Food Garden ETC (已結業)

-荔枝角自從有咗D2 Place 人流暢旺 食肆越開越多 選擇越嚟越好 品質越做越高-🥗#藜麥雜菜沙律 食材新鮮 色彩漂亮 意醋dressing好正-🥕#甘筍濃湯嫌沙律凍冰冰 不如飲湯暖胃 湯底濃稠好creamy-🦞#龍蝦意粉午市套餐 ($108)呢個價錢 我只預期食幾嚿龍蝦肉 當我望到碟中半隻連殼龍蝦加一隻肥美龍蝦箝 非常雀躍 意粉🍝份量亦多-🥩#牛肩肉午市套餐 ($138）牛肩肉有八安士 肉質結實 如果你唔鍾意半生熟 記得同侍應生交待生熟度 件扒比想像中少筋 口感更佳 -🍹#水果茶 (隨餐附送)☕️#咖啡 (加 $10)除非你係每日一定要有西茶咖啡落肚嘅人 否則可以試吓佢哋每日唔同口味嘅水果茶-📍#Food Garden ETC荔枝角長義街9號D2 Place 第1期3樓303號舖

D2 Place 3樓主要係餐廳，人流比起樓下市集少，所以可以同朋友行完市集後，來呢層嘅餐廳靜靜地食下飯傾計。呢間Food Garden係呢度其中一間餐廳，裡面有張bar枱，佈置都幾有格調，最重要係價錢非常親民，$120左右就有一個餐，覺得一試無妨，就同朋友坐低食！餐包係麥方包 ，鬆軟之餘每塊都仲有餘溫，唔會好硬邦邦。蕃茄湯熱辣辣，質地好濃稠，唔會太酸，好開胃。隨餐配嘅飲品係鮮果冰茶，完全無加糖，啖啖都係西柚嘅清新果酸，好fresh。美國牛肉漢堡配薯條Burger份量好足，牛肉好厚，內裏又保留左肉汁，漢堡裡面配以酸黃瓜等蔬菜，中和了芝士同牛肉嘅膩。薯條又熱又香脆，唔會太鹹同太淋。美國牛肩肉牛肩肉係五成熟，煎得剛剛好，肉好鮮嫩，除左醬汁外，仲特別放左鹽係碟上，將牛肉沾上少許鹽來食，更能嚐到牛肉嘅鮮味！值得一讚嘅係連配菜嘅翠玉瓜、西蘭花同薯角嘅味道都調得好好食，並唔係簡單整熟就算！$138嘅價錢食到呢個質素嘅牛肉，仲要配埋餐湯麵包同飲品，真係物超所值！

呢日想輕輕鬆鬆食個Lunch 食完又想可以坐下hea 陣行下商場, 黎到D2 place 一次過滿足哂我3個願望!今日黎到呢間food garden~ 位置坐得好舒服! 我地叫左兩個set lunch~ 分別係美國牛肩肉同埋加拿大豬鞍, 兩個set lunch都包前菜可以揀沙律/湯, 同埋會送杯鮮果冰茶,又或者係加錢轉其他野飲~ 我地都係揀左沙律,諗住食多D菜可以健康D haha! 佢個沙律有好多黎麥同埋蕃茄!真係夠哂健康! 味道都好唔錯! 跟住就到左美國牛肩肉上枱! 足足有8安士! 份量望落都好大! 碟邊有黑椒同海鹽可以自由揀點唔點黎食, 我就覺得點埋黎食好正!牛肩肉充滿牛味, 真係好好食! 我好快食哂同埋伴碟既蔬菜都KO得一乾二淨! 加拿大豬鞍估佢唔到豬味咁出色! 同埋唔會好似煲湯既豬肉咁乾, 呢個豬鞍仲係好JUICY! 連埋佢上既汁一齊食夠哂味! 好正!!!!! 食完仲有D 意猶未盡~ 我地再叫左個cream bulee 同埋心太軟! Cream bulee 勁滑,真係超水準! 必點! 心太軟都有香濃既朱古力味勁邪惡! 食埋甜品真係大滿足!

