘋果粒爽脆清甜，健康之選！Spicy Salami Pizza意式辣味香腸蘑菇薄餅薄餅皮薄至極致的表現，圍邊脆卜卜、餡底餅不腍有韌度、芝士餡濃郁厚密，一口一啖拉絲芝士，吃完過癮不膩。牛肝菌芝士意粉配馬德拉酒個人偏好幼身彈牙有勁度的意粉，爽彈意粉吊掛濃厚芝士，配搭牛肝菌，香濃惹味。抹茶梳乎里超大一份鐵Pan上桌，小心燙手燙口。氣泡空氣感的梳乎里 ，外皮酥脆內里輕柔

原本係約左人喺3樓灰狗cafe食但朋友話呢間個環境好啲就嚟左呢度我覺得係啲音樂太大聲同度連接露台度玻璃門成日開開關關好凍之外啲嘢食都ok唔錯呢個位隱約見到出面個海同燈光幾有情調飲品先嚟個荔枝茶唔太甜都ok個薑檸檬茶好搞笑明明係熱飲又俾嚿有玫瑰花嘅冰我好老實個茶無咩薑味但呢個飲法幾特別茶壺都好美觀小食拼盤有幾樣嘢都做得好食蝦餅蝦味好鮮夠曬多汁我食左2件魷魚鬍好惹味啲魷魚亦好滑外層咸香十足個沙律啲汁落得幾夠隻流心蛋我地特左大半個鐘先切開都依然流心鐘意個炸漿唔會好厚啲軟殼蟹都重手俾好多件但整體味道唔會話勁突出Pizza重黑松露味火箭菜好新鮮唔會苦燒雞啲肉唔算好粗但有啲難切開因為有骨如果個汁有啲酸酸甜甜會好味啲目前以咸味為主

每次行過見到裝修好優雅, 成日都好多人邊食邊飲酒好chill, 所以一直都好想試；星期五下午，約姊妹一齊試吓，點知超級伏‼️ 真係好失望🤦🏻‍♀️ 先係帶位，講咗兩次我個名都聽唔到咁，又無 eye contact, 講完又反應咁，呆咗咁企係度先帶位🤷🏻‍♀️；唯一慶幸係我地個位算好坐；當日唔係好多人，侍應都係夠嘅，但佢地好似睇唔到人舉手咁，服務態度真係好麻麻；lunch menu 都好多新 fusion 菜式，湯河、雞飯、意粉、沙律、pizza 都有，好多選擇。松露焗豬飯 $138少份量都預咗嘅，但無諗過焗盤淺到墊底嘅飯；焗豬係一片片好肥嘅五花腩，我唔食肥肉嘅，成堆豬我無食過；焗飯有粟米粒，飯都算係爽口一粒粒。秘製海南雞燴意大利飯 $168呢個就比焗豬飯嘅好，份量都係咁上下… 少，燴意大利飯望落好似怪怪地，但都幾creamy ，雞都好食嘅。整體嚟講，價錢屬中上價，但食材就真係好普通，唔算好食，而且份量偏少；服務態度就有好大好大嘅改善空間；而且有限時1.5 小時，但最後我地食完就走咗😖

想打電話book檯，完全無人聽電話OpenRice只限當日才可訂到位，太唔方便，又唔知時間限食幾多小時，希望改善能接電話的流程，或留多個聯絡電話方式或WhatsApp

K11靚景有feel西餐廳💗其實之前行過見到依間餐廳好有情調仲要有戶外個位可以睇風景已經好想試吓🙊🙈今次就因為慶祝紀念日所以就想搵一間靚靚餐廳食晚飯啦🥰餐廳個情調當然非常好啦～ 今次我哋係坐戶外既位，天氣涼涼地坐外外好有feel可以望吓夜景chill下咁～佢地仲有最新推出既happy hour menu set, 可以叫杯酒+小食set咁😋其實佢哋既野食有好多款，淨係睇Menu都會選擇困難症，因為好似好多都好好食咁🤣今次我地揀嘅嘢食，好多都不錯～ 必食推介有spicy Lobster spaghetti🙌🏻🙌🏻鍾意食辣嘅你一定要試！！！因為佢好夠味好香口，會越食越想食🙊亦都叫左另一個主食，Grilled Rib eye steak 其實叫咗五成熟嘅，不過似7成熟多d但都好味👍而且好大塊叫咗個龍蝦湯飲吓😋個湯嚟到嘅時候唔算好熱，如果熱d就更好飲小食我地就叫左好多，因為想送下酒首選當然係薯條啦～～ 送酒必食推介🍹沙嗲雞串都ok👍 雞都好juicy個炸雞都不得了🙈好味阿！

看見Openrice食評，已知這間餐廳服務水準参差，一心想搏一搏，看到環境及食物相片不錯，決定試一試。外觀餐廳環境不錯，內外均有特色，有幾張在K11商塲內的座位就較差，若天氣好可選擇戶外座位，望夜景及環境氣氛不錯。我們叫了Five cheese pizza, 單骨雞翼，spaghetti bologna 和星州炒米，所有西菜非常美味，pizza 有濃郁芝士味，雞翼很重蜜糖和bbq野味，意粉味濃且芝士番茄味平衡很好，另杯house red wine 太細杯，不是standard size, 普通百佳貨。那碟星州炒米是經典，無色無味，要sauce冇sauce, 要辣冇辣，乾爭如柴，牙齒不好不要吃，比茶餐廳水準還差十倍，所以千萬不要叫東南亞食品，會中伏。重點是，服務水準之差，真是數一數二。戶外塲十多張枱，四個侍應也serve唔切，環境雖昏喑，本人舉手數分鐘，亮著手機燈也看不到，送菜衝忙之餘，沒有禮貌，本人舉手數次也扮看不到，數位男侍應圍在bar前盡訴心中情，不理客訴如雲，這樣的服務像是K11 musea 餐廳的品質？本人年老媽媽也要行出去自助斟水，也無人協助，這種服務值得10%服務費？奉勸各

好耐無打食評，通常真係遇到差嘅餐廳先忍唔住出手究竟係酒吧定餐廳？正如其他食評所講，服務只有一個字-「差」。成個星期前喺Openrice度book，出發前都收到短訊confirm左，去到餐廳講埋電話號碼都話無booking!?搞左成十分鐘先入到座，明明餐廳都仲有位但又唔安排人入。叫左炸鴨，等左差唔多成個鐘先上，催左幾次都話整緊🥲食食下仲要開大音樂，大聲到張梳化都感覺到震動。隔離枱反映啲音樂大聲到傾唔到計，侍應話啲音樂係咁架喇🙄同樣嘅食物同價錢，我寧願去返中環間分店食。