Glasshouse Greenery (K11 Musea)

营业中

休息中

未食過咁難食嘅野 仲要呢個價錢 食街邊野冇咁嬲 啲蛋糕一個比一個難食 又上錯菜 侍應態度又差終於明白點解要有兩杯野飲 因為全個set最好食（都已經唔係好好食）就係杯茶同杯果汁！

Food is normal. A bit overprice if you compare the food quality and the price.Poor service, which sync with lots of comments written by other customers. Even fast food restaurant have a better service than this restaurant.A bit dirty on floor and chair. Got bread crumbs on the chair.Definitely shouldn't be your first choice for meal or shouldn't go there purposely. Got lots of better choices around.

晚餐：食物水準一般，無酒精飲品大若HKD60一杯，男職員服務ok啦，女外籍職員態度一般。咁既水準價錢屬於片貴，唔值。以為K11 muse餐廳位置一定有靚景sorry, 冇景觀。最奇怪係無客等位，周圍吉枱都一定要個半鐘還枱。還有15分鐘想加甜品就同你講唔可以再order因為整唔切。見到有人推薦松露焗飯，真係冇松露味，因為一次過上晒所有order所以個松露飯凍哂唔好食、anyway 永不錄用。三位每人平均消費HKD400。

平日午市12點半，竟然冇人排隊，仲要有唔少空嘅位置。餐廳分室內室外，室內用大玻璃，非常透光，咁啱今日天陰陰，冇太陽曬住，仲有好多假草假植物，俾人感覺似溫室，非常配合Glasshouse Greenery。座位好舒服，枱又夠大張，所以一句講晒，食環境！服務非常好，會詢問我地有冇需要細碟分野食。*雜菌黑松露芝士薄餅 $168薄餅落單嘅時候已經講咗會遲啲上，但真係有啲太遲，同一時間叫，隔離食完薄餅都未上。薄餅係薄脆餅底，配料之多令到薄餅底存在感非常薄弱，加上薄餅邊太硬似餅乾，非常扣分。薄餅有一層黑松露醬，仲有芝士雜菌片火箭菜。芝士咸香味淡，焗得太耐令到拉絲得嚟有啲韌，而且開始出油，入菜前廚師應該撒左一兩圈油，令薄餅面油上加油。黑松露醬聞落香，但食落淡，雜菌唔會焗到乾癟癟，量多但味道唔夠濃烈。火箭菜新鮮度差少少，份量啱啱好，而且半腍半脆，同薄餅本身融洽。椰香咖喱雞飯 $148咖喱微辣，唔夠惹味，冇咖喱香辣感，椰香味又非常淡。雞肉大塊，大約有5-6塊，咖喱味停留喺表面，入唔到雞肉入面，質感偏乾柴 薯仔有4-5塊，同樣唔夠入味，而且煮得唔夠腍，仲有零星嘅鴻喜菇同小番茄。白飯普通，不值一提。熱咖啡

總結：服務差，味道都唔好，退步左好多，希望可以儘快改善今日係k11 musea 附近行完街，肚餓，好彩女朋友我一早已經booked左位，食我話以前好好食嘅glasshouse，所以就好開心去再食，醫飽個肚。入座都好順暢，唔洗等。職員好快就帶左我同女朋友去新開個邊，但係明明舊鋪位同室外都好似仲有好多空位，不過都無所謂，新個邊裝修都好靚，點知先係惡夢開始。目測新個邊人手嚴重不足，侍應好似得一個，好似重要負責埋出面商場個幾個位，搞到我地入左黎5分鐘以上都無水飲。都算，自己個袋都有支水，唔同佢太計較。當我地諗好食咩個時，想搵人 order，可以誇張到搵左around 5 mins 都無人理，依個情況成餐飯不斷發生。。。我地Order左海南雞rissoto, 馬拉盞炒飯，抹茶脆皮souffle，焦糖火焰香蕉cream brulee。落單個時個侍應用不太友善同不太專業嘅語氣講：唔該講number，搞到我地要特登開menu 搵翻曬佢要嘅number... 都算啦，就當佢唔熟，唔可以客人講野食就知道咩number，都明嘅，都係打份工，好難記曬100+菜式嘅number。突然醒起，以前飲過個杯玫瑰小姐好

