FOMO Cafe & Lounge (已結業)

- 餐廳內部環境、氣氛唔錯- 有得睇波- 食物質素唔錯- 職員態度有禮唯一不足：- 餐廳位置有點難搵食物：甜品雲呢拿布甸撻有驚喜，幾好食，texture特別；椰菜花飯好味，特別推薦豆腐，蒜香十足

媽咪生日，諗住佢放工後屋企附近食餐生日飯切個蛋糕慶祝，叫左Chicken Salad 、豬頸肉、Onion Rings 、桂圓茶，份量足夠，2個人竟然食唔晒，難得桂圓茶仲幫我地refill 熱水，環境好，服務好，真係坐得舒服，真心推介

平時收工都比較夜無意間發現呢間樓上cafe終於有機會去試下😋❤️椰菜花飯 $98配碎牛肉❤️青瓜，粟米，蕃茄+蜜糖甜酸醬呢個飯既配搭好特別，而且椰菜花飯比較健康，冇咁易肥，上到台既賣相仲吸引我，一口氣就食清光😋❤️Japanese Dumplings $68❤️日式餃子配芝麻醬有少少唔夠喉就叫埋份餃子食👍🏻加上芝麻醬個口感特別，我好欣賞吸引到我下次再黎食，可以叫埋另一個飯食埋個口感👍🏻❤️

結婚前係忙到一個點，不過我幫我個姊妹搵到呢間樓上cafe去傾結婚事就剛剛好，地方夠大，亦都算有點私隱度，而因為傾大事，所以我地都冇飲酒，點左幾壺紅棗桂圓茶比較健康D，我地好快就點晒我地要食既野大家share黎食😋田園沙律 $98配風味烤雞前菜係好清新既感覺，加上有粟米，蕃茄，南瓜籽+辣椒蛋黃醬，估唔到會用上南瓜籽既健康配搭👍🏻Waffle Fries $68 薯格 配黑松露沙律醬呢個就當然叫兩份啦，食極都唔會厭，係冇得走雞既小食😋Thai Fish Cake $68 泰式魚餅配泰式辣醬同樣地小食類叫兩份，男仔個邊食得太快，係咁話好好味🤭Mini beef skewers $48 迷你牛肉串配沙嗲醬牛肉串呢個小食係一食就愛上❤️對於好耐冇食牛肉既我都會話個肉好juicy就知咩一回事最後我地傾左成三個半小時左右，餐廳職員都好好冇趕我地時間，還不時幫我地添加水，下次我都帶埋我男朋友黎食先🤤

由於小妹考試完後做家姐既應承左請食飯，就揀左一間樓上cafe同佢做個小小既慶祝🪅去到餐廳大家都各點左一杯飲品，Lemonade👍🏻Bubble Sunset，職員仲同我地推介其他酒類👍🏻呀妹對餃子情有獨鍾，呢個日式餃子不可不點既，見佢好特別配芝麻醬，食落口有驚喜✨之後再點多左客🤭再叫多份椰菜花飯醫下肚，配埋牛油果，合桃，洋蔥連埋田園沙律醬，呢個配搭我好少見，而且見個口感會好爽口，我反而好buy呢個👍🏻👍🏻食完呢餐之後，呀妹既要求都做到啦🤭但下次我會帶埋屋企人再黎呢度食，地方好寬敞同舒適❤️

老公神神祕祕咁帶我同女女去一間樓上餐廳，原來係食泰國菜既cafe😍職員仲好細心咁準備埋小朋友餐具，由老公發板❤️❤️椰菜花飯配煎豆腐，牛油果，合桃，洋蔥+田園沙律醬，主食既呢個飯好香口，女女都好鍾意食佢個豆腐tim ~❤️蝦多士係女女至愛，直頭搶住食唔停口，因為係香口野同埋甜甜地😍❤️Thai Fish Cake都係餐廳推介，食落好開胃❤️餐廳空間非常寬敞，有小朋友的話都有空間俾佢周圍跑，好岩一家大細黎❤️

吃貨嘅同事每日都會睇有邊度好食嘅地方，而佢今日睇定左間樓上舖叫FOMO Cafe & Lounge，聽落都覺得高檔級既餐廳🫣到lunch time時就一支箭跑過去，係銅鑼灣區通常都要等，但去到已經可以直接入坐，服務員仲即時倒杯水比我地👍🏻招呼好周到，時間關係，吃貨同事已經諗好食咩lu🤤Prawn Toast $78蝦多士 + 蜜糖吃貨同事叫既，呢個我會覺得岩岩好，脆卜卜既口感✨夠晒滋味Thai Fish Cake $68泰式魚餅配泰式辣醬而平時我唔太食魚餅既，都吸引到我為口🤤呢一個煎得好香口，會食過返尋味Mini beef skewers $48迷你牛肉串配沙嗲醬吃貨同事話呢個係首選一定要點，食落去好有肉汁，夠晒兩個人食🤤Shashuka $88配合法式麵包我就點左呢個，完全夠飽肚，佢個醬有蕃茄醬，蛋，芝士🤤唔會有肥膩既感覺✨我地覺得價錢都好合理，份量亦都好夠，食到好滿足😋😋下次再同多啲同事黎食唔同既菜先

