Flames (海濱匯)

营业中

休息中

自費自己俾錢呢間位於觀塘海濱會佢有好靚嘅長廊一出去就係好有feel佢嘅環境好靚服務質素好好主打食西餐嘅同埋我好鍾意佢嘅Menu有好多唔同種類嘅嘢食俾大家揀仲有佢同朋友嚟食嘅話可以一邊吹水一邊嘆好嘢佢嘅力甜品零食所有嘢都好正嘅我都覺得好值得呢個價錢佢嘅pizza意大利飯意大利麵都係好正份量十足一定夠晒飽嘅佢哋亦都有主打燒雞佢嘅燒雞好大隻㗎食完嘅兩個人一定夠晒包㗎，同埋我覺得呢間餐廳唔會話好迫，亦都唔會話好嘈好適合

📍Flames (海濱匯) (觀塘)觀塘海濱道77號海濱匯1樓2號舖今晚約二位閨蜜在海濱匯Flames相聚，餐廳座位分為室內及室外兩部份，環境寬敞舒適，還設有梳化和吧枱，坐得好舒服。 ～大虎蝦龍蝦汁扁意粉大虎蝦肉質鮮嫩，意粉的口感滑順，完美地吸晒濃濃嘅龍蝦汁，味道鮮香濃郁，值得一讚。～美國頂級牛板腱配磨菇燒汁牛板腱煎到外香內嫩，完美呈現粉紅色嘅中度熟度，充滿肉汁，每一口都能感受到肉質的鮮美和醬汁的濃郁，令人一試難忘。～風乾火腿拼盤包括滑嫩嘅火腿片同鹹香嘅意式火腿，每一口都充滿濃郁嘅醃製風味，簡直係味蕾嘅享受，配埋紅腸片，微微帶有辛香，令味道更加豐富。

妹妹想食Pizza，我就諗起海濱匯Flames的薄餅，上次食過非常滿足，今日再來encore.餐廳室內室外都有座位，環境寬敞，坐得好舒服。我們order了二個晚餐，有凱撤沙律、香草白酒煮青口，相當唔錯，最欣賞當然是以下主菜 :❤️新鮮黑松露磨菇薄餅 一上枱已經聞到香濃既黑松露味，薄餅餅底薄身香脆，鋪滿一片片既黑松露、新鮮磨菇、香濃芝士，好特別，味覺超享受😋❤️10安士紐西蘭肉眼扒配薯條肉眼扒好大塊，煎得非常香口，油花分佈細緻，牛味濃郁，薯條外脆內軟，配啤酒一流。不得不一提的是這裏Happy hour 是星期一至日，全日都係$38，真係非常抵！#觀塘美食 #海濱餐廳 #週末好去處 #西餐推介 #hkfoodie

周日的中午，不用趕返工，睡到自然醒後，可以休休閒閒地享受一個午餐。位於觀塘海濱匯的Flames，空間感十足，有室內室外座位，絕對能帶給人寫意的感覺。Brunch Menu 有多款選擇，迎合不同客人的需要。《蘑菇湯》加$15菌香滿溢，濃淡有致。《8oz 紐西蘭肉眼扒配燒蔬菜》$188肉眼扒外面煎得香脆，滿滿的牛肉香，很有口感和嚼勁。伴碟的蔬菜也燒得很美味。《香草紅酒汁燴牛面肉配黃薑蕃茄飯》$118入口即融的牛面頰，滿滿的膠質，彈牙得來不黏牙，又無肥膩，滿口肉香。黃薑飯不單美味，還有很高的營養價值，超滿足。《Mocha》$18《Long Black》$18飯後慢慢享受一杯高質咖啡，為忙碌的生命叉叉電。