話說朋友揀了這裡聚舊，攞枱時才話90分鐘用饍，但apps訂枱時又無提限坐90分鐘，已有少少不滿，算吧！睇佢都吾慌多人幫襯嗰款，跟住之後發生嘅事就離哂譜，個帶位帶到坐位，我哋就對正個大門口，外面可以食煙，以為它不會開的，但原來不是啊，衹要每次有人出入這門便要打開，而頂位又沒有裝閘風機，當日外面熱到近30度，每當一開一關熱風便撲面而來，我哋未點餐已食飽呢幾浸熱氣，點可能有人會坐呢個位咖，即時揾侍應要求換枱，他還要跟我解釋呢樣嗰樣，我也理解不是他問題，有問題的是他老闆，咁有智慧就吾好開飲食啦！後來都換了枱給我們，被安排坐到餐廳外走廊，其實本人憎咁樣食飯，比人行過就望下，還有啲食物都喺呢條走廊來來回回，但係侍應無把食物蓋好，一點衛生常識都不懂，不過沒辦法，衹好難為一次，因為絶無下次。至於食物……相信乳豬不會是餐廳自己燒吧！埋單幾錢吾記得了，cp 應該是負了，應該有更好選擇，例如 food court 嗰層。

我很少寫食評，今日下定決心必須要寫一個負評！懷著興奮心情約了好友打算假期來一個高級悠閒下午茶，就訂了這家似是好評如潮的餐廳，未到三點到達餐廳門口看見一遍混亂，訂了在排隊、walk-in也在排隊、找不到booking資料的也在排隊，幸好我找對了正確的隊伍被安排了位置，一進去在猛烈太陽下的窗口旁，我問可否轉枱，忙碌的侍應只用沒尾音的語調道來：「5分鐘後會落簾」（心已經不是味兒，不過算，盡量不要影響心情下享受我的下午茶吧）(3:00 pm) 由於限時90分鐘，所以三點一坐下就馬上點了high tea set for two，以爭取時間！(3:25 pm) 時間一分一秒地過，眼見鄰座已經在享受食物時，按捺不住要「勞煩」極忙碌的侍應幫我跟進，當然都明白一定是錄音式的答案：「等等，好快到」(3:45 pm) 如是者飲品已差不多飲完，等足45分鐘都未有一直期待的high tea架到，我再一次催單，同一位女侍應想用同一個答案來回答我時，我已經忍不住提醒她要認真跟進，當時她承認廚房做漏單，現在馬上處理（言下之意，對上一次並沒有跟進）(3:56 pm) 非常肚餓的我見還未有，再問，她說她會進廚房幫我跟進…

同朋友去k11 musea慶祝生日早一日喺OpenRice訂位去到嘅時候，講低左booking短頭髮帶位既女職員態度極不耐煩等咗一陣之後職員帶咗我哋去室內用餐區天氣咁好我哋都想坐戶外餐區見到出邊都仲有好多空枱，就問問可唔可以坐出去行到出去指指想坐嘅位置可能職員覺得我地要求坐戶外麻煩所以態度惡劣地將menu掟落枱後來見呢位職員對其他客人一樣menu都係飛掟落枱理解餐飲業工作辛苦但希望職員唔好將情緒發洩喺顧客身上幸好後來協助我地既職員都有禮環境一流，好舒服既戶外空間令人好似自身係泰國一樣食物質素還可以不過不失可惜個別職員態度令人對餐廳感到失望喺openrice亦見到好多有關服務態度既負評

23/9/2021 星期四，慶祝 追追月，約埋朋友一齊食午餐! 喜歡呢度食物好味，所以今日都推介兩位朋友嚟，嘆個靚午餐。首先飲品有：-荔枝玫瑰檸檬菓茶，士多啤梨雙檸菓茶，英式紅茶！一如既往，好飲！頭盤梗係介紹龍蝦芒果沙律，啖啖龍蝦肉，芒果又鮮甜，配以蘋果等生果，清爽！跟著有黑松露蘑菇湯鴨肉湯河粉配溫泉蛋，好味道，連湯都飲埋😊Deep Fried Dirty Duck with rice, 鴨肉皮脆肉嫩滑，炒飯都好食，粒粒飯👍🏻松露焗豬肉飯，粒粒炒飯，片片豬肉，焗得美味，不肥膩。最後，梗係必食嘅soufflé 啦，即時製造，新鮮出爐香噴噴，好喜歡面的一層 crispy，每次嚟呢度都一定要落order，就知道係幾好食啦！真係圓圓滿滿的「追追月」午餐😊

Hope to have a dedicated breakfast however they have very bad attitude in service. So destroy your breakfast time. Completely self service. 大開眼界

