Food Garden ETC (已結業)

連續數個週末D2 Place也有本地手作市集展出這個週末的主題是關於愛護動物商場特別多狗主或其他動物的主人所有食肆商場也歡迎帶同動物光顧澳洲安格斯西冷8安士 - $278安格斯牛公認是市面上最鮮嫩多汁的牛肉 西冷位置的脂肪與肉質比例非常均勻比起肉眼脂肪會較少，不會太肥膩幼嫩中帶少許咬口，牛肉味道香濃配海鹽和紅酒汁冬蔭公汁海蝦帶子意粉 - $128冬蔭公汁的味道酸辣惹味，辣度剛好不高，非常開胃鮮蝦脆口彈牙，充滿蝦鮮味帶子厚實飽滿，口感爽滑彈牙南瓜湯及餐包南瓜濃湯的味道非常鮮美甘甜，非常順口餐包充滿濃濃香草味熱薄荷朱古力 - $38有著新鮮薄荷的清爽，和濃濃的朱古力味道熱鮮奶抹茶 - $42淡淡抹茶香中帶有濃郁咖啡豆香，味道回甘牛奶味濃滑又香甜，但並未有遮蓋抹茶的味道

放假去咗荔枝角D2 Place行街，臨近晚飯時分見肚餓，就睇下附近有咩好食啦！發現呢間新開嘅西餐廳「Food Garden ETC」好似唔錯，就入咗去試試～餐廳裝修頗有田園風味，感覺悠閒舒適澳洲安格斯西冷8安士七成熟的安格斯西冷扒已經切成細小件，好體貼👍🏻肉質結實中帶彈牙，牛味都幾濃郁～配上黑椒海鹽或醬汁更加滋味黑松露薯條一上枱已經傳來陣陣黑松露香！薯條金黃香脆，係粗身的，薯肉飽滿實在。面上撒滿黑松露醬，真正色香味俱全黑松露野菌忌廉汁長通粉長通粉帶有嚼勁及麵粉香，同時吸收晒黑松露忌廉汁嘅香味，配上雜菌，每一口都充滿着松露野菌香，不得了哦凍朱古力🍫賣相不錯，味道好似朱古力奶～

餐飲要了水果茶同凍檸茶，飲品唔會太甜👍餐湯係南瓜湯香草麵包幾好食👍👍👍美國牛肩肉八安士八安士牛肩肉要咗唔五成熟，五成熟真係啱啱好唔會好鞋好乾好硬👍仲保留到肉汁😋😋龍蝦拼牛肩肉四安士牛肩肉要咗七成熟點少少海鹽good👍伴菜嘅薯蓉加咗甘筍食落又有另一種清新嘅感覺不會很油。龍蝦有驚喜竟然有龍蝦鉗🥰🥰覺得廚師好貼心啊佢用龍蝦鉗填滿左龍蝦頭嘅空間😋😋龍蝦糕唔會乾爭爭👍👍好食👍焦糖燉蛋好滑好似慕絲一樣😋好好味😋食完想再叫多一個食😋朱古力心太軟流心既朱古力真係超級邪惡😋😋

難得有個空閒既開心星期五🤣黎荔枝角行陣街同隻朋友仔嘆下Cafe西餐先啦☺️龍蝦拼牛肩肉 (4oz)五成熟既牛肩肉係剛剛好☺️🐮肉質滑嫩Juicy之餘唔起根🤤外層煎至微微燶脆型造到外脆內軟既口感🤤🥩而大大隻既龍蝦🤩🦞龍蝦用芝士碎等配料一齊焗😆散發出陣陣濃郁香氣🤤Perfect match🤩🦞金目盧魚配檸檬忌廉汁窩心大廚將金目盧魚慢慢炮製👨🏻‍🍳😏🐟慢煮製成外脆內軟既嫩滑盧魚🤤夠哂嫩滑之餘魚皮煎到脆卜卜😋入口擁有住雙重口感盧魚確係印象深刻之餘☺️💭配以清新Creamy既檸檬忌廉汁拌食風味更甚😆

美味：🌕🌕🌕🌕🌑抵食：🌕🌕🌕🌕🌕-這家位於D2 place的cafe 性價比也蠻高的٩(˃̶͈̀௰˂̶͈́)و午市再加一 平均每人只需大約一百幾元 但包括餐湯、餐包、主食和餐飲呢！🙈餐湯是甘筍湯 甘筍的味道非常濃郁 還好像有種青草的味道😆感覺很健康呢😄-主食分別叫了一個龍蝦意粉和黑松露雜菌意粉 兩款我也喜歡🥰龍蝦意粉非常惹味 而且有半隻龍蝦 這個套餐大概$100左右非常抵吃 😍黑松露雜菌意粉分量亦超多的 略嫌意粉煮得偏軟～-飲料方面是一杯西柚果茶 不會太甜或太酸 非常易入口 免費飲品來說 真的不錯👍🏼-整體而言 性價比很高 又吃得超飽會再光顧！🥳