同朋友去D2 Place行吓，順便咁喺嗰度食嘢，見到一間唔太起眼而環境好似唔錯嘅餐廳，膽粗粗入咗去試吓😄。 💛墨西哥玉米脆片配牛油果醬 $58 💙半隻香草檸檬燒春雞 $168 💙白酒煮蜆 $138 ❤️士多啤梨窩夫配雲呢拿雪糕 $42 ❤️香蕉班戟配朱古力雪糕 $42 個蜆煮得幾好，食上口幾鮮甜，啲汁唔錯💦。脆片夠脆，搽上果醬好惹味😋。燒春雞半隻都好大大隻🤩。 食物中規中矩，比較驚喜反而係佢嘅甜品🍧，好食得嚟又大大份，而且價錢大眾化，貌相又啱晒打卡。 嗰度仲有酒飲，不過我嫌氣氛唔夠情調。其實環境係坐得幾舒服，而且地方幾大，但冇乜人，係一個同朋友吹水嘅好地方👍。 📍Food Garden ETC - 荔枝角D2 Place一期3樓303號舖 @foodgarden_hk 📮Follow @fm.feed ➡ to discover more appetizing foods

呢間餐廳搜羅世界各地嘅優質食材，支持本土小型食品生產商，推廣手工食品文化🇭🇰今次就試下性價比高嘅Lunch Set💗田園沙律新鮮翠綠沙律菜除咗火箭菜外，仲有小菠菜🥬再加咗紫洋蔥、車厘茄、粟米同藜麥，營養價值高🥗💗是日餐湯呢到嘅粟米湯係將粟米直接打蓉，味道係幾清甜🌽不過飲落好多渣唔夠順滑，都係鐘意落忌廉一齊煮個款多d🤔香草餐包微暖軟熟，可以搽牛油一齊食🍞💗美國牛肩肉($138/ 8OZ)牛扒外表煎至焦香鎖緊肉汁，內裡色澤粉嫩，完美掌握5成熟🐃肉質介乎係結實同嫩滑之間，脂肪較少而且冇筋。點埋海鹽食牛味更突出，帶微微炭燒香🥩配菜有焗薯角外🥔，仲有蒜蓉炒西蘭花、脆肉瓜同豆角🥦💗加拿大豬鞍架($138)厚切豬鞍架煎焗到啱啱熟透，每個位置都唔覺韌🐷旁邊少量嘅脂肪部分帶豬油香，肉質軟滑多汁。可以夾住紅酒洋蔥一齊食，酸甜又解膩🧅，亦可點埋自家製燒汁💗焦糖燉蛋(+$20)底層嘅燉蛋嫩滑冰涷，甜度適中重蛋香，表面即燒嘅焦糖脆片簡直係靈魂🍮💗朱古力心太軟(+$45)朱古力味幾濃🍫外層蛋糕唔會焗得太實，切開都算流心，不過太甜😦💗鮮果冰茶紅茶底完全唔澀，配上新鮮酸甜嘅西柚，味道清新自然，果香十足🍹

Food garden荔枝角愈來愈多野食，愈來愈多野玩！所以我同老公都好中意係荔枝角周圍發掘好餐廳🤩🤩今晚就去左d2行一陣，行到3樓，都有好多餐廳，而最後就揀左行到最入既呢一間food garden，因為見佢都好似坐得幾舒服，又食西餐一坐低，店員就好熱情介紹有咩野食今日提供唔到，好在我哋想食嘅都有😆😆🎉黑松露薯條薯條係粗嗰款，係我哋鍾意嘅款式！夏威夷pizza一上菜嘅時候以為好細塊，但係食落都夠飽三文魚配芒果沙沙三文魚下面嘅配菜超好食，夠香口！卡邦尼意粉上菜嘅時候係配上一隻生蛋，撈勻左之後好好味👍🏻紅棗杞子桂圓茶最後我哋叫咗一碗茶share飲，暖暖地令到個肚好舒服👍🏻

跟朋友逛完D2 Place後順道來吃晚飯。選了西餐廳，點了炸一口流心芝士、黑松露薯條、羊奶芝士西蘭花及冬陰功汁海蝦帶子意粉。加配了餐湯及飲品，是日餐湯是蕃茄湯，蕃茄湯稠身且有蕃茄蓉在內，真的像在吃新鮮蕃茄。小食方面，炸一口流心芝士果真流心，旁邊配有一些沙律菜；黑松露薯條份量挺大份，2-3人分享也足夠；羊奶芝士西蘭花則不過不失；至於冬陰功汁海蝦帶子意粉，反帶點驚喜，因海鮮質素不錯，帶子煎得剛好，而且很大舊啖啖肉。意猶未盡的我們最後多點了一份心太軟，最後吃了兩個多小時才離開呢，哈哈。

