Food Garden ETC (已結業)

今日放工嚟咗D2 Place食西餐，位於 D2 Place一期3樓行到最篤有間西餐廳。晚市選擇都有好多，雖然冇套餐選擇，不過價錢唔算話好貴 。頭盤 - 溏心蛋凱撒沙律配巴馬火腿巴馬火腿都有三至四塊，沙律嘅醬汁配搭得幾夾，幾好食。不過糖心蛋就有少少過熟，唔係好溏心。主菜 - 黑松露雜菌薄餅上菜時黑松露味好香好出，薄餅用上羅馬餅底，夠薄夠趣。呢款薄餅素食者都適用，雖然冇肉但係都好香口！主菜- 澳洲安格斯西冷配意粉西冷牛扒五成熟，清楚見到裏面仲係粉嫩色，食落肥瘦均勻，無筋，有牛味，簡單配鹽調味就已經足夠！加$30就可以配埋意粉，意粉用橄欖油炒香，加上蘆筍同洋蔥，一啲都唔馬虎！