今次同大家介紹觀塘海濱匯嘅「Flames」，呢間西餐廳環境開揚，坐得舒服，仲可以望到海景🌊 最正係週末嚟食早午餐，只要大人叫一份，小朋友就可以免費享用兒童餐，慳錢又抵食！ 🍴今次試咗： ▫️8oz Rib Eye Steak 牛扒控必點！叫咗medium rare，切開粉嫩多汁，外層煎得香脆，肉味濃郁，配埋脆薯條同烤蔬菜，水準唔錯👌 ▫️Kids Menu (免費！Sat-Sun) 兒童餐超豐富！有脆卜卜薯條、拉絲炸芝士條同埋蘑菇火腿意粉，阿仔食到唔停口～仲有Kids Ice Cream，小朋友開心到拍手掌🍦 ▫️Caramel Smoothie 焦糖味香濃，口感順滑，甜度剛剛好，飲完成個人開心晒✨ ▫️Coke 普通可樂但夠凍夠氣，配扒一流🥤 總括來講，Flames食物質素高 價錢合理，最正係週末有免費兒童餐，家長們可以bookmark定啦～ 📍Flames (海濱匯) 觀塘海濱道77號海濱匯1樓2號舖 #觀塘美食 #海濱餐廳 #親子友善 #週末好去處 #免費兒童餐 #西餐推介 #hkfoodie

今日同男朋友都早收工😗所以就揸車黎左觀濱呢度行下😀之後就搵左間好開揚既餐廳試下😘😋香辣炸雞唔算好辣，食開10點小辣既我都處理到🥳炸雞夠哂香脆😙😋澳式雞鹽薯條薯條炸得外面微脆，內裡鬆軟😀雞鹽調味恰到好處，帶點鹹香又不會太重☺️無論是單吃還是配醬，都咁正😊😋燒大蝦三文魚籽龍蝦汁扁意粉大蝦燒得外焦裏嫩🥰鮮甜彈牙，同三文魚籽既鹹香爆汁完美配合😊龍蝦汁濃郁而不膩，帶住海鮮既鮮味😉😋意大利蘑菇煙肉薄餅薄餅個底烤得金黃色😊邊緣微微焦香，咬下去脆卜卜😊蘑菇切片新鮮，再配搭煙肉每一啖都充滿層次😚襯托番茄醬的微酸，平衡左成個風味😊

今次去咗志明橋附近食嘢～原來海濱會入邊都幾多嘢食，但係好多都靜英英😂😂唯獨走到最尾得兩三間特別多人！今次晏晝揀咗呢一間，超級多小朋友，而且極多人。餐廳仲有室內同室外區，睇得出好多都係熟客，見啲小朋友會同啲Staff講See You Again🥺成個氣氛好好! 食完之後發覺原來小朋友去食嘢兒童餐係免費😱-是日餐湯：南瓜忌廉湯🎃-沙律：凱撒沙律🥗湯品濃郁綿密，南瓜天然甜味與忌廉的奶香平衡得恰到好處。而羅馬生菜新鮮爽脆，巴馬臣芝士碎與自製凱撒醬比例適中，十分開胃。-FLAMES 特盛早餐🍳包含烤煙肉、香腸、炒蛋、雜菌、烤番茄與多士。烤番茄以香草調味，酸甜多汁。特別值得一提的是多士，好似食緊pizza咁。-8安士紐西蘭肉眼扒配燒蔬菜🥩牛扒外層帶炭烤焦香，雖然我哋叫咗五成，但係嚟到應該Over咗🥲但內裡依然肉汁飽滿。配菜竟然係一大大嚿！入面嘅西蘭花、紅蘿蔔、椰菜花都火候精準，保留食材原味