餐廳較開揚，都算幾多座位，有空間感～～揀左澳洲和牛漢堡🍔 漢堡肉質可以，夠熱，包有少少牛油香。芝士夠溶，口感不錯。仲配薯條🍟香脆～烤乳豬，呢隻烤乳豬有啲特別，佢個皮唔脆，但係肉質好夠林，啖啖肉。容易切～～甜品叫咗心太軟，如果配雪糕就要加錢。心太軟新鮮焗起，熱辣辣。入邊有朱古力流心。不過如果再多啲流心就更好。味道都幾甜，尚算唔錯～～香蕉朱古力窩夫🧇窩夫幾夠脆，而且幾大件。面上仲有啲cream～～

D2 Place睇完戲就係附近搵嘢食，搵到呢間餐廳，望落去好似坐得幾舒服，而且朋友想食西餐，好！一於坐低試吓先。餐牌每樣款式都有啲，我哋揀咗兩款：香草檸檬香燒雞：雞肉好嫰滑juicy,而且配合香料好perfect match，仲食得出廚師有功架，燒焦味剛剛好。我哋加配左焗薯，薯仔有多多件，好抵食！冬陰功汁海蝦帶子意粉🍝：呢個fusion 意粉好好味😋，辣味出色好吊味，帶子係刺身級，兩邊香煎🙈。海蝦亦食得出好新鮮我哋兩個餐都加配左套餐，有是日精選蕃茄湯同嘢飲。蕃茄湯飲得出好香濃，愛好番茄姐千祈咪錯過！食飽飽就行街去了☺️

難得週末同先生一齊放假，決定過返個休閑嘅假期，第一步當然係食返個休閒嘅午餐，先生揀咗位於D2place嘅呢間西餐廳。餐廳嘅午餐選擇雖然唔算多，但各款肉類選擇都有，總揀到一款啱心意，而且價錢已經包餐湯、餐包同飲品，非常合理。是日餐湯味道有啲似甜薯湯，質地微稠，味道清甜。餐包烘到微脆，配上放軟嘅牛油，味道唔錯。牛肉漢堡配薯條份量唔細，厚切薯條新鮮即炸，又香又脆，內裡係香軟嘅薯蓉，非常滋味。牛肉漢堡尺寸雖然唔算大，但勝在夠厚身，麵包烤得夠香脆，夾住煙肉、芝士、美國牛肉漢堡扒、蕃茄、酸瓜同西生菜，實在冇辦法一啖咬哂所有材料，令人滿足。美國牛肩肉有八安士，尺寸雖然唔算巨型，但夠厚身，表皮煎得夠香，無論配上自家製醬汁抑或岩鹽都非常合適。先生揀咗五成熟，色澤粉嫩，而且冇血水，入口軟嫩，牛香味重。鮮果冰茶冰涼爽口，配上新鮮檸檬味道清新。餐廳食物質素唔錯，價錢合理，想喺週末忙裏偷閑，逃離呢個石屎森林，絕對係一個好選擇。

今日嚟到荔枝角D2 Place呢邊行街~見到呢間餐廳嘅menu幾吸引☺️就想入嚟試吓😋呢間餐廳係以西餐為主,但環境幾舒服,幾靚😍lunch set都係大概$100~包餐湯或者沙律,主食同飲品甜品可以再加錢~田園沙律一大碟田園沙律🥗蔬菜幾新鮮👍🏻如果有黑醋汁或者沙律就會更加好味～餐湯餐湯係忌廉南瓜湯～南瓜味好濃郁😋好香👍🏻而且幾creamy☺️配埋餐包,餐包軟軟淋淋😆再搭上牛油幾好味💕鮮果紅茶Lunch set配送香橙紅茶☺️幾香甜😋有清淡嘅橙香味😍幾正👍🏻龍蝦意粉$108好大隻龍蝦😍龍蝦肉好新鮮👍🏻而且有好多蝦膏蟹籽🤣好鍾意食蟹籽😋幾甜,幾好味☺️蝦肉啖啖肉😆意粉幾creamy,幾爽口🥰醬汁同意粉好夾~加拿大豬鞍架$138好大塊嘅豬鞍架😍好Juicy😋咬落啲肉汁就出晒嚟🥰超級香💕配埋燒汁，將佢嘅香味昇華😆好正👍🏻仲有啲薯角，幾香口，幾正☺️焦糖燉蛋$20表面係硬硬地又好脆嘅焦糖脆片😍入面係凍凍地嘅燉蛋☺️燉蛋幾香甜又香滑～好滋味👍🏻

