影片
更多
2020-03-30
1074 浏览
當日去到荔枝角唔知食咩好，睇咗附近有咩餐廳再睇app，決定去food garden etc試吓，當日booked 1430 app，早咗五分鐘到，餐廳早一定要1430先可以點餐，相當有原則！由於多咗時間睇menu決定比較一吓價錢，發現lunch set比eatiappgo 7折更抵，實際lunch set選擇唔少，應該點都搵到野啱食。一行二人，叫咗黑松露蘑菇長通粉，另外一個牛柳3成熟。先上餐湯餐包，餐湯係蘑菇湯，不過不失，蘑菇份量明顯唔夠以致香氣不足，蘑菇不足可以係另一種煮法，完全打碎，加強奶香，製造creamy口感都可以，但佢無咁做，最後比罐頭湯好少少就係佢無咁鹹。餐包，我試咗一啖餐湯都估到出事，即刻拎起餐包但已經太遲，連碟入微波爐嘅餐包同碟之間嘅水氣令餐包濕咗，明白一間普通餐廳無法不停提供熱嘅餐包，尤其當時已經1430以後，建議使用有麥粒或者果仁類嘅麵包切片作為餐包，配以順滑或者爽口嘅餐湯，顆粒口感亦可以增加層次。正餐先上黑松露蘑菇長通粉，黑松露香氣欠奉，大概只係普通蘑菇長通粉加極少量平價假黑松露醬，明白以價錢以言唔應該要求太多，但若果提供唔到會唔會考慮唔使用黑松露三個字？要減成本
先上餐湯餐包，餐湯係蘑菇湯，不過不失，蘑菇份量明顯唔夠以致香氣不足，蘑菇不足可以係另一種煮法，完全打碎，加強奶香，製造creamy口感都可以，但佢無咁做，最後比罐頭湯好少少就係佢無咁鹹。餐包，我試咗一啖餐湯都估到出事，即刻拎起餐包但已經太遲，連碟入微波爐嘅餐包同碟之間嘅水氣令餐包濕咗，明白一間普通餐廳無法不停提供熱嘅餐包，尤其當時已經1430以後，建議使用有麥粒或者果仁類嘅麵包切片作為餐包，配以順滑或者爽口嘅餐湯，顆粒口感亦可以增加層次。
正餐先上黑松露蘑菇長通粉，黑松露香氣欠奉，大概只係普通蘑菇長通粉加極少量平價假黑松露醬，明白以價錢以言唔應該要求太多，但若果提供唔到會唔會考慮唔使用黑松露三個字？要減成本乾身可以選擇蒜片蘑菇意粉，濕可以忌廉蘑菇長通粉，何必畫蛇添足？牛柳封邊做得唔錯，生熟控制還可以，可惜煎完未俾足夠時間收番肉汁，上枱一切開肉汁就不停流出。肉嘅筋無處理好。由於本人唔食牛，未能品評味道。另外點咗芝士煙肉焗薯咁上下嘅小食，口感味道係即食質素。
關於餐廳本身，位置還好，座位舒適嘅，收銀有消毒啫喱提供，冷氣略大，長通粉暖上桌，好快凍咗，牛柳熱上桌，未食完已經凍。
最後埋單以lunch set加app 7折小食計算，相當抵讚。
總結醫肚可以，但如果只係醫肚相信有更多平啲嘅選擇。
张贴
