Glasshouse Greenery (K11 Musea)

营业中

休息中

今日難得放假出嚟尖沙咀行吓。見到呢間餐廳環境上網啲人話好舒服難得見到冇人排隊就入嚟試吓我哋嗌左個Pizza同薯條。薯條係即刻炸，好脆，Pizza都唔錯。再加兩杯咖啡輕輕鬆鬆就可以坐一個晏晝啦。想搵地方放鬆吓，呢度都係一個唔錯嘅選擇。

♨️Glasshouse 尖沙咀梳士巴利道18號K11 Musea 5樓501@glasshousehongkong ❤️未夠鐘睇戲諗住坐低飲杯嘢hea下時間，見有戶外位，不過位同位好密，一入去D職員態度好到呢⋯⋯呢個位唔坐得，嗰邊位未開放，呢啲嘢食冇，呢頁沙冰飲品冇，咖啡未有拉花，OMG，算，求其叫兩杯飲品📍凍檸茶茶膽好苦澀📍熱咖啡咖啡好苦飲品：7/10抵飲：7/10環境：7/10。。。#食在尖沙咀 #尖沙咀美食 #tsimshatsuifood #香港美食 #hkfood #foodhk #icedtea #coffee #hkig #hkigfood #hkfoodie #hkfoodstagram #hkfoodpic #hkfoodblog #hkfoodlover #hkfoodieblogger #hkfoodporn #foodie #foodiehk #foodphotography #foodporn #foodblogger #foodstagram #foodblog #相機食先 #香港美食日記 #k11musea #foodiegram #foodielife #

約左同事食tea ,前幾日已經上OpenRice 訂定位，點知去到都要等成十分鐘先安排到座位，而且明明係有空位。Anyway,舖頭人手不足，都唔係侍應嘅錯。好彩佢地啲食物唔錯，補返數。叫左個二人經典tea set ,另加一個拼盤食物有驚喜，串燒還好，蝦餅、魷魚、雞翼果啲唔錯。另外嘅tea set 幾特別，第一層開胃菜，米紙生菜卷唔錯。最特別係薑醋梨，真係好似食緊薑醋。第二層鹹點，味道唔錯，鍾意啲多西，鵝肝多士好味😋第三層啲甜點好吸引，味道喜出望外，除左Macaron 甜左少少，其他都好好好味😋😋😋個架打卡都唔錯👏🏻🎉網上訂位有折，埋單每人二百零。食物整體唔錯，可以再去。

同朋友兩個人去飲嘢，10點鐘朝早，餐廳人唔多，職員有3-4個，好得閒。安排係餐廳外面坐，等左10分鐘，無人理，要主動去點餐，叫左兩杯咖啡，等左30分鐘都未黎，中間無任何職員經過，再主動去催單，然後先見到bar開始沖野飲，但係結果淨係黎左一杯，另一杯話太早無得order，我地問佢點解order個陣唔講，佢話唔係佢take嘅order，佢唔負責，叫我地一係再叫過，一係可以走（原話：你地唔滿意可以走㗎。。。）講到咁，唔走好似係我地問題。人生遇到最差既餐廳服務。

呢間餐廳都有唔少座位，有餐廳內嘅座位，亦有啲位置係喺商場出邊，都坐得唔錯。同朋友book咗八點食，呢個時間都有唔少人等位。▶️The Golden Chrys、Rose & Mary坐低一人叫咗一杯酒，飲住等嘢食到。Cocktail都整得幾靚。▶️Stir Fried Beef FlatNoodle呢個和牛炒河炒得好夠香，牛肉份量夠多，而且仲配有鵝肝真係好fusion。整碟炒河都好香，味道幾好！▶️Spicy Salami Pizza🍕 呢個Pizza係薄批，所以外皮薄脆。Pizza 有好多芝士、有Salami、青椒🫑、菇🍄等等配料。色澤好靚。▶️Baby Kale菜用小鑊上碟，配有Parma Ham少少鹹香。▶️Chicken Satay沙嗲串燒揀咗雞，有三串，鍾意食個印度薄餅。▶️Banana Créme Brûlée、Chocolate Crunch Cake甜品揀咗個香蕉焦糖燉蛋及朱古力蛋糕。

Asian Cuisine with a Western Twist🍽🥂🍾💫..K11 Musea 內，為Glasshouse 既升級品牌，環境好靚好舒服，室內設計時尚有品味 & 室外天台花園🌴 就打造成椰林樹影滿有渡假風情。無論置身戶外戶內，都同樣好chill 架，所以都算係我係呢個Mall 喜愛既餐廳之一❤️。ll $178新鮮生蠔🐚 配柚子醬油、泰式辣醬、新鮮檸檬(Ponzu Sauce, Thai Sauce, Lemon) 新鮮爽口💫。Small bites, Big flavour!ll $128炸蝦芒果米紙卷(Mango, herbs, cucumber, lychee Sauce) 開胃又夠fresh。ll $168吞拿魚法式尼斯沙律(Tuna, french beans, cherry tomato) 新鮮爽脆。ll $198龍蝦鵝肝星洲炒米粉配西班牙火腿(lobster, parma ham, foie gras, homemade curry seasoning) 中西fusion 惹味好吃。ll $98芒果配棉花糖多士(mango ice cream, vanil

order咗HKD158豬扒飯，薄薄一層飯，下面已經凍咗，上面芝士都凍咗，豬扒就只有3片豬腩肉片，其中大部分肥肉 。飛機餐如果有豬扒飯應該都唔會咁難食。味道同大家樂比更加唔知差咗幾多倍。