荔枝角D2 Place 都算係年青人聚集嘅好地方，有好多手工藝品會不定期係到擺檔。位於D2 Place內嘅Food Garden ETC都令我同樣感受到一股年輕氣息，不論食物價格還是店內裝潢，既文青又舒適。🔷是日餐湯 - 南瓜湯💰38Daily Soup - Pumpkin Soup濃濃又健康嘅南瓜湯，質感會有微微嘅南瓜蓉，另外南瓜本身都好甜，湯仲有配埋麵包添。🔷炸一口流心芝士 💰68 💙65/100Deep-fried Cheese Ball講真果句，芝士非常芝士，總共有8嚿，兩個人食好夠有凸。外皮脆口而芝士相對淋漓，吉起上黎都feel到。🔷夏威夷薄餅 💰68 💙70/100Hawaiian Pizza薄餅大細都好岩兩個人食，夏威夷緊係有菠蘿，基本上每一小塊薄薄都會食到菠蘿。仲有芝士，餅底係相對上脆而非厚。🔷慢煮西班牙脆乳豬 + 意粉💰198+30 💙70/100Slow Cooked Lamb Rack + Spaghetti 呢隻乳豬仔外皮煮得脆身，乳豬肉好嫩口而爆汁，真係夠哂驚喜。有配埋焗薯同醬汁，但基本上唔沾點個醬汁都好夠味。

去 D2 place 行街，見到餐廳好似不錯，想試試。🍽 炸一口流心芝士份量對於2個人食有啲多，雖然細細舊，食咗2舊已經有啲濟，鐘意食芝士可以一試，幾好食。🍽 慢煮西班牙脆乳豬乳豬皮整得香脆，肉都好嫩。🍽 夏威夷薄餅薄餅皮好脆。🥣 是日餐湯-南瓜湯配合返萬聖節有南瓜湯，好甜，好好飲。

It's time to have a break❤️ Good Garden🍃..荔枝角既D2 Place，平日好少逛，印象中係一個文青市集既好地方。近年愈開愈多餐廳🍽，質素都不差。呢日行到商場近盡頭，發現一間西餐廳環境不錯，精緻西餐下午都有扒剧，真的可以一試。.l[(Pasta) 龍蝦意粉]l $108Baked Lobster, Crab Brown Meat, Spaghetti原半隻焗香龍蝦🦞，加上彈牙意粉🍝 吸盡蝦汁，味道不單薄而且很惹味。.l[(Beef) 美國牛肩肉 8安士]l $138U.S. Flat Iron 8oz7成熟牛扒🐮🍴，質素一點都不差。火候控制得很好，外層煎至微微焦香🖤，而肉質還帶點粉嫩嫩，肉味重。沾上少許海鹽黑椒，已能帶出牛味。.(Appetizer) ll / .ll每份套餐都跟其一，而且質素亦有保證。因為餐廳每日新鮮製造，朝早預備整天供應，確保食材味道新鮮呢。.(Dessert) ll +$20ll +$45套餐仲可以跟甜品💕 焦糖燉蛋🍮 味濃香滑、🥚蛋味重；心太軟流心效果佳，吃下很甜蜜。..吃著吃著，又可以待一整個下午。餐廳環境舒服，坐著感覺悠閒

今日放工嚟咗D2 Place食西餐，位於 D2 Place一期3樓行到最篤有間西餐廳。晚市選擇都有好多，雖然冇套餐選擇，不過價錢唔算話好貴 。頭盤 - 溏心蛋凱撒沙律配巴馬火腿巴馬火腿都有三至四塊，沙律嘅醬汁配搭得幾夾，幾好食。不過糖心蛋就有少少過熟，唔係好溏心。主菜 - 黑松露雜菌薄餅上菜時黑松露味好香好出，薄餅用上羅馬餅底，夠薄夠趣。呢款薄餅素食者都適用，雖然冇肉但係都好香口！主菜- 澳洲安格斯西冷配意粉西冷牛扒五成熟，清楚見到裏面仲係粉嫩色，食落肥瘦均勻，無筋，有牛味，簡單配鹽調味就已經足夠！加$30就可以配埋意粉，意粉用橄欖油炒香，加上蘆筍同洋蔥，一啲都唔馬虎！