好耐冇見既中學同學聚會約左係銅鑼灣既FOMO Cafe & Lounge 樓上餐廳食飯，book台個同學話好味所以建議去呢間食，入面環境好寬敞，大梳化位坐落去都好舒服，就算唔係同同學聚會，男女朋友黎都好正😍當然同學們一齊點左野飲先🤭我自己就叫左杯Coffee Martini，而我best fd 叫杯Gin And Tonic，當然仲有其他酒類Shashuka $88叫左呢個黎食之後有驚喜🤤一個鍋入面有蕃茄醬，蛋，芝士嘅醬汁，配合法式麵包，食落去個口感好搭🤤開胃得黎亦有少許飽肚感既Mini beef skewers $48再黎埋迷你牛肉串配沙嗲醬，wow，佢呢個牛肉串係燒得岩岩好👍🏻👍🏻肉汁仲保留住，正呀椰菜花飯 $98配煎豆腐再食埋主食先，上到台上既份量都唔算細，佢入面有牛油果，合桃，洋蔥，田園沙律醬，整體食落肚係好飽肚，咬口感係爽脆口的，所以椰菜飯可以再again多次🤤係我地大家飲飽食醉完後，覺得呢間餐廳既員工服務好周到，不停為我地加水，直得再黎多幾次👍🏻

難得同母親大人出遊，行行下街當然搵野醫肚啦😋係銅鑼灣行行下見到FOMO Cafe & Lounge既水牌，就上去食tea先，做下孝順女請呀媽食返餐🤣入到去都好warm既感覺田園沙律...配風味烤雞 點左樣清清地既，岩晒媽咪口味既沙律🥗入面有粟米，蕃茄，南瓜籽配上辣椒蛋黃醬，加入埋烤雞肉，肉汁好滑😋Waffle Fries...再點個我鍾意食既薯格🤤佢仲要係配黑松露沙律醬，CP值即時提升晒✨Mini beef skewers...見到menu上推介既迷你牛肉串配沙嗲醬，擺盤好精美，點知一食落口有驚喜，好juicy呀🤤媽咪都話好好味Charred Pork Neck...最尾上埋碟泰式豬頸肉加辣汁，呢個豬頸肉食落好彈牙😋連埋汁一齊食落去，絕對係開胃菜黎👍🏻媽咪話呢間餐廳好好味😋員工服務態度好周到，見我地用晒紙巾會幫我地補上，出餐時間快👍🏻等我下次帶同學黎食先

閨蜜話帶我去食一間特色餐廳，仲神神祕祕話去到再講，相約在銅鑼灣地鐵站等就一齊去🤭一出電梯門，個環境清幽，等候間仲有比水我地飲住等👍🏻我地個晚搵左職員介紹左兩杯酒，我就叫左杯Paloma,閨蜜叫左杯Sparking VLT，Rum酒黎😋泰式魚餅配泰式辣醬同閨蜜食開泰國菜都一致認同呢個魚餅好彈牙😋手打既感覺，食唔停口日式餃子配芝麻醬我地另外再叫餃子食，黎到台既擺設美觀，一放入口好juicy，平常食比較多點豉油，芝麻醬配搭起來會鮮味好多！椰菜花飯配煎豆腐再同閨蜜一齊share食個飯，入面有牛油果，合桃，洋蔥，整個感覺好有咬口感😋加上沙律醬飽肚感再大好多呢間餐廳好值得推薦，有打卡位置，氣氛好好，食物配搭使用多元化👍🏻👍🏻nice~

今日同老公行街行到攰，諗住搵間就腳嘅餐廳食下嘢，誤打誤撞下就黎左呢間喺銅鑼灣嘅FOMO Cafe & Lounge～一入到餐廳已經見到唔同種類嘅酒好整齊咁擺放喺架上，令成間餐廳睇落好有設計感之餘又睇到有咩類型嘅酒可以俾客人選擇🍷🍶我地一開始就嗌左個開胃小食泰式魚餅配泰式辣醬（$68），辣醬酸甜嘅口感令人忍唔住食指大動，而魚餅都好有咬口，食完成碟之後都唔夠想再order😋主食我地叫左椰菜花飯（$98），入面嘅碎牛肉好香口亦好重牛味。另外仲有青瓜，粟米同蕃茄作為配菜，撈埋一齊食口感會更佳豐富～蜜糖甜酸醬都好啱我口味，可以令成個飯嘅口味更上一層。飯後傾計時我地仲嗌左個迷你牛肉串配沙嗲醬（$48）～芝麻同牛肉原來真係可以好夾，牛肉串雖然睇落細，但份量其實十分足夠😂食完都已經非常飽，陣陣油香留喺口中，食肉獸一定唔可以錯過！到左尾聲，諗起最近係時候養生，咁啱呢間餐廳有紅棗桂圓茶就嗌埋，暖胃嘅感覺果然令成餐飯嘅滿足感再度提升左。以後一定要再Encore呢間～