今日我嚟左觀塘海濱呢邊嘅海濱匯餐廳Flames食左個Brunch 入到餐廳我地揀左戶外座位用餐今日天氣都幾舒服，坐係出面吹住陣陣嘅涼風，一邊對住開場既景觀，一邊食brunch，感覺好放鬆呢到嘅brunch set 可以order一個Main同一個Pizza8安士紐西蘭肉眼扒配薯條Main 我揀左8安士紐西蘭肉眼扒配薯條，薯條係啱啱炸起，上碟熱辣辣，上面有調味既味粉，好香口，肉眼扒偏重牛味，上面有特殊既香草香料，口味配搭得幾好夏威夷薄餅Pizza配料有菠蘿、火腿、俄勒岡葉、聖馬札諾番茄同埋馬蘇里拉芝士🧀每片Pizza上都有一片大大塊既菠蘿，菠蘿好甜，一啲都唔酸，Pizza既芝士味好香，芝士同其他配料都好好咁融入係Pizza入面，作為一個brunch，以上已經十分豐富🤭飲品就叫左佢嘅凍齋啡，味道上唔會好苦，幾易入口

觀塘海濱滙《Flames》環境 時尚，播放著輕快背景音樂，又可以選坐室內或空內食野，認真寫意。✨️ 主食脆皮乳豬西蘭花苗配黃薑蕃茄飯 $318乳豬外皮金黃酥脆，咬落肉質非常 juicy。黃薑番茄飯，味道香濃，質地軟腍。✨️小食雞翼 $78呢款雞翼呢度有，與眾不同。首先，把雞翼炸到脆，再配上豆豉干、麵包糠、辣味粉等，惹味無窮。✨️伴碟牛油烤蔬菜$58有西蘭花、甘荀 和 粟米，材料新鮮，上面灑滿芝士粉和胡椒粉，惹味開胃。📍觀塘 海濱道77号海濱滙1樓2号鋪

放假最想搵個地方同朋友傾計食飯餐廳位置近海濱長廊，仲有戶外用餐區，個景幾靚可惜落雨冇得出去最吸引係個brunch,估唔到呢個價錢都食到肉眼，加$15有餐湯，仲包一杯野飲😳餐湯好足料，入面嘅蔬菜好多，酸酸咸咸好開胃淨係飲湯已經有少少飽同朋友諗住叫一個肉一個pizza 一齊食，可以食多啲唔同菜式，個肉眼黎到見到好大塊塊肉眼咬落去口感啱啱好，唔會咬唔爛，味道方面塊肉眼本身已有調味過，口味比較淡嘅我覺得唔需要醬汁味道已經好足，啱啱好，如果想再濃味啲點汁都唔錯最鍾意係夏威夷薄餅，黎到嘅時候啱啱出爐嘅煙仲飄緊，非常新鮮，我一拎起其中一小塊，啲芝士多到拉極都拉唔完，係芝士🧀愛好者嘅我，睇到都覺得好開心😃

最近去咗海濱匯嘅「Flames」食Dinner，原來佢哋轉咗新Menu，即刻忍唔住Order D新菜式試下，餐廳設有室內、室外座位，環境寬敞，好舒服。*此餐廳收取加一服務費。芝士肉醬千層麵（單點$158），表面鋪有番荽，千層麵口感軟硬適中，配以馬蘇里拉芝士、車打芝士、巴馬臣芝士碎食用，三重芝士味道濃郁，番茄肉醬味道酸甜。巴馬火腿配烤菠蘿哈密瓜（單點$118），表面鋪有即刨巴馬臣芝士碎，巴馬火腿味道鹹香，配以哈密瓜、烤菠蘿、糖醋漬紫洋蔥食用，可以解膩；火箭菜沙律，配以意大利黑醋食用，味道清爽。牛油烤蔬菜（單點$58），包括有甘筍、椰菜花、西蘭花、粟米、馬鈴薯，味道清甜，雖然只有牛油、海鹽、黑胡椒簡單的調味，但亦足以美味。自家製甜品（單點$78），白朱古力慕絲蛋糕，Mousse口感幼滑，味道香甜，配料包括有桑莓、草莓果醬。荔枝口味冰茶（單點$38），茶味濃香，味道清甜。