吃飯只是個藉口真正的意圖是想與久別的朋友好好相聚.今晚同班朋友黎到D2 Place食晚餐因為好耐冇見 所以想搵間可以座得耐啲嘅餐廳 慢慢傾下計🙈奈何D2 Place真係人山人海😂行左好耐 終於係角落發現左哩間餐廳🙈見到冇限用餐時間 就決定入去啦😝.今次試左2款小食黑松露薯條 $48炸得香脆一上檯熱辣辣 忍唔住食左好多keke🙈不過佢嘅松露味唔重 同行唔鍾意黑松露嘅朋友都食到唔知係唔係好事呢😂第二款小食唐揚魷魚圈 $88同樣香脆炸粉唔算好厚 點埋千島醬食真係好好味💕夏威夷薄餅$68pizza邊焗得有啲燶不過個底幾脆 同埋好足料香草檸檬燒春雞 $258隻雞燒得好燶 燶到有啲苦☹️雞肉好硬 一啲都唔juicy 真係好一般☹️澳洲安格斯西冷 $278牛肉好多汁 肉質幾嫩點埋海鹽一齊食都幾好味😝卡邦尼意粉 $110非常creamy 意粉亦煮得剛好都幾滿意🙈Sangria 飲品方面有個小插曲🙈我地本來想飲白酒 但係餐廳嘅紅酒同白酒都賣曬...我地聽到有啲無言😂Sangria唔係都用紅酒沖嘅咩😂咁點解會有Sangria冇紅酒呢🙈不過Sangria都幾好飲 都算係一個幾好嘅替代🙈

位於荔枝角D2 Place的【Food Garden ETC】基本上零宣傳，我亦是在朋友推介之下才得知這間高質扒房，差點就錯過了。餐廳有澳洲牛及韓牛供選擇，而且亦有建議不同的紅酒做搭配，看得出非常用心。-🍖澳洲M5和牛肉眼份量看上去不是特別多，但由於油脂較多，兩個人分享吃感覺剛剛好，再多就有點膩了。牛肉肉味濃厚，肉質鮮嫩，必點的一道。.🍖燒乳豬乳豬外皮烤得非常脆口，外酥內嫩，火候控制得非常好，可惜的是有點過咸了，如果味道能淡一點點會更好。.🍖黑松露雜菌薄餅中規中矩的一道，畢竟黑松露配芝士配雜菌是比較安全牌的做法，如喜歡吃薄的餅底的人會喜歡這一道的，而且配料的量也很足，性價比高。-🍷紅酒為了配肉點了兩杯紅酒，紅酒是店員推薦的，平時我比較喜歡喝白酒，但紅肉當然要配紅酒。店員推薦的紅酒跟牛肉非常搭，令牛肉味道更加豐富有層次，如果能喝酒的必點！-⭕️平日晚上去的時間都沒什麼人，環境比較靜，適合情侶約會或閨密小聚，而且店員人也很好，完全不會趕人，可以坐到閉門為止。

荔枝角搵食，因為星期六的關係，D2好多人，行咗幾間餐廳，見到呢間餐廳環境唔錯，而且有做lunch set，咁就去試吓啦！Lunch set包括飲品，餐湯或者沙律，我和朋友每樣點了一個，賣相不錯，但餐湯偏酸。主菜 - 雞卷，分量十足，味道不錯，雞肉嫩滑，肉汁豐富，加配薯蓉👍🏻另一主菜 - 鱸魚，魚皮夠脆，魚肉都唔散，有驚喜跟餐的冰茶，甜度適中呢個價錢的午餐，不錯選擇😋，環境舒適，因為喺角落頭的關係，所以客人不多，但係食物質素唔差，選擇亦很多👍🏻

最近多咗好多人出嚟食飯，所以等位都耐咗，不過呢間餐廳都算做足，有提供間隔係枱與枱之間。值得留意嘅係午餐要加一收費。跟餐的水果冰茶，雖然入面真係有一片西柚，但個味道唔似果汁，似包裝飲品個人嚟講真係唔太好蒜蓉湯...跟有餐包，雖然細細塊但都幾軟綿綿，唔係硬先果隻🌙香草檸檬春雞配意粉 $88雖然賣相幾吸引，但食落真係麻麻地。個意粉同肉都冇乜味道，完全靠加酸汁，最重要係雞嘅肉真係好「鞋」，寧願你俾細份啲但個質素好啲。總結嚟講短期都唔會幫襯住，希望下次返嚟有改進啦！