呢兩日約左兩位舊同學聚餐，大家傾完一輪都無咩idea，偶然見到呢間FOMO Cafe & Lounge就諗住入去試下。入到去環境好舒服，好適合三五知己坐低傾計，店員都好Nice咁招呼我地坐低。首先我地嗌左個香茅雞翼（$88）作為聚會嘅開胃菜🐔雞翼炸得啱啱好，連我呢個唔會點食炸物嘅人都忍唔住食左三隻～我地有嗌另一款炸物，就係洋蔥圈配黑松露沙律醬（$68），黑松露味同洋蔥圈真係好夾，濃厚嘅黑松露味道喺口中散開，令人心情愉悅～特色菜Shashuka（$88）都令我地好驚喜～醬汁入面除左番茄醬、蛋之外，仲加左芝士令味道更濃郁～配合埋法式麵包，飽肚之餘又好好味～另外口感濃郁嘅蝦多士加蜜糖（$78）都係特色美食，口感酥脆嘅蝦多士搭配甜甜嘅蜜糖，食完令人感到好滿足～最後我地嗌左清新嘅田園沙律（$98），唔單止有煙燻三文魚，仲有青瓜，洋蔥，粟米粒同芝麻醬，口感清新又好味，今餐飯真係令人好開心呀！

今日同男朋友周圍覓食，黎到一間咁有詩意嘅餐廳，頭頂嘅綠色植物讓人更有心思進食，而座位上嘅抱枕可以拎黎墊住條腰舒服咁食飯，都係餐廳嘅點睛之筆。呢間FOMO Cafe & Lounge環境好溫馨、舒適，有好多沙發位俾我地傾計。坐低之後好奇望望呢間餐廳有咩酒精類飲品，原來除左好多種唔同口味嘅cocktail，仲有bottle bear同五種紅酒，令人眼花撩亂🍷簡直啱曬一班酒鬼相聚。下午嘅聚會淨係得甜品先可以療癒我嘅心靈🍮店員推薦我地order抹茶麵包布甸（$68），啱啱焗好嘅麵包布甸帶有濃郁抹茶香氣，每一啖都令抹茶控好滿足。甜得黎又唔會好膩，就算減肥中都唔會覺得有負擔。食完抹茶麵包布甸當然會覺得唔夠喉，呢個時候就需要再加多一樣甜品😄我地揀左口感清新嘅Lemon Meringue Tart，酸酸甜甜又充滿果味嘅口感令我回味十足，會好想再食多個～

今日同朋友酒癮起，諗住搵間可以小酌嘅餐廳。睇到呢間喺銅鑼灣嘅FOMO Cafe & Lounge評價好好，所以過黎一試。環境都好溫馨舒服，又適合三五知己小聚～我地一坐低就嗌左一杯Coffee Martini同一杯 Hazelnut Spritz，Coffee Martini帶有濃厚香醇嘅咖啡香，令人沈醉其中😍而Hazelnut Spritz就口感好清新，檸檬令到杯酒嘅口感層次提升左，都俾左好大驚喜我地。🐔香茅雞翼～ $88小食都係必然會order嘅，我地嗌左香茅雞翼，炸得好香脆，同香料亦都好夾，我地一口氣就全部食曬～🐷泰式豬頸肉加辣汁～ $88特色小食一定唔少得泰式豬頸肉，呢間嘅豬頸肉爽口彈牙、香口又惹味，令我地身在香港都可以食到炭香四溢的正宗泰式燒豬頸肉。🥦椰菜花飯配煎豆腐～ $98椰菜花飯炒得好香呀😍唔想攝入澱粉質就一定要揀呢款，加上牛油果、合桃同洋蔥，一次過滿足所有營養需要。田園沙律醬都同椰菜花飯好夾，撈埋一齊令個口感又更加豐富左，一定要一試再試。

銅鑼灣一向都聚集唔少樓上 lounge，新開嘅 @fomocafehk 除咗提供一系列cafe輕食，仲有唔少cocktail，食完嘢搵下場又有個新選擇～ 叫咗兩杯易入口嘅cocktails，最鐘意hazelnut spritz好有榛子香而又唔甜！