去咗間幾有氣氛嘅西餐廳，Flames 試咗幾款招牌菜，整體好滿意！ 首先係**白酒煮青口**，一上枱就聞到好香嘅蒜蓉同白酒味。青口size適中，肉質鮮甜，汁底濃郁，仲有啲香草提味，忍唔住用麵包點晒啲汁嚟食，正！ 主菜揀咗**牛扒配薯條**，叫咗medium rare，切開見到粉紅色，肉汁鎖得好好，夠嫩又唔會太生。薯條係粗身嘅，炸得金黃脆口，加少少黑椒同鹽已經好夠味，份量都幾足。 另外試咗**蝦意大利粉**，蝦肉爽口彈牙，意粉煮得al dente，醬汁係蒜香橄欖油base，再加咗少少辣椒碎，微微哋辣好開胃，唔會太膩。 總括來講，今餐食得好滿足，每道菜都有水準，服務都唔錯，下次會再encore！

已經好一段時間未踏足牛頭角，今次來到新地標海濱匯假日關係有好多餐廳都還未開門，一眼看到Flames的大大招牌（就好像跟我們揮手一樣🤣葡式燒雞扒漢堡配薯條🍔$128.漢堡包餡料是全塊雞扒（誠意十足、番茄及生菜，配上惹味的辣醬，包身軟硬適中，薯條新鮮出爐脆卜卜。黑松露卡邦尼扁意粉🍝$108.不會有錯的經典配搭，黑松露香味與卡邦尼的結合，我本身也好喜歡扁意粉（加分加分！另外加$35可追加一款甜品，我們就選了Tiramisu入口細膩飽滿，中間有焦糖手指餅，還散發淡淡的酒香味，讓人一試難忘.整體質素很高，每樣菜式都有驚喜

今日去咗既呢間餐廳係觀塘海濱道，環境非常舒服，食物質素都非常唔錯，仲有室外嘅用餐地方，非常之適合放假過嚟食個brunch。😚🐷8安士紐西蘭肉眼扒配薯條 肉眼扒叫咗五成熟，切開見到粉紅色嘅肉，咬落去都幾Juicy同埋腍，牛味好濃。薯條炸得香脆，份量都好多。🥩🐷馬格麗特薄餅 薄餅底烤得好香口感煙韌，上面鋪滿新鮮羅勒葉、酸酸甜甜嘅番茄、巴馬臣芝士同埋可以拉絲嘅水牛芝士，整體味道清新得嚟又唔會太膩，簡簡單單嘅配搭已經非常好味。🍕

前幾日放工想搵個地方chill吓，諗起公司附近有間想試好耐嘅西餐就去試吓啦，我同個同事兩個為食鬼叫咗三樣嘢，估唔到會咁飽🤣我哋叫咗香辣炸雞，諗住係小食，點知原來份量一啲都唔少，炸雞做得好香脆，而且一啲都唔鞋，俾我哋點雞食嘅醬亦好特別，之前我未食過嘅，辣辣地好開胃好好味，如果唔係幾廿歲食唔落咁多嘢，我簡直想encore多一碟😆比我想像中好食好多😋另外叫咗Aloha pizza同茄汁燴牛面肉扁意粉。其實個Pizza即係夏威夷pizza，見個名覺得幾過癮同埋周圍都好多人叫咗，所以我哋就叫吓，菠蘿係用新鮮菠蘿嘅，Pizza個皮做得唔錯，唔係好Hea嗰啲麵包feel嘅Pizza，我覺得都幾啱口味。最後想講吓個意粉，真係估唔到佢嚿牛係咁大舊，覺得真係好抵食，而且牛面肉做得好腍好入味，意粉做到掛汁同埋口感幾彈牙，非常滿意。今次無心插柳試新嘢，估唔到係咁正嘅，我推介喺附近返工嘅朋友仔要去試吓，一定唔會後悔。仲有佢哋嘅Waitress同Waiter都好有禮貌，充滿笑容，值得一讚👍🏻美味指數：😋😋😋😋回頭指數：🤩🤩🤩🤩