當日去到荔枝角唔知食咩好，睇咗附近有咩餐廳再睇app，決定去food garden etc試吓，當日booked 1430 app，早咗五分鐘到，餐廳早一定要1430先可以點餐，相當有原則！由於多咗時間睇menu決定比較一吓價錢，發現lunch set比eatiappgo 7折更抵，實際lunch set選擇唔少，應該點都搵到野啱食。一行二人，叫咗黑松露蘑菇長通粉，另外一個牛柳3成熟。先上餐湯餐包，餐湯係蘑菇湯，不過不失，蘑菇份量明顯唔夠以致香氣不足，蘑菇不足可以係另一種煮法，完全打碎，加強奶香，製造creamy口感都可以，但佢無咁做，最後比罐頭湯好少少就係佢無咁鹹。餐包，我試咗一啖餐湯都估到出事，即刻拎起餐包但已經太遲，連碟入微波爐嘅餐包同碟之間嘅水氣令餐包濕咗，明白一間普通餐廳無法不停提供熱嘅餐包，尤其當時已經1430以後，建議使用有麥粒或者果仁類嘅麵包切片作為餐包，配以順滑或者爽口嘅餐湯，顆粒口感亦可以增加層次。正餐先上黑松露蘑菇長通粉，黑松露香氣欠奉，大概只係普通蘑菇長通粉加極少量平價假黑松露醬，明白以價錢以言唔應該要求太多，但若果提供唔到會唔會考慮唔使用黑松露三個字？要減成本

係D2 行完年宵，攰攰地想搵間西餐坐下，見依間門面唔錯，價錢又唔太貴就入左去試下。環境方面，位與位之間都幾寬敞乾淨，而且裝修都唔錯，算坐得幾舒服，但咁岩我坐既後面冷氣機漏水，係咁滴攪到個位都幾濕下，除此之外環境都無咩問題。服務方面，樓面人手唔太夠，需要舉好耐手先有人埋黎，但侍應態度都幾好，唔夠人又咁忙既情況下都笑笑口，值得一讚食物方面，我女友叫左黑松露野菌忌廉汁長通粉，而我就叫左澳洲牛肩肉扒。個長通粉好重黑松露味，但同個通粉好似分得好開咁，汁有汁味，通粉有通粉味，整得唔太夾，算係不過不失牛扒比通粉好d，有d 韌都算食得落，但份量都比較少，算係不過不失啦都。最後埋單兩個人加埋大約300蚊左右，講真味道就麻麻地，不過遲d可以比多次機會佢既

呢個星期日，走咗去D2 Place，搵搵食咩就搵咗呢間⋯⋯不知不覺間中伏了🙁 唔會再來！幸好無叫兩但餐！湯到時，被佢個樣厄哂，飲落去完全係溝水咁，個種有少少湯味但又大部份係水味，真係幾唔好飲！🤢 塊包仔是凍的，好彩都有香草味！飲品都到埋，噢⋯⋯no! 又開水😳 想點呀？！我倆開始有啲擔心啲食物🤨🤨意粉到先⋯好彩，都睇得吓，食落都可以嘅，不過得一個味⋯⋯Pizza到埋，又係無咩味⋯⋯一點黑松露味都無，又無芝士味，啲黑松露油就多，成個餅都係油⋯⋯

聖誕繼續搵岩食既舖頭🖐🏻近近地去d2place一期👉🏻徳國豬手作為豬手控，menu見到有豬手就會即揀呢間既豬手會淋身啲🐷如果追求極脆口既就未必係你杯茶但我就覺得剛剛好👉🏻三文魚芒果他他味道配搭新鮮既，魚都夠滑👉🏻黑松露薯條同樣薯條控食親西餐都叫薯條但呢間既就偏硬，唔會encore🤢

頭盤有蕃茄湯 麵包 柚子果茶 再來一個小食 一口芝士 有點普通 pizza ok la. 最抵食係 牛扒 👍🏻 三成熟 出來是四五成 👍🏻正正我想要的🤣 紅酒太貴了 九十幾蚊一杯 所以放棄了 🥴午餐嚟講 好豐富而且滿足 食飽飽就出發去另一景點 好喇 下次見 我要去西九文化區 看風景

今日去完d2 place荔枝角影聖誕靚相，就去佢商場的西餐廳食平價下午茶。發覺佢個88元買一送一下午茶非常之抵, 要另外加一。我最喜歡佢的皮梳化座椅，非常舒適，而且好少餐廳提供high chair的。要知道餐廳平時一個午餐都要100元左右（當然有海鮮）。下午茶不過是少了一個餐湯及麵包。就有得叫一份最好味的白汁卡邦尼意粉同最好味的炸魷魚圈了，份量都足夠，還贈送水果茶，二人食份量已經很足夠，何況再多了仔仔。