12點半到左,,叫左3碟MAIN, 一碟拼盤.呢日仲要無LUNCH SET, 不過都唔緊要..理解的.LUNCH 時間都緊迫, 因為大家都係返緊工.點知叫左個BURGER等左兩粒鐘先到,中間已經係咁摧.,,搞到要趕住咁食.服務就真係差差地.. 其中一個勁黑住面..一D笑容都冇..中間叫佢斟水個D已經無咩人應,佢見到但都無回應, 要再大聲咁叫佢, 佢先揮一揮隻手.過左成5-10分鐘都係無過返黎問咩事...另一個就望住出面禁電話.最尾要我行去酒吧台問個個BAR TENDER 先得..都係想斟杯水同拎多套餐具姐..另外佢地的野食就真係無咩特別..如果講佢散叫的價錢,我就覺得唔抵..再加咁樣服務, 令我真係唔會再去食. 可能其他分店都唔會去.咁樣一個LUNCH都食左每人$300, 你話嬲唔嬲..

Glasshouse Greenery 全新旗艦店現於尖沙咀藝術文化集中地 K11 MUSEA登場，餐廳設計選用森林綠色和黃銅作設計主線，配合簡約白色陶瓷花盆的仿綠盆栽、晶瑩透亮的玻璃、暖色木紋桌椅及碎石花紋磁磚等元素互相呼應。猶如置身童話般嘅綠色花園內。-新鮮生蠔配柚子醬油，泰式辣醬，新鮮檸檬 💰158 9⃣生蠔如果新鮮真係無乜好挑剔，柚子醬油為生蠔味道更加清爽，加埋小小泰式辣醬好鬼正！-芝士焗脆脆肉醬意粉 💰138 7⃣肉醬意粉相信大家真係食唔少，但係呢一個肉醬意粉嘅肉醬係相對來講比較趣身少少，所以食起身個口感豐富好多👍🏻同埋佢芝士嘅份量真係唔嘢少！-香草脆皮梳乎厘 💰128 8⃣小編完全冇估過佢個梳乎厘咁好味！同埋佢個份量真係嚇死人！小編相信絕對可以Serve 3個人都無問題！內裡相當空氣感同綿密！外層表皮又脆卜卜！大家必食❤️-Double 8 Classic Sauvignon Blanc, Melbourne, New Zealand 2020 💰88 7⃣清爽西柚、番石榴濃郁香氣與濃郁的水果風味、活潑的酸度和持久的餘味相得益彰。

呢間餐廳嘅菜式繁多，西式、越式、日式、泰式、中式、fusion都有，今次食完覺得特製臘腸乳豬炒飯同梳乎厘特別好食。在等候嘅時間，我叫左吞拿魚牛油果沙律同雲霧芒果。沙律入面嘅吞拿魚很新鮮，沙律調味酸酸地，唔膩，係減肥嘅好選擇。雲霧芒果其實係芒果沙冰，唔甜，有少少酸，味道一般，較細杯，性價比低。臘腸乳豬炒飯雖然等左好耐先黎，但非常出色乳豬肉質好嫩，有啲肥，不過完全係接受範圍內，調味都恰好好處，炒飯不會太油不會太乾，一粒粒軟硬適中，口感好，味道都不錯，係下次再黎都仲會想食嘅菜式。呢間嘅梳乎厘相對較大份，即叫即整，上檯嘅時候係熱騰騰的。梳乎厘表面有一層酥皮，口感脆脆的，同軟熟嘅梳乎厘好夾，梳乎厘嘅中間部分幾乎係入口即溶。綠茶梳乎厘搭配雲尼拿醬，雲尼拿梳乎厘搭配莓醬，醬同整個甜品都唔會太甜，啱大部分香港人口味。梳乎厘同乳豬飯雖然好好食，但製作時間好長，乳豬飯大概等左30分鐘以上，梳乎厘就30分鐘左右，如果要食就要預留充足嘅時間。

環境：室內位滿座，咁就坐室外啦，但啲音樂超大聲，嘈到好難傾計。食物：｢魅力森林下午茶2人份｣，款式幾多，每件好細，味道好普通，冇一件講得上出色。服務：上菜超超超超慢！Order tea set後等咗半個鐘都未上，叫侍應追追，過多陣終於上。兩杯咖啡最離譜，叫 set 時已叫埋咖啡，冇話後上，食到一半就叫侍應上咖啡啦，侍應話水吧多單要等多陣，等完又等，前後追咗四次﹑由落單計足足一個鐘至有得飲杯 regular coffee. 公道講句，各位侍應嘅服務態度合格嘅，但似係人手嚴重不足。