跟朋友去K11看電影，晚上7.45完場；原本打算訂另外一間餐廳，可惜已fully booked; 朋友推薦，我們便看看這家有沒有位置，來到見到有空位，所以便直接進來了。我們被安排坐在室外的位置，晚上環境比較幽暗，間中有橙燈照明，還有就是隔鄰大廈的廣告或裝飾燈光，有點氣氛。這晚天氣不算太熱，有點點風，坐在室外感覺還不錯。我和朋友都點了一些水果類奶昔，賣相算是精緻，杰身，不會太甜，味道不錯。我朋友後來還再點了一杯芒果特飲。食物方面點了芒果軟殼蟹卷、鵝肝星州炒米、燒汁牛扒及朱古力梳乎理。芒果軟殼蟹卷穩穩陣陣，不過不失；鵝肝星州炒米雖然用料矜貴，但米粉炒得過份乾身，吃起來太乾，有點失色；牛扒因為用了類叉燒醬來烤，做法上是用中式醬料來處理西式牛扒，有點格格不入的感覺。梳乎理算是這鋪頭的招牌菜之一，雖然本人一向並非特別好梳乎理，但也點來一試。梳乎理很大件，味道不錯，算是很軟熟。總括來說，食物配搭比較創新，但不算特別好吃（飲品相對較好）；室外環境感覺比較chill，人們可以放鬆心情在這裡談談心，或者打打卡，比較有氣氛。

兩點幾入座，見到場內有兩枱四人位吉，但個經理話室內座位全場有預約，fully booked! 只可以坐室外。無奈之下，大熱天時都坐咗室外，結果室外愈坐愈多人，本來覺得因為室內fully booked,所以啲人坐曬室外，點知埋單先發現原來室內九成吉座！問返剛才個經理，佢當聽唔到行咗去，再問佢，佢就敷衍話啲客三點先到，咁我又等緊小朋友食埋啲嘢先走，最後三點廿分出門口仍然發現室內得一枱客，但其他客就繼續響出面又熱又焗，佢自己就長期企響場內門口位/cashier 位嘆冷氣～ 野食亦都唔見得出色，基本上真係唔會有下次！

這個華麗寶盒下午茶，有齊香檳、黑松露、魚子醬、鵝肝，好巴閉咁，但，價錢都可以接受。在Openrice 訂位，有9折，不用等位。$388/1位，埋單合共$776兩杯香檳，見住啲汽泡在杯度升起，好靚。凍凍哋，易入口。西伯利亞鱘魚子醬，冰鎮一盒，用貝殼匙羹食，好型。Cold cuts係火腿、Parma ham、風乾腸、芝士、橄欖、杏甫乾、果仁, 分量幾多。Blinis and condiments，迷你鬆餅、洋蔥、芝士、乳酪、蛋、葱。小小咁加在餅上。好得意。黑松露濃湯，細細杯，好香。香煎法國鵝肝多士，好似有小小果醬，無咁油膩，好食Jewelry cake box, 有 香橙流心芝士蛋糕、柚子芝士蛋糕、朱古力脆皮蛋糕 和 朱古力Rum酒蛋糕。每件單賣$58。現在一盒4件，食完，超級滿足。咖啡，茶，無限添飲。

心血來潮約咗大家姐係K11 Musea找來了一間Thailand Fusion 餐廳吃Lunch。上到Glass House先知道它原來咁大, 今次我哋入咗房食，點咗幾個大路啲嘅泰式食物試吓佢哋嘅廚師手藝，估你唔到又好得喎！個人覺得泰式薄餅比蟹肉法包好食好多，小食併盤就一般啦！最估唔到最普通不過嘅炒芥蘭係咁鮮甜美味星洲米都好味但味粉比較多咗啲，炒河超有鑊氣所以大家食到停唔到口最厲害係甜品點咗綠茶脆皮梳夫里，嚟到見到成個碟咁大嘅包已經嚇親，最初都諗住4個人應該食唔晒！點知當你食落口就知道係超級無敵無得彈！順便當個梳夫里係生日蛋糕🎂預祝大家姐下星期嘅生日啦！食完真係感覺好滿足🤗

之前都有試過glasshouse 的其他分店，位於k11 musea的這一間就是第一次來。取名glasshouse greenery, 裝修真的有讓人置身於溫室裡的感覺。星期日下午非常旺場，訂了位要等到準時才可入座，唯有看看門口的蛋糕櫃打發時間。其實訂這間餐廳是因為看到他們設有c區6人枱，訂座時也註明是6人。但前線職員對安排好像不太熟悉，堅持要我們4+2般坐著，要找到資深點的職員才搞清楚安排，難免影響用餐心情。點了不同的小食和咸點，質素不過不失。甜品方面，分別跟兩位職員提示過可以上，但都被忽略了，最後等完又等，最後要提示第三位員工，才等到甜品。另外，員工也不會主動收碟換甜品碟和餐具，要主動request才行，跟其他分店的service真的差太遠。脆皮梳乎厘大得有點像pancake ，非常特別。份量頗大，最好多點人分享。抹茶味偏淡，配上花奶不太夾，可取之處是口感不錯。特飲賣相精緻，非常清新，不會偏甜。整體來說，食物賣相精緻，味道不過不失。但可能遇上星期日旺場，服務之混亂真的有點令人失望。