年尾好多朋友聚會，今次約左Stella出去傾計飲杯野！我地上次我過K11 Musea既 Glasshouse Greenery ，環境幾靚，今次再去過！我地仲食埋野添，慰勞下辛勞工作既蛋糕姐姐啦！Happy hour menu🍸Rose & Mary甜甜酸酸，有點蜜桃同蘋果既味道，酒味唔會好重，好適合女仔飲，而且個樣都好靚🥃Margarita 杯邊沾上小小鹽粒，感覺好特別，呢杯酒味比教強烈，係好classic 既cocktail 🐟Tuna Tartare with Toast好cushion既前菜，吞拿魚他他刺身有一點點西式既感覺，配上脆脆多士及蝦片，帶一點東南亞的味道，味道不錯🥘House Platter小食拼盤入面有齊蝦餅、春卷、串燒、雞翼、串燒，最岩心大心細唔樣樣都想試既朋友仔，不過份量都幾多，每樣有4件！🥗Stir-Fried Baby Kale芥蘭苗好嫩，炒到剛剛熟，色澤翠綠，仲好爽脆，加上小小風乾火腿，有點點咸香，好好食🦞Lobster Baguette龍蝦包配炸薯條，法包入面既龍蝦沙律好鮮甜，加入一啲青瓜絲減低左膩既感覺，薯條炸得好脆，唔油，送水🍲Malaysian-s

1) 職員態度差 - 我哋早到了15鍾希望可以安排入坐，但帶位職員不好態度指住自己隻錶回覆「請你周圍走走，遲少少先番來」。當我哋捧手要求加餐時，職員拉低口罩抹住鼻過來服務客人。用付錢後，職員講住電話冇任可回應收下收據。2) 食物質數差 - 兩類茶有一類冇，咖啡機壞咗冇咖啡。叫餐後30分鐘後才有第一杯飲品到，麵包和蛋糕唔新鮮。追加一個薯條炸窿咗。3) 出餐時間慢 - 用餐要求90分鐘，第一杯嘢30分鐘先到。K11高尚嘅商場，但有呢類型嘅餐廳。驚有人再次中伏，所以留字。

🍖🍚秘製海南雞燴意大利飯 $168Hainan chicken risottoThree yellow chicken, kale, risotto海南雞好嫩滑 意大利飯好creamy 兩樣都好好食 不過放埋一齊唔太夾🍕秘製燒烤醬片皮鴨青蔥薄餅 $168BBQ peking duck pizzaLeeks, mozzarella cheese, cucumber, sesamePizza餅底比較薄身 邊位似餅乾脆身 甜醬鴨肉青瓜同pizza食落有種食片皮鴨嘅感覺🍫熱炙朱古力布朗尼 $88Warm chocolate browniesVanilla ice cream, chocolate toffee sauce微暖brownies上面有雲呢拿雪糕冷熱對比口感一流 加埋濃郁朱古力拖肥醬 😈😈🍎☕️蘋果肉桂果茶 $58Apple cinnamon teaCinnamon, apple tea花茶唔錯味道略嫌淡味旁邊有糖水👍🏻

因為好近電梯出口位，去得K11都好大機會經過見到嘅一間餐廳，自己亦都成日見到，並且見到好多時滿坐，又有好多人排隊，心諗應該會幾好，一直諗住想試，結果終於試了，並且決定以後都唔會再去。喺得K11開店，食物價錢唔會平，希望環境同服務補返，最後環境倘可，但服務真係極差。當日室內冇位，唯有坐室外，對住人來人往，好彩都有啲擺設隔開，但坐低後，係唔會有人理你，舉頭三尺都見唔到有服務員，叫天不聞叫地不應嗰種，我只好自己攞住嗰餐牌走去前台落單，前台服務員只得一位，佢又好忙，等一陣先可以同佢講落單。終於有人幫我落單，但等咗勁耐，大約等咗15分鐘食物先到，一肚氣，好彩食物味道尚好。食物已經食完，但飲品一直未嚟，同樣周圍都見唔到有得閒嘅服務員可以問，結果要自己走去問正在執枱嘅服務員跟吓單。結果再等5分鐘，嗰香茅芒果花茶終於到，但驚嚇嘅係隻杯勁唔乾淨，好似冇洗過咁，又要起身走去服務員問換杯，又等多5分鐘，新杯仲未嚟，又要問過另一位服務員，最後終於有乾淨杯用，我都快快手飲完埋單走人，整個用餐體驗極差，非常失望。📌朱古力脆皮梳乎厘 $148這個梳乎厘內裏鬆軟，表面有香脆朱古力，亦有朱古力醬自己加，味道可以但份量少